 Re: 香港，發生乜嘢事？ ( No.42 ) |
日期：2011/07/13 20:12
留言者：Tang
|
| Re: 香港，發生乜嘢事？ ( No.43 ) |
日期：2011/07/13 22:30
留言者：raymond
 |
小弟前文所提及的最後一類人士, 活現眼前.
見怪不怪, 有咁嘅人, 就有咁嘅事.
同樣地, 有咁嘅事, 就有咁嘅人.  |
|
| Re: 香港，發生乜嘢事？ ( No.44 ) |
日期：2011/07/13 22:46
留言者：塘邊鶴
|
有咁嘅人, 就有咁嘅事. - 民主黨總幹事陳家偉嫖妓辭職! |
|
| Re: 香港，發生乜嘢事？ ( No.45 ) |
日期：2011/07/14 03:09
留言者：阿豆
 |
首先要說一說於此的一些留言,並沒有意圖對任何人揶揄或攻擊,
只是根據論點而辯說,可能語氣稍為重了些,但都只對事不是對人.
以上的討論,大家的論點及意見都已經說得很清楚.
能自由地講出自己的意見,無需一定要說服對方.
字裡行間所見,大至上大家都是對當權者的施政心表不滿,
只是對市民如何表達意見的方法就各有不同見解及體會,
暴力,相信全港市民都不願見到,都希望能以和平的手法去爭取.
只可惜當前政府實在太令市民失望,有些民眾才會使用較激進的手段.
民主同道中的決裂,互相攻訐.誰是誰非於此不表,好叫人心痛,卻令仇者大快.
若只是向同道指謫,把民意分化,不單對民主進程無好處,當權者更會恣意妄為.
我天真啲想....
能使當前政府讓步,聽取民意.民主同道更應該要團結一起,齊心一志.
那時市民又何須會用到激進的手段,暴力的抗爭行為.
(不是為民主出力而別有用心的人又那有市場.) |
|
| Re: 香港，發生乜嘢事？ ( No.46 ) |
日期：2011/07/14 08:33
留言者：晚潮生
|
| Re: 香港，發生乜嘢事？ ( No.47 ) |
日期：2011/07/15 10:08
留言者：同志
|
No.45
其实那些帖是揶揄或攻擊, 对人不对事, 大家心知肚明,道理说不过便惟有出此下策,亦是十分自然的事。 |
|
| Re: 香港，發生乜嘢事？ ( No.48 ) |
日期：2011/07/20 16:07
留言者：溫溫
網頁：http://onlyone.erufa.com/
 |
因才疏學淺所以從來都不喜公開談政治,就因”政治”敏感,況且政見思想不同,
點樣情況下都唔可以理性咁討論架啦,講尼嘥氣,
不過為咗支持神交已久網友阿豆兄嘅論點,我都破例學人講吓..
不過講咗唔好鬧噃..因為小妹都係襯下熱烈咋..
講得唔啱嘅,就當我發嗡風啦..啱聽嘅就like唔like都唔打緊架.
唔好發咁多嗡風,入番正題先, “香港，發生乜嘢事？”
有乜事唶.不過遊下行唶..訓下街唶.破口駡’
記唔記得偉大嘅”無主值”講過呀..我地偉大嘅”擋”係駡不倒架!
香港發生嘅事又真係實在太多喇..多到我地好多已經走咗雞.
如果唔係哩班”壞孩子”出尼遊下行哩個政府又攪咗啲乜鬼嘢喇.我仲蒙盛盛咁唔知定喇.
示下威?威乜鬼唶.示完威比人鬧到隻屐咁.何來威唶???
乜e + 啲細佬真係咁無知比啲人教壞咗?唔係咁蠢馬?
如果係,我就第一個企出尼話比你知.我就比啲偉大嘅先烈前賢教”壞”架喇.
哩個無能政府做到啲乜嘢出尼?.就因為”河水犯井水”呀..
“井水”慳啲洗啦…咪日日要用住東江水,有本事去犯咩?
