 Re: 想通了 ( No.18 ) |
日期：2006/06/07 18:18
留言者：上田下心
網頁：http://www.perreng.com
 |
那個青年是半驚半唔憤氣﹐又唔夠那個惡人大份﹐又社會經驗不足﹐真凳他唔扺﹗佢應該大聲叫司機停車報警﹐不過可能他是坐上層﹖不過﹐香港人同我地看法是好不同的﹐個巴士司機未必會理他呢﹗
我以前在港曾有這樣的經驗﹕坐巴士﹐人太多﹐車過重上不到山﹐司機叫我們搵人落車行上山頂﹐他會上到去後再接翻我們上車。冇人肯下車﹐我和同學便下啦﹐點知去到山上﹐他竟然飛站唔理我們。真夠 professional-not 啊﹗ |
|
| Re: 想通了 ( No.19 ) |
日期：2006/06/07 16:59
留言者：hawaiian
 |
報警?有用嗎?就算警方受理,至多都係警誡了事,因冇刑事成份.唔知各位有冇咁0既經驗,有事在巴士上發生時,如打荷包,司機會把成車人全部車去警署交警方處理,你估成車人會對兩條友點?個後生仔唔知對方係乜來頭,無謂將件事搞大.事後報紙話佢係地產公司東主,有正當行業.呢個故事亦係一個很好的教材,忍一時之氣,免百日之憂,退一步海闊天空.如果一時火遮眼,打起上來,惹來官非,可能會留案底,成世都頭痕.hawaiian很佩服個後生仔,廿三歲能忍得住,唔係好多人做得到.呢件事又佩服香港人的效率,上網不出兩日,就有中英文字幕配上,後來又出現幾個版本,hawaiian覺得最好笑的是配上陳水扁把聲那個, 難道阿扁錯了嗎?難道阿扁錯了嗎?笑到肚痛.
兒歌姐:
這裡的氣候一年到晚在22-25c咁上下,冇乜冷熱,hawaiian從事建築裝修,一年都冇三五日汗流浹背,除非在烈日之下工作.如走到樹蔭下,體弱站久一點會覺得陰陰凍.任日間如何熱, 入夜就會涼,不會因熱而睡不著,近天光時還要蓋一蓋珠被.所以此地的人頭腦比較單純,坦白一點就係蠢.一般人動作很慢,駕車者等那些過斑馬線的人,有時真要爆血管.大多數人的數學很差,尤其是心算,一些好簡單的心算也不行,hawaiian有次買了七角七仙的物件,先給一元,突然想起需要一個二角五仙的硬幣入錶,再給二仙,此時收銀員不知所措,擘大個口望住我,唔知應找番幾多才對?我告知她係兩毫半,她很懷疑之下給我一個兩毫半的硬幣.又有次在超市買了六支果汁,每支1.69,收銀機打出23.6,我告訴收銀員是錯的銀碼,佢重覆個銀碼一次,我再話係錯,佢又重覆一次,第三次我火了,佢話架”未先”打出係咁多………這裡民風純樸,一般人很友善,碰面時就算不相識也會報以微笑,也沒有什麼潮流不潮流,女性可穿十年前的衫去街返工或去赴宴.
很佩服澳洲人對那件事的原則及齊心,這分明是官商勾結.浮雲大亨雖然富可敵國,但好多時都受非議的,最顯著的是香港公[居?]屋電視天線事件,這件事後來點樣,希望香港方面朋友講講.
