唔好被估中 |
日期:2010/07/24 13:44
留言者:Hawaiian
|
與眾友人茶聚,天南地北,東拉西扯,由世界杯,賽馬,到中美南韓軍演角力….突然拉到台灣陳致中召妓事件,各人意見不一,但由於此子聲名狼籍,差不多一致望其衰到貼地.回家後百無聊賴,想起這件事,隱隱覺得件事唔係咁簡單,Hawaiian以粗人之心去度小人之腹,陳致中與民進黨絕不是君子,Hawaiian也不是小人,可能係一場戲,為陳致中競選造勢.陳致中以帶罪之身去競選公職,唔知除了台灣之外,重還有冇地方可以咁樣做?為了競選,民進黨乜做唔出?陳致中雖然話係脫離民進黨去選,但骨子裡仍然係為民進黨去鞏固南部斑無知鄉下佬的地盤.謝長廷用假錄音帶贏吳敦義,陳菊用假走路工勝國民黨黃姓候選人,馬英九係基佬,周美英偷報紙…..等等,無一不是民進黨的汚糟手段.但好奇怪,到頭來民進黨無論輸贏,都唔使點付出代價.咁今次又如何令陳致中贏呢?就要諗諗計,因為其己聲名狼籍,加上美國打緊落水狗,就算做件乜好事(你估佢會唔做呀)相信對拉起民望唔會好大,做壞事就更衰啦.咁點呢?嗱!咪扮受害者咯.大家夾埋做齣戲啦,呢啲八卦周刊做假新聞都唔係第一次啦.你睇下周刊話影唔到陳致中的相,但有其他證據.而陳致中唔係第一時間話告周刊,雙方隔空喊話,繼續放料佔晒所有傳媒版面.其他什麼五都競選行埋一邊.好嘞!陳作勢話告周刊咯,相信都係拖住,雙方繼續按劇本放料加溫,應召女郎啦,借車友人啦,錄音帶啦,什麼什麼啦……總之唔好被件事冷下去.到接近選舉日期,周刊登一則道歉啟事,話證據不足,所以一開始都係用”疑似”兩字,與陳致中庭外和解.到時陳致中就振振有詞話,自己一開始都係被冤枉,包括什麼海角七億,全是司法打壓.到時民進黨更配合狂攻,真假一齊上.馬英九都幾頭痛!最詭秘的是:民進黨對這件事至今冇乜反應,同其那伙癲佬潑婦性格有點反常. 唉!呢件事千祈唔好被Hawaiian估中.
|
| |