 Re: 真的談天說地 ( No.695 ) |
日期：2013/12/11 00:38
留言者：Hawaiian
 |
此馬名為”快樂少女”,吳志林谷好晒被郭子猷榮休.呢場係郭子猷英雄遲暮唔夠氣力騎.馬場就係咁現實,你郭子猷當紅時幾曾手下留情?
郭子猷退休後在馬會任場地主任,有晚夜賽前騎綿羊仔巡場地.點知反咗車,個人攤在草地好耐先有人去睇佢,與佢當紅時的情況天壤之別,人情冷暖十分殘酷.
 |
|
| Re: 真的談天說地 ( No.696 ) |
日期：2013/12/11 06:56
留言者：Hawaiian
|
大賽過後通常會出現大冷,開出無厘馬.今晚搏兩匹.
第一場10華麗堡,
第四場3喜寶龍威.
WP 2x3 八注
“快樂少女”係董事梁德基醫生名下馬匹,佢的”快樂”字系一貫交郭子猷主理.還有一董事馮秉芬爵士”趣”字系也是郭子猷的忠實支持者.
此時郭子猷己是江河日下力不從心,連殯儀老細蕭明名下的超斑馬”明月”搏幾次都係輸人,一換麥美倫連番建功.
當時吳志林從未練過董事馬,郭子猷把”快樂”系拉去被佢練.吳投桃報李,將”快樂少女”谷到顛峰,郭子猷這日獨出一匹.全世界都以為係佢嘅收山馬,而且一早響晒口,但現實就係咁殘酷.
郭子猷騎”快樂”系最經典的是,把一匹五化郎都捱唔到的”快樂名雌”用放鳶戰術在大長途一哩二五爆大冷.
任何行業都係新陳代謝,後浪推前浪.唔在適當時候退下,留下來只有獻世.
 |
|
| Re: 真的談天說地 ( No.697 ) |
日期：2013/12/11 09:30
留言者：raymond
 |
記憶所及, 轉職業年代之後, 曾有2800米的賽程, 有沒有3200米的途程就記不清楚.
有匹馬叫"興龍", 跑什麼途程都沒法贏, 唯一出路就是2800米,
此駒似有無限氣量, 越長越好. |
|
| Re: 真的談天說地 ( No.698 ) |
日期：2013/12/11 09:44
留言者：KC
|
講緊D馬人馬事，小弟仲係小朋友！冇得吹！
到小弟有份賭的時候，已是摩告爭雄年代矣！
快活谷入塲，迫甩鞋的日子，也有小弟份兒！
有段時期，得閒到次次賽事，入塲看馬匹衝出起步點，居然也可捉倒一D冷馬！
畢竟跑馬，隻馬是有狀態可睇的！
頗有趣！
今晩又有賽事！大家努力！加油！  |
|
| Re: 真的談天說地 ( No.699 ) |
日期：2013/12/11 13:54
留言者：諾基亞
|
隻品學兼優個場，大熱步步友，拗頸唔買，買品學兼優，點知留三疊跑唔出，陣前看狀態應不輸，運氣使之然乎？
賭馬，除左馬匹狀態，還有騎師功力，策騎指示，馬房意願，諸公認為邊樣秤先？ |
|
| Re: 真的談天說地 ( No.700 ) |
日期：2013/12/11 16:35
留言者：Hawaiian
|
前輩教落:搵錢講精,剩錢講命,笨實專拗頸.
凡賭屬徧門,運氣佔第一,而且一定要跟紅頂白.
馬匹狀態要講,騎師功夫要講,策騎指示同馬房意願係最重要,即係平日口中所講嘅”去唔去?”呢點最難捉摸.狀態勇,評分着數,路合檔利配強又點?全日冚旗,位置都冇隻.尤其是吳定強胡新兩個馬房,你以為今次係咯,點知又唔係.被你估中去唔去己經了不起,更何況被你估中佢去邊隻?蔡約翰熱到兩倍以下的馬成數幾高,但賠率乏味.中五次輸五次有時係得不償失.
都係呢句:馬可賭不宜猛賭.
|
|
| Re: 真的談天說地 ( No.701 ) |
日期：2013/12/12 00:41
留言者：老三
|
这个问题太浅了，要讲就过于费笔墨了。只简单打个赌：今季内余下赛事，若“品學兼優”不赢二场和升上一班，老三就自认是判马的屎棋头，以后再不在此论马谈赛。  |
|
| Re: 真的談天說地 ( No.702 ) |
日期：2013/12/12 01:17
留言者：諾基亞
|
今晚又係跟紅頂白友的世界，只可惜賠率雞肋…
各位老馬迷，還請教一個問題，某電台有位評馬人，總對華藉騎師有微言，幾乎每日一「寸」甚至一罵，然華籍騎師騎功是否真與外籍騎師有所距離，究是何故？ |
|
| Re: 真的談天說地 ( No.703 ) |
日期：2013/12/12 01:21
留言者：諾基亞
|
老三，隻馬上唔上到一班好閑既事，你收檔就大劑，千祈咪制，有云波係圓，但馬都睇唔扁。最緊要有談片，諸公有傾有講。吾後學乃有得益焉!!  |
|
| Re: 真的談天說地 ( No.704 ) |
日期：2013/12/12 03:43
留言者：Hawaiian
|
冇錯嘞!隻馬嘅質素究竟去到邊,大家都係靠估.何必咁着意喎!即使隻馬真係咁高,但將來的成就還要睇際遇,蹄筋腫脹,心律不正常,流鼻血…..等等.當年隻”君子一言”咪一樣被睇得好高,但健康問題蹉陀歲月.
