 盲打誤撞 |
日期：2011/05/12 23:55
留言者：Hawaiian
 |
佛誕賽馬,Hawaiian首嚐今季慘敗,全日十一比零,一毫子都冇得收.賽後致電香港老友哭下馬喪,順便問下佢的戰績如何?誰知佢話雖冇買過一毫子(Hawaiian大奇),但比你慘敗更悽凉,搞到一褲都係.問發生乜事?原來其妻得病要入急症室.星期一兩公婆飲完茶,老友返家刨馬,其妻去買餸,不久便回來.告知有點唔舒服,有點頭輕輕,入房歇一陣.約一粒鐘,其妻大呼叫佢入房,話頭暈加劇,覺得天旋地轉.老友連忙替其搽藥油啦,識做的都做齊,但冇用.而且惡心不停嘔吐,人只能躺下,頭不能抬起,上廁所也不能.後來叫白車入院,重有乜心情賭馬?佢話係耳水唔平衡喎,Hawaiian告訴他是否叫耳水唔平衡就唔知,只知英文叫做vertigo,查過中文譯做眩暈.點解會留意到呢一瓣呢?說來話長,十幾年前本人己退休的大舅兄,身體一向很好,突然一日患上此病,(據醫生話患者多是六十歲的人),驗血,照X光,超聲波,磁力震蕩乜都出齊,打針食藥只能止一陣.又懷疑生瘤,又懷疑乜懷疑物,成大半年醫生都冇晒計.後來聲音大一啲,光線猛一啲都頂唔順.家母以佢中國古老傳說對Hawaiian話,會唔係血虛兼有風呀?Hawaiian聞言,以搏九十九倍大冷門心態,買來老薑豬腳甜醋,煲一大煲,這是大舅兄的至愛,就算唔好都得餐食,果然奏效.後來多整兩煲,十幾年來不見復發.佢七八歲移民到此,接受全盤西式教育,斗大的中文也不識夠一籮.現在對針灸,拔罐,拍打,氣功…等深信不疑.還有切身一例,三四年前老妻也突然患此病,因為嘔吐把藥全吐出來,全功盡廢.搞到入院用打點滴方式把藥打入血管,Hawaiian當時也被搞到一頭煙,結果也是豬腳薑醋搞掂.
Hawaiian在電話告訴老友,定啲來,照辦煮碗啦,保證星期日你可以賭馬.你話呢招叫盲打誤撞亦好,搏大冷都好啦,信不信隨便你.
|
| |
Re: 盲打誤撞 
