投稿一覽 > 討論內容
真的談天說地
日期:2015/04/26 22:56
留言者:KC

(微笑) (微笑) (微笑)那邊廂, –班kc都要叫亞哥亞姐的朋友,懷舊懷到俾人唔順超! (表情11) (表情11) (表情11)
哈哈, 談天說地版, 也要畫地為牢, 自我設限?
只好由我kc在此版, 另建特區, 名為真的 談天說地!如何?
請支持! (表情7) (表情7) (表情7)
懷舊的懷舊!吹水的吹水!
(好!) (好!) (好!)

修正或封鎖

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79] [80] [81] [82] [83] [84] [85] [86] [87] [88] [89] [90] [91] [92] [93] [94] [95] [96] [97] [98] [99] [100] [101] [102] [103] [104] [105] [106] [107] [108] [109] [110] [111] [112] [113] [114] [115] [116] [117] [118] [119] [120] [121] [122] [123] < 回上一頁

Re: 真的談天說地 ( No.965 )
日期:2014/09/27 23:23
留言者:Hawaiian

今日臨場執生大豐收! (大笑) (大笑) (大笑) (好!) (好!) (好!)

修正或刪除

Re: 真的談天說地 ( No.966 )
日期:2014/09/27 23:29
留言者:老三

老三买重9场九号W…,无泪无声…。 (表情36) (表情36) (表情36)

修正或刪除

Re: 真的談天說地 ( No.967 )
日期:2014/09/28 00:51
留言者:Hawaiian

先連輸三場.
第四場中福盃滿賞威水位置Q同威水位置,
跟住中何澤堯兩隻WP,
尾場中Q,PQ
可惜個人宗旨無論輸贏都係保持十元一注,往日的豪情勝概冇了,越老越冇膽.
(大笑) (大笑) (大笑) (大笑) (大笑)

修正或刪除

Re: 真的談天說地 ( No.968 )
日期:2014/10/01 09:15
留言者:KC

(大笑) (大笑) (大笑) (大笑)

http://blogcity.hkheadline.com/enkcwong2007

有興趣同KC談時事,可到KC談時事blog! (表情34) (表情34) (表情34) (表情34)

修正或刪除

Re: 真的談天說地 ( No.969 )
日期:2014/10/04 21:29
留言者:KC

(大笑) (大笑) (大笑) (大笑)

明天又是賽馬天,

一於刨馬食海鮮,

人生自古誰無死?

跑馬不成人都癲! (表情23) (表情23) (表情23) (表情23) (表情24) (表情24) (表情24) (表情24)

修正或刪除

Re: 真的談天說地 ( No.970 )
日期:2014/10/05 11:10
留言者:KC

(大笑) (大笑) (大笑) (大笑)

祝大家今日馬到功成!

(表情33) (表情33) (表情33) (表情33)

修正或刪除

Re: 真的談天說地 ( No.971 )
日期:2014/10/05 11:27
留言者:Hawaiian

呢兩次賽馬好似季尾咁,出馬不足額.
一向對買騎師王不感興趣,只買過一兩次.今日捧田泰安,騎師王三十倍買十皮搏下.每場買佢十皮贏位,希望有收獲.
(大笑) (大笑) (大笑)

修正或刪除

Re: 真的談天說地 ( No.972 )
日期:2014/10/05 17:02
留言者:KC

(大笑) (大笑) (大笑) (大笑)

又係雷神! (表情19) (表情19) (表情19) (表情19)

(表情23) (表情23) (表情23) (表情23) (表情24) (表情24) (表情24) (表情24) (表情24)

修正或刪除

Re: 真的談天說地 ( No.973 )
日期:2014/10/06 03:15
留言者:Hawaiian

殺敗了!!!殺敗了.......!!!!
難於取勝!!! (表情12) (表情12) (表情12) (表情12) (表情12)

修正或刪除

Re: 真的談天說地 ( No.974 )
日期:2014/10/08 11:50
留言者:Hawaiian

周日慘敗,要暫避一下.今晚獨賭一匹「凱歌動」WP. (表情16) (表情16) (表情16)

修正或刪除

Re: 真的談天說地 ( No.975 )
日期:2014/10/08 12:17
留言者:Kc

(大笑) (大笑) (大笑) (大笑)收倒!