大家繼續吹水,否則變成孤弦寡索就冇癮.
華人和鬼佬騎師相比,睇下邊個對邊個先?來過香港嘅鬼佬騎師多如牛毛,又有幾多個企得穩?眼見過唔知幾多水皮友啦.其實現在斑華人騎師(個別除外)一啲都唔輸蝕被鬼佬,只是缺乏支持.個人比較欣賞蘇狄雄的心理質素,上季最後一場關乎葉楚航是否冠軍,又係壓倒性大熱,你話佢的心理壓力幾大?結果滋油淡定贏出.被着第二個可能論論盡盡輸咗.當年強如馬佳善,跑慣江湖一到大賽就失準.記憶之中佢好似在香港未贏過大賽.韋達亦如是,最近幾年先贏到大賽,佢手上有幾多好馬?
個人好少聽那些講馬佬的言論,有啲直程係狗噏.乜嘢場地智慧,風速風向一大堆名詞.一如神棍(年頭節尾又就快出現)放一大堆好似好高深,但係可能連佢自已都唔係乜的名詞.識者笑死,唔識嚇死,標奇立異.使鬼打份工咩!捱更抵夜噴口水.每日買一Q或PQ,即使熱到四十元,買一萬有四萬,一星期收入七萬八,你想點呀?
|
|
| Re: 真的談天說地 ( No.705 ) |
日期：2013/12/12 09:16
留言者：KC
|
琴晚開了四塲雷神，又咁啱係四塲潘頓做二奶Q！
哈哈！賭馬不如賭人！
近期韋薘，雷神，潘頓，安國倫，加埋個神神地嘅杜利萊！
次次玩五穿十Q，相信都搏得過？
度馬？
嘥下時間！過下日辰吧了！ |
|
| Re: 真的談天說地 ( No.706 ) |
日期：2013/12/12 10:50
留言者：Hawaiian
|
賭馬之樂趣是,刨,度,買,睇,哭.
刨是查資料,睇晨操,判斷馬匹狀態.
度是猜度邊個去馬.
買是真金白銀投注,否則無論大熱大冷點跑都冇相干.
睇是通過電視,最好入場睇住自已所買的馬,直路大嗌:”過佢!過佢!!”或”頂住!頂住!!”
哭是賽後檢討哭馬喪.
如果買冧吧,買人,買意頭,買好聽名字….對於個人來講,樂趣全失.不如派三張牌賭三公,起碼有牌甩下過手癮.
回應No.697:
最初轉職業的路程,記憶所及最短係975公尺,同舊制五化郎差唔多.最長是2400公尺,當時仍是一個馬場,起步點在大石鼓落山不遠.1978年沙田馬場開幕有冇更長路程就不得而知,1975年頭己移民.賽馬消息係靠損友寄來的剪報,其中斷層有十幾年.同德,綠怡,包裝之星,足球…..等名駒,只識其名不知其成績.到fax機出現才重續前緣,每月的長途電話費都幾金,老妻成日講俄文.跟住投注寶,電話投注,到網上投注才逐漸接上軌道.
|
|
| Re: 真的談天說地 ( No.707 ) |
日期：2013/12/12 10:51
留言者：老三
|
那年，老三上赛马直播节目讲马，和洪君方君两个当红讲马佬一齐吹水，讲讲下，鏡头播紧洪君单人大鏡时，方君打了个手势就离座去打手机电话，老三听到他细细声下注了一匹二倍不足的大热门的位置飞。老三内心非常谅讶…。这匹大热门却跑到无影无踪…。 |
|
| Re: 真的談天說地 ( No.708 ) |
日期：2013/12/12 12:07
留言者：kc
|
跑馬是一個遊戲, 點玩都得！
有人玩檔位！有人玩冧把！有人甚至玩扶基！
曾有張報紙出字花謎賭馬！
連馬會, 年初三都揾玄學家教你利乜色衫！乜方位！吹吹！
度馬, 周時輸到攤攤腰！ |
|
| Re: 真的談天說地 ( No.709 ) |
日期：2013/12/12 23:22
留言者：諾基亞
|
尋晚聽馬，個講馬佬大大聲罵了一句：大哥你點騎架呀，係邊度學返黎架，所以話華籍騎師成為下風就係咁解喇。
又見洋騎師成騎師王者多，故不知華洋騎師之功力比較如何。
但聞此言都登時窒一窒，心諗你講馬佬耳，夠唔夠班講人地點騎點騎呢？重鬧埋人地師傅。之後莫雷拉有一場困守內欄出唔到頭，又唔敢講莫雷拉唔掂。
|
|
|
真的談天說地
