 Re: 婦人之見 ( No.305 ) |
日期：2007/09/14 03:56
留言者：雙雙
|
| Re: 婦人之見 ( No.306 ) |
日期：2007/09/14 08:06
留言者：Sunny Lau
電郵：sunnylau288@netvigator.com
 |
老三、Hermia & double雙：
未知網主俾唔俾在此賭博，如果俾的話，我地齊齊賭番鋪，睇邊個贏，都幾有趣味性。
如果俾陳太呢鋪靚左，陳太大有機會坐埋第三位呀太個位架，你果系既話，真系香港人之“福”了。我並沒有《性》別歧視，但論兩位呀太離開政府部門後的表現，認為兩位呀太都不應坐位，應該一個就繼續陪囡囡讀番書，一個就回家煮飯仔揍孫，你地睇下香港政壇幾位呀太，有邊個唔搞到滿城風雨？只有一個《范婦人》和鄧姑娘例外。就連《冬冬》現在不是呀太身，也在巴士票價可加可減機際的談判上被陳祖澤隻商場老狐狸將了一軍，幾位婦人始終是婦人，如果一旦不做官，回到家連煲滾水都唔識，兩頭唔到岸，官做不成，連回家做煮飯婆都唔夠資格哩！
哼，晨早發Up風，得罪D女性，Sunny Lau未死過定啦，都系去飲茶同班老友吹水好過在此發Up風了，行快兩步先。 |
|
| Re: 婦人之見 ( No.307 ) |
日期：2007/09/14 13:46
留言者：hawaiian
 |
見大家講得咁高興,忍不住插下嘴.有人話,你身在番邦,香港的事關你乜事喎?做關公個細佬關人罷啦!咁又唔係咁講,畢竟香港係hawaiian第二故鄉,有份感情.而且還有好多親朋戚友在港,所以每日睇新聞,港聞必係第一位.
兩位阿太今次披甲上陣,在其本身而言,係有使命.大有先生[女士]不出,如蒼生何之勢.或者將有比出師表更出師表出籠未定.其實香港人在英國統治之下,真係人材輩出,個個醒目知機,一身泥鰍功,這是指搵銀的經濟人材.在政壇上有承擔的,對唔住,暫時冇喎!莫講政治家[那年煲呔話自己係政治家,搞到hawaiian幫襯左牙醫兩三年,最近先搞番掂口牙]連政客都冇,充其量有幾條政棍.一係搞搞震的搞屎棍,一係雞毛黨左手棍.然則兩位阿太又點解上陣,唔通想媲美佘太君演齣百歲掛帥?唔……..hawaiian醒起好多好多年前一位朋友講解過,什麼乜乜存在主義,正式的意思都唔記得了,只記得一個例點解細路仔要碌地發爛?點解八九十歲的老人仍喜歡指指點點?一句講晒,希望人們知道佢仍然存在.hawaiian有點擔心,兩位更年已過的女士,荷爾蒙平衡否?咁你又點睇?套句賽馬術語,晨課靚絕,譽滿欄邊.最怕係晨操之星咁就全港都富貴咯.
突然想起一句成語--牝雞司晨.
 |
|
| Re: 婦人之見 ( No.308 ) |
日期：2007/09/14 17:17
留言者：Sunny Lau
電郵：sunnylau288@netvigator.com
|
H兄.：
你當年因《煲呔》自稱政治家，搞到要睇牙醫，我比你更慘，我成棚牙笑到甩晒！
我只知《政治家》是個稱呼或稱為，不是一種職業，《煲呔》在參選表格內填寫自已的職業是《政治家》，實在笑死我，當時都唔知有幾多番鬼佬笑到甩牙呢？《政治家》是人家冠冕的，不是自己封的，鄧小平也是被人稱為《政治家》，是中共冠冕的，不是鄧小平自封的，如果在三十年前，《煲呔》在大陸自稱自已是政治家，即刻被拉去槍斃也。
再者，第二件笑甩我棚牙，都是發生在《煲呔》身上，當年董生“腳痛”唔撈，選了他接替董生，喜形於色，一路行一路吹口哨，被鄭大班和黃旭敏在烽煙節目內批評他《輕飄浮澡》，《煲呔》解釋說是吹奏國歌，呢鋪仲大獲，國歌要在莊嚴的場合才能吹奏、演奏或播放，《煲呔》用國歌的樂章來吹口哨，是《反革命》罪，除了笑甩我棚牙之外，我真為佢攝一把汗。
我並非危言聳聽，上述兩件事，如果當時中共以《反革命》罪論處，拉《煲呔》去坐牢，冇左個《咁醒目》的《政治家》做特首，香港唔知點算？
Sunny Lau |
|
| Re: 婦人之見 ( No.309 ) |
日期：2007/09/15 03:05
留言者：hawaiian
 |
Sunny兄:
講到自稱,唔知係潮流興抑或係唔識咯.你在公司伙記叫你劉老板或劉老總,在家嫂夫人及女佣稱你做老爺,這是人家對你的尊稱.但今時今日亂晒大龍,以下的對白經常聽到,
“喂!陳大文公司係嗎?唔該陳大文先生呀.”
“…….”
“啊!陳生嗎?我係劉老總呀….”
“……….”
“呢!劉厚瑞公司個劉老總呀…..”
