 Re: 真的談天說地 ( No.1416 ) |
日期：2015/07/12 00:09
留言者：KC
 |
煞科戰搏第八塲位置Q
1，6，7，12，13
一百元買
祝好運！
 |
|
| Re: 真的談天說地 ( No.1417 ) |
日期：2015/07/12 11:04
留言者：Hawaiian
|
9325
12-07-2015 11:00
沙田
星期日
過關 獨贏及位置
2X3
2 場 5 天曉得
3 場 14 搶鏡 $10
$80.00
輸贏已定,不宜孤注一擲.保留實力,兩個月後又係漫漫長征.
|
|
| Re: 真的談天說地 ( No.1418 ) |
日期：2015/07/12 21:24
留言者：麥友成
 |
報!  |
|
| Re: 真的談天說地 ( No.1419 ) |
日期：2015/07/13 00:05
留言者：KC
|
| Re: 真的談天說地 ( No.1420 ) |
日期：2015/08/01 16:52
留言者：KC
|
在討論區講開大笪地, 也談談KC知道的江湖秘笈, 既是同粵曲無關, 在此開壇！
以往在江湖流傳, 棍騙揾飯食有三本秘笈！( KC也曾拜讀！)
一是英耀篇,
講的是如何利用人的弱點, 驚恐, 迷信, 去詐騙之術. 所謂一得英耀, 便可響賣, 響賣就是大吹大雷, 去賣弄自己如何如何令人趨吉避凶, 籍以騙財, 甚或騙色！
二是扎飛篇,
講的是騙術, 只談原則, 沒有實例.而行騙之技, 要師傅口授, 除非焚香拜師, 發過毒誓, 自願流落江湖揾食, 否則不傳！
三是昆馬篇,
是談話偽術, 觀人於微的藝術, 是口才的訓練！所謂 敲 打 審, 千 賣隆 就是. 昆者混也, 馬者騙也, 所以昆馬術, 乃江湖不傳之秘也！
一般人學正宗相法有, 麻衣 栁莊, 正宗命理有 滴天髓, 兩者不傳心法, 死讀書, 都冇乜用也.
面相口訣, 也是一個有趣話題,
所謂頭尖額窄, 冇里貴格.
你試想一個人頭又尖, 額又窄, 何等難看, 而額窄即腦細, 又冇腦, 又醜樣, 又點會係好相呢？
所謂眉頭闊, 大快活！
試想想一個人開顏的樣子, 又點會趨住眉頭呢？所以都合符常理也.
尚有好多口訣, 都相當有用, 例如對面不見耳, 問是誰家子？（即其人祖上有名人也！）
對面不見腮, 問是那裡來？（即其人乃異鄉客也！）
這些是中國人幾千年來, 積下來的智慧！
如果不是利用來詐騙, 也不失是一種觀人之術！
一旦流落江湖術士之手, 淪為棍騙之術, 殊可惜也！
|
|
| Re: 真的談天說地 ( No.1421 ) |
日期：2015/08/02 10:53
留言者：KC
|
江湖丁九步之術！
江湖玄術, 先要取信於人, 能言而必中, 方可令人信服也！
此術就是先裝神弄鬼, 來者要指點迷津, 師傅先預言六項來者之資料.
一如姓字, 年齡, 父母, 子女, 兄弟, 婚姻狀况 之類.
全中才繼續指點迷津, 如有一項不中, 當不收費, 無緣再問.
此術就是: 來者先要發誓, 誠心求教, 不能打誑語, 不可嬉戲, 否則天打雷劈, 絕子絕孫！
師傅每題, 先將每題答案寫在紙上（用A4紙裁成六小張）, 寫完褶好！放入神壇一小砵, 誠心禱告, 即可,
例如
先寫第一題答案, 放上神壇小砵.
然後問來者第一題, 閣下貴姓？ 答 姓麥
再寫第二題答案,
再問第二題, 貴庚？ 答 57
再寫第三題答案.
再問第三題子女幾人？ 答: 一子一女ｏ
如是者, 再寫第四題答案
再問第四題, 兄弟姊妹幾人？ 答 一姊一弟ｏ
如是者, 再寫第五題答案.
再問第五題, 父母現况如何？ 答 : 父在, 母亡ｏ
第六題答案較為明顯, 自言必中, 先寫答案ｏ
例如只問, 來者已婚 或 未婚而已.（子女都有, 還會未婚？）
六題問過, 六個答案在神壇小砵上, 誠心上香一注, 然後撈亂, 一一打開, 對應答案, 即當全中！
此乃神靈暗中扶助, 師傅法術有靈, 求指點迷津之人還會不信服乎？
一經信服, 當可以如取如携矣！
何以有此奇效？先賣關子, 明日再道破奇術！
 |
|
| Re: 真的談天說地 ( No.1422 ) |
日期：2015/08/02 15:01
留言者：Hawaiian
|
https://www.youtube.com/watch?v=laCo8Igw0pE
值得回味的場合. |
|
| Re: 真的談天說地 ( No.1423 ) |
日期：2015/08/02 23:36
留言者：KC
|
江湖丁九步之術！2
通常施行此術, 以往多在算命館內, 而來者多無知婦孺之輩, 師傅多道貌岸然, 舌燦蓮花,大施昆馬, 仔細觀察來人, 施展騙術.