七塲六!何澤堯!冷人冷馬!有可搏之道!

(表情23) (表情23) (表情23) (表情23) (表情23) (表情24) (表情24) (表情24) (表情24)

修正或刪除

Re: 真的談天說地 ( No.976 )
日期:2014/10/08 13:48
留言者:KC

(大笑) (大笑) (大笑) (大笑)
KC: 大家輕鬆下!
8/10/2014 13:14:30
網誌分類: 時事
一個夜更的士佬 與 一個佔中者的對話

琴晚晚上十點幾,生意認真麻麻地,我去到觀塘APN等客...

乘客: 司機大佬,唔該旺角....

(見到佢一身黑衫黑褲黑社會既造型,大約估佢去旺角佔中,立刻無名火起,想踼佢落車,但由於生意真係好差,唯有忍住啖氣先。。。)

我面帶微笑: 好,係唔係去佔中果度呀?

乘客: 係阿,琴日我地被人搞,今晚要去支援,要去番桌。。。

我仍然很有禮貌面微笑的道: 支援好,番桌好!

乘客: 司機大佬,你都支持佔中呀?

我深呼一啖氣: 支......支...

我心諗: (支你老母! )

乘客: 反佔中班人擺明就係收錢搞事啦,一點良心都無。。。

(去度呢一刻,我真係忍唔住)

我: 老老實實,我琴日都有份去反佔中,你口口聲聲話反佔中有錢收,請問係邊度收錢?

乘客: 下,你唔係支持佔中架咩?

我: 我係支持佔中,唔係支持佔旺,佔銅,佔金鐘,你地係唔係唔知道中環係邊呀? 駛唔駛我車你去呀?

乘客: 司機,你冷靜d先!

我: 成日話佔中佔中,你地旺角佔過少少去旺中(旺角中心),我都當你地係佔中,呢家塞住條 阿皆老街,彌敦道 都唔知做乜?

乘客:佔旺係想令到民眾醒覺,令到大家關注我地呢個行動。。

我:咁比你地搞一搞,我直頭成個人醒覺晒啦!

乘客: 唉,司機,我都知佔中對你地做成影響,但要鬥爭,就必然要有所犧牲,你要怪就去怪689啦

我: 你要鬥爭,就要我地犧牲,呢個係乜道理呀?

乘客: 咁d差人捉左d打人既人,然後私下放左佢,又咩道理呀?

我: 差人點做, 關我能事!老老實實,佢地成日抄牌,我恨不得你地燒左個交通部佢,問題係你地的的確確阻住條路呀!

乘客: 為民主自由係咁架啦,司機你都唔好埋沒你既良心,一齊黎支持啦!

(講到呢度,我實在頂唔住氣,將架車泊埋阿皆老街近九龍城警署一邊,決意同佢理論一番! )

乘客: 司機,你做咩停車?

我: 呢程我當送比你,唔收你錢,我問你,你地成日話香港無自由,到底你地覺得邊度無自由先?


(這時我抬頭一望倒後鏡,看到這個乘客咬牙切齒,手握拳頭,而且面色陰沉,在的士界打滾多年經驗話比我知。。。不對路,經歷過多件靈異事件既我,亦都不自覺地心寒起來! )

乘客: 共產黨d暴行,你唔係唔知下麻。。司機。。

( 我問佢香港有乜唔自由,佢竟然答我共產黨,我絕對有理由懷疑佢精神狀況極度不穩定,為了自身安全,我決定先去安慰佢! )

我: 你。。冷靜d先,共產黨係**我都知,不過要反共產黨都要食飯ga,宜家你地咁塞住條街,係阻住人地搵食喎!

乘客大聲喝道: 我地香港人唔係豬,唔係餵飽我地就得,我地要真正民主,真正自由,司機,你真係甘心只做一隻豬咩?

