投稿一覽 > 討論內容
好戲連場
日期:2012/02/17 09:07
留言者:Hawaiian

友人問,為何每次茶聚總有一大段時間點解Hawaiian總係唔出聲?笑答,因為這段時間大家都是在談論某某劇集如何如何,Hawaiian根本冇興趣睇劇集,半夜食黃瓜---唔知頭共尾,所以答唔上嘴.友人又問,唔睇劇集又睇乜嘢?哈哈!!!多嘢睇之至啦,除了波與馬,還有新聞咯.前嗰排台灣大選,雙英決戰,你出乾坤,我有日月,各自出招.除咗攻對方還要化對方的陰招.呢啲係真人真事,唔係編劇人仕作出來的宮幃爭鬥,豪門恩怨可比,實在精采絕倫.
嗱!台灣剛落幕,香港雙英又上演,估計吊吊Fing阿斗應玩完了,閘前退出.呢勻朝廷就頭痛,可能急急下詔兩個婦人報名補上出賽,否則由肥鴿對狼單打獨鬥,萬一隻狼被人揭出身上篤屎更臭時,豈不是隻肥鴿爆冷W出來, 朝廷絕對唔允許.所以香港呢單又係峰迴路轉,令人意想不到,拍案驚奇的.你話有邊套劇集有咁好睇?還有西南王獨鬥各路諸侯,鑼鼓己響起,相信等王儲回國後就會正式開場,咁多嘢睇令人眼花撩亂,重邊有時間去追劇集喎.

修正或封鎖

Page: [1] [2] [3] [4] [5] < 回上一頁

Re: 好戲連場 ( No.36 )
日期:2012/03/22 14:07
留言者:guan

哦!原来搞错咗,此【V】非彼 V.咁就算了,当呆冇讲过,赌注不受理.

蕃薯,

你系咪会唱大喉嗰位蕃薯姐?如果系故人,呆说话就放肆点了.
你估.驚暴動?咪讲笑啦,当一个政府会出动坦克大炮镇压自己脚下的子民,佢会惊远在几千里之外边陲地区之暴動?
你话順民意?再问多你一个更玄的问题,挟民意以令天子呢招是谁人想出来的?想不出问下身边之朋友,如果你想得出,你就好近答案了.

Hawaiian,咪咁天真啦,所谓穷不与富敌,富不与官争,千古不变定律,是否放诸五洲皆凖就另说,神州大地就绝无例外,自由党算什么货色?能同共产党斗?只狼首轮拿七百票绝无难度,剩系演艺界嗰十几票到时候都会全部跳船弃猪转投比只狼啦,你话周星驰,吴思远等提名咗只猪的会唔会重支持佢呢?想退休息影唔捞?其他人也一样,不一一尽举例说明了.

神檯貓,李向南嘅原型本尊係習近平?咪咁天真啦,習总依家当红,梗系好多美化他的故事啦,当年赵紫阳红的时候,够话佢系四川点好点好咯,所谓四川有二阳,一个是天上的红太阳,一个就是赵紫阳,听到毛管都竖起晒,共产党呢点宣传工夫手段重见得少吗?你竟然重会有憧憬幻想,对你真系有点失望!

问多你一条问题,当系提示,阿爷几时决定支持只狼的?想真点,还要举出具体证据才回答,不要好似蕃薯姐咁顺口雌黄啊!

修正或刪除

Re: 好戲連場 ( No.37 )
日期:2012/03/22 15:00
留言者:神檯貓

guan 哥

我知我好傻好天真 ...
但係個 blog 條帖發表于 2008年3月,當時未有跡象習近平可接胡總棒

你咪咁殘忍啦,一聲喝破三更夢 ...
嗚 .. 嗚.. 嗚.. (大哭)

修正或刪除

Re: 好戲連場 ( No.38 )
日期:2012/03/22 16:47
留言者:神檯貓

阿爷几时决定支持只狼的?

應該係隻豬死蠢咁話有票都投畀何俊仁嗰陣 law ... (表情19)

修正或刪除

Re: 好戲連場 ( No.39 )
日期:2012/03/22 17:52
留言者:guan

错!重错得好厉害,好离谱!再想过!