其實拆穿西洋鏡, 一字咁淺, 第一題的答案即第六題之答案, 即必中題.
因來者已上年紀多屬已婚（何况尚有介紹人做媒, 資料一早查明得一清二楚！）又點會錯呢？
第二題事前所寫之答案, 即第一題答案, 如此類推.
所以全部資料, 乃來人自已提供, 又焉能不中呢？何況講假話, 會絕子絕孫！邊個夠胆亂噏？
此術外加裝神弄鬼, 故弄玄虛, 又上香, 又拜又跪, 已令來人魂魄不定, 再捉其用神, 乃可施以, 千, 賣, 隆 之術！來人可如取如携矣！
以前社會民智未開, 較易施術, 現今社會教育普及, 相信不易施此術矣, 只能用作談資, 吹吹水而已.
相信KC在此公開此法, 亦不會教壞人也！
|
|
| Re: 真的談天說地 ( No.1424 ) |
日期：2015/08/03 17:55
留言者：KC
|
人老了, 多數鐘意懷舊, 冇馬跑, 唯有吹呢D！
KC細時住在 石塘咀 晉成街 , 附近有两間酒家, 一間是金陵酒家, 一間是廣州酒家, 據講戰前是有歌伶唱歌陪酒的, 客人用花箋召歌伶去献唱, 但KC已無緣一睹盛事, 只能聽D大人吹水時講起而已！
偶然見有位仙風道骨的老婦經過, 原來就是四大平喉的徐栁仙小姐了！
在晉成街口住有顧天吾一家, 據說是戲班中人, 做武生啩？
在街口有一相命先生, 招牌叫做金吊桶, 靈唔靈就唔知了！
街上偶然有些老女人經過, 有D大人話佢, 曾做過琵琶仔, 是風月塲中人, 但卻並無不敬之意, 當年的風月塲不等於色情塲所, 是高級娛樂場所趙是！
晉成街附近有兩家戲院, 一家是太平戲院, 一家是金陵戲院, 太平戲院有時做大戲, 是我小時經常出入的地方, 尤其是公餘塲（五點半塲）專做西片, KC的英語就在那時打好了基礎, 好似而家仲有D尊榮的牛仔音尾.
有一輪我專睇中聯出品的電影, 即吳楚帆, 張活游, 張瑛, 白燕, 黄曼梨, 黄楚山等等的電影.
計有激流三部曲之家, 春, 秋, 危樓春曉之類, 搞到而家KC D道德倫理觀念都有D似吴楚帆, 成鬼日叫人唔好食碗面, 就反碗底, 對我日後的待人接物影響極大！
|
|
| Re: 真的談天說地 ( No.1425 ) |
日期：2015/08/04 07:12
留言者：四姑娘
 |
KC:
太平戲院的鐵板凳你好鍾意？真光的凳好的喎！ |
|
| Re: 真的談天說地 ( No.1426 ) |
日期：2015/08/04 09:56
留言者：KC
|
KC小時, 正是戰後, 百廢待興, 冇乜好嘢食.
小時就憑一些樽樽罐罐, 去街上收買佬處換D麥芽糖來食, 如果D樽罐名貴D,再加两塊威化餅夾住食, 已是很美味的享受.
其後又有D所謂釘釘糖, 是一大塊白色的糖, 由小販用一鉄器釘吓釘叮, 釘成一塊塊小白糖, 得個甜字, 好在夠平, 斗零有交易, 好似仲有羌味選擇.
後來再進步, 有由D潮州人整的花生糖, 一塊一塊切成菱形, 又有D夾糖, 用塊白色的薄皮, 包住卷埋泥食, 而家仲有得賣.
.
係D戲院門口, 仲多小食.
有煨魷魚, 係厚厚成塊魷魚果隻. 煨起來很香, 隔住成條街都聞倒！要用較剪剪開先食得, 唔係而家呢隻魷魚絲, 係用一個鉄網夾住煨果隻, 而家冇人賣矣！
仲有椰子酸𦍑, 夫妻和順𣟂, 黄噉噉果隻, 非常入味！
睇親戲, 例牌好多嘢食, 由頭食到尾.
整枝蔗入去食, 食到成地下蔗渣, 都冇人話你垃圾蟲.
