 Re: 哈哈!!!不認不認還需認. ( No.1 ) |
日期：2008/08/17 12:17
留言者：Sunny Lau
電郵：sunnylau288@netvigator.com
 |
H兄：
不能用《惡貫滿盈》來形容呀偏執政八年的表現啦。不過我才疏學淺，又想不出甚麼形容詞去形容條條仔的操行。
點解？《狀棍》出身的矮仔偏，都話俾你知，D選舉結餘款是交給太太處理的，太太點處理個筆錢，他是一概不知情的。呢條《狀棍》當世人是傻瓜，咁既說話居然出在曾任兩屆總統的民進黨黨員之口，《民進黨》想唔執笠都幾難。
他的洗錢路經也算高“高招”：由台灣將珠寶運到香港變賣後，將錢轉到大舅吳景茂在新加坡的銀行戶口，再將錢由新加坡轉往媳婦黃睿靚在瑞士美林銀行的戶口。以為神不知鬼不覺，誰知現時銀行界為防止洗黑錢活動，曾訂立了國際公約，今次呀偏被人踢爆，也是因為佢個媳婦黃睿靚在瑞士美林銀行的戶口帳戶有大變動，美林銀行就執行國際公約，把黃睿靚個戶口的資料通知政府，件事就《陽》晒出黎。你話條矮仔幾《高明》。
矮仔洗錢疑案，越搞越大劑，呀偏越描越黑，近日仲搞到台灣政壇大地震，在調查局入呀偏間屋搜查之前，他的兒子夫婦卻聞風先遁，這顯然是在政圈有人通風報訊，呀偏單野相信除了他自已“白鱔上沙灘”外，一些台灣政圈的個別官員也難獨善其身。
H兄：我認為《民進黨》可悲是不能改變的事實，但其實《民進當》之前成是因偏，現在敗也是因偏，用甚麼來形容呀偏的下場和《民進黨》現時的處境，留俾你這個《才華橫溢》的兄台去R頭，我夠鍾醫肚了。
Sunny Lau |
|
| Re: 哈哈!!!不認不認還需認. ( No.2 ) |
日期：2008/08/18 03:58
留言者：hawaiin
 |
辛尼兄真會講笑,Hawaiian無才無財無墨水,認識的人皆知.如今在立網塗鴉,面皮有少少夠厚,同時希望以一些小事,往事或新聞,拋磚引玉,增益自已.
陳水扁條友機關算盡,始終逃不出因果循環.因為Hawaiian學識有限,隨手搵個自已識的詞去形容佢.但不甚貼切,佢只不過係大貪,並無殺人放火.[那個三一八槍擊案的”兇手”是否佢下命滅口就唔知.]Hawaiian都覺得奇怪?以佢身居要位,難道對國際常識咁缺乏,咁無知?咁身邊斑謀巨策士呢?冇人提佢咩?冥冥中註定!Hawaiian曾受教於師長:”任你如何精密佈署,也有萬密一疏.”在台灣佢可謂銅牆鐵壁,估唔到遇到瑞士一陽指,金鐘罩毀於無形.睇來佢註定要身敗名裂,等坐花廳啦.馬英九真好運,每逢倒霉時,陳水扁就救佢.但今次馬英九肯定唔會赦阿扁,亦唔敢.其實當今只有一人可救阿扁,可惜條友太孤寒,如果佢肯花一百幾十萬美金來請教Hawaiian,咁可點佢一條生路.唔單止可保住天文數字的財產,而且可名垂青史添!咁邊個可救阿扁?當上聖上仁宗胡皇帝諱錦濤是也!當小馬哥贏謝老奸成條街時,阿扁應有危機感.去搵胡老總傾吓:”喂!大佬,我而家搵到咁多錢,其實同貴政府一個科長仔搵的差唔多啫!小馬哥肯定會翻舊賬,現在無他,首先要保住呢啲財產,二要歷史定位,三要妻財子祿.”包胡老總話得之至!畀個一字並肩王你做又點話.隨即同小馬哥在五月二十日一齊宣伂歸順中央,將來青史上一定留有佢的名字,完成統一大業之功臣是也!又何必同個馬面輝死爭個鼻屎咁大乜”台獨教父””深綠教主”之位?在奧運開幕日,會同胡老總一齊以國家領導人身份做主持,會見世界首要,你話何等風光!胡總定調,誰敢作聲?或曰:做人點咁冇骨氣?哎呀!你幾曾見政客有?咁南部斑鄉下佬點呀?畀些好處咪得咯,反正呢斑友都係盲目擁扁㗎啦.還有一樣,在國內幹革命不如不革命,不革命不如反革命.阿扁咁都唔識,抵佢死!亦整定Hawaiian成世捱窮.唉!都好難怪,阿扁都係同Hawaiian一樣,鄉下仔出身.