修正或刪除

Re: 好戲連場 ( No.40 )
日期:2012/03/22 18:19
留言者:神檯貓

guan 蛇

估唔到嘑 !
賜教下啦 !

修正或刪除

Re: 好戲連場 ( No.41 )
日期:2012/03/22 23:23
留言者:guan

呵呵!

你咁幼稚,(共产党点造星运动咁旧嘅桥你都受,唔话你低B已经好俾面了!)同呆称兄道弟,呆好食亏啫!叫阿蛇就中听好多啦。

答案是只狼公开表态要竞选特首前开始就已经受到阿爷欽点,至于是前一天,一周,一月还是一年倒是没有关系,无所谓,重点是只狼得到了中央肯首才报名的,如果唔系,只狼咁英明,点会打无把握的仗,陪只猪演呢套戏噃,好得闲咩!唔使本架?要辞晒所有公职,选唔到,实攞得番架?咪讲笑啦,只狼今非昔比,比英国佬拖累,一铺清袋,就算不是一无所有,也所剩无几,点会重连棺材本都唔要,同只猪癫啵,中共最喜欢收容呢点穷途末路的猛人了,当年董建华间远东国际搞到半死不活,只狼间戴德梁行变咗仙屎股,情况如出一撤,不过中共现在精好多,当年要打本比远东国际救援托市,真金白银,依家就轻本好多,出个智囊团帮只狼竞选就可以.

挟民意以令天子呢招就是中共智囊团想出来的绝世好桥,唔好以为是只狼或者佢班助选团想出来架,只狼如果真系咁醒就唔会被英国佬一盘清袋啦,佢班助选团也是乌合之众,边想到呢条绝世好桥呀,而且香港人做生意还可以,搞政治就是门外汉,有排学啦,大陆自从回归前同英国佬交手多次,已经脱胎换骨,学到唔少,从乡下佬变咗国际舞台的政治达人,先让只狼落区,营造民意,然后中央美其名顺应民意,顺水推舟将只猪浸猪笼,只狼顺利上位.

如果说上述推断仅是一家之言,虽然能自圆其说,终欠点说服力,呆就再讲点实在的证据给大家──黑材料.

大家以为只猪的感情缺失,私生子,僭建问题,一单比一单坚,一镬比一镬杰,料从何来?是梁营提供?咪讲笑啦,嗰班乌合之众边有咁专业啵,报社传媒爆料?咪玩啦,香港班狗仔队边有咁pro啵,马后炮就会跟风,几年前的照片都揾得番出来?如果有当年就已经报道啦,高官啵,使等到依家至有买点?

如果嫌只猪的材料还不够劲,曾特首的涉嫌贪污够震撼啦挂?呢个贪官特首剎下剎下,以为只猪是真命天子,学商家佬挺只猪,帮只猪帮到出面,点知落错注,买棺材唔知碇,每次他命令有关部门选择性的提供资料来抹黑只狼,第二天就有相应的黑材料反击回应,烧埋自己嗰叠,都唔知点收科.

试想想,一个是香港的一把手,另一个是香港的二把手,不止,有需要的话,三把手,四把手一样可以被爆绝密资料,香港地有边个集团有此人力财力物力做得出?只狼同佢班助选团?咪天真啦,环顾全球,由此能力的集团可能只有三个,第一个是美国的CIA,可美国佬有此闲情逸致理会香港的事务吗?第二个是俄罗斯的KGB,咪玩啦,普京有时间都去监视下自己班手下啦,第三个就是中共的国安局了,香港的高官、名人,全部都被24小时监视,所有资料全部归檔,所以才能需要时把只猪同女朋友的亲密照片露光,把个贪官什么时候坐过商界名人的遊艇/飞机的资料披露,呢点材料连英国的MI6都做不来,更不要说只狼同他的助选团了!

明白到只狼原来是一早就被阿爷欽点,还憧憬只猪有机会或者退其次流选重来就真是太小看共产党的能力了,Hawaiian,与其赌只猪同只狼边只会赢,不如赌下只猪同只鹌鹑(自从政改一役,白鸽党不战而降,他们已经不配白鸽之美名,只能冠以鹌鹑替之!)边只首轮获得更多的票好啦,只鹌鹑估计固定有150张铁票,你话只猪能保多少张呢?刚才看新闻,胡应湘已经表态要跳船,估计陆续有来,重唔少添,生意佬灵气(是灵活个灵而不是精灵个灵)就有好多,节气就……

呆就买只鹌鹑赢,你买哪个?但如果只猪胜出,呆会向班商家佬脱帽敬礼!

