Re: 真的談天說地 ( No.440 ) |
日期:2013/05/14 15:09 留言者:Hawaiian
|
接近季尾必選出一匹馬王,今年可能係最複雜一次.隨手一數,有加州萬里,雄心威龍,精采日子,軍事出擊,事事為王都有可能當選. 記憶之中,及時而出,翠河,活力先生,奔騰,原居民,靚蝦王,精英大師,爪皇凌雨,爆冷,蓮華生輝(只凴記憶或有錯漏)以上馬王退役後,均能頤養天年.唯有一匹好爸爸,在港退役己近十歲.但仍轉去了澳門呆咗一段時間,之後又轉去澳洲出賽.早排越洋轉播,見佢十幾歲的老馬仍去挑戰長勝將軍魚子精華,明知不可為,唔知為乜呢?見佢在騎師車輪鞭猛打之下己舉步維艱,令人看到都眼冤.之所以想起呢啲事,係昨晚在南方衛視看到八十幾歲的陳笑風的演唱有感而發. 香港賽馬史中,業餘時代有過一匹名駒.在六十年代中期一匹名叫土王子,以十六歲超齡仍出賽.以前的馬到十五歲便要硬性退役,但土王子唔知用乜理由可破例.結果臨退役之戰仍跑入第二名,唔通陳先生以為自己係土王子? 土王子馬主何文法,蘇芬諾夫馬房,主任騎師彭利來.
|
|
Re: 真的談天說地 ( No.441 ) |
日期:2013/05/15 00:25 留言者:raymond
|
夏兄, 還有 雪山, 勝利金剛, 同德, 祿怡, 足球, 大成功 ................!
明晩要吼住 蘇保羅. |
|
Re: 真的談天說地 ( No.442 ) |
日期:2013/05/15 07:43 留言者:Hawaiian
|
因時差,夜賽只能預測不能臨場執生,命中率比日賽低.現把各場心水介紹,僅供參考: 第一場1常盈多. 第二場9元豐泰. 第三場5叻先生. 第四場8好爽趣. 第五場4新標誌. 第六場5安琛. 第七場2先鞭直前,7旅英駿駒. 第八場6龍騰虎震. 以下各駒,個人認為唔值搏,尤其是獨贏: 第四場,11珠光寶氣---此馬在海外出賽過十次,大概用得七七八八,來港後跑咗二十次仍未能一勝.現在三斑評分太高,可能要落到四斑尾方能取勝.隔夜賠率係3.5倍大熱門,配今季只有一W的王志偉,條友下季可能冇得騎.冷人騎熱馬係大忌,都唔使點考慮劃咗佢.葉楚航正力爭冠軍,有機會啲馬絕唔放過.韋達,潘頓,鄭雨滇皆可用.可想而知隻馬機會有幾大.呢種場合最宜扒冷,分分鐘爆隻九十九倍出來. 第五場,2全能足球---上次配十磅仔,全程好位只能第三.第四名後的馬冇一匹係叻啲.今反加十二磅係致命傷,隔夜賠率係4.5,你話值唔值搏? 第六場11十二門徒----此馬初出即勝,再出五仗無以為繼,進步不多.蘇保羅係弱勢馬房,有時就算係超斑馬也會被人劏咗.排外檔,隔夜賠率3.8大熱門. 第七場9加州金獎----上次田草直路勝小母牛,崇山寶等名駒,實力可見.但今次初跑谷草,排八檔.是否適合場地係靠估.此場內檔快馬不少,有四五匹之多.外檔2先鞭直前亦快,分分鐘被頂出外檔或坐正包廂,隔夜賠率2.7倍. 以上純屬個人意見,如何取捨就見仁見智.
|
|
Re: 真的談天說地 ( No.443 ) |
日期:2013/05/15 09:33 留言者:Kc
|
多謝夏兄提供另類看法!
跑馬好玩之處,就係賽前大家靠估!
但又唔係完全冇根據!
今晚又有八塲賽事玩!
