Re: 真的談天說地 ( No.350 ) |
日期:2013/03/20 07:32 留言者:Kc
|
夏兄:加一三,加二四,我都唔記得了!
老行尊都唔識!真係問道於盲咯!
今晚多謝提供!
你至係行家! |
|
Re: 真的談天說地 ( No.351 ) |
日期:2013/03/21 03:43 留言者:Hawaiian
|
問過老行尊,加七個庄賀尊,每人(閒家)應輸十八戙,每戙一毫輸一元八毫.那日賀尊者收多了.------鬼叫你唔識咩! |
|
Re: 真的談天說地 ( No.352 ) |
日期:2013/03/21 08:15 留言者:Kc
|
真係隔行如隔山!
想當然係唔得嘅!
馬仔局!周時俾佢咬添!
小島怡情啦! |
|
Re: 真的談天說地 ( No.353 ) |
日期:2013/03/21 22:28 留言者:tommy
|
<打天九>是中國固有文化,比打麻雀(或稱馬吊、竹戰) 早很久很久,若不視為賭,而視作藝術,應大力倡導保留此玩意。 比如Hawaiian兄玩的每戙一毫,就真是全無賭味,旨在娛樂! 加庄是每加一庄加0.5計,即庄家收閒家(閒家收庄家也一樣) 新庄是2毫1戙, 加一庄是3毫1戙, 加2庄是4毫1戙, 加3庄是5毫1戙, 加4庄是6毫1戙, 加5庄是7毫1戙, 加6庄是8毫1戙, 加7庄是9毫1戙, 加8庄是1元1戙, 賀至尊收2戙錢,即加7庄應收每位1元8毫! 進一步補充:天九32隻牌,每隻都是由兩粒骰仔出現點數變成:例如1,3是鵝; 4,4是人2,5是黑七等等-------可見國粹之精深!Tommy |
|
Re: 真的談天說地 ( No.354 ) |
日期:2013/03/21 23:36 留言者:raymond
|
Re: 真的談天說地 ( No.355 ) |
日期:2013/03/22 10:35 留言者:Hawaiian
|
有話好朋友唔好打天九.不過遇着心胸窄,牌品差,只能贏不能輸的人,最好乜都唔好玩.曾見過食唔出雙辣,而把牌掃晒落地的人.耍樂變咗撒賴,冇癮到極. 天九遊戲己漸趨式微,懂得玩的人十不得一.與麻雀相比,懂得的人可能五十比一或更多,唔識打麻雀人少,唔識打天九人多.原因唔明,話難唔係難,話冇樂趣?唔參與其中,點知鬥扭的樂趣?有人話呢啲係女人先玩0既嘢,所以凑成一局唔易.那日身屬的會三十周年紀念,撩事鬥非的師兄們早個多月己頻頻挑戰,話如能破三十多年的戒復出,每人先讓一底云云……經唔起激將,封刀了三十幾年再復出,打了十六圈麻雀.事畢,口痕友又話,麻雀己破戒,唔爭在來一局天九,反正平日好難埋成局.因為四人都係久疏戰陣,結果出現賀尊唔識計數的笑話. 蚊少提到的單孖窿,的确可傾家蕩產.不過當姆指往下按,大叫老竇都要多,然後把牌猛力向枱面一拍,大喝一聲,此聲天震地裂,毀山崩陵.那種呼盧喝雉的樂趣,明日做乞兒又是另一回事了.此情此景,一眨眼是三四十年前的事,己成歷史.今時今日,己無胆量做此豪氣干雲的事了.