( 這句我真嚇左一跳,除左係因為佢大喝一聲之外,最大原因係一個香港人努力工作,安居樂業,對佢地黎講只不過係一隻豬既行為。。)

我: 我.......

(當我正想把話講落去時,這個乘客已經搶先把我既說話打斷)

乘客 :你等等先,我未講完,你地唔好咁自私,淨係掛著搵食得唔得呀?

我: 驚訝地:我.............我自私?

乘客: 我地為左爭取民主自由,係條街度訓左不知幾多日,你地唔支持唔緊要,都唔好阻住我地!

我一臉無耐: 我....我阻住你地?

我心諗:(你地霸住條馬路,搞到民不聊生...係我自私?,你地搵d雜物封著條馬路,竟然變成係我阻住佢地。。。佢係唔係痴線架?)

乘客: 如果香港人個個都好似你咁,呢個香港就無得救。。。

( 呢一刻我終於明白到,身為一個平民, 係唔應該介入學生同政府之間既鬥爭。。)

(點解?因為好明顯,呢場並唔係一場普通既所謂公民抗命,而係納粹黨大戰共產黨, 像我這種平民百姓介入當中,只會弄得屍骨全無,身敗名裂......)

我: 你既說話令我矛塞頓開,小弟佩服萬分,我真係諗唔到你地為左民主自由,可以咁偉大!

此時,呢個乘客既電話響起來...

乘客: 我聽個電話先...

" 喂,未到阿,我岩岩講服左個的士司機支持我地既佔中行動.."

"轉移去金鐘?,咁啦,係洗衣街等啦,個的士司機好支持我地,唔收我地錢"

( 聽到佢係電話既對話,我內心泛起莫名既恐懼,腦海裡浮現著"騎劫"二字 )

乘客: 司機大佬,唔該先去洗衣街接一接人,然後再去金鐘。。唔該

( 我所擔心既事終於發生了 )

( 騎劫我既民意,我可以忍,想騎我架的士!?我吥!妄想!)

我: 下?金鐘,我係九龍車,香港果邊我唔係咁熟路喎,咁啦,呢程我免費車你去到旺角,你地去搭第二架車啦!

乘客: 唔緊要,我識路,我可以帶你去!

我: 其實我今日屋企有d事,諗住車埋你出旺角就收工架啦!

乘客: 講真,屋企既事你之後可以慢慢再處理,但係爭取真普選,如果今次錯過左,以後再無機會既啦!

(真係生舊叉燒好過生你)

我: 言下之意,你認為爭取真普選比起屋企重要?

乘客: 咁講,屋企係屬於個人既事,爭取民主自由係全香港人既事,我地佔中,日曬雨淋,我地唔係為左自己,我地係幫你去爭取,幫香港人去抗爭......

我:.....幫我去爭取,幫香港人去抗爭....
你地日曬雨淋,日日訓街,爭取左咁多日,就係為左我去爭取........封左幾條馬路,我簡直感動到想喊!

乘客: 我地日日咁辛苦為香港,你地又做過d乜呀?你為社會做過d乜呀?

我: 原來你覺得日日訓街塞住條路就係為香港付出,為社會貢獻,我真心覺得,你地將來唔駛去搵工,直接去做一個職業流浪漢....

乘客: 講極都唔明,爭取民主自由,你識個屁咩?!

最後,個佔中人氏都有比返程去旺角既的士錢我。。

(表情33) (表情33) (表情33) (表情33) (表情23) (表情23) (表情23) (表情23) (表情24) (表情24) (表情24)

修正或刪除

Re: 真的談天說地 ( No.977 )
日期:2014/10/08 18:08
留言者:peter

(好!) (好!) (好!) (拍掌) (拍掌) (拍掌)

修正或刪除

Re: 真的談天說地 ( No.978 )
日期:2014/10/11 12:48
留言者:Kc

(大笑) (大笑) (大笑) (大笑)

佔中的十五大誤解:

