好戲連場 |
日期:2012/02/17 09:07
留言者:Hawaiian
|
友人問,為何每次茶聚總有一大段時間點解Hawaiian總係唔出聲?笑答,因為這段時間大家都是在談論某某劇集如何如何,Hawaiian根本冇興趣睇劇集,半夜食黃瓜---唔知頭共尾,所以答唔上嘴.友人又問,唔睇劇集又睇乜嘢?哈哈!!!多嘢睇之至啦,除了波與馬,還有新聞咯.前嗰排台灣大選,雙英決戰,你出乾坤,我有日月,各自出招.除咗攻對方還要化對方的陰招.呢啲係真人真事,唔係編劇人仕作出來的宮幃爭鬥,豪門恩怨可比,實在精采絕倫. 嗱!台灣剛落幕,香港雙英又上演,估計吊吊Fing阿斗應玩完了,閘前退出.呢勻朝廷就頭痛,可能急急下詔兩個婦人報名補上出賽,否則由肥鴿對狼單打獨鬥,萬一隻狼被人揭出身上篤屎更臭時,豈不是隻肥鴿爆冷W出來, 朝廷絕對唔允許.所以香港呢單又係峰迴路轉,令人意想不到,拍案驚奇的.你話有邊套劇集有咁好睇?還有西南王獨鬥各路諸侯,鑼鼓己響起,相信等王儲回國後就會正式開場,咁多嘢睇令人眼花撩亂,重邊有時間去追劇集喎.
|
| |