 Re: 真的談天說地 ( No.199 ) |
日期：2013/01/12 01:11
留言者：老三
 |
金銀城爆一千那場賽事，愛倫的馬包辦四甲。  |
|
| Re: 真的談天說地 ( No.200 ) |
日期：2013/01/12 01:36
留言者：Hawaiian
|
老三兄:
可能係記錯,金銀城係由柏葛贏過,但呢場又好似係李格力爆.時間相隔己久,手上並無資料,三甲馬肯定係全是愛倫的馬,因為中正條Q和PQ,第四名就唔記得了.
|
|
| Re: 真的談天說地 ( No.201 ) |
日期：2013/01/12 09:54
留言者：Kc
|
 早晨！早晨！
今日又有賽事！
其實馬仔局，根本唔駛咁辛苦！因為一看彩池！全世界人仕一落注，已分開有分同半冷大冷三瓣！
Kc分為三堆玩；十倍以下一堆！十培至二三十倍一堆！四十倍以上又一堆！
根本開冷開慹已分明！看個日風勢玩！
哈哈！根本玩數學！同馬匹一D關係都冇！更加冇理係唔係古惑！  |
|
| Re: 真的談天說地 ( No.202 ) |
日期：2013/01/12 23:59
留言者：Kc
|
夏兄：中咗童夢，薑餅人，快快嬴，龜免競跑！ 
繼續努力！ |
|
| Re: 真的談天說地 ( No.203 ) |
日期：2013/01/13 04:05
留言者：Hawaiian
|
剛賽好彩,中得三Q(1,2,7場)四w,有斬獲,雞仔注炒埋得一小碟.第三場非對胃口,中到都冇肉食,改投其他.本來先是注意韋達,但潘頓氣勢如虹,就要轉軚.賭馬就是這樣的,第一切忌追捧偶像,因為冇一個是正面人物值得用真金白銀去追捧,即使初來一臉正氣,久而久之就會變.尤其是澳洲佬,遠的不說,近如白德民,戴勝,岳禮華,及柏寶,有眼被你睇.潘頓暫時還未經常(間中係有的)有礙眼鏡頭,一旦羽翼漸豐也逃不出定律.第二不要和馬匹談戀愛,死追!即使中過冷門的也要場場計算.有啲人中過一匹冷馬,逢出都場場買例飛,少數怕長計,遲早放回落去. |
|
| Re: 真的談天說地 ( No.204 ) |
日期：2013/01/13 09:00
留言者：Hawaiian
|
昨日尾場就是被人禁住搶的實例,頭馬二號馬,入閘前五六分着綠燈,一路企住廿三倍.到差不多入齊閘,仍是廿三倍.連講馬佬都話:”唔似喎.應該係二十,十七…咁跳先啱.”但一開閘,馬上變啡燈十二倍.內定頭馬在前呼後擁在三四位,所有實力份子唱雪擁藍關.到真命天子在直路穩握卷時,一眾馬騮擁上來駁腳.廿三變十二,要幾多錢先改變到?
都係以前有評馬家”牙擦蘇”,佢每篇開頭咁話”馬可賭,不宜猛賭.”-----金石良言!
|
|
| Re: 真的談天說地 ( No.205 ) |
日期：2013/01/13 16:46
留言者：Kc
|
㩒住搶，周時出現！
無法啦！十賭十騙！冇乜公唔公道！
周不時瘋狂起飛；結果是香格格！
只要捉唔倒成友夾埋！大家都要搏！  |
|
| Re: 真的談天說地 ( No.206 ) |
日期：2013/01/13 22:42
留言者：老三
|
現場起"飛"亦大有學問，起碼有分：1/.幕後搏殺，2/.大戶落飛，(大戶是指大把錢的人) 3/.現場傳謀鼓吹引起.4/.羊群效應.5/.....。
90年時，老三駁條馬會電腦線，五萬元一年，還要經過馬會非常嚴格的電腦技術考驗才可接納，而老三的幾位電腦工程師，乃當時廣州的電腦高手，出自國內的頂級學府，當然過關斬將，食菜甘食。
老三花了如許大費用和工夫心機駁條馬會電腦線，最初的目標是利用老三設計的計算程式，即時監察馬會的整個收"飛"投註情況，從中得到"有益"的資訊，提升自己的優勢和命中率，更大地從賽馬中獲利，而 並非益大眾，搞服務公眾馬迷的資訊服務的。 |
|
| Re: 真的談天說地 ( No.207 ) |
日期：2013/01/13 23:00
留言者：kc
|
| Re: 真的談天說地 ( No.208 ) |
日期：2013/01/14 06:12
留言者：Hawaiian
|
講起香港馬圈風雲人物,愛倫應佔有一重要地位.在星洲練馬時,曾派”殖民首長”贏得香港國際賽.後到香港練馬,更加成績斐然,馴練出多匹馬王級的名駒.包括”原居民”,”靚蝦王”,”奔騰”,”活力先生”…..等等.並派出馬匹遠征海外,取得佳績.”活力先生”馬主是曾任馬會董事的榮智健,此人來頭不小,是前國家副主席之子.愛好賽馬,肯花巨款買入名駒不下十數匹,”奔騰”也是其所有.也有過一匹名叫”天潢”的高斑馬,此馬未達馬王級數,但也留下一段古.一次此馬出賽是熱門,榮大董梗係捧自己的馬,而且款項甚大.但陰差陽錯買錯隔離個號碼,而神推鬼使那匹馬爆出大冷.佢無端端贏了一筆巨款,據說有幾千萬元.榮大董話這是意外財,自己一個仙都唔要,全部捐晒出來.你估捐去邊處?係佢的母校美國史丹福大學.此舉當時引起一些非議,史丹福係名校,培養出不少名人巨擘.每年回饋母校不少,校方財政富可敵國.幾千萬元港幣對其來講影響不會很大.但在中國很多地方窮鄉僻壤,很多小孩子讀書連一張書枱都冇,書本也要靠捐贈.就是幾千元,對這些小孩子是十分重要.不過人各有志,錢係人家的,佢有權如何使用. |
