Re: 劊子手 ( No.1 ) |
日期:2014/09/13 16:32 留言者:麥友成
|
Re: 劊子手 ( No.2 ) |
日期:2014/09/13 17:42 留言者:Hawaiian
|
當今世界之亂,九成係美國搞起,可以話係禍亂的源頭.
1,入侵阿富汗,借口係乜?話係打擊塔利斑捉拉登報仇.其實九一一係個果,點解由美國扶植起的拉登會專對付美國呢?唔好見佢對付其他國家.有果必有因,當然這三千幾個美國人是無辜死難者,係替死鬼,但被美國殺死或害死的人係幾多十倍百倍.
2,打伊拉克,插贜嫁禍.監硬話人有生化武器,還在聯合國展出”證據”.大佬!就算有都你美國佬在兩伊戰爭時送來的啦.結果揮軍捉咗人家總統,殺埋.好嘞,監硬要人家行你一套,現在搞到亂過亂葬崗一鑊泡.薩達姆雖有千般不是,但可以鎮住個局面,起碼好過今日.
3,在利比亞亦係一樣,殺咗個卡達菲,搞到內戰連綿.
4,偏袒縱容以色列,那些猶太佬自已可以復國,但不容巴勒斯坦人立國.不時殘殺無辜婦儒,對方殺一個猶太人,美國話係恐怖襲擊.而以色到濫殺無辜係自衛,凡聯合國的譴責制裁以色列的一切否決.
5,想將烏克蘭納入自已的勢力範圍內遭反對,兩日前剛和烏國總統達協議.兩日後支持政變趕個總統走去俄羅斯,個總統係依照美國一人一票選出來的,係合晒你規矩,唔聽你話就趕走佢,神又係你鬼又係你.
7,還有埃及,做低咗個統治咗幾十年嘅總統,又依照美式選出薩爾西啦,唔夠一年又插手支持軍方搞政變,趕佢下台,還變成階下囚添.
8,先前趕唔走個敘利亞總統,現在又係想出飛機去炸人地國土.話係炸伊斯蘭國的恐怖分子,成個惡爺咁款,中意點就點唔使人同意.
9,都係留返精神賭馬好過.
美國當權者多行不義必自斃,將來必有因果相報應.有個現實例子,如果蘇格蘭一獨立,英國就散晒變成一個三四流的小國.
|
|
Re: 劊子手 ( No.3 ) |
日期:2014/09/25 12:36 留言者:Tina
|
Hawaiian先生:您真是好鬼犀利,分析得入木三分,我好中意看您的文章,好有头脑。好想听下您对香港目前的形势分析一下。因为一话放马给香港人選举,都未選就搞到七国佄乱,请问您看法如何? |
|
Re: 劊子手 ( No.4 ) |
日期:2014/09/26 04:54 留言者:Hawaiian
|
Tina女士: 希望唔好搞錯你的性別,你實在睇得起Hawaiian了, 其實Hawaiian係一個老粗, 文化同學識都有限,只不過平時喜歡噴下口水,把自己想講的講出來.並非什麼真知焯見,有時是廢話一堆. 香港目前的情況, 自己身在番邦,只能隔岸觀火,一切消息只靠傳媒的報告. 香港搞成今日的僵局,其實係泛民這斑人自視太高,可以話係不自量力以為可以同朝廷對抗. 現在變成尾大不了
一開始要價太高,把說話講得太死.要知道朝廷是食軟不食硬,如果最初大家有得傾時,不妨大家接觸對話慢慢傾.朝廷好大機會放你入閘,反正你只是白鼻哥陪隊分子,梁家傑何俊仁唔係陪跑過咩?大片疆土談談下都可以放棄,放你入閘真係小事一樁啦.但泛民唔係,好似擺出戰鬥格,你唔應承我的條件就冇得傾.喂!你有乜條件同朝廷講數呀?好似一個大隻佬同個細路鬥,本來玩幾下花式,大家都有些分數然後,個細路體面落敗,大家都好下台.點知個細路唔識死,攻其要害,佢唔一拳打瓜你算係畀面.
