Re: 真的談天說地 ( No.290 ) |
日期:2013/02/17 07:36 留言者:Hawaiian
|
講到撞口卦,今早(本地時間)在太極斑遇上一同好.佢話使乜又刨又度呀?今日係人日初七(本地時間),一於買晒七號馬啦.返來一看,七號馬真係有三四隻係牌面馬,又有邊綫馬,如果有幾隻入咗圍,佢又有得牙擦.不過如果咁樣買就失咗樂趣,唔係自己所好.總之各施各法,今次心水係: 富逸 正白旗 韋達今日出乎少馬騎,佢今日一定有頭馬.熱門唔啱胃口,唔好忘記初三隻”品學兼優”點輸法!搏下佢兩隻; 皇龍大師 珍珠有利 經典一哩係打比預賽,估計真正實力馬今場唔會動手.因為今場實力旗鼓相當,要贏一定要去盡,去得咁盡下月打比時隻馬重保唔保持到呢?練馬師唔會咁笨架!所以今場宜吼二綫馬: 華美之星 歡樂時光 巫斯義係大賽騎師,睇高一啲.
提供一場Q和PQ,第二場星光騎士皇龍大師北非諜影. |
|
Re: 真的談天說地 ( No.291 ) |
日期:2013/02/17 10:15 留言者:Kc
|
Re: 真的談天說地 ( No.292 ) |
日期:2013/02/17 17:41 留言者:Hawaiian
|
Re: 真的談天說地 ( No.293 ) |
日期:2013/02/17 20:36 留言者:Kc
|
Re: 真的談天說地 ( No.294 ) |
日期:2013/02/18 11:58 留言者:Hawaiian
|
KC兄: 運氣既嘢好難講,順起來時樣樣都係順住你思維出現.逆起來時你估東佢開西.近來本人的預測簡直係離行離列,為免做肇慶荷包-----陀衰人.暫時收下聲先,當然自己唔會唔賭,一於打比日再會. |
|
Re: 真的談天說地 ( No.295 ) |
日期:2013/02/18 15:48 留言者:Kc
|
夏兄:玩耍嘢!不用介懷!
其實上日兄言打比預賽千八果塲,已很有料到!臨塲隻華美之星九十幾倍!俾佢嚇窒咗!所以冇買!剩睇馬、!
但夏兄估倒有實力馬唔去!實屬有料!
此所謂靈感衝擊也!
其實咁多年打比預賽,出現如斯塲面已多次!可能就是平磅加有實力馬唔去盡!
韋達隻大運財被問話,可見有玄機也!
切莫氣餒!水繼續吹可也! |
|
Re: 真的談天說地 ( No.296 ) |
日期:2013/02/19 21:23 留言者:老三
|
唉.....,我地一哥甘高要求自己,北極凍品也要經常命中才安樂,神仙咩?!!!
一哥三十倍W既馬都中左一只,有排輸都未入肉啦!邊洗甘快退陣呀!
好啦!齊齊支持立網的人氣,老三也重執馬經,在此與一哥唱雙黃,一哥繼續貼冷品,老三就貼熱狗為主,但聲明在先,一;老三未必次次賽馬都在此出貼士,二;老三人格保證所貼的馬,老三自己也有買W,三;老三只打算貼今季賽馬,下季未必可再有老三貼馬,四;若長期跟住老三所貼的馬,平註買齋W,賺到餐茶的機會甚高的。
二月二十日:五場八號、八場七號。
今次有D分頭架。 |
|
Re: 真的談天說地 ( No.297 ) |
日期:2013/02/19 21:59 留言者:Kc
|
Re: 真的談天說地 ( No.298 ) |
日期:2013/02/20 03:50 留言者:Hawaiian
|
喜見老三兄重出江湖!可能有點誤解了,唔賭會病!點有咁容易退陣呀?不過近來好似唔係幾順,就無謂擾人視綫啦.自己輸係應該,萬一有人跟進就累及無辜.如果刨到唔下注,不如閉目養下神重合養生之道. 馬迷有千百種,有的純粹為贏錢,有的志在參與,好在社交中多一個話題.如我之輩是享受其中過程的樂趣.其實世上大多數事情都係享受其中的過程,食一塊鮑魚和一塊番薯有乜唔同?就係入口咀嚼這段過程,當過了喉嚨之後,效果是一樣的,同樣化成米田共.賭馬就是享受刨馬參與下注,直至馬匹衝綫,還有哭馬喪,全是享受過程,那管輸贏.或問,你們都話賽馬係被人操縱,還要磡頭埋牆?哈哈!!妙就妙在呢處,一旦猜中局中的結果,那種樂趣非唔參與的人能領略.同樣自己唔唱曲,見到唱曲者學曲,操曲,貼錢受鬧,直到有機會演出.理得是噓聲或掌聲咩?旁人認為係攞苦來辛,但其人唔知幾享受. 廢話講過.既然老三兄重出,本來打算收斂下,但點都要出來助下拳.第五場盈威勇士冇異議,希望現場賠率唔好再跌.第八場衝線,上場贏得輕鬆,今次應係前列馬.但有少少擔心,此馬有嚴重腳患,馬主都打算安排佢退役,上場排一檔,今排十一檔較難跑.排一檔的奇勇名副其實奇勇,加上咖喱仔想爭冠軍,不容忽視.不過賠率乏味,提供一隻萬醒駒,來條5,7,9Q,PQ如何?冷W搏萬醒駒. |
|
Re: 真的談天說地 ( No.299 ) |
日期:2013/02/20 12:24 留言者:Kc
|
瞓醒又有料到!夏兄同老三兄有料之士也!
小弟刨馬,專攻死火馬!一塲除了死火果D!全部買晒!反其道而行!
周時中馬輸錢!但有時一塲爆大冷就翻身!非常好玩!
兄等有機會果D,自然不是死火馬啦!一定包實! |
|
Re: 真的談天說地 ( No.300 ) |
日期:2013/02/20 11:27 留言者:老三
|
夏一哥真比面,哈哈,老三當然明白一哥是退陣貼馬而非退出賭馬啦!
對!第五場盈威勇士,以大摩的風格,若臨場過熱定然玩失蹤的。此駒上賽已偷襲膠地一哩得手,賽績大超班兼質新。大摩最愛玩"估你唔到",今賽又想偷襲谷草一哩,賠率好就應依時執。
八場,奇勇剛勝已稍盡,若沒再進步和騎師有助,如今加磅加程,有倒灶之危。倒是萬醒駒乃伏兵,若舉旗拼命便大有資格一比拼。衝線排檔吃虧故換來好賠率,但其內側眾駒大多是慢出馬,衝線大可騎出穩守中疊,直路沖出制敵,馬匹質超,倒是馬房今賽鬥志和騎師發揮是關鍵。 |
|
Re: 真的談天說地 ( No.301 ) |
日期:2013/02/20 23:23 留言者:老三
|
真是好的唔靈醜就靈!
還是夏一哥夠料子,中翻PQ保本保水準!看來老三不宜再碰馬仔了,疊埋心水唱曲為宜呵! |
|
Re: 真的談天說地 ( No.302 ) |
日期:2013/02/21 00:15 留言者:Kc
|
Re: 真的談天說地 ( No.303 ) |
日期:2013/02/24 02:19 留言者:3388
|
Re: 真的談天說地 ( No.304 ) |
日期:2013/02/24 08:30 留言者:Kc
|
早晨!早晨!
介紹死火馬:第一塲。2 加威力!5 嘉駿之威!
點玩?飛起死火馬!十二隻馬,單T,220文 爆就嬴!唔爆就嗱番楂沙! |
|
|