Re: 真的談天說地 ( No.230 ) |
日期:2013/01/21 10:42 留言者:Kc
|
四十年歲月怱怱而過! 今日見大摩細摩港澳兩地各自風光! 大告小告同一馬塲角逐!間不中仲整條兄弟Q添! 澳門成了香港犯例騎師集中營!似乎譚文就,陳柏鴻仲在陣! 人生路,一子錯,全改寫! 今時今日,沈集成,姚本輝,徐雨石,䈎楚航,文家良都是騎師出身!
觀乎獎金制度,照計好易上岸!何以班友仲咁搏呢? |
|
Re: 真的談天說地 ( No.231 ) |
日期:2013/01/22 23:33 留言者:老三
|
有次同譚文就宵夜,當時他已被釘牌好耐,但還未過澳門做練馬師,他一再表示很後悔"造馬",導致被釘牌。更講:如果讓我由二樓跳下來而唔死,馬會就發回騎師牌給他,他立即跳! |
|
Re: 真的談天說地 ( No.232 ) |
日期:2013/01/22 23:44 留言者:Kc
|
KC就是奇怪,好多人正正經經,已坐定粒六!
不明何解仲要出古惑?
香港單做馬案,案情發現個老細做馬,竟然會輸!俾佢吹漲!
KC細時,有個親戚做外圍,居然成日俾人煲起!周身唔掂!
都唔知班友點撈偏門?
|
|
Re: 真的談天說地 ( No.233 ) |
日期:2013/01/23 00:23 留言者:老三
|
有次有個馬主拉了老三一起去與某練馬師吃晚飯,席間馬主向練馬師提議:馬主拿一筆巨款交予練馬師,由練馬師抓主意怎樣賭,待季尾再大家分錢,尚若輸了也不用練馬師負責...。但練馬師不肯,馬主很不解,老三對馬主說:1/.別人有更好的條件給練馬師,你的條件沒吸引力。2/.他們只玩鋪鋪清,不會同你成季計,鋪鋪清,定有鋪贏,他們定必有錢落袋...。練馬師說:都系阿譚醒,大家甘熟才講呀,你地出面的人,無可能贏到錢的,有贏,都是我地贏架乍......。 |
|
Re: 真的談天說地 ( No.234 ) |
日期:2013/01/23 00:38 留言者:Kc
|
行內人奸都合理!
但發覺連講馬佬都奸埋一份至吹漲!周時見班友合力大唱特唱一件下風之馬!
上風之馬又刻意不提!分明搵老襯!
多年前,聽收音機,條友漏咗口風,佢話:哈,果日收操時,大家都話唔提呢件,點解臨塲會咁熱?
哈哈!夾埋唔提都得?班友點搞? |
|
Re: 真的談天說地 ( No.235 ) |
日期:2013/01/23 05:15 留言者:Hawaiian
|
人的慾壑難填,任何人都逃不出一個貪字.所謂名枷利鎖,那個高人可以參得透?白姐姐曾有言:任何人都有一個價錢.十分認同.這個包括係金錢物質,名位權力.好多人外人看來係打跛腳都夠幾世嘆,仍以身試法去追求得到更多.近年的哨牙風水佬啦,香港前朝冧把吐啦……一樣搞到身敗名裂.天網恢恢人在做天在看.香港發生那兩單做馬案,主角都不得善終.毒馬案主角騎師彭利來和後來上海幫的主腦王某,聞說都是最後身患絕症的,搵到更多的錢又如何? 北非諜影好傢伙 刻意扒冷超勝勁力
|
|
Re: 真的談天說地 ( No.236 ) |
日期:2013/01/23 12:18 留言者:Kc
|
Re: 真的談天說地 ( No.237 ) |
日期:2013/01/23 20:24 留言者:Kc
|
Re: 真的談天說地 ( No.238 ) |
日期:2013/01/23 22:47 留言者:麥友成
|
今晚經過投注站想投注.........唔識填! |
|
Re: 真的談天說地 ( No.239 ) |
日期:2013/01/24 00:31 留言者:Kc
|
Re: 真的談天說地 ( No.240 ) |
日期:2013/01/24 03:11 留言者:Hawaiian
|
賭博無必勝 閒錢來遣興 小注可怡情 保持娛樂性
唔知有冇記錯何生的告示牌上的字句?眨下眼成四十年冇同呢塊牌見面了.
唔識唔緊要,最緊要係入來!世界上冇邊處好似馬會咁招呼周到. |
|
Re: 真的談天說地 ( No.241 ) |
日期:2013/01/24 13:45 留言者:Kc
|
夏兄:捉倒隻超勝!屬好好嘢嘞!
條Q592•5元!單T:1005。 三重彩:6522。 P:64
継繢努力!
有料到! |
|
Re: 真的談天說地 ( No.242 ) |
日期:2013/01/24 22:25 留言者:老三
|
九七金融風是老三出世以來笫一最大的沖擊,一年間幾乎變作一無所有。本來挨挨頂頂了五年才進入掙錢期一年余的賽馬資訊服務公司,半年間一下子少了百分之七十五的客仔,又陷入了繼續放血的環境,挨到九八年終於拉埋閘了。閑了一年余,科網在全球澎漲,腦筋發熱之下,又訓身搞馬網,更希望被李啥楷先生也看中此網而被收購,就發達哦! |
|
Re: 真的談天說地 ( No.243 ) |
日期:2013/01/25 01:09 留言者:Kc
|
係呀!果段日子!丅〇M。DOT COM 人人排隊買啦!
小弟果陣就係理工教緊資訉科技!
有班友在股市搞咗個維京指數!用電腦去測市!
玩到傳媒都玩埋一齊!
而家都唔知去咗邊咯!
科網潮,成功唔係冇!雅虎,谷歌,微軟,youTube。而家都掂啦!
丅OM•com 而家唔知搞乜矣! |
|
Re: 真的談天說地 ( No.244 ) |
日期:2013/01/25 07:39 留言者:Hawaiian
|
老友抱怨,每次跑馬唔係冇得中,而且有時唔止中一兩場,但冇次贏錢.笑佢每次都係買隻叫”少女情懷”的馬,佢話邊有呢隻馬呀?有!少女情懷總是詩(輸)呀嘛.前輩有話,賭錢唔輸天下第一生涯.贏錢係好彩,輸錢係應該.點解你長輸呢?盲既都有次撞中叻番一次啩?原因係出在你的投注策略.賭場係最喜歡磨穿蓆的人,場場賭,中到都一定輸返落去.你又中意賭連贏,但徧徧一定用大熱門做胆.成季大熱入Q有幾多?最蠢一瓣係買咗1拖2,3,4,5,6,又兜番2,3,4,5,6互穿,未賭先輸.假如開條大熱幾十元Q,條數點計.其實除咗賣貼士的寫馬佬要場場話有心水之外,一般人邊係場場有心水?勉強亂投一通,試問你有幾多彈藥?如果係資深的人,一打開張排位直覺上就應知把邊啲場次冚住唔睇.專注兩三場,先把大熱門剔去,看看有邊啲冷門可搏.舊的方式是一W三P,而本人係大W細P,如今場投注一百元,位置預派五十元,就買二十,其餘搏W,假如勝出彩金和味,入位可保本.什麼三重彩四連環之類,越複雜輸的機會越大,所以最好唔賭.不過唔賭會病,賭就冇命.唯有賭細啲吊住條命.最驟忌係充精扮叻,驃叔另一名言:馬場專收叻仔. |
|
|