 Re: 馬英九 ( No.29 ) |
日期：2008/03/23 16:17
留言者：skeppi
 |
H 兄：
小弟只是對台灣有一份不能切割的情意結，以下是小弟的私下猜度。
1. 謝長廷會短期內辭去民進黨主席，但跟据佢嘅性格，絕對會東山復出
2. 陳水扁下台後一定會被起訴，使唔使坐監。。。唔知
3. 陳水扁手上累積很多錢，又有深綠支持，有可能會進行民進黨內鬥爭
4. 宋楚瑜會得到一個國民黨榮譽主席銜頭，行政院長唔會有佢份
5. 民進黨下一個主席會係陳菊或葉菊蘭
6. 國民黨下一梯隊比較突出的，我只認識一個郝龍斌
有台灣評論家有以下評論：
【未來民進黨可能不存在，變成一個小黨，綠營可能會重回黨外時期，重新洗牌，李登輝可能會重新組一個勢力，許信良、施明德也會重組，那些從民進黨出來的一定會捨我其誰，將來會重新出現一個新的反對黨。】
|
|
| Re: 馬英九 ( No.30 ) |
日期：2008/03/24 05:12
留言者：Hawaiian
|
S兄:
馬英九做庄了,對住呢檔攤,佢的能力真令人懷疑.有兩件事必要做的:
等陳水扁一下台,馬上將佢起訴,令其身敗名裂,然後同美國夾手夾腳將陳放逐出去,要佢永不得返台.因為陳水扁坐唔坐監意義不大,佢都唔係第一次坐監.如果要佢坐,反而益左佢,一出來必搞風搞雨.在深綠板塊中的影響力,民進黨無人能及,佢搞事能力勝馬英九十百倍,加上乜手段佢都出得,留佢在台,馬英九有排頭痕.
其次必需整頓國民黨內那些老而不,消除其的影響力.建立自己的勢力.你睇早就有人在爭位霸位謀利,國民黨也不是好貨色.如果被呢斑友亂來,四年後馬英九唔係鞠躬,而係跪低叩頭下台.
講件事你聽,早兩月友人一酒樓結業,要把剩餘物資搬回總店貨倉.總店是租國民黨的黨產物業,因貨倉樓底高,叫Hawaiian為佢加建一閣樓,而該處亦堆滿貨物.如不搬清,好難施工.剛好隔兩三間有一空舖位,也是Hawaiian業藥劑師的友人租下,己約了Hawaiian為其裝修,只等圖則.因兩個都熟,所以相借數日把貨物全部存放以便施工.誰料第三日,藥劑師友人氣急敗壞來話,大事不好!該物業主理人警告佢,限兩日要把貨物搬清,否則取消租約.因為租約寫明是做店舖,不是貨倉.百般解釋亦不得要領.馬上約了酒樓佬三人標上去,要求通融兩三日.條台灣佬都算氣,全部講英文,我們用廣東話同國語講的他不答,冇得傾!Hawaiian大怒,叫藥劑師答應佢.用廣東話講了一句問候佢親娘,條茂李馬上有反應,識聽勒咩!這是國民黨黨產,等謝長廷當選之後,追番歸國有,你條茂李要痞街!你估佢點話?馬先生是穩贏的,海外的票影響不大.你話係有權投票,呢票投邊個?一個芝麻綠豆尚且如此.在黨內根盤錯節的老不死點辦?
馬老哥的魄力,令人懷疑呀!
 |
|
| Re: 馬英九 ( No.31 ) |
日期：2008/03/25 08:28
留言者：skeppi
電郵：niyon99@hotmail.com
|
魄力是其次，最重要是有沒有決心！
從來，台灣政壇敢公開提出成立一個等同香港廉政公署的機構的人，只有馬英九。
如果馬英九真的有決心，就職前外訪國家之一應該包括新加坡。 |
|
| Re: 馬英九 ( No.32 ) |
日期：2008/03/27 18:02
留言者：Hawaiian
 |
S兄
台灣劇又有新情節,真今人估都估唔到.本來民進黨敗陣,應大家坐下傾,點樣應付國民黨的攻勢,力守住最後一城,以求重生. 哈,唔知佢地係唔係老毛的嫡傳?咁中意內鬥.睇來謝長廷先下手去滅扁,竟然叫馬英九覆查三一九槍擊案.呢招簡直係向扁的穿心劍,你估陳水扁會咁順攤.看來西毒歐陽鋒鬥星宿老怪丁春秋快上演了,真係好,又有睇.
