 怪論 |
日期：2012/07/10 09:15
留言者：Hawaiian
 |
港台兩地的揸弗人自從登上寶座,未曾有過一日的安寧.好多政論家紛紛替佢兩人把脈,各家各說都有,並獻上良策.Hawaiian早幾日也是濫竽充數,學人胡謅一番.但想深一層,全部都是炒冷飯了無新意.講就容易,做起來十分難.而且找不到病源,不能對症下藥如何可以解決呢?因此嘗試上座入定尋思,竟然有了答案,其實好簡單做起來不費吹灰之力.千差萬錯就是他們的姓名出錯.首先講下馬英九,表面上睇來冇乜特別,事實這個名字組合是大有問題,佢上一任都係跌跌撞撞,周時灰頭土臉,只得個虛名,並無實質可言.(佢似食驚風散般得連任,應係多得佢老婆,實際係皓嫂當了選,大多選票都係佢老婆拉回來.所以佢公開話怕老婆,如果選當代陳季常,佢一定高票當選.)好喇!以為咁樣可以叠埋心水搞下歷史定位啦,誰知現在又爆出愛將貪污,將佢民望拖到創紀錄咁低,都唔知點收科?點解?佢個姓名所累咯.唔信呀?有書為證,自從祝員外受了文定之後,馬公子文才坐定粒六等獨抱美人歸,擇了良辰吉日,去把那個比自己更有文才的祝小姐迎娶返來,準備是晚小登科,點知個英台九妹心另有所屬,半路縱身一跳……搞出個大頭佛,一切成空話.因為英台九妹一旦變作馬家娘就是馬英九了,死未?真係大吉利事!建議小馬哥應立刻改名,天九,地九,乜九,物九或英雄,英俊,英偉……都好過英九,否則這個任期做唔做到尾都成疑問.
咁梁振英又點呢?亦係梁山伯與祝英台的混合體,以為一路上馬蹄忙,點知現在要強步踱迴廊,相信梁兄哥就快要嘔血了.老懵懂治港唔掂,煲呔又一鑊泡,你重去振作這班港英餘孽,翻閹佢個斑底?應該徹底清除才對.建議改作振華,振港,振奮皆可,但切不可已振鷹.否則把警隊禿鷹一哥的鷹派惡氣振作,非港人之福.會應了在競選時隻豬的指控,出催淚彈去對付子民.如果死牛一邊頸,想唔化蝶成灰都唔得.
奉勸兩位老哥,馬上請高人改過一個吉利的名字,否則會繼續沉淪下去難離困境.
|
| |
Re: 怪論 
