欸乃 日期：2012/03/12 15:39 留言者：Hawaiian 朋友約去飲茶,佢知Hawaiian冇墨水,經常被其戲弄,今次拿出兩個字用蠱惑的眼光望住問,你識唔識讀同解呢兩個字?望了一眼,反問:識又點,唔識又點?佢答:你識,今餐我請,唔識就你請,制唔制?Hawaiian話你知本人係賭仔啦,咁細冇乜意思喎,不如賭餐晚飯如何?佢答應.咁你就洗耳恭聽嘞,Hawaiian一竅不通,偏偏就識呢兩個字.”款乃”,欸不讀籌款的款音,和乃不讀牛奶的奶音.咁點讀呢?應是梢公搖櫓棹槳時發出的磨擦聲,又可以是關門開門的聲,做大戲當演員做開門關門手勢時,音樂方面就發出兩個音符配合.”欸乃”就是讀近似呢兩個聲.朋友大奇,點解你會識0既?告訴佢唔好以貌取人,正如一隻呆頭呆腦的馬,分分爆到七彩.多年前聽過一位前輩學者唸過一首詩,裡面有好多字係用古音讀(即係有部分尚存在廣東話裡面的)係特別生動,當時也寫過呢啲字出來,可惜時日己久,一切隨風而逝,只學識”欸乃”兩個字,你應輸得心服啩!還有,少年時在鄉下曾見過有人將門字拆開來讀,一邊作頭一聲,另一邊作後一聲,查字典冇呢兩邊字,想來都是胡亂自創的玩意. 朋友話,”款乃”佢係聽任劍輝唱的----“有情活把鴛鴦葬”知道的,問知唔知這句曲詞點解? Hawaiian唔敢亂噏,回家搵番支曲來聽下,都被弄到一塌糊塗.搞唔清楚到底個梁山伯做乜?佢當時係死咗啦,個英台妹都跳咗入來,重怨乜呢? 請高明解釋下,幫Hawaiian搵多餐茶,唔該!

Page: [1] [2]

< 回上一頁

Re: 款乃 ( No.1 ) 日期：2012/03/12 14:37 留言者：過路客 「款乃」唔知會唔會係「欸乃」之誤？因為「欸乃」，據詞典有如下解釋： (1) 象聲詞。搖櫓聲。 唐 元結《欸乃曲》：“誰能聽欸乃，欸乃感人情。”題注：“棹舡之聲。” 唐 柳宗元《漁翁》詩：“煙銷日出不見人，欸乃一聲山水緑。” 清 黃遵憲《夜宿潮州城下》詩：“艣聲催欸乃，既有曉行船。” (2) 象聲詞。棹歌，划船時歌唱之聲。 宋 陸游《南定樓遇急雨》詩：“人語朱離逢峒獠 ，櫂歌欸乃下吳舟。” 元 鄭光祖《倩女離魂》第二折：“聽長笛一聲何處發，歌欸乃，櫓咿啞。” (3) 象聲詞。泛指歌聲悠揚。 唐 劉言史《瀟湘遊》詩：“野花滿髻妝色新，閒歌欸乃深峽裡。” 宋 葉適《靈岩》詩：“亡王未亡時，絶色館孤峻。歌聲妙欸乃，俎品窮蛤蜃。” Re: 款乃 ( No.2 ) 日期：2012/03/12 15:53 留言者：Hawaiian 多謝指正賜教!Hawaiian頓首.回憶當年前輩學者係寫”欸乃”的,重話千祈咪讀”款乃”呀.那日朋友係寫”款乃”,Hawaiian自作聰明,張冠李戴重扮晒嘢,結果自暴其短.回家聽任劍輝唱又係”款乃”,曲詞又係印住------記得款乃一聲聲，我前情回首認，你笑問鴛¬鴦蝴蝶，恨我未曉把花栽。 所以一錯再錯,今幸蒙指正,Hawaiian再謝. 並把錯字更正. Re: 欸乃 ( No.3 ) 日期：2012/03/12 20:50 留言者：guan 記得欸乃一聲聲，我前情回首認，你笑問鴛鴦蝴蝶，恨我未曉把花栽。－－就是说梁山伯回忆起昔日同祝英台泛舟水上的情景，当然也可以理解成梁山伯同祝英台在河边，看着水面的情景，包括正在摇櫓的小舟，水中畅泳的鴛鴦和在荷花丛中翩翩起舞的蝴蝶． 欸的正确读音是ei6。就是类似英文字母A的发音，不过一般英文字母我们都发阳平声，如果把A用阳去声唸，即是广东话九声六调的第六调，就是欸的正确发音了． 乃则唸蔼，和蔼可亲的’蔼’音。 欸乃唸ei6蔼，所以任姐唱此曲时应该是唱错了． Re: 欸乃 ( No.4 ) 日期：2012/03/13 02:03 留言者：蕃薯 電郵：yingmui2007@gmail.com 在抗婚月夜逃中亦有一句<<一聲河款..便巳勞燕西東>>原唱都是唱款音.. Re: 欸乃 ( No.5 ) 日期：2012/03/13 07:42 留言者：小朋友 我太太在深圳操這首曲時,是跟唱任姐版, 但有位過路人說款乃是唱錯字,但曲譜是這樣寫. 抓爆個頭都想不出為何唱錯？ 後來找到這段片斷,以後轉跟龍劍笙唱此版本。 【記得款乃一聲聲】留意5分55秒 http://www.youtube.com/watch?v=H99CBZ5Dt2w&feature=related Re: 欸乃 ( No.6 ) 日期：2012/03/13 10:16 留言者：麥友成 都係聽唔清!係咪怒噯呢?

Page: [1] [2]

< 回上一頁

- 阿立粵曲天地 -

聲明