 Re: 如何克服緊張心情?? ( No.1 ) |
日期：2006/04/29 06:18
留言者：Sunny Lau
電郵：sunnylau288@netvigator.com
 |
V :
好耐冇見啦，知你開始埋音樂位，其實初初好多人都驚，但慢慢就會克服，你記住啦，對住D音樂師傅更加唔使驚架，因為你系佢米飯班主尊老闆黎架，有D音樂師傅無論你唱得好唔好，都唔會彈你嫁，有D重拍爛手掌添！使乜驚播！ |
|
| Re: 如何克服緊張心情?? ( No.2 ) |
日期：2006/04/30 01:25
留言者：vivian
 |
sunny哥哥,
真係好耐無見你了,近排好嗎?
無,我係緊張大師,有咩都擔心一餐。其實我都未必有機會上台la, hahahahaha  同埋呢,你誤會左,我唔係驚d音樂師傅鬧,佢地好好人架,係因為有其他同學仔,加埋面前既音樂師傅,加加埋埋十幾人,又未試過,多左好多樂器同鑼鼓,好似好唔同咁,先驚到唔知點算者！同我一齊個朋友,佢第二次唱,都仍然好驚,原來佢有一刻同我既諗法一樣,唱唱下想走左去。不過我地個老師好好人,不時在旁搭膊頭幫我地打拍子,拍下拍下,個心又好似定d咁喎,個感覺幾得意架。
同埋我覺得唔係米唔米飯班主既問題,咁呢d係音樂師傅既職業者,睇你自己點睇,我會覺得「讚」係一種鼓勵,「彈」就係磨練,不過,俾人罵得多彈得多,真係信心下沉架。
好似我學基功個度咁架,其他同學仔都一把年紀啦,我都唔係十幾歲,佢下下教埋d飛腿阿成,真係好難架,做唔到會鬧你:你唔好賴喇,轉左定轉右,左右不分。我呢d面皮厚就梗係hahaha笑下就算,有個女同學斯斯文文,真係俾佢罵到失晒暈架。有次有d動作唔識,問佢,點知佢話:你唔好跟我做啦,你見我成日俾人鬧就知我唔得架,你問其他師姐啦！好明顯感受到佢既自信心下沉緊。不過我都好明白佢係教到火滾,教極都唔識。無計啦,咁我地年紀又大又蠢嘛！
 |
|
| Re: 如何克服緊張心情?? ( No.3 ) |
日期：2006/04/30 15:53
留言者：嘩嘩
 |
vivian
其實緊張心情是好難克服的,而且別人亦幫不到你,一定要靠自己,這種心情係每人都會經歷的。
(同我一齊個朋友,佢第二次唱,都仍然好驚,) 這也是正常的，我記得我有啲同學第一次出台表
演時,条裙震到飄下飄下，仲捉住个"拍拿"隻手唔肯放手。而另一个同學做咗十幾年戲，而家
依然仲好驚。所以話要克服緊張心情一定要靠自己,只要你唱歌時係有練習過,而已經盡咗力,
用个平常心去唱，咁心情都會放鬆啲,冇咁緊張嫁啦!  |
|
| Re: 如何克服緊張心情?? ( No.4 ) |
日期：2006/05/02 02:50
留言者：vivian
 |
嗶嘩,
震到條裙飄下飄下少事呀,最怕連把音都變埋。
不過我都知係工多藝熟既,因為我細時斬參加個校際音樂比賽,老師為免我地驚,就安排好多show俾我地出,但每次都好驚,前面又光「撐撐」隻手震到唔知彈d乜,好在係大合奏,
到後來正式比賽,都好驚架,糊呢糊塗羅左獎,跟住係一年不停既巡迴表現
到第年參加,唔認驚,第三年我轉玩叮叮琴,要solo添,仲同個指揮頭顎顎打拍子添,我諗,呢d就係經驗問題囉！ |
|
| Re: 如何克服緊張心情?? ( No.5 ) |
日期：2006/05/02 03:52
留言者：嘩嘩
|
vivian
有咁多出場經驗點解還會驚呀? 你只要話比自己知,出場表演時就當以往表演一样,有人倍伴又何用驚慌呢?  |
|
| Re: 如何克服緊張心情?? ( No.6 ) |
日期：2006/05/07 01:56
留言者：vivian
|
嘩嘩,
我講緊個d係n年前,口風琴比賽,次次都幾十人一齊出show,點同呢?仲有,個陣一首歌練一年先比賽,咁多時間,而家係兩條友,仲要每一粒音,每一隻字清清楚楚入晒咪,仲要帶住d音樂,幾時入,快d,遲d都會好覺。而家學左五個月,知道「粵劇」呢門中國傳統藝術真係好高深既學問,愈學愈多野唔識,真係可以學十年八年架,所以好佩服d粵劇工作者,唔只係d老倌,對佢地多左一份尊重！
你話點可以唔覺得緊張呢? |
|
| Re: 如何克服緊張心情?? ( No.7 ) |
日期：2006/05/07 13:21
留言者：小珍子
 |
vivian:
學粵曲呢樣嘢, 十年八年之後, 你可能更加驚過而家, 因為到時你更加覺得
粵曲這個學海真是無涯架, 學了十年原來只學了少少咋!!!!!
|
|
| Re: 如何克服緊張心情?? ( No.8 ) |
日期：2006/05/08 17:54
留言者：yuenyuen
 |
Vivian 曲友,
對付緊張, 其實並無不二法門.
關鍵只是您在操曲或正式演出前的練習, 先撫心自問是否可以說得上是純熟.
在節奏上是否控制了, 是否背曲, 清楚鑼鼓譜子, 音樂過門等.
最重要是精神要集中, 但又要一眼關七, 您不能瞌著眼去唱歌吧 !!
要告訴自己, 粵曲是一項綜合的藝術, 要收獲呢, 快不來, 急不了.
若做了預備功夫, 出來的效果也不理想. 則要檢討所出現差錯的情況基於什麼因素.
緊張是正常的. 經驗是慢慢累積, 有些人很快能把握到狀態, 有些人則比較慢.
熟能生巧也算是一個方法, 我則是將勤補拙 !
您又有什麼看法 ?!
阮沅 |
|
| Re: 如何克服緊張心情?? ( No.9 ) |
日期：2006/05/15 02:45
留言者：vivian
|
yuenyuen
hehehehe，其實我都無機會出台表演既，之不過係講下Vivian 曲友,
「操曲或正式演出前的練習, 先撫心自問是否可以說得上是純熟.，在節奏上是否控制了, 是否背曲, 清楚鑼鼓譜子, 音樂過門等.」
認同呀，可能我學得時間短，學耐ｄ熟ｄ，信心大ｄ就安心ｄ啦．．．ｈａｈａｈａ．．．多謝你既提點！
若做了預備功夫, 出來的效果也不理想 |
|
| Re: 如何克服緊張心情?? ( No.10 ) |
日期：2006/05/28 14:36
留言者：choco
電郵：Choco_fei@yahoo.com.hk
 |
下....咁架...我少少野都好驚個wo..就算係做話劇同oral都驚到肚疼...
我仲諗住今個暑期開始學,,見你地咁廣,,我都吾知點好.... |
|
|
如何克服緊張心情??
