老友來電,話有筍嘢益Hawaiian,忙赴約.老友拿出兩份旅行行程表: 其一是京韻皇城樂遊,京津八天遊.節目內容十分豐富,故宮,頤和園,鳥巢…..等等熱門景點全在內,應有盡有.另長城,天津,承德山莊亦在其中.住的是希爾頓或同級的五星酒店,吃的是烤鴨,涮羊肉火鍋…..等美食,坐豪華巴士及高鐵,機場接送. 其二是繽紛江南美食八天遊,包括上海,南京,無錫,蘇州,杭州.有齊各地出名景點,食住行都是一流. 看過之後,老友問有冇意思?Hawaiian搖搖頭,因為所有的景點己去過,華東諸城去年剛重遊,短期內不會再去.但老友話:如果價錢吸引你去唔去?Hawaiian隨口話:唔通唔使錢咩?老友話:就係!隨即把收費表展示,參加者只負責來回機票,每日小費十元美金,共八十元,另八十元是看某指定的節目收費.之外其他一切免費,京津團報名費每人九十九元美金,江南團是四十九元.嘩!!!!咁大隻蛤乸?邊個出錢呀?老友話:中國咯,係由兩間在加州的旅行社合辦,有網址電話,你自己查下啦,我打過電話去問過,好多人都話係真事實. 回家立刻上網,所看到的與老友講的一樣,有二三十問答題.其中有一條咁問:為什麼這麼便宜?答:本項且是以商業運作為主,相關部門提供補貼為輔的特惠旅遊專案,目的是讓不常回國的海外華人華僑回國,看看中國的發展和變化,本團只限持美國,加拿大,英國,澳大利亞,新西蘭,墨西哥,巴西等國家蘐照和綠卡的華人參加,去年有超過一萬五千人參加. Hawaiian左睇右睇,都冇法知道提供補貼的相關部門係乜水?因為這不是一筆小數目,話明係以商業運作為主,點解唔見有商業機構的名字出現?個商號印細一啲都唔得啦.如果係中國政府贊助,點解唔見有堂堂正正相關部門的名字?真令人生疑,好啦照電話號碼打去問問,但印出來的免費電話打唔到.還是老妻醒目,話有部分免費電話夏威夷唔適用,馬上致電加州的老友,叫佢照號碼打去,如果有人聽,要求被一個夏威夷可打的號碼.好快得到號碼又打通,接聽的女仕一問三不知,你睇網啦,所有資料都在網上.問佢係邊個出錢贊助更不知,我只係負責賣機票的.可否有其他人問下?暫時冇,你明日打過來啦. Hawaiian有好多疑問冇法解答,呢單嘢係堅係流?希望知情人事釋疑團,先謝過