莫以為中英聯合聲明可以借下力來用,唔好講有基本法罩住,釋法權在其手上,開出來的結果你一定係冇得贏.就算冇基本法,君不見卡梅倫親率大隊人馬來華嗎?為乜喎?有冇提乜乜人權嗎? 卑恭屈膝咁鼢,無非係money, money.李柱銘陳四萬還不識趣走去告洋狀,就被朝廷多一條把柄---勾結外國實力.所有政客都係見風使桹,利益第一位.幫你講幾句門面說話己算畀面,唔在後面出賣你算萬幸.
講到提出佔中,其實係成事不足敗事有餘之舉.以為咁可以要脅到朝廷,如果有效,咁西藏啦,新疆啦,上海啦,廣東啦……個個有樣學樣,還得了!唔用極端手段來撲滅你於萌芽,原因係還要做點門面工夫畀外人看.剃光個頭只是一種姿態,朝廷眼尾都唔會睇下.而且泛民係各懷鬼胎, 個個只係得把口.剃光頭咁小事都唔見多個人出來支持,還對佢有乜其他指望?如果想吸引外國眼球,搵一兩個人在中環自焚的效果更大.呢牊鼢酗籵蚖℅興ㄜ囍n講,提都唔好提.唔好預我,如果你做, 就一定大力支持.
見到台灣太陽花運動得米,就見獵心起,學人發動罷課.地點唔同,民生唔同,對手更唔同.馬英九一向弱勢政府,加上被一個王金平籠裡雞作反處處牽制住,咁樣斑學生先得手.而台灣地方比香港大,影響日常民生有限.香港人多地窄,稍稍小事對民生影響甚大.對手唔係香港政府係朝廷,強弱懸殊. 搞學運,搞工運及其他群眾運動,人地係祖師爺,你斑友簡直唔入流.你有冇本事搞到全國各地支持響應?想全部香港人響應都難.加上香港人功利第一,自己當家作主的意識還不高.百多年來都係由英國話,邊個做就邊個做啦.邊個做都係一樣,最緊要唔好搞亂我搵食檔攤. 而政府開始把選區拆細,到時建制派議員在立法局可以控制投票權.佢地喜歡通過乜法就乜法,分分把廿三條一次通過.
秀才作反三年不成,被你叫嚷一番又如何?你身在香港算好彩,如在內地,一個尋釁滋事罪,你就得洗淨個八月十五. 今後朝廷只有越收越緊,一切都要在佢的框架中進行.以最壞打算,犧牲一個香港又如何?咪被其他人有樣學樣.
照目前估計,佔中會上演.但規模唔會好大,時間唔會好長.如果期間太長而又影響民生的話,本來同情的變成反對,都唔使政府出手就自動收檔.到時只好發表一個聲明:鑑於對手蠻頑,我們為保存實力,退守有利陣地進行長期抗爭,直到達到目的為止. 過得一段時間,正如老懵董名言:唔提就係等於冇鱁. 以上係Hawaiian不才之見,歡迎討論.不過呢籪傶D冇乜人有興趣.
|
|
Re: 劊子手 ( No.5 ) |
日期:2014/09/26 12:12 留言者:小李
|
Re: 劊子手 ( No.6 ) |
日期:2014/09/26 12:29 留言者:麥友成
|
你返嚟做特首啦∼ |
|
Re: 劊子手 ( No.7 ) |
日期:2014/09/26 20:37 留言者:老三
|
一哥支笔,比老三的十年窗,劲好多…! |
|
Re: 劊子手 ( No.8 ) |
日期:2014/09/28 07:35 留言者:Tina
|
非常敬佩!!! 精辟,深入,透彻!!有远见!!! |
|
Re: 劊子手 ( No.9 ) |
日期:2014/09/29 06:04 留言者:Hawaiian
|
剛剛在網上看到的消息,被我估中.但估唔到咁快,如果買馬係咁就好咯.
佔領中環最新消息:學聯呼籲 市民全面撒離。因有消息指警方已出橡膠子彈,學聯呼籲各位參與佔領行動的市民全面撤離。但我們強調學聯大台必運作至最後!我們要求警方必須讓示威者安全離開,不加阻撓。
面對政權刻意引發與市民之間的戰爭,我們必須保留實力。警方今日刻意濫用武力驅趕示威者,定必激發更多市民參與抗爭及不合作運動!
希望在於人民,改變始於抗爭!保留力量,擇日再會!
學聯FB發出的呼籲
|
|
|