預言續一應驗篇

1.香港無公義無自由: 一般生活是OK的。 高層次的選特首,就算美國都無學生泛民要求的公民提名。其實之前幾百年都無都係噤過,唔一定要不惜一切全港一齊死都要今天一步登天。遲一天都唔得,真係噤急嗎? 做人有時都要尊重一下現狀,一些不完美。老套D講句”活在當下“。 凡事是沒有完美的,下下都要立即要,重要完美,失望的多數是自己。 。 正如你無金秀賢噤高噤靚仔,你都唔會碌爆卡即刻飛去韓國整容啦,因為你知道完美都有付出有風險同副作用。 重有當今世上都無見過一個完美政府,有人見過唔該通知聲。 美國都無公民提名,美國人係唔係奴隸? 毒果泛民政棍日日洗腦講到香港水深火熱,唔住得人,唔推倒重來唔得。

2.爭取民主有咩唔好? 爭取民主係好,但用脅持手段佔中就係錯。 你加入運動時開始可能感覺良好, 但到失控時你想停都停唔到, 返唔到轉頭,可能打幾十年戰爭,六四噤死好多人然後軍法管治,不是没可能的,好多國家都試過。 (10月9日更新,好嘅唔靈醜嘅靈,陳日君,大律師公會,戴耀庭都叫佔中者收檔,但都無人蘇佢地)

3. 689落台就天下太平 : 有人認為玩到689落台就可以散場回復平靜,我可以肯定這個估計一定錯,講真心話,其實學生毒果泛民政棍真正目標唔係689,佢地跟本唔肯比大陸管,所以動亂一定會繼續直至大陸反面。 (10月9日更新,好嘅唔靈醜嘅靈,搞咗十幾日,傾極傾傾唔埋冷,會都唔知幾時開)

4.大陸靠香港金融,唔敢唔比面香港人: 有好多學生教師小市民被毒媒政棍洗腦,有“大香港“心態,認為大陸依靠香港金融,他們不知到這已經是十幾年前的事了。雖然香港金融仍有影响力,但唔係無咗唔得。依家已有上海,深圳,我唔記得香港交易額排緊第二定第三,但我信香港好快跌落第四五六。大陸見你地玩嘢,佢都識做嘢。

5.唔關美國佬事,689同共產黨搞亂香港!: 美國佬目的,世界愈亂愈好,不停印美金,美金也不會扁值,吸乾其他國家,你話神唔神奇?

6.同子女一齊去感受下氣氛,教佢地公義何價 : 比人洗腦下,有D人不懂珍惜,有D人自己一家大細玩緊炸彈都唔知。 有人水浸眼眉都唔知,重嬉嬉哈哈帶埋仔女去看熱鬧。 有人話我好偏激同悲觀。我話如果要賭一舖, win 就改善生活,輸就家破人亡,就算只有千分之一幾會,你會賭嗎? 就算你想賭博,你有咩權迫全港一家大細同你地一齊賭命?

7.之前有六四,大陸學精咗人唔會開槍,外國會介入阻止 之前强人捯台國家,埃及,烏克蘭,伊拉克,敍利亞,全部都輸矖,歷史機會率係100%,你可能話香港人特别D,我唔敢講。 先唔講佔中對或錯,全港市民一家大細正在被迫踏緊一條鋼線。 一條幾十年從未踏過的鋼線。 雖然好多埃及烏克蘭伊拉克敍利亞人現在對大量死去的親人後悔中(我估佢地開始搞事點都估唔到自己同子孫進入幾十年戰亂噤大劑),我唔知點解重有香港人認定一家大細都唔會跌死同踏完鋼線一定可以去對目的地。

8.禿鷹失蹤,差佬投降 : 你知唔知 "禿鷹失蹤,差佬投降" 嘅時侯, 就係無政府. 就係盜賊橫行,解放軍入來開槍嘅時侯. 你好希望解放軍入來開槍嗎? 香港好快就比lee班正義上身, 智慧超凡嘅人了控制同死亡, 好多人唔知嚴重性, 重有心幾嘻嘻哈哈開party

