投稿一覽 > 討論內容
好戲連場
日期:2012/02/17 09:07
留言者:Hawaiian

友人問,為何每次茶聚總有一大段時間點解Hawaiian總係唔出聲?笑答,因為這段時間大家都是在談論某某劇集如何如何,Hawaiian根本冇興趣睇劇集,半夜食黃瓜---唔知頭共尾,所以答唔上嘴.友人又問,唔睇劇集又睇乜嘢?哈哈!!!多嘢睇之至啦,除了波與馬,還有新聞咯.前嗰排台灣大選,雙英決戰,你出乾坤,我有日月,各自出招.除咗攻對方還要化對方的陰招.呢啲係真人真事,唔係編劇人仕作出來的宮幃爭鬥,豪門恩怨可比,實在精采絕倫.
嗱!台灣剛落幕,香港雙英又上演,估計吊吊Fing阿斗應玩完了,閘前退出.呢勻朝廷就頭痛,可能急急下詔兩個婦人報名補上出賽,否則由肥鴿對狼單打獨鬥,萬一隻狼被人揭出身上篤屎更臭時,豈不是隻肥鴿爆冷W出來, 朝廷絕對唔允許.所以香港呢單又係峰迴路轉,令人意想不到,拍案驚奇的.你話有邊套劇集有咁好睇?還有西南王獨鬥各路諸侯,鑼鼓己響起,相信等王儲回國後就會正式開場,咁多嘢睇令人眼花撩亂,重邊有時間去追劇集喎.

修正或封鎖

Page: [1] [2] [3] [4] [5] < 回上一頁

Re: 好戲連場 ( No.21 )
日期:2012/03/21 01:54
留言者:guan

V,一蚊都杀你!先记数,后过数.淑女一言,老guan一鞭!

Hawaiian,咪阿姿阿左啦,你认为有机会楂流摊就买番多少啦,只狼第一轮赢唔出就当你赢,重咁好赔率,全世界只有呆至有咁顺盘,此时不买,苏州过后......




修正或刪除

Re: 好戲連場 ( No.22 )
日期:2012/03/21 02:40
留言者:Hawaiian

好啦!有得賭開正條槓!!咁就買一舊水港紙,希望搏番一皮嘢.恆生同馬會戶口隨便你入邊個都得,如果輸咗,願賭服輸,到再問你的資料過數. (拍掌) (拍掌) (拍掌) (拍掌) (拍掌)

修正或刪除

Re: 好戲連場 ( No.23 )
日期:2012/03/21 05:43
留言者:V

夏威夷買100我買夠10元 (大笑)

修正或刪除

Re: 好戲連場 ( No.24 )
日期:2012/03/22 17:16
留言者:神檯貓

Re : 20

當然,佢咁有米,多少影响力都有,佢捐間大學,都係响佢老家汕頭咋 ...
咁 ... 捐梗係好過唔捐啦,我一响唔反對沽名釣譽嘅 !

修正或刪除

Re: 好戲連場 ( No.25 )
日期:2012/03/21 09:37
留言者:april

初初以為猪猪當選是恐佈, 而家才發覺狼狼當選才是極度死慌 (表情28) (表情28) (表情28) (表情28) (表情28) (表情28)

修正或刪除

Re: 好戲連場 ( No.26 )
日期:2012/03/21 10:05
留言者:晚潮生

 
 
 
正是 ──

貓狗瞓街遭檢控  (表情19)
豺狼當道任縱橫  (表情38)
 

修正或刪除

Re: 好戲連場 ( No.27 )
日期:2012/03/21 20:03
留言者:guan

April,

又唔使惊成咁,所谓两害相衡取其轻,只狼当选点都好过只猪揸庄,点解?迟点告诉你.

修正或刪除

Re: 好戲連場 ( No.28 )
日期:2012/03/21 22:38
留言者:神檯貓

Re: No.27

好驚喜居然有人同我一樣想法。 (拍掌)

想想曾特醜時期,政府堅決唔肯復建居屋,堅持勾地政策,間接將土地供應交給地產商處理,後果係樓價節節上升。

D人成日講8万5係梁振英嘅污點,其實8万5最終目的,係俾市民能夠以可負擔的金錢購置居所。碰着金融風暴 + SARS,神仙都冇計。
相比8万5,香港近年樓價急升,小市民怨聲載道,係邊个嘅責任 ?
2011年樓宇成交平均價為6854元,16年新高。
與97年相比,增加95.77%
與2003年最低點相比,增加234.5%
樓價急升,公屋,居屋停建,美其名市區重建,實際上運用手段,迫遷舊區住客,再與地產商勾結,大角咀都可以賣到過万蚊一呎(型品星寓) ...

最大得益者係邊個 ?

咁低下階層住邊 ? 劏房係幾時衍生嘅產品 ?

係曾蔭權年代 !

地鐵明明賺錢照加
電力營運權唔肯開放,電力公司盲目投資而受合理利潤保障,話加就加
誓死唔肯回購兩隧,話加就加
將公眾資產賣俾私人機構 (領匯),趕盡小商户

成日都講機制問題,政府毋從干預
但最初機制就係政府同商家訂立,根本就係官商勾結,預先開綠燈 ...

如果唐唐當選,情況會不變,甚或更差 !

