Re: 一個新斑子,大半舊東西. ( No.1 ) |
日期:2012/07/05 01:42 留言者:四姑娘
|
舊瓶新酒,只要有好的釀酒師,內涵會進步,在其位待其主,待看着! |
|
Re: 一個新斑子,大半舊東西. ( No.2 ) |
日期:2012/07/05 02:12 留言者:領會
|
政府第一刀,一日不剎領滙!全港必無運行! |
|
Re: 一個新斑子,大半舊東西. ( No.3 ) |
日期:2012/07/05 09:35 留言者:Hawaiian
|
想起當年極力持反對意見的盧婆婆. |
|
Re: 一個新斑子,大半舊東西. ( No.4 ) |
日期:2012/07/05 20:50 留言者:dayday
|
卿本佳人,奈何上錯賊船.林鄭不知會不會將來攪住狠英一齊死(民望下落).... |
|
Re: 一個新斑子,大半舊東西. ( No.5 ) |
日期:2012/07/06 06:49 留言者:Hawaiian
|
林鄭話,如果梁振英誠信有問題,佢會凴良心做事. 你估佢會點做呢?Hawaiian不妨客串一次神棍,來猜一猜.現在狼先生(模仿下蛋家人的口音,將梁,良,凉讀狼.搶讀廠,強讀狂,想讀爽…..等.)因為僭建問題,搞到一鑊泡.證據確鑿係佢買入後先加建,賴亦賴不了.最衰打電話去明報查詢,而特首辦又將件事調轉來講,今次問佢點樣圓謊?多一條干預新聞自由,死多二錢.但無論如何佢一定唔會引咎辭職,佢一定會學佢的劉姓謀臣吳姓忠貞話齋,短期搞一些成績出來,立竿見影來力挽狂瀾.你叫佢搞乜呢?搞基就易啲.老實講,就算冇僭建誠信單嘢,目前都幾難施展拳腳,佢根本是無兵無將,如果有就唔使翻閹煲呔個斑啦.加上佢太自信,以為保皇黨會保佢.五司十四局就被跣到攤攤腰,加上反對派處處將死佢,還唐營和既得益集團呢!佢個陣真係顧得老婆,就顧唔到老契.估計一兩年內,佢會困在泥潭內苦戰,縱使佢有趙子龍百萬軍中藏阿斗之勇,能殺出重圍係佢好嘢.點能順順利利咁施政,如果西環治港更會令香港人反感,明年七一有百萬人上街都似.搞到香港到時每況愈下,朝廷就會出手,不如叫你借頭痛遁啦,好過朝廷頭痛. 講返林鄭,如果查出CY真係誠信破產,而又霸住茅坑不拉屎的話.第一是毅然辭官,以示清高.第二係和和稀泥,胡胡混混,學佢舊老細話打好呢份工,第三係收歛蟄伏,暗中發展勢力等CY倒台時順勢坐正,呢樣嘢睇佢有冇咁0既命水咯. 以上純屬係靠估,不過無論如何,Hawaiian可能叻過好多靠玄學為生的神棍. |
|
Re: 一個新斑子,大半舊東西. ( No.6 ) |
日期:2012/07/07 17:29 留言者:Hawaiian
|
二零一二年港台兩地適逢揸弗人選舉,很巧合的同是雙英對碰,結果早己知曉.Hawaiian發覺兩處有很多相同的地方,選前大家都是膠着,馬英九始終拋不離蔡英文,梁振英被唐英年纏住,有一段時間好似被追過了頭.在入直路後,唐英年爆出個地下宮殿,蔡英文捲入宇昌案.兩人同樣是含含糊糊想蒙混過關結果落敗.馬梁當選後,同樣是民調不高.而兩人又過於自信硬闖關,馬英九的美國瘦肉精牛肉和油電價格雙飛,搞到民間怨聲載道.立法院被民進黨霸住,連王金平也不得其門而入去主持會議,結果流會.香港方面梁振英的五司十四局,也是在立法局流產.更大鑊的是本來己經跛跛地的馬英九,近日爆出佢悉心栽培的明日之星,行政院秘書長林益世的貪污醜聞.其勢兇夾狼法簡直媲美陳水扁,令到一向標榜清廉的馬英九簡直是佛頭蘸糞,民望跌至百分之十五.梁振英在上台前夕爆出僭建事件,被以其人之道還治其人之身,搞到灰頭土臉.早上剛上台,下午就被十數萬人上街遊行叫佢下台.現在馬梁兩人同一處境,打晒困籠寸步難行.點算呢?其實好簡單,正如克仔話齋,問題是在經濟,笨蛋!聽下許冠傑支歌啦,錢!錢!錢!!計將安出?先講小馬哥,首先同大陸話簽政治協議,不過條件要大陸用條大水喉射住,大陸就要識做.送給台灣同胞每人五千元美金做見面禮,相信除了幾個死硬份子不食周粟之外,人人都皆大歡喜.有錢經濟就會生猛,橫掂大陸每年對外使的冤枉錢不少,擲多一百幾十億都是九牛一毛.當然手法如何用得圓滑,非Hawaiian可想得到.那時小馬哥的民望好似芝麻開花,節節高升.香港方面亦是一樣,馬上宣布加生果金加到五千,所有公屋免租一年,住在籠屋板間房劏房的津貼租金若干個月.還有其他什麼燃眉之急的民生,盡量用錢搞掂.反正香港大把錢,有錢好辦事,無錢共鬼講.出現赤字點辦?明年向有錢佬加稅開刀咯,可以舒下民怨.如果有錢佬話撤資或減少投資,就悉從尊便.世界上有那處地方有香港咁低稅?用枝槍指住佢都唔會走,係作下狀啫. |
|
Re: 一個新斑子,大半舊東西. ( No.7 ) |
日期:2012/07/07 18:47 留言者:kc
|
近曰香江政情, 亂過亂世佳人! 看垃圾會直播, 人人自殘, 開會慘過坐監!係咁拉布!係咁表決!似機械人! |
|
|