9.香港人已表態,我地清清楚楚說明了,為了真普選,我地願意放棄經濟,法治,民生,治安,和諧,去追求一個有泛民主派出閘的普選方案,為的是一個共產黨都怕怕既方案,大部分香港人都覺得值得。: 錯到離譜,大部份港人不想放棄經濟,法治,民生,治安。好明顯嘅妄想當真理。 能知三日事,富貴萬千年,成日話為未來去犧牲上一代努力幾十年得來的安定繁榮,實在太天真太傻啦。

10.五毛,打手,維穩,土共,共狗,警犬: 小學雞式思想,讚成佔中就係正義,不讚成佔中就係五毛,打手,維穩,土共,共狗,警犬。 和你有不同意見有罪嗎?你講的一定啱?你是神嗎?

11.大陸人,有錢人,高官正衰人: 大陸人,有錢人,高官都有好人。香港人,窮人,小市民,學生都有壞人。 睇少D毒果啦,你比人洗咗咗腦啦。

12.暴政,民不聊生: 香港有暴政,民不聊生?誇張洗腦用語,問心啦,你講時有冇想笑

13.地産霸權,地溝油,搶奶粉 ,南丫海難,政府無能: 推倒香港政府就解决?台灣都有地溝油,澳洲樓價都好高,奶粉依家有得買呀。 樓價高主因係無地(多謝反東北發展,保育政棍),建築成本亦其係人工高。 如果你認為有 真普選=自由公義,萬能政府,肯定又係妄想當理想。 菲律賓,伊拉克夠有普選啦。你地反嘅問題,犧牲噤大爭取回來嘅真普選,極大可能使你再一次失望。

14.大陸貪污,艾未未,李旺陽: 大陸貪污,艾未未,李旺陽,關香港政府咩事?你做咩封咗香港條路幫李旺陽報仇?你愈講得多,愈表示你自己都唔知自己做緊咩,Facebook 羊群?

15.學生比成人更清醒 哈哈,笑死我! 你十歲時係唔係比依家更清醒更明白事理?

睇少D毒果啦,你比人洗咗咗腦啦 最後,給正義上身,天下無敵的老師家長: 鼓勵子女學生用威迫手段達成目的的家長老師,你已經破戒了,自作自受是遲早的事!

KC:網上流傳鴻文一篇,請各位用獨立思考能力細思!有厚望焉!

(表情33) (表情33) (表情33) (表情33) (表情34) (表情34) (表情34) (表情34)

修正或刪除

Re: 真的談天說地 ( No.979 )
日期:2014/10/11 13:44
留言者:老三

老三驰奔中港几十年…,结论是:

莫说‘六四’,就算‘六六’,北京亦百分之一百,绝不会修改人大的决议。学生和占中及泛民,是接近一无所获的收场…。立此为照。 (表情40) (表情40)

修正或刪除

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37] [38] [39] [40] [41] [42] [43] [44] [45] [46] [47] [48] [49] [50] [51] [52] [53] [54] [55] [56] [57] [58] [59] [60] [61] [62] [63] [64] [65] [66] [67] [68] [69] [70] [71] [72] [73] [74] [75] [76] [77] [78] [79] [80] [81] [82] [83] [84] [85] [86] [87] [88] [89] [90] [91] [92] [93] [94] [95] [96] [97] [98] [99] [100] [101] [102] [103] [104] [105] [106] [107] [108] [109] [110] [111] [112] [113] [114] [115] [116] [117] [118] [119] [120] [121] [122] [123] < 回上一頁

主題 排列前端
姓名
你的電郵地址
現在心情 *心情圖片預覽表
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作,本網對所有留言的真實性、完整性及立場,不負任何法律責任。而一切留言之言論只代表留言者個人意見,並非本網之立場,讀者不應信賴內容,並應自行判斷內容之真實性,讀者若因信賴留言而招致任何損失,本網概不負責。 由於所有留言區受到「即時上載留言」運作方式所規限,故不能完全監察所有留言,若讀者發現有留言出現問題或涉及任何侵權行為,請聯絡本網。本網有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,亦不可上載任何侵權文章,照片,曲詞,錄音及影片,敬請自律。