新年伊始,祝大家身體健康,新年快樂. 每逢新年,必有好多大師出來預言,準確與否?比本人買馬更差,時時食白果. 這些大師無需考驗,也無需資格,只要夠膽兼面皮厚,最重要的是唔使負責任.既然如此,現在不妨充當下大師預測如下,今次計精不計多: 今年有三個阿一會下台 安倍晉三-----適合呢個入形入格蛇頭鼠眼架仔的蛇年己過,現在己搞到天怒人怨,被世界孤立.連佢嘅主人美國亦感到利益受到嚴重損害,所以要佢下台. 金正恩-----其手段比佢阿爺佢老竇更兇殘,誅殺元老.其形勢與四人幫末期差不多,後果係佢必被元老誅殺. 梁振英----上台至今施政寸步難行,阿爺失望.加上與得益集團有衝突,保皇黨貌合神離.兩年試用期滿因健康問題被請辭. 馬英九----雖不用下台,但國民黨在七合一選舉落敗,為挽頹勢宣布以國民黨主席身份訪問北京. 以上是無根據的靠估靠撞,同好多大師一樣.撞中咗唔使拍手,撞唔中當冇講過,明年又來過.