|
|
| Re: 想通了 ( No.20 ) |
日期：2006/06/07 20:42
留言者：1010
 |
請問,從那可收看"巴士亞叔"事件 |
|
| Re: 想通了 ( No.21 ) |
日期：2006/06/08 00:12
留言者：麻瓜朱
 |
1010,
麻瓜先斬後奏﹐把JoeJoe賢兄的"心機" 轉寄給你﹐希望你來得及看吧！
請千萬祝福他買乜中乜  |
|
| Re: 想通了 ( No.22 ) |
日期：2006/06/08 01:16
留言者：兒歌
 |
1010
嘩！你又靚又識放電，"巴士亞叔"遇上妳，都電到暈咗，冇得惡啦！哈哈！
我對那被駡青年啲忍功也怎為佩服，只是点解佢要坐喺度聽佢發嗡風呢？唉！人生經驗不足就俾人蝦？！倘若係我，對佢笑吓就落車，啋佢都儍！若果再唔係，就放大喉嚨大声喊，个陣睇佢点死？! 嘻嘻！女人都敢鬧？未死過呀吓!!!哈哈！ |
|
| Re: 想通了 ( No.23 ) |
日期：2006/06/08 02:08
留言者：qq
 |
夏娃姨人, 雞毛蒜Ｄ。。報警估計是不受理，但有些事是估計以外的，
我直覺那青年是受到恐嚇，和侮辱。而那狂燥症狂人也應受到warming,
對于那些同巴士的乘客, 雖然做成不便，但他們也不應置身事外，
應想o下...事情如發生在他們身上，又怎呢？這等情况, 那青年應該
做他應該的事。
對于這事件, HK 傳煤也應多些傳遞一些正面消息给社會羣眾，
而不是那些??追星新聞吧！！ 
又或者用兒歌的方法，溜之大吉，亦是上策。。。 
夏娃姨人, 請問你在夏娃姨那個島呢？夏娃姨我只去過幾個島，
我很喜歡貓兒島呀！大島也不錯，空氣够清新。  |
|
| Re: 想通了 ( No.24 ) |
日期：2006/06/08 02:17
留言者：上田下心
網頁：http://www.perreng.com
|
Q頭﹕佢係男來架﹐係夏威夷人﹐不是娃姨來呀﹐你因住佢告你呀﹗
夏威夷叔叔﹐(有得認細梗係認啦) 你有冇種到有雞蛋花呀﹖那年我在大島買了株好細的(冇根的)回家種﹐種了幾年都只有葉冇花﹐媽媽說我不會種﹐她拿回家種 (室內種﹐北美東冬天對它太冷)﹐又過幾年﹐哈哈﹐母親嬲得制掉了它喇﹗ |
|
| Re: 想通了 ( No.25 ) |
日期：2006/06/08 03:05
留言者：qq仔
|
| Re: 想通了 ( No.26 ) |
日期：2006/06/08 03:44
留言者：1010
|
| Re: 想通了 ( No.27 ) |
日期：2006/06/08 18:47
留言者：hawaiian
 |
hawaiian曾對老婆大人講,可惜無做戲,否則一定出名.老婆話:”真係飽死,你話乜都得啦,不如你話係伶王.”哈哈….有證據畀佢睇,hawaiian在這爿天地現身不過三兩個月,只是企出來,還未使身扎架,已有粗獷形象,張飛,李逵,牛皋,魯智深之適合人選,小q仔驚到躲在台邊唸唸有詞.
其實qq,q仔,q頭, 你地係邊個打邊個我也分不清楚,也不知是男是女?hawaiian雖是老粗一名,但甚少鬧人,就算鬧人亦好少用粗口,除非被激到好興.平時交談很少講粗口,只是很少並非絕無.我有三不講,對長輩上司不講,對家人親戚不講,對大多數女性不講,只是大多數,對著那些潑婦,非用粗口出擊不可,否則都幾難身退.hawaiian講粗口是在憤怒或得意忘形[如自摸絕章卡窿]的情況下,所以小q仔唔使怕,hawaiian伯伯唔會鬧你,本來想話係公公但怕誤會了那種公公咁邊度都唔使去啦.不過女人咪女人囉.hawaiian來世都想做女人,感受下女人被人愛惜的受覺,hawaiian好惜妻女,既為我妻女,夙世必有因緣,在家如父母不惜,萬一他日嫁得不肖郎君時點算?家中小子常話:”老竇偏心”.喂!!男兒要當志強呀!
Qq,我是住在Oahu島Honolulu即檀香山市,珍珠港亦在其中,夏威夷群島有八個島,最大是夏威夷島,故名夏威夷群島.最旺的是Oahu島,全州百分八十的人口住在此島,其餘各島人煙稀少,風景最靚係Maui茂宜島,很慚愧在此三十多年只到過大島同茂宜島各一次,都係陪朋友去,到大島看火山,到茂宜看風景,傍晚在海邊的餐廳晉餐邊食邊看日落,友人興奮不已,我反覺好平常,”心情當有別,景況卻不同…..”考下你,呢兩句出自哪支曲?因為呢個景,我差不多日日都見,平常之至.三十年前我到步,夏州人口約一百萬.三十年後今日,又係差不多,原因是小輩讀完書,羽翼己豐飛到其他州去了.以前有一有銀之人對我講過,好住的地方必難搵食.此間人口日本人佔四成,白人同菲律賓人佔二三位,葡國人也比華人多,華人有幾多?你估下四五萬咁上下,己包括同外人生的混血兒,黑人更少,我都唔知有幾多,總之好少見,還有土著hawaiian及其他垃垃雜雜的南太平洋來的.