係唔係食住東江水, 哩個無能政府乜都”yes”啦.係唔係我地講句嘢都咁驚青呀?
做順民係咪做得好過癮呀?係唔係要回到以前咁..”說了算”呀..
全人類都要冇無意見!而家我地仲可以係到”阿之阿佐”.
唔好以為而家係到猛咁刷”亞爺”鞋,就好得意呀,
因住買大開細刷錯鞋,抄家都有份呀.
乜嘢叫做”激”唶..有時我都有小小懊惱架,,就係因我時常講嘢講得興奮時把聲就愈尼愈大.
我個女就即刻出尼控制場面”亞媽,洗唔洗咁激呀”,”吓?乜我好激咩!?”
不過當時真係有啲激架,“咥住哂”.
哩個時候又覺得太民主言論太自由”要不得”喇..亞媽都咥得!.
心捻好多啲偉大革命家都係咁激架啦, “瞓街阻路”?而家講句嘢大聲啲唶都話唔得,
成日話而家台灣都冇”打交”啦.乜你地唔知”亞揙”係咁打番尼嘅咩?唏!
有宇宙,就有地球,係唔係有人民至可立國呀.國家與人民,就係政治啦.
唔講政治講乜呀,唔通日日講住”阿啦扶u”咩,或者”人民愛我”佢就”我愛人民”幣咩..真係懞上心口!
而家我地仲可各有各講..仲可以係咁以你鬧下我,我抦下你,
咪話嚇你.有朝一日連哩啲自由冇埋.以為可以番鄉下耕田?牛棚有得你去呀,
到時”背對背”,老豆老母兄弟姊妹鄉親父老照篤”冇死”篤啱又死,篤錯必死!
咪以同一口勁講嘢就唔洗死,不對口勁就慘死無疑咯.
以前古代人民就寄望國家出現一個賢君..估不到現代很多人類仲有咁嘅思想,
總希望哩個唔好下一個會好啲.哩啲咁嘅思維係大錯特錯呀.仲”十三皇朝”咩
如果我地連講嘢自由遊行自由表達冇埋,出街都申報嘅,又係死得啦.
睇下北韓就知啦.一個獨裁國家,人民會好過咩?
連年饑荒餓死人民以萬計,遊行示威?慳番啲力啦!可憐啊!!!!
“鬧就隨便鬧,我係要嚤你一嚤添”哩啲係唔係嚤緊政府嘅”嚤底”?
阿豆兄,支持您!  |
|
| Re: 香港，發生乜嘢事？ ( No.49 ) |
日期：2011/07/17 00:25
留言者：認老
|
| Re: 香港，發生乜嘢事？ ( No.50 ) |
日期：2011/07/17 01:37
留言者：後生
|
既然係老, 又中左毒, 就好應告老歸田啦, 即係番鄉下耕田呀!
仲成日晌處 link 埋 d 中左毒嘅言論嚟愚眛大衆, 真係食飽聽 XX 呀 !  |
|
| Re: 香港，發生乜嘢事？ ( No.51 ) |
日期：2011/07/17 07:11
留言者：Hawaiian
 |
溫溫,好嘢!!少見,少見. 
呢啲就係香港可愛之處咯.否則你想上網搵”溫溫”兩字必被封死,可能連個溫字都連累埋.鬼叫你咁多事,”河蟹”至上,再講就”草泥馬”!
拆你間屋你吹咩!拆你祠堂都得呀!唔順想去搵包青天,得!!咁請先你入住下賓館啦.喂!你住係老屋舊屋咋,現在招呼你住賓館,你重想點呀?
觀點可以不同,事實不可歪曲!變成-----事實可以歪曲,觀點一定要相同.
 |
|
| Re: 香港，發生乜嘢事？ ( No.52 ) |
日期：2011/07/17 05:11
留言者：阿豆
|
賢嫂嫂,您好,謝謝好意.
叔叔,哈哈!
...........................................................................................................
