 Re: 真的談天說地 ( No.515 ) |
日期：2013/06/18 17:13
留言者：Hawaiian
 |
五月廿二日跑馬地夜賽,一對同主馬海之濤,海之宏分出第一,二場.結果前駒勝出,後駒第二,得番個安慰獎.如果當晚勝出孖寶,正獎派彩只是獨贏過關的三分之二.
明晚兩駒又出,分別是第二第三場.現在是香港時間下午五點過啲,第二場海之宏獨贏是廿倍,第三場海之濤獨贏是十倍,而該口孖寶竟然是廿倍,一度曾落到十八倍,縮水十倍.
現提出來大家參考下.
 |
|
| Re: 真的談天說地 ( No.516 ) |
日期：2013/06/19 00:06
留言者：Kc
|
 條友是但W一件都上水啦！
有冇咁叻中孖寶呀！
剛剛𥄫下，呢個孖寶成五百幾倍！  |
|
| Re: 真的談天說地 ( No.517 ) |
日期：2013/06/19 02:54
留言者：Hawaiian
|
呢個孖寶成五百幾倍???可能你睇錯,將首次兩關調轉咗.
你指的賠率是首關9萬事盛,次關8四喜滿堂.海之宏係首關8,海之濤係次關9,隔夜賠率係22倍,即係派220元.海之宏賠率下降到16倍,海之濤仍是10倍,獨贏過關派1600元.但孖寶只得220元,蝕水幾多成?證明有人一早落咗重飛,好多馬迷會唔多覺.  |
|
| Re: 真的談天說地 ( No.518 ) |
日期：2013/06/19 09:55
留言者：Kc
|
Sorry,sorry!
真係掉轉咗！係22倍！但彩池約六萬，有人落咗三千皮左右咁啦！
 |
|
| Re: 真的談天說地 ( No.519 ) |
日期：2013/06/20 21:02
留言者：Kc
|
儍錢孖寶！
影到冇！近都唔近！
吳定強邊會益人呢？
李易逹又係黑過墨，八飛就搏唔倒！
好香港就墮馬添！
呢條友想十三w畢業，似乎要等奇蹟至得咯！  |
|
| Re: 真的談天說地 ( No.520 ) |
日期：2013/06/20 10:09
留言者：Hawaiian
|
19-06-2013
16:20 跑馬地
星期三 過關 獨贏
3X7 6 場 7 軍事機密
7 場 4 萬醒駒
8 場 4 華美之星 $10 $70.00 $232.00
19-06-2013
16:20 跑馬地
星期三 過關 獨贏
2X3 2 場 8 海之宏
3 場 9 海之濤 $10 $30.00
盲目跟風輸咗三十皮,前日將吳定強啲馬全部睇一次,佢有四分三的馬係由其他馬房轉過來.多數係傷殘老病,有啲重好勵害,在第二個馬房掃出來的垃圾,唔知要花幾多心機先撚番匹馬可以出賽.只有幾匹係新馬時就養在佢處,但都係渣貨.唔怪得佢季季都咁難贏啦.
李易達今季當泵,達唔達標冇所謂,因連續三季唔夠數先冇牌.有時真係好奇怪!每季都有個馬房當泵的,好似輪到來咁.蘇保羅(活力金剛贏打吡),薛達志(將馬王好爸爸推到頂峰),霍利時(馬王爪皇凌雨)以上三位有過成績被人睇,唔似冇料之人.但當黑起來真神仙都冇計,今季輪到李易達,呢個馬房下季都唔使點睇了.
韋達贏梗第十三次冠軍騎師,說來有點邪門,韋達條命真係夠硬,凡是挑戰佢冠軍地位的實衰收尾.當年戴勝拍蔡神仙氣勢如虹,頭馬次數一度過咗韋達好多,但後來墮馬重傷,重離開香港馬圈.柏寶早幾年曾領先韋達近十場頭馬,但最後被韋過返頭,從此一路耷落去,今季保唔到第五名都成疑問.下季只是季約騎師,話就話抽時間打理生意,可能因此淡出香港馬圈.潘頓季中一度領先,現無以為繼重入埋廠,睇來唔利澳洲佬.韋達重做幾年,等到下一個南非騎師來繼任(霍勵賢??),近四分一世紀都係南非佬天下,馬佳善----霍達-----韋達.
|
|
| Re: 真的談天說地 ( No.521 ) |
日期：2013/06/21 10:08
留言者：Kc
|
馬事只剩六次！
好玩之處！永遠有話題！
五個騎師墮馬！
居然人人無大礙！
真係不幸中之大幸！
可見跑馬唔止三分險！簡直險中險！
隻好香港輸死人！
以為李易達仲唔搏？搏乜？
點知衰起上泥有條路！墮馬！
吹漲！
哈哈！睇下條友點翻身？ |
|
| Re: 真的談天說地 ( No.522 ) |
日期：2013/06/21 11:39
留言者：Hawaiian
|
從來未有投注過一毫子在”好香港”身上.匹馬初來名氣太大,逢出必熱,幾次大熱唔啱自己口味.此馬可算係滯運,成個二奶命.好多時任你千方百計都係喃嘸佬見鬼---冇晒符.最經典之事無過於當年國語影星嚴俊李麗華夫婦,名下的”千面金剛”由第二斑一直降到第九斑,在每個斑次都係跑第二,次次都係輸少少,直到做咗餵狗餅都未曾贏過.