|
|
Re: 真的談天說地 ( No.356 ) |
日期:2013/03/22 22:27 留言者:raymond
|
原來夏老爺 d 興趣跟細佬十分相近. 以前狗馬, 排九, 十三張, 頂頭, 番攤, 骰寳, 竹館, 無一不好. 至今衹剩跑馬仔呢一瓢過吓日晨. |
|
Re: 真的談天說地 ( No.357 ) |
日期:2013/03/23 12:20 留言者:Hawaiian
|
與蚊少興趣相近,都係指那些不良嗜好.而蚊少識揸竹掌板,又會唱曲這些活絕藝,非本人能及.但有一點可能係相同的是信佛,由一些留言看到蛛絲馬跡.還有一點,能否用”浪子回頭”四個字呢?即使無人認同,阿Q一番,倒也自我感覺良好.年青時那些輕狂不覊日子,真是無賭不歡,無賭不曉.每周都過海與何生搏鬥,人家的回港證可用三年,自己的七個月就要加頁.現在回頭一望好似螢幕上的幻影,似夢無痕.如今對一切賭博簡直興趣全無,之所以保留雞仔注玩馬仔一瓣,是為了保持頭腦活動,拖延老人症的來臨.所居之處距離美西幾個賭場五六個飛機航程,早年(現在情況冇留意)三百元左右包機票三晚四日食宿,有人年中往返幾次.後生一輩不斷游說前往,話如何如何去玩,甚至煞有介事指點贏錢方法,話好容易賺到一個免費旅程.但始終不為所動,答佢,阿叔係鄉下佬,呢味嘢唔啱.多年來只正式到過(過境唔算)拉斯維加斯一次,與朋友兩家人前往.後生的為睇表演,女人為了購物.個人興趣係逛設計不同的美輪美奐的酒店,真的冇賭過?有.四日三夜輸咗八十元,全輸在希望贏回旅費的金路,其他的一個仙都冇落注.曾在自認熟悉玩法的廿一點和百家樂枱邊觀戰,發覺大多人都是好似無條件把錢送被賭場.庄家十五六點都搏到廿一點,庄家旺到不得了還加注,看到此情不禁搖頭.但隨即自問,你自認咁精,咪一樣做咗南韓影帝朴魯植-----朴到直.此言甚是!或者是當年毅然戒賭的動力,自己由賭林行出來,什麼未見過,什麼刺激未試過?今時今日能得心平氣和是一種福份.最怕那些臨老入花叢或賭場的人,真係家門不幸了. |
|
Re: 真的談天說地 ( No.358 ) |
日期:2013/03/24 17:50 留言者:raymond
|
夏兄頗具慧眼, 小弟確實是一名佛弟子, 但郤是懈怠而不精進的一員, 本身習氣重, 吸煙, 賭馬, 不守齋期等等, 慚愧, 慚愧. 而掌板及唱曲亦祇屬三腳貓之流而已, 兄台郤點金有術, 更非小弟能及也. |
|
Re: 真的談天說地 ( No.359 ) |
日期:2013/03/25 00:25 留言者:Hawaiian
|
蚊少真會講笑,此身大半生庸庸碌碌.加上年青的輕狂舉止,幸好身在社會福利較好的國度,晚年有溫飽,否則唔唱新馬名曲----乞食都幾難.可能是夙生積下的一點福德資糧吧,亦是扶恧. 習氣是一般凡夫俗子難免的.吸煙是否一種惡習?個人仍存有懷疑,雖然自己戒了近三十年.主流的講法是吸煙有損健康,容易患肺癌.但家族之中叔伯兄弟個個都係老煙槍,自己也曾是日吸兩包,有局就不止此數,早上起床吸埋最後一枝,飲完早茶找數時買第一包,到下午三點三找數時就要買第二包.老細曾戲言,你工夫位的煙頭可以扒攤.然而偏偏死於肺癌的堂兄,終身未曾吸過一枝煙,真諷刺! 其實吸煙係一種心癮,要戒唔難,是意志問題.個人戒煙全無過渡期,也無需代替物,一收即停.戒後約十年,某次與損友拍檔工作.佢係老槍,飯後話,嗱!整口啦.包煙放係度,你食就隨便.結果食咗佢的煙成個月,搞到佢肉刺.喂!咁唔掂,你食就自己買.-----梗係啦,成十蚊一包.此後從未吸過一支煙了.吸煙的壞處係人都會講,但有一好處,當早上第一啖覺得冇味時,唔睇醫生也要飲凉茶了. 或者將來有日,----“經專家研究,吸煙對某種絕症有好大治療功效.”都唔出奇.