哈哈!到時睇下點? |
|
Re: 真的談天說地 ( No.444 ) |
日期:2013/05/15 19:19 留言者:Kc
|
Re: 真的談天說地 ( No.445 ) |
日期:2013/05/15 22:02 留言者:Kc
|
Re: 真的談天說地 ( No.446 ) |
日期:2013/05/16 01:20 留言者:Hawaiian
|
得個玩字,葉楚航好嘢!在短兵相接咁0既馬都敢用咁0既騎師去馬,令人寫個服字.睇來佢做冠軍相信機會都大. 除咗賽前刨資料做功課,臨場執生好重要.馬房同騎師有冇冚旗,馬匹在沙圈亮相的動態,包括神態緊張或鎮定,毛色光澤,頭是否擔得高,條頸有冇力,後腳和前腳的腳印是否一致,肶罅有冇汗,水門是否收到見骨或吊肚,有冇痾爛屎,痾出啲屎有冇黐腳,怕唔怕反白眼…….呢啲情況非在沙圈觀察不可,在電視鏡頭平均得廿秒係唔夠,只有聽斑友噏. 賭馬樂趣就係賽前刨,臨場看,賽後檢討哭馬喪.有一個朋友正經過正菜,退休後成日話悶,打親電話來三幾句就冇嘢講,好似在等時候咁.問佢中意正經消遣或不良嗜好?正經就去信宗教,不良的學賭馬咯. |
|
Re: 真的談天說地 ( No.447 ) |
日期:2013/05/16 08:40 留言者:Kc
|
夏兄:有得玩算好啦!
過日辰之馬!想發達咩?
賭馬好多時都係搏你唔信!
隻善寶瓜埋又點估呢?
估中隻加州金獎,又估唔倒果兩隻冷腳!俾佢吹漲!
有時飛咗隻大冷,偏偏就係咁中唔倒T!
買全餐又開熱門!激死人冇命賠!
周時見D馬迷輸到墈頭埋牆!
連收音機都掟咗入廁所! |
|
Re: 真的談天說地 ( No.448 ) |
日期:2013/05/16 11:32 留言者:Hawaiian
|
人家戎馬大半生,自己賭馬大半生.假如還執迷不悟存有幻想,希望搵到食甚至發達,真係枉為人了.如今賭馬是一種消遣,在自己能力負擔範圍內尋找樂趣.贏到可以口沫橫飛一番,輸咗又可以阿Q話做善事. 在沙圈睇馬亦不能一成不變,通常痾爛屎的馬輸多過贏.但亦有例外,業餘時代有一匹叫”大吉到”的梅道登坐騎,痾爛屎之日就贏出,反之就輸.最攞命一次,跑到大石鼓上山時突然痾起爛屎,好似噴槍咁,在佢後面的馬匹和騎師中晒招.亦算是香港賽馬史一點花絮. 有一點係本人臨場最喜歡看到的,就係頂頭熱門閘前重新釘甲.凡閘前釘甲一定”釘”實,記憶之中好似只一匹跑出,其餘全落敗. |
|
Re: 真的談天說地 ( No.449 ) |
日期:2013/05/18 08:28 留言者:Hawaiian
|
天氣唔穩定,場地唔知係乜.隔夜掛係好至黏地,或者開跑前陽光普照.所以要臨場執生.今日心水僅供參考: 第四場3齊大勝---正宗長途馬,在外地曾勝黏地2200米. 第八場10威風猛將---五月一日出千六排十三檔臨場賠率係W155倍,P24倍可惜排十三檔,沿途包尾,入直路波出到外父咁外,差不多去到公眾棚.但如飛殺上,負給頭馬2 ¼身位跑第六. 上次走了光,隔夜係十七倍,如果臨場有八倍都好咯.
以下係第三場6要風得鋒的傷病報告,初出馬咁多意米茨實,是否值搏就見仁見智. 日期 詳情 通過日期 11/09/2012 右前腿肱骨應力性骨裂 08/01/2013 31/01/2013 左前蹄不良於行 12/04/2013 06/02/2013 骨骼掃描發現左前腿上半截脛骨吸收較多放射性物質 12/04/2013
個人對名字古靈精怪的馬多唔睇好,以前有--祗是激--紙友贏--期股雙鐺等馬,未曾攞過一毫子獎金就出局.
|
|
Re: 真的談天說地 ( No.450 ) |
日期:2013/05/18 10:19 留言者:Kc
|
早晨!早晨!
有馬跑就有勢藝!
天氣似乎好轉!
今日會入沙田!
又睇下點?
多謝夏兄提供心得!
小弟都做足功課,不過唔夠夏兄咁深入!
多數都係大路料而已! |
|
Re: 真的談天說地 ( No.451 ) |
日期:2013/05/18 14:14 留言者:Kc
|
Re: 真的談天說地 ( No.452 ) |
日期:2013/05/18 14:42 留言者:Hawaiian
|
問你點估?跑大長途放頭,馬王都帶唔到啦. |
|
Re: 真的談天說地 ( No.453 ) |
日期:2013/05/18 15:46 留言者:Kc
|
Re: 真的談天說地 ( No.454 ) |
日期:2013/05/18 16:32 留言者:Hawaiian
|
3284 18-05-2013 16:01 沙田 星期六 連贏 7 場 10 超皇鷹 拖 1 續領風騷 + 3 蓬萊仙子 + 5 夢仙 + 7 勁高手 $10 $40.00 $444.00
又有得玩 |
|
|