唉!!!!!!!!!!!!!!!!!!!!!!!!!!!!!!!!!!!!!!
既然你死都堅持嗰一點.跟你討論都幾頭痛,再討論多一次又何干.(下不為例.)
見你一啲都唔責難眼前的當權者,可知你真的"早己麻木"到病入膏肓.(語氣重咗啲,鎖梨!)
一味咬住嗰啲過激的抗爭者唔放,想主要針對的是"社民連和人民力量".(無估計錯吧.)
上街示威...唔應該叫"示威",上街的都是弱勢社群,又何威之有?(你話係唔係.)
21.8 萬人士参加上街遊行,都是採取和平手法去宣示對政府之不滿.(有如你所說行完就算.)
那些使用過激行為的群眾對比之下都只是很少之數.(政府肯聽民意唔夾硬來就唔會咁樣,)
佢地抗爭的手段雖然較為粗暴,但請你用個腦細心啲想想,係邊啲人迫使佢地要用這些手段.
我地是不應該去鼓勵暴力,但從情理上來衡量卻是情有可原呢?(同情不等於認同,)
對呢個橫蠻無理冷血粗暴的政府你地一啲都唔加以譴責,(我有時真的懷疑你地真正的立場),
反而反過來著力地責罵嗰啲手無寸鐵,以身瞓街阻路,最多只是支體衝撞,惡形惡相,態度囂張.
係唔係政府嗰啲暴力施政乃糖衣包裝,食咗都唔會當場死亡,至多都係五癆七傷.醫番都嘥藥湯.
以上乃是我一貫立場,道理是否下策,大家心知肚明.揶揄我的又何必在旁邊躲藏.明刀明槍.
至於所謂"民粹主義亡港記".就真的說來話長,有排講.....(我無咁深的知識,講唔掂.)
文章說及什麼"代議政制",戰場是在議會內而非在街頭上對著抗,喂,大佬,特首都是欽點的.
那些建制派,保皇黨蛇鼠一煱,同流合污,狼狽為奸,議事廳上,一夠票重唔夾硬來通過,駛乜諮詢.
唔係市民上街宣示不滿,唔早早通過立法至奇.重可以俾人抽水,俾人胡言嚟愚眛大衆....
當年23條想立法,唔係香港人同心,齊齊上街遊行,早早已成定局,講多都嘥氣.
重有好多嘢想講,奈何逗字逗得慢,都係........
暴力不應鼓勵,公義挺身伸張.
敬請認清楚誰是最可怕的人.祝大家好運!
"民粹主義"唔係我呢啲班級可以講的,都不如貼條" link "過你睇吓.
最重要留意最尾嗰一段.
甚麼是民粹主義
http://blog.tiney.com/?p=1483 |
|
| Re: 香港，發生乜嘢事？ ( No.53 ) |
日期：2011/07/17 08:37
留言者：同志
 |
No.50 是民粹主義最佳例子....
認老兄好野，一擊即中！ |
|
| Re: 香港，發生乜嘢事？ ( No.54 ) |
日期：2011/07/17 08:45
留言者：Vincent
|
回應 #49:
如閣下所說的"民粹主義"當然係有問題, 係可怕; 但現時香港的情況是否這樣呢? 是否 "不停用一些簡陋但具煽動性題目動員，搞公投，骨子裡公投的結果不重要，因為大部份題目都是無厘頭的"? 十萬人上街, 爭取的都是要政府搞好民生, 不要刼貧濟富而已。普羅市民關心的不外乎衣食住行, 生老病死。閣下所說的 政府管理一塌糊塗, 正是這些。是否如閣下所說早已麻木, 便什麼也不做, 任人宰割?
早已說過, 若非群情洶湧, 何會驚動京官南來講番句似人講的話? 那麼你說他們上街是否有建設性?
