Re: 真的談天說地 ( No.49 ) |
日期:2012/07/13 13:03 留言者:Kc
|
Re: 真的談天說地 ( No.50 ) |
日期:2012/07/15 08:21 留言者:Hawaiian
|
明日煞科,估計爆冷場次多.想起以前有個寫馬佬叫牙擦蘇,佢每篇文章第一句必係”馬可賭,不宜猛賭”真金石良言.只宜小注,無謂夾錢被人去抖暑.今次可搏之馬: 四場 俊飛象 五場 捷領風騷 六場 足智多謀 唔使兩個月又有八十三次等住你.
最後補充: 小敲第二場13號天蓬戰駒.
|
|
Re: 真的談天說地 ( No.51 ) |
日期:2012/07/15 20:25 留言者:Kc
|
Re: 真的談天說地 ( No.52 ) |
日期:2012/07/16 00:17 留言者:Hawaiian
|
煞科日上半場太正路,幾乎反肚.好彩下半場逐漸好轉,最後一場中T大翻身反敗為勝.全季埋單輸去港紙二千三百多一點,真係阿彌陀佛!”馬可賭不宜猛賭.”且看第四場二號俊飛象,投注時廿幾倍,最後七點一倍,啲錢邊個得晒?我輩局外人玩下算啦. |
|
Re: 真的談天說地 ( No.53 ) |
日期:2012/07/16 13:42 留言者:kc
|
平均三條嘢玩一次, 抵到爛啦!而家百勝廳細枱消費400元一次!特別賽日約四倍!83次賽事, 好重皮也! 同唱曲比, 唱曲就平得多了! 玩, 有時都好傷腦筋也! 所以上網吹下水, 就至平咯! |
|
Re: 真的談天說地 ( No.54 ) |
日期:2012/07/24 16:59 留言者:Hawaiian
|
新聞報告,台風襲港一度掛起十號風球.以前居港也曾經歷過掛十號風球的日子,其中最難忘一次大約是在七零或七一年,正确年份記不清楚了.那日傍晚,十號風球早己掛起,全九龍大停電.身在欽洲街友人家中,點起蠟燭打牌.大約九點左右,電話追到來,姑丈病情急轉直下垂危.姑姐要隨白車入院,要本人馬上回去照顧四個年幼的老表.當時街上一片漆黑,全無車輛行人.由欽洲街返回大角咀,雖然不甚遠,但在這樣環境步行回去也要一段時間.此時狂風怒吼,驟雨從四方八面打來,雜物橫飛,分分鐘會被擊中.尤幸有驚無險,全身盡濕返抵住所.當風勢最強時,轟轟作響,大廈在搖動,窗上的玻璃一塊塊被風吸出去,不是吹入來.姑丈在該晚逝去,次日聽收音機,知道行走港澳的佛山輪被吹沉,有近百人遇難.所以殯儀館也排滿,要等一段日子才輪到.當時行走港澳的輪船有佛山,德星,大來和澳門號.佛山輪沉後不久,其他幾艘也相繼退役了.往事尤似在昨日,轉眼四十年了. |
|
Re: 真的談天說地 ( No.55 ) |
日期:2012/07/24 23:15 留言者:Kc
|
71年這個風叫露絲!佛山輪,德星是當年行走港澳的兩大船! 去一轉澳門要坐成三個鐘!當年多數坐大倉! 去澳門會買豬油榚,加蛋餅,蟹同鹹魚! |
|
Re: 真的談天說地 ( No.56 ) |
日期:2012/07/24 23:32 留言者:麥友成
|
好似還有泰山號....重有金、木、水、火、土、星飛翼船。 |
|
Re: 真的談天說地 ( No.57 ) |
日期:2012/07/25 02:02 留言者:Hawaiian
|
大船還有一艘叫松山,第一代水翼船是用飛字頭命名,還有東,中,西望洋號,好似唔同公司. |
|
Re: 真的談天說地 ( No.58 ) |
日期:2012/07/25 01:01 留言者:麥友成
|
華山輪、東山輪、南山輪、盧山輪、泰山輪、彿山輪、澳門輪.... |
|
Re: 真的談天說地 ( No.59 ) |
日期:2012/07/25 01:03 留言者:Kc
|
果陣澳門有間賭場叫中央,落注用隻鑼吊錢落去!小朋友都可以入! 記憶中,kc仍是小朋友! 澳門d石仔路尚在記憶! 牌坊矗立! |
|
Re: 真的談天說地 ( No.60 ) |
日期:2012/07/25 03:09 留言者:Hawaiian
|
記憶中在賊船(海上皇宮 )的骰寶和番攤檔都有,職員一邊替賭客把錢放入小竹籮由樓上吊下投注,一邊大喊:”樓上吊籮!” |
|
Re: 真的談天說地 ( No.61 ) |
日期:2012/07/25 12:07 留言者:kc
|
果陣kc已去過福隆新街!一個紅牌亞姑都見唔倒! 三輪車就好有特色! 葡韃同豬扒包後期至有! 佛笑樓同陶陶居就食過! 仲有清平戲院! |
|
Re: 真的談天說地 ( No.62 ) |
日期:2012/07/25 17:30 留言者:Hawaiian
|
初到澳門住在蓬萊新街,轉一個彎就是清平戲院.向另一方向走是司打口,不遠有間金城戲院.這是兩間經常去免費睇戲的地方,原因是住處是一間餅舖內側.餅舖有一伙記松叔,兩間戲院的守門人係佢結拜兄弟,經松叔介紹,所以次次免費睇戲.金城戲院未開場播的曲一定係芳艷芬的”紅鸞喜”.不知這兩間戲院仍在否呢?海邊新街那裡有一街市(紅街市?)物價比營地街市平. 數年後在港學滿師,不久與堂兄合作包判工程.手頭鬆動生活輕狂,一斑損友每周日下午有時四人,有時六人必結隊過大海與何生搏鬥.一本回港證一般人可用三年,而這群賭仔七個月就要加頁或更換了.下午三點搭水翼船,到達是四點多,先去搖幾分鐘老虎機,表示祭過白虎(十個賭仔十個迷信,今次有斬獲,下次的衫褲鞋襪髮型是一模一樣),跟住在餐廳飲杯茶或咖啡,然後小注賭”金路”消磨時間.到晚飯時佛笑樓,李康記,陶陶居擇其一.不過多在李康記,有熟人.有次食了魚的一邊,有人心急大聲話:”反轉佢啦!”料不到鄰枱幾個水上人異口同聲大叫:”隔離果隻!”想來都覺得好笑.飯後入狗場,散場後先係戲肉,或在葡京或在賊船搏殺,多是賭廿一點.其時賊船還是用一副牌,後轉四副.霸晒六門,又死守尾門,到頭來都係鄭芝龍的老婆----佢個仔先叫成功.三點半乘船返港,剛好是早晨七點左右,飲完茶又開始新的一周工作,周日又向老何進貢. 三輪車是經常搭,多數幫襯一個殘疾的車伕,佢有一隻手係冇手掌的.佢知道慣性搭那斑船到埗,老遠就揚手.有次買了兩籠十幾斤奄仔,寄放在皇宮.賭到昏頭昏腦忘記了,到新口岸落車付款時先發覺,隨手送了被佢,下星期一見面佢千多萬謝.
|
|
Re: 真的談天說地 ( No.63 ) |
日期:2012/07/26 10:03 留言者:kc
|
澳門而家成個拉斯維加斯咁咯! 但埠仔風情猶在! 記得kc細時在南環公園, 有劉關張賭, 有人扮, 有得買, 好過癮!又有拋圈圈遊戲! |
|
|