在此奉勸各位女士:
“喂!陳生呀,我係李小姐呀…..”
如果遇個缺口德的
“你重做小姐咩?近排係邊處返工呀?”
你就冇癮到極.
|
|
| Re: 婦人之見 ( No.310 ) |
日期：2007/09/15 06:37
留言者：Sunny Lau
電郵：sunnylau288@netvigator.com
|
H兄：
見笑了，我在公司沒人稱我劉老總，回到家太太不稱我做老爺，家僱也不稱我老爺。
在公司，員工個個稱我《無良老闆》，事綠有些員工在1980年做到現在，經過多於經濟大起大跌、金融風暴、九七後及沙士之蕭條。我並沒有炒過一個員工，特別在九七之後，香港機乎任何一個打工仔或多或少都減了人工，但我從來沒有減員工《斗零》，搞到班員工個個留下繼續做前前任港督《捱得捱》，唔肯《離開》去領《公援》。如果我在金融風暴或沙士時減佢地人工或者炒佢，佢大可去申請《公援》，不用捱了，所以個個稱我《無良老闆》。
回到家，太座只稱我《相公》或《老公》，個《外籍家務助理》稱我Sir。
你下個月就要回國觀光或來港搞活香港經濟，知你博學多才，但劉仔口多提醒閣下：回到有二千多年文化及素有禮儀之邦之稱的神州大地，千奇唔好稱女性做《小姐》，我曾因稱酒樓的女侍應做《小姐》，幾乎搞到被人追打咁交關，至今印象難忘。
另外，我斗膽糾正你的另一稱謂劉老總，在內地，老總的稱呼並不適合，應稱《劉總》，如果是劉姓局長，應尊稱《劉局》。江澤民退休前是中共總書記，稱《江總》，效法內地的稱呼，我地應稱曾姓政治家作《曾特》。
你回到內地觀光時，男的就算是穿著衣不蔽體的乞丐也稱《老細》，女的就算是樣貌奇形怪狀的也稱《靚女》就不會《床下底破柴》了。
飲茶吹水的時間到，同你傾住咁多先，餘容續稟。
Sunny Lau |
|
| Re: 婦人之見 ( No.311 ) |
日期：2007/09/20 13:10
留言者：Sally
電郵：sally117@.yahoo.com.sg
 |
辛尼哥哥:
你的"妇人之见"我都知是笑语,据我所知,闻辛尼嫂很好人,对人对事都很好.但在你笔下似'恶妇人"多些,但也很好笑,每次到这网页都会看你的专栏，特别是"我见我闻 ,使我们在外国可知到不少粤剧的往事和现代新闻，增加了我对粤剧的行业的见闻.但觉得你今年写得很少,好似'妇人之见',难道你家的"妇人"已经没有"主见'了？
人人都议论嫂嫂每天给你的三十元是否够你挥霍,我认为你足够了,其实大家都有所不知,辛尼嫂使用的是坡银,三十元坡纸换得一百四十多元港元.一个男人每天有百多元港元做零用，还不足够吗.个个男人都一样,有钱就会钱咬身.辛尼嫂真的治夫有术.有机会认识到她,第一件事不是向她学做戏，而是向他学治夫之术.哈哈哈!
 |
|
| Re: 婦人之見 ( No.312 ) |
日期：2007/09/21 13:36
留言者：花旦皇
 |
hello sunny,你好像只得一個仔,而老婆也在外地揾大錢,為何常可與太太面會和談話? |
|
| Re: 婦人之見 ( No.313 ) |
日期：2007/09/21 17:32
留言者：Sunny Lau
電郵：sunnylau288@netvigator.com
|
Hello 花旦皇：
婦人之見寫了19個月，共570天，只講述了47個笑話，與現代科技、交通之方便，如果夫妻相隔兩地在570內，見面47天，一點也不算多，何況我們不只這數目呢。
Sunny Lau |
|
| Re: 婦人之見 ( No.314 ) |
日期：2007/09/22 01:08
留言者：hawaiian
|
| Re: 婦人之見 ( No.315 ) |
日期：2007/09/22 20:26
留言者：楓林月
|
網上查到:
宋·胡仔《茹溪渔隐丛话前集·西崑体》：“其一曰杀风景，谓清泉濯足，花上晒裤，背山起楼，烧琴煮鹤，对花啜茶，松下喝道。” |
|
| Re: 婦人之見 ( No.316 ) |
日期：2007/09/23 02:53
留言者：hawaiian
|
| Re: 婦人之見 ( No.317 ) |
日期：2007/09/23 09:00
留言者：老三
|
伸脷哥哥，看來阿嫂的情敵殺到來了，連久見失傳的"撩陰腿"都用上了............。  |
|
| Re: 婦人之見 ( No.318 ) |
日期：2007/09/23 09:35
留言者：雲
 |
hawaiian 叔叔、老三 兄：
芳艷芬 ...？
伸脷嫂 的情敵？ ...... 莫非是拍 hawaiian 叔叔...... ?
點解我突然間遲鈍o左，唔明兩位講乜？  |
|
| Re: 婦人之見 ( No.319 ) |
日期：2007/09/23 13:18
留言者：老三
|
雲
我與H兄所講是風馬牛兩回事。  |
|
|
婦人之見
