廢話一篇 |
日期:2011/03/11 12:43
留言者:Hawaiian
|
這兩日接到不同地方的朋友來電或電郵,問Hawaiian是否也是一個快樂的人?真被問得莫名其妙.其實一個人不可能成世都快樂,也不可能成世都未快樂過,視乎比例同相對而言.朋友點解咁問呢?原來是New York Times近日選出了夏威夷係美國最快樂的州,最快樂的人也住在夏威夷.連忙找舊報紙看看,發覺係極主觀的看法,不能以此作準.夏威夷入選的原因是陽光與海灘,喂!大佬!單係呢兩樣嘢就快樂咩?世界有好多地方都有啦,唔使其他生活必須品咩?以Hawaiian這樣階層的人來說,在洛杉磯不用一元的菜心,在此地要二元半才買到一磅時,相信不會好多人會快樂.如何才是快樂的人呢?New York Times就咁話,不必為錢而工作(相信九成以上的夏威夷居民做唔到).多與年青人溝通(百分百啱).要適應多變的環境.要有幽默感,尤其是對自己.要有很多不同的朋友.不因年齡而放棄學習機會.最最重要一點是,要有宗教信仰.咁以上的條件又要在乜基礎上呢?首先要有錢!過基本的舒適的生活,雖然錢不會令你快樂.其次是要以家庭為核心,高於一切.看到這裡,Hawaiian心想,在夏威夷住的人有幾多可以合條件呢?難講.咁就叫做最快樂的州,其他的咪更差?好彩冇打算離開搬去別處啫.然則那個王先生又如何入選最快樂的人呢?1,夠高(即係話矮的人唔會快樂),2美國亞裔人(其他裔族的唔使有快樂機會).3信猶太教(奇怪?動不動都示威抗議的美國人,信其他宗教的點解冇出聲呢?)4六十五歲以上(未夠的應冇快樂).5有家庭,己婚,有子女(小超人算唔算?)6在夏威夷住(其他地方冇得傾).7有自己生意(打工仔莫望有快樂).8年入十二萬美元或以上(有呢個收入的人唔知有幾多個呢?難怪世上咁多人唔快樂.如果Hawaiian有,相信比現在更快樂.) 睇完成篇嘢,原來係辛尼兄的大作-------廢話. |
| |