老友也唔會投注此馬,原因係佢好憎個馬主.將匹過氣馬王左搞右搞,搞到冇個練馬師肯收留.退役後又去澳門跑,最後轉去澳洲,早幾個月重見其挑戰”魚子精華”,曾對老友講,匹馬係人家0既,佢中意點咪點咯.老友話,使唔使用到咁盡呀?唉!老友莫講係匹馬呀,人都係一樣.近九十歲還要上台聲嘶力竭咁唱,為乜?匹馬跑跑下可能會”擂’’低,咁人會唔會呀?
|
|
| Re: 真的談天說地 ( No.523 ) |
日期：2013/06/21 11:52
留言者：Kc
|
夏兄：可能真係有天意！
隻好爸爸的遭遇！真係人見人憐！
可能有人心態，有錢養馬大晒！
但誰不知，眾怒難犯！
報應就在隻好香港度！
唉！加埋個當黑的李易達，乜馬都”鍊”盡啦！
出到”恨”做冠軍的韋達哥！
點唔惹飛吖？
十賭十騙！
信焉！  |
|
| Re: 真的談天說地 ( No.524 ) |
日期：2013/06/23 00:49
留言者：Hawaiian
|
第三場 七號 童夢
第六場 十號 正紅旗
第七場 六號 碧科
 |
|
| Re: 真的談天說地 ( No.525 ) |
日期：2013/06/23 13:58
留言者：KC、
|
| Re: 真的談天說地 ( No.526 ) |
日期：2013/06/25 09:10
留言者：Kc
|
跑馬呢季仲剩五次咋！
努力！努力！
韋逹勢不可擋矣！
葉楚航又似乎斗志不弱！有得揮！
似乎老蔡實力不弱！
告東尼更唔聲唔聲！
過癮！ |
|
| Re: 真的談天說地 ( No.527 ) |
日期：2013/06/25 18:15
留言者：Hawaiian
|
記得當年跑到最後一日,大摩只領先賓康一場頭馬.而當日賓康出馬甚多,全是牌面馬.大摩出馬亦不少,全世界都以為兩條友梗係一人一場爭冠軍,尤其是賓康未贏過冠軍(至始至終到佢離開香港時都冇贏過),氣勢甚盛.點知兩條友一場頭馬都冇,賓康重連位置都冇隻,最叻係後來做咗馬王的喜蓮之星,由唔係主帥的唐敏生跑第四.你話幾多人入咗老襯集中營?
葉楚航應有機會做冠軍,有師父簡炳墀在幕後策劃.佢雖然贏馬最多,但獎金只排第五,跟住後面的四位比佢多好多,可見都係以錢為先,最怕幾個詐詐諦諦作狀咁追佢將馬迷一網打盡
睇下葉楚航第六七場口孖寶,9明珠一號搭1海嵐一號,竟然大熱5.4倍,臨場最後要睇清楚.
|
|
| Re: 真的談天說地 ( No.528 ) |
日期：2013/06/26 12:07
留言者：Hawaiian
|
香港賽馬會更改練馬師退休規定
2013年6月25日
香港賽馬會宣佈，持牌練馬師若能符合特定表現準則，均可申請於年屆規定退休年齡六十五歲之後續牌。
此項新措施將於下年度（2013/2014）馬季生效，提出申請的練馬師有可能獲准延長牌照有效期三年或最多五年。
擬於年屆六十五歲後獲得續牌的練馬師，只要符合下列準則，即有資格向牌照委員會提出申請：
• 他於年屆六十五歲該馬季之前三個馬季，每季結束時均在馬會練馬師排名榜位列前五名，或
• 他於年屆六十五歲該馬季之前三個馬季，每季結束時均在馬會練馬師獎金榜位列前五名。
當練馬師提出此項申請時，牌照委員會將會考慮他以往獲馬會發牌期間的成績、紀律紀錄以及整體操行，始會決定是否批准於其年屆六十五歲後發給牌照。牌照委員會亦會考慮馬會當時的業務利益，包括策略性因素，以及其他練馬師牌照申請人的質素等等。
年屆六十五歲後獲發牌照的練馬師，其表現將繼續受到監察。有關練馬師若連續兩個馬季（包括其年屆六十五歲該馬季）未能符合上述表現準則，可能不會再次獲發練馬師牌照。
專為大摩度身訂制,對等住升正的副練好似唔公平.但係為經濟效益,如大摩退咗休,有邊個有佢咁既實力?有冇咁多馬主肯出鉅資買好馬?外國有名氣的未必肯來,來咗也未必適應香港.不過都係吊鹽水,大摩可能玩多兩三年,鬼佬性格爭取時間享受人生,斷估唔會死在馬房.
今晚心水:
第二場11勁信心
第四場 4赤膽
第五場3喜欣賞
|
|
| Re: 真的談天說地 ( No.529 ) |
日期：2013/06/26 12:23
留言者：Kc
|
仲有五次！
馬會優待自己選的目標，太明顯了！
私人會所！
鍾意點就點啦！  |
|
|
真的談天說地