 |
|
| Re: 馬英九 ( No.33 ) |
日期：2008/03/27 22:51
留言者：skeppi
電郵：niyon99@hotmail.com
 |
H 兄，
等我認吓叻先。。。
我睇死民進黨會由阿扁以下內部斗爭，但估唔到會快成咁！ 
我又預言謝長廷會辭去黨主席，然後等機會復出，但係•••勢估唔到佢會快成咁，佢話呢兩日如果冇雜音，佢會應邀再當主席一職！唉！都唔夠兩个月前，佢話過如果競選落敗，會退出政壇••• d 人真係誓願當食生菜。 
葉菊蘭劈炮，應該係畀阿扁斗爭所致，咁應該冇黨主席做嘞！  |
|
| Re: 馬英九 ( No.34 ) |
日期：2008/03/29 01:21
留言者：Hawaiian
 |
S兄
又考下你: 1你估馬英九最後會唔會特赦陳水扁?今時實牙實齒話唔會,鬼知明日會點,個個都係紙下巴.2如果你係馬又會點? 理由?
|
|
| Re: 馬英九 ( No.35 ) |
日期：2008/03/29 06:54
留言者：skeppi
電郵：niyon99@hotmail.com
|
H 兄，
1. 我諗馬英九最終都唔會特赦阿扁
2. 如果我係馬英九，一定唔會，原因：
a. 他一生清廉自奉，而畀人以貪汙罪名起訴，所受痛苦屈辱，比死還甚
b. 大赦會令別的官員、民眾覺得不公平，為何阿扁就可以大赦，而他們就不行
c. 大赦會間接鼓勵藍營官員貪汙，因為有特赦例子在先
d. 民眾會對馬英九不放心，因為他可以特赦前任總統，就會祈待下一任總統給他特赦、而放手搞貪汙 |
|
| Re: 馬英九 ( No.36 ) |
日期：2008/03/29 14:56
留言者：Hawaiian
 |
S兄
以下個人的見解:
1 赦與不赦要兩睇,視乎當時政治環境需要.
2 如果本人係馬英九,一定赦陳.不過唔係明赦,係檯底交易.首先將陳起訴,定罪入獄.然後充公陳貪所得,條數同陳傾掂,不能充公晒,但一定不能太少,[好似另一老陳陳希同交出的數令人笑話.]此刻要開足宣傳機器,大肆宣揚滅貪立廉.跟住放些少聲氣話陳有病,三個月後人民都將件事丟淡啦,然後學我們祖國一招,保外就醫.把陳放逐到中美洲一個國仔,絕對不能來美國.令佢永不能回台.呢招應向偉大祖國學習,你睇下被送去出國醫病的人有幾多個可返去?同時必把陳的死穴按住,陳有乜依郁即搞掂佢! 一切按既定劇本上演.政治就係咁,如果樣樣正來,肯定吃虧係自已.因留陳在台必玩死你馬英九,你根本唔係佢個皮.奸巧如謝長廷近日幾乎中招,即刻死抓住個主席唔放,話不計榮辱.梗係啦!如果一放,榮就肯定冇,辱就實有.謝系即被滅都有份.小馬哥阿小馬哥!!呢的野Hawaiian咁蠢都諗到,你的智囊有冇人提出呀?如果冇,不如請Hawaiian做顧問啦,人工嘛?係咁意收你百零萬美金一年啦,國民黨咁有米,一定被得出.如果現金唔方便,用在夏威夷的黨產物業抵數一樣得.其實比Hawaiian更蠢的人你們一樣支更大的人工畀佢啦,都唔爭在呢個喇喂!
S兄,你在台灣咁多路數,幫手搭下路.事成之後打回百份之二十佣畀你,諗得過呀!嘻嘻嘻……!!!!!!