至于只狼点解被中央青睐,就留代下回分解了!

修正或刪除

Re: 好戲連場 ( No.42 )
日期:2012/03/23 06:13
留言者:Hawaiian

嘩!講到好似真o既一樣.因為隻豬知道自己係內定,所以佢好整以暇,至搞成咁既局面.當初隻狼表態參賽時,朝廷認為佢係自己友,拒絕佢好似依理不通,被你做下步速陪下跑啦,到時隻豬最後五十米才過你,咁就好睇啲.點知隻狼係有心偷雞,越放越順.而隻豬又甩繮繩又甩腳踏,論盡到極,不過還未到終點,賽果唔知.
嗱!如果話朝廷一早欽點隻狼,使唔使搞咁多嘢呀?唔好忘記豬係比狼遲報名,呢個時候要你變燒豬都得,重被你報名?至於話所有黑材料係朝廷發放,更屬毺空想像.煲呔做老一,隻豬做老二,全係朝廷欽點.林公公上位有幾多人話係好?但係朝廷意思.橫掂煲呔都快收檔咯,使唔使揭開塔屎呀?莫話腳痛,要你心臟病都得啦.如果咁樣放料搞臭老一老二,豈不是話朝廷當日有眼無珠?現在塔屎揭開,你估朝廷面子好好過?朝廷當今最重要係”河蟹”,唔係叫你斑友”炒蝦拆蟹”----草泥馬呀.
用句賽馬慣用語:
隻豬係馬主自己親自培育配種的爭標馬,隻狼係自購馬.

修正或刪除

Re: 好戲連場 ( No.43 )
日期:2012/03/24 10:37
留言者:Hawaiian


sorry!
香港選特首是一件十分莊嚴的事,Hawaiian不應拿來開玩笑,願意收回這些說話,並向因此感到不安的人致歉. (表情14) (表情14) (表情14)

修正或刪除

Re: 好戲連場 ( No.44 )
日期:2012/03/24 10:22
留言者:極之無聊

(表情12) (表情12) (表情12)

修正或刪除

Re: 好戲連場 ( No.45 )
日期:2012/03/24 18:57
留言者:ABC

非也非也,

此地不談, 何處何談. 何無聊之有

修正或刪除

Re: 好戲連場 ( No.46 )
日期:2012/03/24 20:32
留言者:bbc

此地不談, 何處何談. 何無聊之有 (好!)

修正或刪除

Re: 好戲連場 ( No.47 )
日期:2012/03/24 22:58
留言者:繡臚H

話明是談天說地,邊個認為是無聊就唔好看啦,想唔俾人講嗎?Hawaiian唔使講sorry啦。

修正或刪除

Re: 好戲連場 ( No.48 )
日期:2012/03/24 23:37
留言者:Hawaiian

Hawaiian的確是講過一些俏皮說話.不過對比某些報紙專欄之辛辣,和一些漫畫之扺死,簡直是不入流.既然有人接受不了,咁就收回吧,無謂強迫他人處在同樣的層次.

修正或刪除

Re: 好戲連場 ( No.49 )
日期:2012/03/25 09:17
留言者:繡臚H

又不是強迫他人看這個欄目,唔中意看就xx啦,Hawaiian,最緊要是暢所欲言,不必介懷。

修正或刪除

Re: 好戲連場 ( No.50 )
日期:2012/03/25 11:28
留言者:神檯貓

剛剛李嘉誠,郭炳江,何柱國 ... 成班超級富豪公開表態唔聽亞爺話
尤其是何柱國話佢冇人怕,佢怕嘅人已經唔响度

哈哈 !
呢趟真係考下亞爺有冇料到 !

修正或刪除

Page: [1] [2] [3] [4] [5] < 回上一頁

主題 排列前端
姓名
你的電郵地址
現在心情 *心情圖片預覽表
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。