算唔算發爛渣? |
日期:2015/07/07 03:10
留言者:Hawaiian
|
債主:根據合約,呢筆債你夠期要還咯. 債仔:我冇錢呀!你要借新啲被我,先可以冚舊嗰啲喎. 債主:你舊都未還,又想再借? 債仔:咁你借唔借呀!? 債主:借被你都得.但你要慳啲使,我同你做份預算計劃. 債仔:好.但你份計劃要我地每餐將三菜一湯減到兩菜一湯,周末又唔准出去消費,咁好似干涉到我地嘅人權自由喎. 債主:你接唔接受呀?如果唔係我好難再借錢被你喎. 債仔:嘩!!你簡直係迫害我地啫!我要問過老婆仔女先. 債主:你問過未? 債仔:問過嘞,個個都唔同意. 債主:咁你地想點先? 債仔:條件唔會接受.但你先借錢被我地咯,唔係至多攬住一齊死!我地死咗你都唔好過,連舊債都冇得收返! 債主:.......... Hawaiian只懂賭馬,唔懂政治與經濟.以為上述情況只有在小說或電視劇裡邊發生,原來真有現實版,唔知呢啲算唔算發爛渣呢?如果做開條例,個個債仔都跟住咁做,重成唔成世界呢? 記得好似不久前有冰島賴過債,如今希臘又賴死.如果義大利葡萄牙又跟住上.呢個世界理虧唔緊要,只要扮成受害者就掂.你說怎麼辦?你說怎麼辦?
|
| |