S兄:
剛上了以上一貼,時是傍晚.有韓國裔朋友放工路過,停車到訪,把酒言歡,東拉西扯,扯到韓國大統領朴正熙被近身保鏢射殺.Hawaiian突然聯想到印度總理甘地夫人也是為其保鏢所殺,不禁心頭一懍,酒意全消.你話下周馬扁會時扁一保鏢突槍擊馬英九,隨即其為扁馬保鏢合殺.你話台戲點收科?馬扁合成是個騙字,到時睇下邊個騙邊個咯.
|
|
| Re: 馬英九 ( No.37 ) |
日期：2008/03/29 19:13
留言者：skeppi
電郵：niyon99@hotmail.com
 |
H 兄，
嘩！畀你講到我標冷汗．．．
不過憲法規定，就算馬英九就職前被殺，520也是由蕭萬長頂上，阿扁冇着數格，除非佢同蕭萬長合謀啦！
|
|
| Re: 馬英九 ( No.38 ) |
日期：2008/03/30 01:36
留言者：Hawaiian
|
S兄:
著數多得很! 1 博蕭萬長赦佢. 2最緊要係搞亂個扃,越亂越好.因佢目前還係總統,還有好多權力同時間做手腳,可以宣佈戒嚴或者大家諗唔到的污糟招數,以此為籌碼同對手或美國談判.你話以佢性格會坐以待斃嗎?洗淨個籮柚去等坐監嗎?佢越唔聲你就越驚.
睇來呢個話題應到此為止,我們可以私下用電郵吹水.
電郵ommahung@hawaii.rr.com
|
|
| Re: 馬英九 ( No.39 ) |
日期：2008/03/30 05:57
留言者：ballball 老豆夫
|
回應H兄#36的貼文:
上次亞扁坐的是政治獄, 出來後當然成為英雄, 好像前南非總統曼特拉, 在爭民權時也坐過很長的政治監. 這次亞扁惹麻煩的是貪污, 一旦罪成他便變成狗雄. 他能像李登輝般有這樣的影响力嗎? 還會為台灣民眾愛戴嗎? 綠營中還有人視他為神明他還有左右大局的影响力嗎? 從這次選擧, 謝要和他畫清界線便知一二, 以馬英九的性格, 他會學我們偉大祖國的這種智慧嗎? 我有點懷疑. |
|
| Re: 馬英九 ( No.40 ) |
日期：2008/03/30 08:20
留言者：skeppi
電郵：niyon99@hotmail.com
|
H 兄，
其實馬營競選幕僚並不缺人才，如金溥聰、蘇俊賓、羅智强．．．皆為年輕俊彥。
選後金溥聰、蘇俊賓皆聲言不入府、不入閣，因深明會競選不代表會治國！
難得馬英九揾到一班咁嘅人，希望佢成功揾到一班會治國嘅人啦！
ps 有其他曲友加入討論，我地唔使私下吹水！ |
|
| Re: 馬英九 ( No.41 ) |
日期：2008/03/30 19:40
留言者：Hawaiian
|
ballball 老豆夫:
你講得冇錯,陳水扁以前坐政治監,得民望.這次亞扁惹麻煩的是貪污, 一旦罪成他便變成狗雄. 他能像李登輝般有這樣的影响力嗎? 還會為台灣民眾愛戴嗎? 綠營中還有人視他為神明他還有左右大局的影响力嗎? 這點值得商榷,當然唔會係全台灣人都信佢,但起碼很多綠營中人會信.即使佢指鹿為馬,一樣深信不疑.而陳水扁擅權謀,懂包裝,操控民眾對立,打悲情牌…..一旦被起訴,必有龐大律師團來辯護,扮成係外來政權迫害佢,偷換概念,以偏蓋全.佢在綠營的影響力,無人能及.你睇佢目前己聲名狼籍,但有邊個敢同佢講個不字?唔好忘記,綠營的盤還有四成幾人.其中內裡又包含有幾多死硬忠貞分子?莫講佢曾是一個元首,另一老陳冠希,現今也有不少同情支持者啦.敢信他日佢一定罪,必有群眾示威.你都知民進黨的爛仔品格,會否造成騷亂?難講.最好就係審審下個吳大貪婦淑珍瓜左老襯,個風暴就更大.佢有冇能力翻盤再執政是後話,但煽動操控綠營來搞風搞雨,小馬哥就有排頭痕.而且小馬哥處理危機能力如Hwaiian的荷包------有限公司.所以Hawaiian覺得小馬哥必須趁佢病,佢命!將佢放逐出去,免留後患.這是個人淺見,歡迎閣下發表高見.
