Re: 心窩內的漣漪 ( No.12 ) |
日期:2012/05/27 10:46 留言者:千里馬
|
Hawaiian 兄,
Hawaiian 講D 野好鬼死有深度, so that I believe your are an old cake too, 你飽歷人生世故, 呃不到你的眼光, 你說男看女與女看男的條件上, 男士重色是事實, 你分析”依芙蓮”的心理狀態我很相信, 也是人之常情呀!
你堂兄等在哥國是華僑, 我都唔會請他代我找“依芙蓮”, 因為那是幾十年前既事了, 我而家己經係一件老餅, (仲係奇華餅店, 蓮香餅家, 得如茶樓出品果種老餅), 比"依芙蓮"見到我而家個樣更加令她美夢破滅和失望,
但係……..........世事既野有時會係好橋架! "依芙蓮"會會咁岩係佢個女? (題外話, 幸勿見怪!)
千里馬 |
|
Re: 心窩內的漣漪 ( No.13 ) |
日期:2012/05/27 18:10 留言者:Hawaiian
|
肯定唔會係.外人話本家族風水好,男丁多女少.所以家族中的女十分矜貴,個個視為掌上珠.而堂兄冇一個是做餐飲,姪女們只識西班牙話和一些鄉下話. |
|
Re: 心窩內的漣漪 ( No.14 ) |
日期:2012/05/28 01:31 留言者:SAN
|
Hawaiian叔叔, 是否只有矜貴的女人如珠如寶的女人是唔會隨便和人綱上傾談!有歧視意味喎!!!! |
|
Re: 心窩內的漣漪 ( No.15 ) |
日期:2012/05/28 03:47 留言者:Hawaiian
|
San: 唔明你所指,為何會有咁的想法呢?Hawaiian意思係本家族男多女少,大約是七比一吧.她們得到叔伯兄弟的呵護,相對是比男丁矜貴,何來岐視呢?今時今日莫說隨便與人上網傾談,就算隨便與人上床,父母兄弟也是無可奈何. |
|
Re: 心窩內的漣漪 ( No.16 ) |
日期:2012/05/28 07:49 留言者:校監
|
Haha, old cake被 kick? 網上奇談,笑話連篇,千里馬兄之文彩可有令人心如鹿揰? |
|
Re: 心窩內的漣漪 ( No.17 ) |
日期:2012/05/28 13:35 留言者:SAN
|
Hawaiian叔叔, 可能是我收錯信息以為你們男人對,女人在綱上和人舉談列入為不正經之流等等.. 我一直對在立綱上的綱友很放心與之交流結識,我想大家都喜歡粵曲,唔會有別的居心.應該都是正經的人.而真的無令我失望見過面的有的風趣,說下笑但全是正經得很播 |
|
Re: 心窩內的漣漪 ( No.18 ) |
日期:2012/05/28 22:33 留言者:千里馬
|
San,
當然啦! 我雖然有時會口花DD, 我在粵曲界玩左很多年,我都胆敢自認正菜都冇咁正架!係呢!見你開聲亞立哥,開口叫我千里馬Sir, 埋口叫Hawaiian 叔叔, 看來你並不是 an old cake , as old as us ,唔通你好似張相咁係個後生靚女?你可否告知我們你的秘密?又例如你唱了粵曲幾多年呢?
千里馬 |
|
Re: 心窩內的漣漪 ( No.19 ) |
日期:2012/05/29 01:27 留言者:Hawaiian
|
千里馬兄: 你提到”得如樓”,是否你住在該區?你可知有”品心”?如果唔知,可能你係掛鬚登場. |
|
Re: 心窩內的漣漪 ( No.20 ) |
日期:2012/05/29 12:19 留言者:千里馬
|
Hawaiian 兄, 品心? 真係唔知, 可能 ...I am not too old 吧! 請指教!
