1400

1400

日期：2015/07/29 18:15
留言者：Hawaiian

朋友問,1400個數字係唔係好特別好大?被佢問到一頭霧水.個人最熟悉的千四,就係沙田獨有的中距離賽程,而且可能係被編排得最多的賽程.至於其他有關的事物,一時就想不起.

朋友又問,一光年係幾多時間?呢樣嘢真係唔識,只知光年係天文學上用來計算的單位.朋友再問1400光年的距離有幾遠?咁問即係問道於盲,如果你問,千四米的紀錄保持係邊匹馬,都有可能答得上.呢啲咁高深的問題,你不如去問第二位好過.

原來近日美國太空總署公布一個好消息,話發現了一個在太陽系以外的一個地球的"表哥".條件是和地球差不多,好可能適合人類居住咁話.呢個"表哥"係距離地球1400光年.如果將來(大約一億年以後)太陽萎滅時,人類就可以有希望移居到該星球.聽完呢段消息,不由得哈哈大笑.自已己進入古稀之年,個腦袋還能清醒得幾多日子?不如趁有限的時間,想下點樣快快樂樂過埋呢世啦.呢啲太遙遠的事,可能會想壞個腦.

莫講話1400光年,就算140年,現時都冇人可以活到這個年紀.所以個人對呢條新聞冇興趣睇,故此冇乜印象.都係八月八日球季,同九月六日馬季開鑼的日子值得重視.
(大笑)

Page: [1] < 回上一頁

Re: 1400 ( No.1 )
日期：2015/07/31 10:15
留言者：Hawaiian

如果有人話組團去搵表哥,你估有冇儍佬報名參加呢?
(大笑)

Re: 1400 ( No.2 )
日期：2015/07/31 11:23
留言者：Tracy

一光年係幾多時間?唔知要投幾多次胎先至見到!!
例如:世界上最快的飞机可以达到每小时11260千米的时速（2004年11月16日，美国航空航天局（NASA）的飞机最高速度纪录是11260千米/小时）。依照这样的速度，飞越1光年的距离需要用95848年。而常见的客机时速大约是每小时885千米，这样飞1光年则需要1220330年。目前人造的最快物体是1970年代联邦德国和美国NASA联合建造并发射的Helio-2卫星，最高速度为每秒70.22千米（即每小时252792千米），这样的速度飞越1光年的距离约需要4000年的时间。
(表情24) (表情34)

Re: 1400 ( No.3 )
日期：2015/07/31 11:24
留言者：KC

(大笑) (表情7) (表情11)

應該有！呢個世界, 乜人都有！

揾表哥, 本身已是妙想啦！

(表情23)

Re: 1400 ( No.4 )
日期：2015/07/31 17:45
留言者：Hawaiian

>> 回應 ( No.2 ) 留言
謝謝指教.
(表情14)
既然表哥距離咁遠,1400光年個數係點計出來,係唔係估估下?近日又睇到一段新聞,就係天文科學家把一組數字發送到某個星座去,估計如果該組數字傳送到該處需要兩萬幾年.而那裡的太空生物又睇得明的話,再回覆地球,又要兩萬幾年才收到.一來一回要四五萬年.雖然比1400光年少好多好多,但亦唔係短時日.到時地球即使還存在,相信都冇人類了.
所以做呢啲咁嘅嘢,到底有乜意思?相信所花的費用唔少.與其研究咁遙遠虛無飄渺的事,倒不如將精神費用去研究目前急需解決的事好過.如溫室效應.........等.
有時覺得,有啲科學家久不久發表一些文章,好似有新的發現咁,但又唔覺得有乜效果.以小人之心度之,呢啲人到時到候就要出來噏下嘢,唔理有冇用,表示佢地仍然存在,唔係白白"扌豆"人工.
(大笑)

Page: [1] < 回上一頁

主題	排列前端
姓名
你的電郵地址
現在心情	*心情圖片預覽表
留言密碼	(刪除或修改留言使用)
內容
	Cookie 保存

- 阿立粵曲天地 -

聲明

阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。