民進黨從來不是一個政黨,只是一個幫會組識.只講義氣,不問是非.大佬做乜都係啱,要無條順從.所以搞到今日境況.己連中兩記𪊺拳,正想話爬起身,又被外國一陽指點中,想起身都難.蔡英文一如馬英九,夠清廉咯.但無兵無勇,民進黨同國民黨一樣,各有山頭,你估咁易搞?睇來民進黨會漸漸分裂,以正牌民進黨--正式民進黨--正宗民進黨各式出現.造成國民黨一黨獨大,咁馬英九又有排清廉咯.
|
|
| Re: 哈哈!!!不認不認還需認. ( No.3 ) |
日期：2008/08/18 21:56
留言者：Sunny Lau
電郵：sunnylau288@netvigator.com
|
喜歡《拋玉引磚》的H兄：
你記唔記得矮仔偏當年是打著《反貪污》的口號爬上寶座的呀，當時辛尼仲以為只有《國民黨》才會貪污腐敗，《民進黨》是何等的清廉。點知呀偏做了兩任，八年之內刮到十幾億，變了第二個《和大人》，佢貪污已是不爭的事實，要不然，佢個仔同媳婦都唔使走路啦。
之不過咁，呀偏貪污是“情有可願”的，試問一個小《狀棍》，有朝一日位高權重，佢從來都未見過咁大筆錢，試問有邊個中國人不見錢眼開？中國的歷史，由《和大人》到現今世紀，在中國有邊個官不貪？套用“賴昌星”的一句說話，“中國幾千年來都是如此”。H兄呀H兄，你仲想做中介人圖利發財，介紹胡錦濤同溫家寶俾呀偏，好等胡溫二人打救佢，你有冇想過，胡、溫二人現在自已也是《坭菩薩過江》。單講美國次接引發的問題，如果在一個民主、開放的國家，有人動用國家的大筆儲備去買美國佬的債券、基金而全軍覆沒，搞到國庫空虛，領導人是否要下台？胡、溫二人目前為此事已經夠煩，仲有心情去打救呀偏？
其實我又學了朝雲妹，忽發其想，其實台灣的人民也有責任，象呀偏呢類人物，個樣不是靚仔過人，廿年前沒有《才氣橫溢》，現在也沒有，個樣笑起來仲成個奸相，台灣土生土長的人讓他坐了四年寶座還不夠，仲要俾佢搞多四年，只有體現了台灣土佬的狹隘胸襟，選“總統”一定要選自已友，因為是這種心態作崇，才有讓呀偏搞完四年又四年，可惜民進黨並沒有多少財產，如果民進黨有大把財富.俾呀偏在八年間洗劫一空，也是活該的。今次呀偏的事件正好給台灣班土佬買個教訓。
呀偏終於宣布：同佢老婆一起退出民進黨，接著下來，呀偏應該洗淨白白，準備坐《花廳》了。
嘩！同你傾左咁耐，系時候著燈開飯睇電視了。沙由拿拿。
Sunny Lau |
|
| Re: 哈哈!!!不認不認還需認. ( No.4 ) |
日期：2008/08/19 03:08
留言者：Hawaiian
|
呢啲咪係台灣人的共業咯!有咁糃環境先可以滋生出咁事物.今次應用一個啱的詞----自作自受.阿扁係你哋選出來糃,心甘命抵啦.[唔似港人的煲呔]南部斑鄉下佬好聽啲係純品,難聽啲係-----一字之記在於”蠢”!
