Re: 真的談天說地 ( No.184 ) |
日期:2013/01/09 11:30 留言者:老三
|
唉....,夏一哥、KC兄,老三的馬仔事件簿,足可以拍翻套"微電影"了,那就象"微電影"股簡單的長日短播啦;老三第一次賭馬是沙田馬場開張的一九七八年,八零年至八九,在大陸的工藝品加工生意仔是副業,正業是日日手執"大贏"馬薄坐酒樓度馬,年年執幾十A落袋,旺角的幾個莊家既望老三的"飛"到,又趕緊轉打後莊,抽水算數。卒之有個莊要將旺角層樓轉名給老三,而老三也另再買車買樓,八三年去葡京當年的唯一貴賓廳"珊瑚廳",指指鼻哥,廳主"黑頭忠"就叫人送三十A碼仔過來給老三玩了,還遊說老三入股,但老三沒興趣....。 九零年起獨資與馬會簽約,駁條電腦線連接馬會搞資訊服務,手上百零A現金唔夠轉,賣車賣樓搭夠,那時電腦是286年代,未有互聯網,用電話線一對一服務,老三的公司逐步共安裝了350條電話線。誰知開檔那年,馬場馬房發馬瘟......。
(待續) |
|
Re: 真的談天說地 ( No.185 ) |
日期:2013/01/10 00:24 留言者:Kc
|
夏兄:又中三件真神奇!隻隻夠冷超預期!
度馬閣下真有料!下次賽事要靠你! |
|
Re: 真的談天說地 ( No.186 ) |
日期:2013/01/10 01:23 留言者:Hawaiian
|
撞彩啫!雞仔注,老鼠尾生瘡. 因住下次可能係生蟲拐杖呀. |
|
Re: 真的談天說地 ( No.187 ) |
日期:2013/01/10 16:03 留言者:老三
|
到此,必定有不少人質疑老三上述所講的真實性。當然,老三有不少事是省略了,但大概上是很真實的。又問,嘩...,你老三仲巴閉過"馬神"?那也不是!但後來跳樓自殺的"馬神"---紐西蘭鬼佬"魔亞",他的確是老三的"客仔",他後期的電腦程式,正是老三所指引與老三的夥記的制作,老三收了他們的工本利潤費共90A。後來,這90A的帳數,還給"老廉"請了老三飲咖啡,懷疑老三與"造馬"集團有關。當然,老三點滴都沒沾這些"矛波"的邊,但,馬會後期已將老三列入"黑名單"。 |
|
Re: 真的談天說地 ( No.188 ) |
日期:2013/01/10 21:51 留言者:Kc
|
老三兄:點敢質疑呀?何況kc向來聽古不駁古!
放心放料可也!
有趣!有趣! |
|
Re: 真的談天說地 ( No.189 ) |
日期:2013/01/11 06:11 留言者:Hawaiian
|
講起馬圈的事真係一籮籮,傳到外面的也有不少.黑箱作業,密室交易的,不為人知的不計其數.資深馬迷可能對”黑天鵝事件”仍有印象.所謂”黑天鵝事件”並不是外國名著所講黑天鹅事件(Black swan event),指非常難以预测,且不尋常的事件.而係真真正正發生在一匹叫黑天鵝馬的身上.當年己是業餘年代末期,騎師是郭子猷一人獨大(如近年的韋達),鄭棣池雖然冒起,仍未成氣候.郭子猷與大馬房蘇芬諾夫合作,形勢如今日的韋達蔡約翰.這時出現了一位叫何華的騎師,聞說是永安郭氏請來.拼勁騎功都有,把郭氏名下的”旺財”由二斑贏到成了一代馬王(之前一匹係蒙地卡羅).故何華大受歡迎,逢出必熱.但一兩季後又係澳洲佬的劣根性,(本人對澳洲佬有偏見,認為最蠱惑的騎師係澳洲佬,唔信?可翻查紀錄.)當年有一匹叫黑天鵝的馬由佢處理,質高態勇譽滿欄邊,贏過兩三場無敵手.此日再出配何華,成頂頭大熱,擔起整個電算機.當時的電算機只顯示票數,並無賠率顯示.到馬匹亮相時竟然搵唔到何華,四圍打鑼咁搵,原來何華在酒吧飲到爛醉如泥.臨時改配後來做了練馬師的陳姓騎師,結果係跑到一無是處包尾而回.何華從此消失在香港馬圈.據說當日與何華有關係的兩大外圍集團,一個要佢輸,一個要佢贏,兩邊勢力都咁大,點算?只有飲到啤啤呼咯.至於黑天鵝為何包尾呢?後來才知係”彭利來毒馬案”斑友落咗毒,此又係另一個故事. |
|
Re: 真的談天說地 ( No.190 ) |
日期:2013/01/11 07:38 留言者:老三
|
80年起,廿零歲仔的老三就給自己定下了一系列馬仔作戰規則;1/.不要看電視賽馬預測和賽後撿討節目。理由是若這些主持人如能贏,已是富翁而不打主持工了。2/.不看馬匹晨操和晨操資料,理由是看晨操能贏馬,無人去返工,而是看晨操當返工了。而晨操也正正是幕後放煙霧和毒藥的最佳環境。3/.不理任何貼士,理由是就算今鋪贏也抵不了日後的輸。4/......。 老三當年看"大贏"馬簿是因為它有出賽馬匹的以前出賽走位圖片,可從中找出上賽有能力贏卻故意輸了的馬匹。當年看報紙馬經是沒有這些資料的,亦即是絕大部分的馬迷欠缺了這方面的資訊,而使老三處於上風些。而今時今日資訊發達,什麽圖片影片都有,欠缺這優勢也是老三離開馬圈的重要理由之一。 |
|
Re: 真的談天說地 ( No.191 ) |
日期:2013/01/11 08:42 留言者:Kc
|
老三兄:所談舊事甚有趣,馬圈古惑,眾所周知!而資深馬迷多喜其中有路可捉!
