誠徵鎗手 |
日期:2009/06/06 06:25
留言者:Hawaiian
|
金孫[弊!睇台灣嘢多咗,被傳染添.]面世,估計有不少人爭住替佢演算將來,Hawaiian唔好執輸,要爭個頭報.萬一大富豪歡喜,重手賞封大利是都未定.橫掂唔使本,何樂而不為呢?根據相片,此子生來頭角崢嶸,龍眉鳳目,一副大富大貴相.又根據”秘密”得到的時辰八字,推算此子腳頭十分旺,能使父執輩謀求大順,無堅不摧.為母奠定高尚地位,更會帶來一眾弟妹.[如果够膽出位的話,可推測佢有異母之弟妹].二十歲之前享盡人生,視學位與證書如無物,二十歲之後漸在金融界露頭角,也在出生地撈政界頭頭是道,成就是華裔罕有.三十歲之後,放棄出生地國籍回歸祖國,在國家領導人中有一席位,此後扶搖直上,位極人臣. 死喇!寫到呢度左睇右睇都唔似樣,Hawaiian墨水所限,出盡吃奶之力也只能如此,東拼西凑.其實那些批命,百元的,萬元的,或天文數字的,何況唔係東拼西凑呢?不過至緊要有人信就掂啦!現在Hawaiian誠徵鎗手,把上列的資料增刪潤色,一旦被富豪看重,所賞的大利是一定按比例對分,決不食言. |
| |