令人火滾的電話 |
日期:2006/02/22 17:55
留言者:hawaiian
|
是日休息,承妻命打電話到銀行談保險箱續期.電話接通,傳來一把女人聲:歡迎你打電來某某銀行,你的來電對我們是十分重要.如果你要查詢乜乜,請按乜字.我反覆聽了幾次,由1到9都冇話有關保險箱的.但有一項是:如果需要直接同本行職員通話,請按0字.照指示做,聽筒傳來是音樂聲,一兩分鐘後,有女聲話:我們的職員十分繁忙,請唔好收線,我們會盡快為你服務.跟住又係音樂聲,每隔幾分鐘又重覆這把女聲.我等了三十多分鐘,仍冇人接聽.最要命的是音樂突然窒一窒,你以為有人聽了,誰知表錯情.唯有收線,撥另一號碼,結果又係一樣.花了個幾鐘,竟然冇人聽電話.無名火起,粗口衝口而出.打探之下,原來所有機構都是如此,你要發火,咪鬧架錄音機咯.又係一個偉大發明,費時,失事,激氣!唔知有冇人經歷過呢? |
| |