講番巴士阿叔單野,你唔好以美國的標準去衡量香港人,各人自掃門前雪係傳統,一旦報警你估有冇人做證人?”係咩?我唔覺喎.””我剛睡入左,乜都唔知.”阿叔本人可能咁話我講話大聲一點,冇乜野發生.呢條片不會公諸於世,身有急事或人有三急的人必遷怒後生仔.
唉!香港傳媒好多無恥之徒,巴士阿叔召妓,巴士阿叔被歐,你看看今日的新聞,我不想講下去,巴士阿叔另有其人,呢條老陳多數係冒牌貨.
上田下心小朋友,現在論到同你爹下,福田祖先種,心地後人耕,很好很好的名字,不過有點似日本人.你叫我叔叔,其實叫公公才對,不過呢個叫法好易被人誤會我係太監或係你的家翁,咁就重論盡,[一笑]下次你叫我伯伯啦,雞旦花以前有過,以前住在交區,有個大後園,有幾棵花.不過hawaiian不是惜花者,也不是護花人,尤其是對住平平無奇的雞旦花,難產生任何浪漫奇想,所以冇乜花事,任其自生自滅.但此物好粗生,無根無鏹隨意插入泥中,淋下水就得,近年搬到市區住柏文.同野草閒花冇膠葛.我有一師兄有撚花聖手之稱,什麼殘花,垂死之花到他手中,淋淋水就可再發.夏州有好多花,極鮮艷.北美氣候問題,難有鮮艷之花,有年五月到多倫多參加宴會,送來的花始終顏色差好多,我曾戲言友人,多倫多有一種花靚過夏威夷,係乜??雪花!!!哈哈….
|
|
| Re: 想通了 ( No.28 ) |
日期：2006/06/08 18:56
留言者：五小姐
|
羅家宝、李宝瑩之洞庭送別
唔知對否,因冇歌又冇帶,靠印象 |
|
| Re: 想通了 ( No.29 ) |
日期：2006/06/08 23:13
留言者：上田下心人仕
網頁：http://www.perreng.com
|
夏威夷叔叔﹐你又未老到做到伯伯喎﹗你又唔係第一次同我講話﹐點解唔知我是誰呀﹖ 
唔通又要糖煑出翻本[說地人物錄]﹖ 唔好卦﹗喇﹐比個貼士你﹐呢處好多安答都做好多個角色﹐但係每個便號通常都會夾翻一個本名字或一些組合字代表其本名的。 如小奀子﹐史奀子﹐史 DOY 奀飽﹐衰奀﹐嘟嘟奀﹐唔多正常奀,...﹐全是 UncleChin 老師個徒弟來o架﹗ 
至於 UncleChin 個老師嘛  ..........唉﹐都係唔好講佢喇﹗  |
|
| Re: 想通了 ( No.30 ) |
日期：2006/06/08 23:34
留言者：上田下心個妹
 |
夏威夷叔虎: o米聽家姐亂講,好似小奀子個乖女就唔係unclechin個老師個徒弟,又好似一加四仙子又唔係五小姐  |
|
| Re: 想通了 ( No.31 ) |
日期：2006/06/09 01:26
留言者：hawaiian
|
呢度的人好孫悟空咁七十二變,看不清.hawaiian為何取名hawaiian就係蠢之過,那些土著加拿佬唐人對hawaiian的稱呼真係好蠢,[相對而言]否則唔使亡左國被美國佬啦,每年亡國之日,還係假日大示慶祝巡行添. 夏威夷本來是一個國家.
五小姐答中,不過冇獎金或獎品,糖主有,叫佢畀你啦.
上田下心,我梗係知你係乜水,其他的人就唔知.
 |
|
| Re: 想通了 ( No.32 ) |
日期：2006/06/09 03:44
留言者：小珍子
|
|
想通了
