事後孔明 |
日期:2012/04/14 12:03
留言者:Hawaiian
|
近來在傳媒上出現最多的名字,相信非”薄熙來”莫屬.照這幾日的行情來看,此君能否保住性命都難講,政治生命肯定打了柴.不過世事無絕對,但翻盤的機會微乎其微.擁兵政變,再一條裡通外國,足以打入十八層地獄.當年橫刀躍馬戰功赫赫的彭大將軍,就是被這頂大帽壓死.以及曠世奇才戰神林副統帥,也落得如此下場.何物熙來?竟斗膽違抗朝廷,明目張膽把洋鬼子的情報人員養為幕僚.一如鄧先皇上話齋:罪名如新疆姑娘的辮子,隨手可抓到一條. 其實薄公子身材高大,英俊瀟灑,做事乾脆利落.外形才華都比習皇儲高一兩斑,加上背景雄厚,後台硬淨,而且江太上皇有意栽培.先入京當官,再出仕大連,繼而做封疆大吏,成個西南王,隨時返京繼位.形勢是大好,不是小好.咁點解今日會咁失策成為階下囚呢? Hawaiian百思不得其解?唯有在更深夜靜,沐手焚香,祈望上蒼開示.果然有心即靈,只見一道虹光直透頂門,馬上開竅. 啊!原來如此.薄熙來父是薄一波,早年在山西起兵對抗國民黨,以弱對強實行”搏一搏”,果然搏到做開國功臣,為後人提供了雄厚的背景.薄熙來為”搏起來”,不惜在文革時批鬥老父求出位,改革開放後皇恩浩蕩,沐恩沾露”搏起來”,再做封疆大吏,直程係”勃起來”.娶妻谷開來,山谷為佢張開來,還不是康莊大道,昂首向前平步青雲?前景一片光明.弊就弊在咁樣產下一兒,好叫唔叫做”瓜瓜”,人人都係搏好搏生存,佢就搏”瓜老襯”,而且兩個瓜,有乜法子佢兩公婆唔一齊瓜直呀?而且薄公子到了四川,竟然唱紅自比紅太陽,犯正地名.四川全係山,”日薄西山”你話死唔死呀? 都係香港馬會好嘢,當日把原本譯咗叫薄斯同韋紀克的兩個騎師,馬上改叫薄奇能同韋紀力.英國佬重好嘢!將原來叫魏德巍的政治部主任,改名衛奕信出任港督,唔使偽得來危險,繼之又安定又康泰.第一任特首只懂得建設中華,唔識治港.現任重弊!只係識得庇蔭在阿爺的權力下.寄語候任特首,不如改做”振港”先上任吧. 寫完呢篇嘢,相信Hawaiian都夠資格去做神棍咯.
|
| |