早日看見曾先生承諾十月施政報告會交待新的公營房屋計劃, 又話市民的訴求佢係聽得好清楚喎! 冇錯, 市民對房屋的需求佢又點會唔一早知? 但嗰班高薪厚職的人, 針拮唔到肉唔知痛, 溫和的表逹意見, 佢地會聽? 現在京官開了口才廹住做嘢, 如果俾著係我, 我早已醜到搵窿捐了
社會上有不同階層的人, 宣洩不滿有不同方式, 不同言語, 你話係咪好多人已經說了嗰個"杏+橙"好多次? |
|
| Re: 香港，發生乜嘢事？ ( No.55 ) |
日期：2011/07/21 12:12
留言者：KYW
|
民乜粹吖？奴性就奴性啦。啲執政者就為所欲為，做乜都得，人民呢出嚟表達下不滿，就諸多挑剔，呢樣又唔啱，嗰樣又唔啱，唔知係唔係做順民至啱？「共慘Ｘ」可以橫行霸道大半個世紀，咪多得呢啲咁嘅奴性唔少囉。呢，而家佢哋殺到埋身嘞，我哋係咪仲要好有禮貌、好理性咁坐喺度等死？ |
|
| Re: 香港，發生乜嘢事？ ( No.57 ) |
日期：2011/07/21 10:15
留言者：KYW
|
七一遊行令政府失語，當特首龜縮不出的時候，特首候選人梁振英奮然跳入渾水，準備摸魚。他認為，示威者佔領鬧市街道，危害安全，應受到制裁云云。
佔領車路，阻礙公共秩序，是常規的示威行動。當正義的民意用遊行、靜坐、絕食等和平感召的方法而政府不予理睬的時候，只能用和平的損耗方法，以損耗社會的正常運作為代價，逼使政府在限定時刻，回覆民意。
這種社會損耗，並非災難性的，亦非不可逆轉的，一旦政府答應要求，市民行動終止，社會秩序回復正常。當中，會令某些市民不便，損失效率，這是促進公義的必須代價，而這種代價，遠遠少於縱容不公不義及強權剝削繼續存在。
抗爭只是妨礙勞動過程，不公不義及強權剝削，損耗的是勞動成果——無論社會如何暢順運作，香港民眾如何辛勤工作，都是朝不保夕，五勞七傷的。至於示威期間危及旁觀市民或警察安全，這只是無能政府才會講的渾話。香港示威並非始於今日，負責任的執政者早應準備好應急方法，更不應威逼警察違反憲法及警察通例而執行不合理的命令，令警察變成專制政府的家丁打手。
七一當晚的抗爭行動很初步，也很克制，只是堵塞中環部分車路，留有轉圜餘地。政府是可以指揮交通改道而減低堵塞的，政府不做，是要誣衊示威者破壞秩序。也難怪，很多示威行動的成就，正是由專政政府促成的。
報道七一的很多電視台，都不惜依附強權，誣衊示威者，在報道示威者的行動和訴求之前，先來訪問示威者如何妨礙工人謀生，如何令沿途店舖關門。這些無聊的指責，都是要正面回應的。各位參與示威的市民，例如下次面對那些埋怨示威者堵塞道路的的士司機，可以如此回應：「阿叔，你明唔明白你點解要開咁耐車先至搵夠食？你的收入被大集團剝削，你其實是知道的，你想不想改變？你可以冷漠旁觀，保持中立，但如果你堅持自己搵食大晒，不必理會社會公義，堅持要我們離開，則請你落車，站到警察那邊。」小市民只見私利，可以寬容，但妨礙公義抗爭，便不可容忍。將那些躲在權威後面發惡的小人物抽出來，要他們採取立場，他們便會嚇跑。
小市民平日遭受挫折和欺壓，無法抗爭，於是形成扭曲人格，無奈又無助，卻又要依附強權，嘲諷正義人士而取得快感。我們正是不想香港人都如此淪落，如此病態，才出來抗爭的。
──陳雲 文化評論人，德國哥廷根大學民俗學博士，《中文解毒》系列作者。
|
|
|
注意：這編討論暫時封鎖，不可加入新的投稿留言。
香港，發生乜嘢事？
