Re: 牛奶咀吹水廣場(一) ( No.1 ) |
日期:2005/07/01 17:41 留言者:阿雪
|
老三哥哥/姐姐; 你好, 你可唔可以介紹下你自己呀 ?? 我係阿雪, 排行包尾, 連牛奶咀班都冇份, 但係鍾意粵曲....咁你呢??
靚糖煮有個聊天室#4, 係可以吹水同談天說地o架, 你可以過去睇下. |
|
Re: 牛奶咀吹水廣場(一) ( No.2 ) |
日期:2005/07/01 17:40 留言者:老三
|
簡單自我介紹一下先;我老三在小童於廣州成長時,隔離和附近都住左好幾位大老倌,小童時已常鑽入大老倌處看、聽他們開私伙局唱曲,並學玩左好幾樣樂器小小,但玩得唔湯唔水就放棄埋學落去。又自知聲線底沉學唱野亦無天資,唯有繼續愛聽粵曲罷了。來香港後,許多年前於榕樹頭聽曲又撞番孩童時齊齊學拉二胡的老友,他在那里做師傳。故又間中繼續在工餘接触粵曲。近年唱K多了,發覺唱下粵曲亦一樂也,所以最近走左去工聯會報名粵曲班學唱粵曲,是真真正正如假包換的牛奶咀。 |
|
Re: 牛奶咀吹水廣場(一) ( No.3 ) |
日期:2005/07/01 17:52 留言者:阿雪
|
老三呀, 我都係小時候跟我外婆睇大戲, 留有印象, 到幾年前, 再聽粵曲, 發覺粵曲不但有故事結構, 而且詞句如詩詞, 所以便鐘意粵曲... |
|
Re: 牛奶咀吹水廣場(一) ( No.4 ) |
日期:2005/07/01 18:01 留言者:老三
|
阿雪:妳話妳牛奶咀都冇份,咁我就死喇,用錯左牛奶咀既意思添,以為凡係最最最初學粵曲果D人,就算係牛奶咀添。 |
|
Re: 牛奶咀吹水廣場(一) ( No.5 ) |
日期:2005/07/01 18:20 留言者:阿雪
|
老三呀, .....你唔駛狂呀......, 米喊住咋....., 呢到有好多哥哥姐姐, 有d自己話係牛奶咀, 有d好叻o架, 唱曲好好聽o架, 你去大笪地聽下就知喇. 我就真係冇得入牛奶咀班o架, 因為我係跟CD唱曲, 都冇學過.....鞋..... |
|
Re: 牛奶咀吹水廣場(一) ( No.6 ) |
日期:2005/07/01 18:53 留言者:小奀子
|
白雪雪,妳盜版,盜用咗我個無註冊o既"未升牛奶班"!
蝦佬,老三,妳好!歡迎妳,我係奀老二,多多指較! |
|
Re: 牛奶咀吹水廣場(一) ( No.7 ) |
日期:2005/07/01 18:56 留言者:阿雪
|
奀二爺, 我唔係盜用, 你又真係冇註冊噃.... 我係加入你個班咋...你唔係連呢班都唔俾我入吓..... 奀二爺, 你蝦我..... 我甚淒涼.....我仲淒涼...... |
|
|