扁女講的係事實,你估單係阿扁一人貪咩?成個民進黨都貪,係集團式貪.比起五億華探長內容更豐富離奇.相信不日還會好多炸彈引爆.呢排真熱鬧,又有奧運,又有台式連續劇,都唔使駠咯.
照形勢睇來,扁嫂[此婦將來在近代史會同江青一樣留名]有意代夫認罪,包攬上身,其實阿扁橫掂都係,塊面己爛到唔似形,不如效法當年爛仔亨韓德呢一招:”呢啲錢係老婆做雞搵番來糃!”你䎚要恩客名單嗎?隨即約隱約現公佈一批世界政要名單,重要幾個死咗的元首,死無對證.最好拉埋鬥雞眼薯仔落水,話係變態,喜歡殘疾女人,好似出兵打人咁心理唔平衡.呢啲烏賊戰術,阿扁最拿手,到時搞到全世界一鑊泡.
唔好意思,呢段嘢應放貼在兄台的”廢話”欄先啱
係咁先,夠鐘去搵米.
 |
|
| Re: 哈哈!!!不認不認還需認. ( No.5 ) |
日期：2008/08/19 21:22
留言者：Hawaiian
|
扁女昨日狂咬民進黨,搞到民進黨人人自危.本來高高舉起對陳家的重手,就輕輕放下.個個身有屎.阿扁己是被趕入窮巷的狗,呢招玉石俱焚,令全黨高層驚惶失措,但鐵證如山,怎能脫身?惟有被阿扁攬住一齊死,蔡英文有何能奈回天?
辛尼兄:你話民進黨同太平天國相似嗎?蔡小龍女可能係忠王英王的翻版.
Skeppi兄:久未見你蒲頭,出來湊下熱鬧,發表下高見啦!
 |
|
| Re: 哈哈!!!不認不認還需認. ( No.6 ) |
日期：2008/08/20 07:12
留言者：Sunny Lau
電郵：sunnylau288@netvigator.com
|
H兄：
偏女《潑婦駡街》不是第一次，我記憶中已是第三次，照她爆料來推算，《民進黨》內盡是蛇鼠之輩，個個都有洗呀偏的錢，咁呀偏的錢又是誰的錢？
我看蔡英文也只是《婦人》一個，如果系我，我會在呀偏夫婦同告退黨前，先行一步，將呀偏“永遠清除出黨”，才是上策。偏女爆料，現在就是清除黨內呀偏勢力、鞏固自已派系的好時刻，也是表現自已的好機會，但個《婦人》好似木頭咁，只識愁眉深鎖，點去挽救《民進黨》？看來蔡小龍女適宜回家煲水煮飯、退位讓賢好了。
夠鍾落街飲茶，同你傾住咁多先。By！
Sunny Lau |
|
| 臺灣之蛆 ( No.7 ) |
日期：2008/08/20 22:17
留言者：楓林月
|
此獠乃國之蠹賊, 逞一己之欲, 煽鬩牆相殘. 外戚內宅盡皆無恥之尤, 啜民之脂,揚揚自得,了無慚色. 正是: 論斯惡, 毫箋積穢; 寫其醜, 鬼蜮畫皮.
陳其罪罄竹猶遺
水落石出知其臭
扁奸滑掛一漏萬
賤丈夫鬻妻假年
 |
|
|
哈哈!!!不認不認還需認.