大家睇下班富豪咁撐唐唐
你就知乜嘢叫指鹿為馬

如果唐唐當選後,一定係傀儡
實際係富豪治港,地產任炒,海隧任加,兩電任加 。 。 。 。

唐唐當選後如何,依家可預知,冇得再衰
CY當選後如何,可能一樣咁衰,也可能如佢所言"穩中求變"

兩害取其輕,梗係 CY 好尐啦 !


修正或刪除

Re: 好戲連場 ( No.29 )
日期:2012/03/22 00:19
留言者:V

#28 (好!) (拍掌)


咁我個10蚊咪凍過水? (大笑)

照咁講,要改變上述官商情況,係咪肥鴿做最好?隻狼當選仍有害,害在那堙H

修正或刪除

Re: 好戲連場 ( No.30 )
日期:2012/03/22 01:09
留言者:Hawaiian

#28講得好!正係講出點解會睇好隻豬的原因.其實邊個當選都與Hawaiian本身無關,自己是個旁觀者啫.如果在美國,隻豬早就自動退出啦.此地有一資深的華裔議員,做了三十幾年,就係將同屋企人出去食飯條數入埋公數,咁就丟咗烏紗.隻豬至今仍然出賽,就係佢後面的既得益集團要佢死都要出來,佢係呢斑人的傀儡.食咗落肚的肥肉咁易吐些少出來咩?呢個集團必然負隅頑抗,運用所有能影響的因素去搞局,這斑勢力不能睇少.呢個正係大陸局面的縮影.你估隻豬真係有咁高智慧出呢啲毒招去打狼咩?一定係有智囊獻計.還有,現任政府係隻豬的後台.
隻豬成日話:希望畀個機會佢為香港人服務.其實佢係在人字之前係隱藏住”有錢”兩個字.

修正或刪除

Re: 好戲連場 ( No.31 )
日期:2012/03/22 02:13
留言者:guan

V大姐,

你咪侧侧膊,唔多觉噃,呆话杀你一蚊咋,冇答应你10蚊啊!你估呆出千架?赢硬吗?100蚊请你去美心饮餐茶,吹下水重请得起,成千蚊呆去边处揾来赔你?

个Hawaiian重狠,买成百蚊,直头狼过华秀只犬,CY梁个外号比佢用就啱晒,果然系赌仔,赔率好就老虎鱼虾蟹都同佢死过,同你讲下笑而已,咪咁认真啦,重问话点过数,倘若阴沟里翻船都唔知点赔你,冇鞋玩屐走都唔掂.

虽然呆有好大机会赢,不过呆都系赌徒,又点会真系开个咁顺嘅盘比你呢,呆好食亏啫.开个咁顺盘过你,至在同你搭下讪,你咁精灵,乜都晓点,连台湾政治你都识,呆好难同你攀比,不过讲到香港政治,关系到切身,自然就肉紧睇真点,你身处番邦,离咁远,难免睇唔清楚甚至睇漏左,所以借意题点下你,咪介意.

神檯貓,唔该晒,此前口轻轻,答应April讲佢知只狼点好过只猪,之后好后悔,想到要码咁多字,都唔知点收科,难得你话咁快就代答,重快而准,简而清,连V大姐咁蠢都看明白,拍掌添,你都算好嘢,考多你一样,点解阿爷今运欽点只狼而捨弃只猪呢? (沉思)

修正或刪除

Re: 好戲連場 ( No.32 )
日期:2012/03/22 02:24
留言者:蕃薯
電郵:yingmui2007@gmail.com

我又估!!我又估!!
順民意..驚暴動 (表情30) (表情30) (表情30) (表情30)

修正或刪除

Re: 好戲連場 ( No.33 )
日期:2012/03/22 02:30
留言者:V仔好友

guan兄,先多謝你掛念!V仔只在十周年網慶聚會座位安排區 ( No.7 )出帖只出現過一次,
這位【V 】並非 V大姐,她請我在此說實你知!

修正或刪除

Re: 好戲連場 ( No.34 )
日期:2012/03/22 03:56
留言者:Hawaiian

#31
網上牙較戰只要唔傷到對方,大家得啖笑.世界上邊有咁筍盤呀?老實講,如果贏咗你,即使你肯付,都唔知好唔好意思收.又唔係生死搏鬥,除非你係李浮雲先生啦.
嗱!你都唔好話你贏面大,自由黨斑友開到聲投白票.呢啲就係得益集團代表,睇來揸流攤成數高.

修正或刪除

Re: 好戲連場 ( No.35 )
日期:2012/03/22 13:12
留言者:神檯貓

Re : 31

guan 兄

你條問題認真難答
唯一可講嘅係隻豬參政始於江澤民時代,而今年打後將會係習近平時代 ...

題外話,廿多年前大陸有一本很流行嘅小說叫" 新星”,主角李向南係高幹子弟,睇唔過眼當時嘅官場黑暗貪腐、顢頇無能,決心整治,但遭到既得利益者嘅阻撓誣陷 …當年神檯貓係一個c仔,睇到熱血沸騰,喊哂 …

舊年,無意中响网上睇到一段未經証實嘅資料,李向南嘅原型本尊係習近平
http://blog.sina.com.cn/s/blog_4b846bdd01008rhf.html

但願這一切不是我的一廂情願的幻想 ! (表情11)

修正或刪除

Page: [1] [2] [3] [4] [5] < 回上一頁

主題 排列前端
姓名
你的電郵地址
現在心情 *心情圖片預覽表
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。