到與倒 |
日期:2011/02/13 11:49
留言者:Hawaiian
|
朋友考Hawaiian,問兩個字一是到,一是倒 ,Hawaiian呵呵大笑,這兩個字小學生都識啦. 佢再問識唔識解? Hawaiian答:深層次的意思就唔識,普通的意思應知道,先講到字,抵達即是到達,來到. 少時在鄉下讀書,早上老師點名,被點者必大聲應”到”.倒有跌倒扑倒即跌低扑低,倒台即垮台,倒閉即執笠,顛倒即反轉,倒霉倒運即行衰運,倒垃圾即把垃圾丟去,還有倒米壽星,倒塔咁早……等等,倒字冇幾個係好形容詞. 佢又話,顛倒即反轉,可否舉例? 得之至啦.嗱!上同下,長同短,冷同熱,高同矮,富貴同貧窮…… 佢又問:咁福呢? 福咪係禍咯. 被佢食住鑼鼓,既然反轉福是禍,點解有人新年把福字倒轉貼呢? 嘩!原來裝彈弓,好得Hawaiian一向都係把福字四四正正咁貼,被佢問到口啞啞,唯有請佢去下其他人啦.
|
| |