千里馬 |
|
Re: 心窩內的漣漪 ( No.21 ) |
日期:2012/05/29 14:29 留言者:SAN
|
哥哥,亞Sir, 叔叔,伯伯, 兄弟姊妹喝只是尊稱,無其他意思,我是普通平凡人一個無秘密?唱曲仍是幼兒班! |
|
Re: 心窩內的漣漪 ( No.22 ) |
日期:2012/05/30 06:56 留言者:Hawaiian
|
千里馬兄: 哈哈!!!話你係掛鬚登場啦,否則唔會唔知0既.好啦,剛賽戰士搭驌龍起了個孖,帶來利潤,Hawaiian心情愉快.指教就唔敢當,大家吹下水懷下舊就無妨.咁從茶樓數起,佐敦道近快樂戲院有間”伯爵”,斜對面是”龍如”與旺角的”鳳如”同主,向旺角方向上,近街市有間”入人”,另一間是”雲天”,由廣東道上到油麻地差館,轉右是公眾四方街.”一定好”在上海街角,記得長輩每年大年初一早上,第一通電話必撥去”一定好”,對方一接必話”一定好!!”取了好意頭.因為九成九的茶樓酒家都是歲晚收爐,初幾啟市.唯有這間開市.這個習慣傳染了畀Hawaiian,每逢農曆大年初一也先撥電到Goodyear輪胎公司都是為了第一聲聽到Goodyear.離”一定好”不遠新填地街有間”豐華樓”,”品心”在上海街與文明里交界,二三樓是茶居,地廳賣餅.再上是”得如樓”,唔知你聽過電台告白未:”得如樓,月餅會,供三蚊,餅十盒.”上到豉油街,有間”雲來”,樓底高有吊扇,好多沙三少款的人提一籠雀上來.山東街口是”金唐”,由山東街行到彌敦道是”龍鳳”,每逢中秋月餅上市,必有一大幅畫掛在牆外,年年題材新穎,不少人為看這幅畫由遠道而來.對面奶路臣街就是”瓊華”,每逢賽馬日”薩騎馬”八折,頂樓有五個大字沿牆而下:”邊個話我糭.”行上些少是”皇上皇”臘味和餐廳.到亞皆老街角是匯豐舊址,對面現在匯豐原是百老匯戲院,那邊是恆生,隔離是”龍樓”,未開張就火触,果然好旺.由亞皆老街向廣東道有間”天星”,與旺角道之間有間”多如”,如你有聽過葉觀楫講波:”真係上海街茶樓!”就話呢間”多如”.當然彌敦道還有”新雅”,麗斯戲院隔離的”醉瓊樓”,那邊的”幸運”,再入了通菜街花園街的”鳳如”,”泉章居”…..等等,因時隔太久,難免有些錯漏. 再回到油麻地,戲院對開是果欄,東莞街以南的兩條街不見了.利達街和祥瑞街變了駿發花園.那裡有幾間咕哩館,專落船搬貨.洋船把貨缷落躉船,再搬上岸.因為渡船街就是避風塘邊,開工就由此開船.每逢天后誕,避風塘的船就熱鬧得很,大排筵席請街坊,唱戲唱曲到近通宵.現在回頭一望,真是滄海桑田,人面全非了! 老餅就是喜歡懷舊,而你呢?哈哈!!!!日子還遠呢. |
|
Re: 心窩內的漣漪 ( No.23 ) |
日期:2012/05/29 17:54 留言者:千里馬
|
Hawaiian,
佩服!佩服! 你可以寫香港歷史得啦!
千里馬 |
|
Re: 心窩內的漣漪 ( No.24 ) |
日期:2012/05/30 03:48 留言者:Hawaiian
|
忘記了自己有份裝修彌敦道的”國際”,原先話係各層一齊開.後來貼張紅紙話十日後二樓先開,趕到各行各業個個屎出尿標.最後兩日已是開了兩日兩夜直落工,當年後生可以頂得順,當Hawaiian把招牌安好,封上紅紙,由棚架爬進三樓時,老細四眼佬問:”掂未?”答:”掂晒.”佢聽聞立即倒在三樓堆滿垃圾的地上,呼呼大睡.叫了佢幾聲和搖了佢幾下佢都懶得回應,自己打道回去.途經投注站,入去買了馬.冲涼倒頭大睡,一覺醒來看看手錶,是下午四點幾.扭開收音機想聽下跑出乜馬,點知聽來聽去唔見有賽果報告.包租公走來話:”乜你去邊度嚟呀?幾日唔返來,一返來好似死豬咁睡足一日一夜.”昨日己跑完馬,今日邊重報結果呀. 多年經驗,那些酒樓佬係冇良心居多,想收買人命.九成原先都係話有成個月先開張,但開工一兩日,就貼張大紅紙在門口:”兩星期擇吉開張.”趕到斑人幾乎冇命.曾在大埔道口通宵裝修那間”小西湖”,剛把樓梯級咀安裝好,茶客就踩上來飲早茶了. 工夫同佢趕起,但收錢有排”栭爛腳”,九折找數係行規,唔要呀?遲下八折都冇. 兩年前返港和一行家聚舊,佢話唔做了.人工貴舖租貴,最慘係替大地產商做嘢,拖一兩年數是家常便飯,有時三年都唔清.佢賣樓被人收少個崩都唔得,你話呢啲人生仔有冇屎忽呢?
|
|
Re: 心窩內的漣漪 ( No.25 ) |
日期:2012/05/30 12:20 留言者:raymond
|
細佬果d係真鬚嚟咖! 哈哈! 仲有瑞香園, 彌敦同埋平安大酒樓呢! 廟街有廣智戲院, 大儍賣髪腊, 三不賣豬肺湯, 高佬黎唱粵曲以及半日窮講故仔等等...... |
|
Re: 心窩內的漣漪 ( No.26 ) |
日期:2012/05/30 13:38 留言者:儀
|
好似係旺角道有間吉祥酒樓添, |
|
|