鷄仔注越爆就越妙!有位騎師叫死火得!出閘成日例慢!成日大熱死火!好似係賓士馬房啩?
驃叔賽馬金句多羅羅!甚有益世道人心!
很少資深馬迷玩真嘅!連彭福將軍也曾說:賽馬就是這樣的!
是看透了馬仔局之人!旨哉斯言也! |
|
Re: 真的談天說地 ( No.192 ) |
日期:2013/01/11 11:11 留言者:Hawaiian
|
死火得係馬彼得,係張學文請來的.賓士的主帥係白禮棣.死火得又名江湖佬,係出名大蠱惑,現在好似做馬販.佢個譯名有段古,起初譯做馬雅士,因為當時有匹馬叫馬雅麗,為免混淆改作馬彼得.講起改名,馬會都會從善如流,將賭仔視為大忌的薄斯改做薄奇能,韋紀克改做韋紀力.但告大力改做告達理,唔知係佢自己改或是馬會? |
|
Re: 真的談天說地 ( No.193 ) |
日期:2013/01/11 12:00 留言者:Kc
|
驃叔金句:出閘跣一跣,轉圜一大遍!直路看不見!
唔賭會病,輸死冇命!小注吊住條命!
|
|
Re: 真的談天說地 ( No.194 ) |
日期:2013/01/11 12:00 留言者:老三
|
告大力是自己改名,馬會批准再通知傳謀的。 |
|
Re: 真的談天說地 ( No.195 ) |
日期:2013/01/11 13:11 留言者:Hawaiian
|
馬彼得係轉職業賽後最初期少數的馬房主帥之一.最早來的甘保頓,蘭尼,伊諾,易仕,吉能以及後些少的伊丹尼,係馬會請的.馬彼得係張學文,白禮棣係賓士,嘉華達係布朗請的.後來布朗又請來魏德禮,在馬彼得離開後,張學文再請來詹亞健,是星馬騎師.同來還有個李銘揚,此君騎馬被譽為”冇頭冇尾得中間”,頭段例慢,中段猛騎,到後段散晒.曾爆過一隻叫”天馬”的獨贏,當時五元一票派過千,是否紀錄就唔知.李銘揚是誰?相信聽粵曲的人都會知道,佢係擅唱女腔鍾麗蓉的夫婿.本人現在喜聽鍾麗蓉多過紅綫女,起碼佢係唱女腔,保留女腔風格,而唔係唱紅腔.詹亞健的騎功被稱為”鏟刀磨較剪”,一味死推唔用鞭.英女皇當年訪港的第一届女皇杯,就係佢騎”利是吉”贏出.聞說有一個覆姓的高級警司太座,對佢十分賞識.這位太太在曲藝界十分活躍,曾和黃乜乜亞姨,花旦鄧媽打組過一個以女性為名的劇團.也和黃亞姨出過唱片,不過兩個都係平喉,唱功一般.而本人對女平喉存有一種偏見,始終缺一種剛陽氣,故聽過一次印象全無.那個警司太太,唔知點解突然自殺身亡,外間謠傳話佢在詹亞健身上輸了天文數字的巨款.不過只是風言風語,真相只有當事人先知.不久詹亞健返回星馬策騎而墮馬身亡,眨下眼又過了幾十年. |
|
Re: 真的談天說地 ( No.196 ) |
日期:2013/01/11 13:26 留言者:老三
|
仲以為老三的一位老友是賽馬字典,原來夏一哥才是!! |
|
Re: 真的談天說地 ( No.197 ) |
日期:2013/01/11 16:01 留言者:Kc
|
利是吉,小弟都嬴過,馬主是印度人!
小弟在理工時,有同事是金銀城馬主,佢話隻馬得時就釘,佢話冇機就爆!隻長途馬爆一千,爆到傑韆韃!
俾佢吹漲! |
|
Re: 真的談天說地 ( No.198 ) |
日期:2013/01/12 00:42 留言者:Hawaiian
|
金銀城贏在柏葛,換轉他人未必得.當然愛倫是功不可抹.長途馬贏短途例子不少,但短途馬贏長途就唔多.當年次次連最短途的五化郎都唔到的”快樂名雌”,竟在最長途一哩二五爆出,甚是經典. 今日 危險巨星破童夢, 銀子彈殺薑餅人, 快快贏或有機會, 龜免競跑要睇人, 韋十二重來復仇, 下半場全係Q躉. |
|
|