一唔係食個梨都好, 個生果小販運刀如飛, 將D皮两嘢批晒, 好似玩雜技！
再唔係整一角厚厚的夾餅, 烘到皮脆肉厚, 加上花生沙糖, 又平又頂肚, 乃KC至愛小食之一.
整包粟子已是高級享受, 有鶉春蛋及煨白果食, 又有臭豆腐……..
|
|
| Re: 真的談天說地 ( No.1427 ) |
日期：2015/08/05 04:17
留言者：四姑娘
|
我和嫲嫲去睇大戲，根本唔知是什麼，總之就是去戲院！嫲嫲唔食，姑媽食瓜子，我就最鐘意的鴨腎和蝦子扎蹄。但是一聽到嗩吶，我很喜歡聽，口也停了。細時的家族人出殯，遊街，我就跟著支笛話好聽，被人炳到飛起。幾歲人仔，鬼識是什麼場合。  |
|
| Re: 真的談天說地 ( No.1428 ) |
日期：2015/08/05 05:41
留言者：KC
|
昔日餸菜
在KC兒時, 家中两個傭人都係順德人, 煮餸工夫一流. 很平凡的材料, 煮出來已經十分美味.
一味炒菜心, 已是功力表現, 先燒紅隻鑊, 用油和蒜頭起鑊, 將D洗好, 摘好的菜心, 先放桱, 後放葉, 炒熟, 好似仲加蓋煮一陣, 加D生抽上碟, 真係美味非常, D菜好鮮甜, 有菜味. （可能D菜心都靚過而家D, 整唔番！）
另外一味釀鯪魚, 先將魚肉啄好, 加入豬肉, 蝦米之類, 再啄好, 釀番入鯪魚皮,成條再煎香, 切成一片片上碟, 加上特色獻汁, 真係美味 ！
至於 蜆肉炒咸酸菜, 又係開胃餸, 咕嚕肉, 酸酸甜甜, 都好好味.（而家D酒樓, 一早炸定, 上碟都硬晒, D粉包肉入口一D口感都冇, 失敗！）
一味 梅香咸魚啄半肥瘦豬肉, 剩係D肥油撈飯, 已可大啖两三碗矣！
再簡單D, 蝦醬蒸五花腩, 腐乳蒸五花腩, 甚至蝦米蒸水蛋, 都令人懷念不己！
碰啱佢地輸咗字花（原始塲外投注, 非法外圍.）仲有黃牙白（家家有一串掛在騎樓.）煮腊肉（又係實有.）, 抽皮（用豬油整）, 再煎件咸魚, 加两條腊腸或一件臘肉焗飯, 真係好食過而家出街食多多声也！
以前雖然食物冇而家咁豐富, 但KC覺得口福卻好過而家好多,
究竟我地是進步了,還是退步了呢？
|
|
| Re: 真的談天說地 ( No.1429 ) |
日期：2015/08/06 01:18
留言者：四姑娘
|
點解你的生活方式與我相同！ |
|
| Re: 真的談天說地 ( No.1430 ) |
日期：2015/08/06 09:58
留言者：KC
|
山道水澗
現在石塘咀山道的地方, 在KC細時是一條大水澗, 有潺潺流水, 可以放鴨仔.
可能大部份人都未試過趕鴨仔, 原來鴨仔會自動排好隊, 成隊咁出發去目的地,又天生能遊水, 跳舞反而唔係幾識.而家KC周不時在跳舞場遇倒D鴨大哥, 都唔知點解會被稱為鴨？（可能女就鷄, 男就鴨吧！）
水澗之旁有一劏房, 據說有鬼, 而一些名人自殺, 如林黛, 林鳳等名星都幫襯過,解剖驗屍也.
再上去就是香港大學, 由聖安東尼小學和現在潮商中學之間的石樓梯上, 我們成班街童可走去香港大學乒乓球室打波, D大哥哥多數唔趕我地, 反而D校工就冇咁好人了, 讀得書小, 人都小氣D嘅
沿住香港大學向東行有很多名校, 有聖保羅男校啦, 英皇書院啦, 再去到巴丙頓道就是KC的母校, 培英中學了.
培英以往是純中文中學, 但所有數理化生都用英文課本, 老師用廣東話上課, 效果奇佳, 很易明,
其後KC在中文大學讀書都係全部英文書, 授課語言, 任D老師講, 完全冇限制, 有D用國語, 有D用英語, 有D用粵語, 有D唔知用乜語都有（鄉下話啩？）一樣掂！
以前中文大學第一任校長李卓敏教授, 都係KC培英校友也！勁啩？
不經不覺已畢業後離校46年了！KC 1969年中大聯合書院物理系畢業！副修電子！
|
|
|
真的談天說地