|
| Re: 真的談天說地 ( No.209 ) |
日期：2013/01/14 07:51
留言者：Kc
|
馬圈舊事真有趣！
馬王祿怡真係勁！好似養在王登平處！現在馬會博物館！ |
|
| Re: 真的談天說地 ( No.210 ) |
日期：2013/01/14 10:23
留言者：老三
|
"殖民首長"來港贏出"國際邀請賽"那場，是告東尼騎的，賽前告東尼專程往新加坡騎此駒勝出了，才答應愛倫在港騎"殖民首長"出賽"國際邀請賽"，驚險地贏個鼻而已。那場老三大豐收。
"天潢"擔飛，榮某贏幾千萬那場，老三敢人頭搏竽頭，絕、絕、絕對不是外傳中的"陰差陽錯，買錯隔離"的，老三的即時現場落飛察看程式系統，看得一清二楚，他是最後一分鐘，W、Q齊落註的，當時老三憂疑了半分鐘，再追註了數B元，但已遲了，馬匹出賽了，老三那過百A的收益泡湯了。
由於此場做世界太獨食太離譜，原有機會在馬會地位更上一層樓的榮某，從此逐步失勢了。
|
|
| Re: 真的談天說地 ( No.211 ) |
日期：2013/01/14 13:27
留言者：Kc
|
榮生後來因有人炒澳紙I kill you later!
連中信泰富都要敗走！真始料不及！
人生無常！信焉！  |
|
| Re: 真的談天說地 ( No.212 ) |
日期：2013/01/14 16:58
留言者：Hawaiian
|
對香港馬迷有影響深遠的人,非董驃莫屬.”我係董驃,你唔係.我講馬,你要聽.”一語膾炙人口.佢早在六十年代開始在麗的講馬,但麗的當時仍是有綫電視,收費不菲,不是一般家庭都有安裝,所以未能普及.佢廣為人知的,是約在六七年暴動後主持一張”平安夜報”的馬經版.在賽日前夕有一欄提供,”明日大熱死火馬.”百發百中,廣受歡迎而聲名鵲起.聞說因此被外圍佬歐打過.佢還有一出位動作,是第一個在專欄登出相片的人,註明”本文作者董驃”字樣.最吸馬迷眼球的,是與當時一位資深馬評家”晨鳥”大打筆戰,更顯示出佢對馬匹的認識之深.在佢出現之前,香港大報的馬經版幾乎是簡而清,而和兄弟的天下.簡而清用簡老八作筆名,簡而和是簡老九,另一名是和官.另有文王在工商報系,叔子在新報,而晨鳥是天皇夜報馬經的主筆,晨鳥自己又出一份”天皇馬經”.佢和董驃打筆戰,起因是一匹名叫”風雷令”的頂斑馬,當時操到火紅火綠,譽滿欄邊.晨鳥話呢隻大熱門冇得輸,但董驃話隻馬係虛火上升,必輸無疑.結果”風雷令”大敗而回,晨鳥話騎師施露華發揮不佳,唔關匹馬事.董驃馬上在專欄大字標題:”我教晨鳥睇晨操!”逐一解釋”風雷令”落敗原因,話晨鳥根本唔識睇馬.搞到晨鳥理屈詞窮,最後話連馬毛都有研究,董驃語帶相關問:”你研究緊啲係乜毛呀?”成為普羅大眾的笑談.其實晨鳥也非無名之輩,除了在報紙主編馬經,還和文王,叔子,和官四人在麗的呼聲銀色電台主持”賽馬座談”,一段時間後被簡老八,潘懷偉,田豐先生三人取代,後來才知道潘懷偉就是田豐先生,真被佢呃到透!可能佢做節目時扮兩把聲,或請一人扮田豐先生.潘懷偉係”新午報”和”田豐日報”的老板,佢同”香港夜報”的老板胡隸周,在六七年暴動時刊登假消息.”中共炮艇出現青山灣!”被港府起訴判監而身份暴露.胡棣周用”皇牌騎師”筆名在”香港夜報”寫一”皇牌騎師日記”專欄,專寫聲色犬馬,有時寫到馬圈之事又幾受歡迎.當時在電台講馬的,商台有鍾時雨和方寶來,方的冷馬有時幾準.而鍾時雨賽日在馬會直播,其實只是講名次.當音樂一響,女播音員宣布”商業電台賽馬消息最快最準”.跟住係鍾宣布:”以我所見,第一名過終點係….”講完三個名次就收咪,咁就叫直播.後來放鬆一啲,被播最後直路五十碼(還未改公制),其實是己過終點,佢不過係覆述五十碼的情況,”叮噹馬頭”就係佢發明講的.而麗的銀色電台由譚炳文講,有次隻大熱門”必有所圖”邱達禧騎,唔知係唔係”炳門”買咗重注而心情緊張,”哎呀!死喇!大熱門唔知去咗邊呀?”其實該駒己首名過了終點.”盲炳”由此時開始叫佢.香港電台係後好多時間先播,由一個叫梁國治的人講馬,佢一口四邑口音.好衰唔衰有次唔小心講咗句粗口,經過道歉了一段時間後就冇得撈,勞楚令,趙子龍是稍後才在港台的講馬. |
|
| Re: 真的談天說地 ( No.213 ) |
日期：2013/01/14 17:45
留言者：Kc
|
|
真的談天說地