|
|
Re: 真的談天說地 ( No.360 ) |
日期:2013/03/25 21:23 留言者:Raymond
|
小弟曽嘗試戒煙大抵都有三五七次, 但總是戒不成. 醫生曾詢査小弟的煙齡, 但當小弟告之超過 45 年, 醫生卻説 : 不要戒, 食少 d 啦! 問他這是何因, 答案是, 身體長期接觸某些物質, 變成了一種慣性, 甚至依賴及需要, 若一旦將長期的習慣戒掉, 則怕身體會驟然生起變化. 近十年, 從毎天的一包至包半減至三日一包, 假期可能兩日一包, 總算是戒掉了一半有多啦, 好找個藉ロ自我阿Q 罷. |
|
Re: 真的談天說地 ( No.361 ) |
日期:2013/03/25 22:41 留言者:3388
|
果不其然,有位朋友戒烟七个月,成日口生菲兹。想来想去,以前少有这样的痛苦。闲聊间另一友人提醒会不会你戒了烟呀,当晚即时重新吸烟。呵呵,明天好返晒,这几年又无事了。
|
|
Re: 真的談天說地 ( No.362 ) |
日期:2013/03/26 01:27 留言者:蕃薯
|
戒過11日~第12日打牌~又食番 記得沙士個年~好多人都話~煙齡耐的人反而可以抵禦沙士病毒 |
|
Re: 真的談天說地 ( No.363 ) |
日期:2013/03/26 16:02 留言者:Hawaiian
|
從不鼓勵或反對別人吸煙,後果自負,與人無尤.但對一些反吸煙的廣告十分反感,就是把吸煙者描述成一個罪人似的,令人神憎鬼厭一樣.曾和反對者爭辯過,其所持的最大理由係會造成二手煙民,汚染空氣令他人受害,OK!呢個理由算你啱.自己也曾是煙民,如今也不喜歡別人在身旁吞雲吐霧.假如其人在不影響他人而吸煙,何必惡之欲其死呢?好似比愛滋病者還可怕似的.講到污染空氣,咁汽車死氣,冷凍系統所排的廢氣,還有其他的乜氣物氣…..是否不比香煙污染少得多?一輛汽車由山腳爬到上山頂,所噴出的死氣,等於幾多人吸幾多包煙所產生的廢氣呢?點解唔見你地咁大力反對,要禁汽車踩單車呢?一句講晒-----自私!好似舊時話齋,人家個BB仔痾瀨屎好臭,自己個BB仔瀨屎冇事. 好認同醫生告訴蚊少的理由,吸了幾十年煙的人,那些香煙元素可能化成了身體某一種所需.一旦斷了,身體生理系統亂了步驟,唔知產生乜反應?一如突然停了一日電,雖然唔會死人,但生活秩序大受影響. 戒煙對各人有乜唔同好處壞處?一時講唔清.但有一點係共通的是,體重必在短期急劇上升.以本人為例,戒煙前是一百三十幾磅,腰圍是三十一吋,戒煙後好似物價,上升後無法回落.做運動啦,節食啦…..等等做齊還是阻止不了升勢.有一朋友幾年不見,再見時佢由慈善伶王變了加大碼的丑生王,戒了吸咗四十幾年的煙囉.
|
|
Re: 真的談天說地 ( No.364 ) |
日期:2013/03/27 01:01 留言者:raymond
|
唔明白政府點解打擊私煙行動比打擊毒品更為積極. 宣傳反吸煙的廣告比反吸毒的廣告更為頻密. 實令人費解. |
|
|