S兄:
你提及的一斑人無疑係國民黨新一代俊彥,但唔好忘記國民黨係一部老舊機器,裡面有好多生了,滑了牙的零件,阻手阻腳,成事不足敗事有餘,積習難返.報載馬一當選該晚,宋楚瑜己帶兩個親民黨的經濟人材見馬英九,令馬面有難色.話就話係來恭喜請益,其實係:喂!細佬,你今日發左達,關照下我呢兩個兄弟喎.你睇當晚同馬英九站在台上的,全部係老屎X,一派回朝樣子.呢斑人手下有幾人要馬安插呢?個個都想插一手影響馬, 撈點利益.所以Hawaiian在前有提到:必需整頓國民黨內那些老而不,消除其的影響力.建立自己的勢力.你睇早就有人在爭位霸位謀利,國民黨也不是好貨色.如果被呢斑友亂來,四年後馬英九唔係鞠躬,而係跪低叩頭下台.
希望馬英九有所作為啦!
|
|
| Re: 馬英九 ( No.42 ) |
日期：2008/03/30 22:45
留言者：skeppi
電郵：niyon99@hotmail.com
|
小弟覺得馬英九面前有兩件要務一定要首先做：
1. 搞好經濟民生
台灣過去8年，民進黨淨係識搞政治，經濟空轉8年，民不聊生，要改善經濟、乜嘢十二基建等等…要有充足研究準備，點都要三幾年先可以付諸实實行，最立竿見影就係盡快3通，開放大陸人民來台旅遊，准許大陸人民在台置業。小弟居於香港，深知大陸人來港旅遊、置業所帶來之經濟契機，大陸人口多，所謂一小、小、小撮富起來的人的數目都非常可觀，他們在港消費銀碼，非常龐大。
大陸一直宣揚台灣為中國不可分割的領土，深入民心，一旦開放旅遊，自有一大班人湧過去，嗰邊冇語言障礙，食物啱胃口，加上景點多，閒閒地玩得十日八日，以大陸大腕消費模式，直頭攞 d 錢掟 d 台灣人咁，自必然皆大歡喜！
當然，有好必有壞，香港人開頭都頂唔順 d 大陸人 d 壞習慣、行為，不過一來睇錢份上，二來大陸人漸漸見得世面多，有所改善，都唔知係我地同化佢地，抑或佢地同化我地，大家相處落又冇乜嘢唔妥。另外，台灣可以訂立 d 規條，味可以防止大陸人炒貴個樓市囉！
2. 整飾吏治
唉！真頭痕，台灣官場，簡直千瘡百孔，唔係當年馬英九都唔使被迫辭去法務部部一職。又正因為佢領過嘢，而又肯爭總統呢個三煞位嚟做，自有心理準備。
嗰 d 生銹零件，瘀血濃瘡並非一朝一夕可清換，但最緊要揾班好嘅班底做亞頭，以身作則，佢講明用人唯才，而德重於才，所以應該唔會賣人情畀 d 所謂大老。
其實，佢應該5月20日一上場就研究成立一個廉政公署，打擊貪汙，立法資產來歷不明入罪，打幾隻大老虎，d 人自必然有所收斂。
|
|
| Re: 馬英九 ( No.43 ) |
日期：2008/04/05 10:22
留言者：skeppi
電郵：niyon99@hotmail.com
|
馬扁會雖然針鋒相對，但並沒有 H 兄所講嗰 d 恐怖事件發生，還得神落。 
H 兄曾言及國民黨呢一間百年老店，百病叢生，積弊難返，令我想起一件事。你話2004年大選唔係有兩顆神奇子彈，連宋絕大可能當選，咁個情况會點呢？
想2004年國民黨只係在野短短四年，再次得回政權，當然沒有重大危機感，不會痛定思痛，班老屎X一定會故態復萌，鑽營私利，連戰在國民黨舊環境成長，自必然和風同塵，一時間貪腐、黑金復僻．．．當年陳水扁之貪腐未成形、或未被揭發，人民將民進黨同國民黨比較之下，咁今年大選，陳水扁肯定會再次當選，而且會把根紮得更深更固。
所以馬英九可以當選，實間接拜嗰兩顆子彈所賜！
|
|
|
馬英九
