投稿一覽 > 討論內容
歇後語
日期：2007/08/14 04:43
留言者：hawaiin

歇後語

禾--- 二叔公插田--- 二叔婆抌心口--- 二叔婆人失雞--- 二叔婆養豬--- 二打六--- 二仔底--- 二四六八單--- 三水佬睇走馬燈---) 三水佬食面--- 三水佬羅了哥--- 三夾板上雕花-- 三武鵝五--- 四兩棉花--- 四大金剛抬轎--- 四方木-- 四方鑊蓋---) 八仙過海---八月十五月光--- 八十歲番頭嫁--- 十張牛皮蒙個鼓--- 十匹布做一床被-- 十八羅漢打劫--- 十月芥菜--- 十八個錢兩面分--- 十五個錢分兩份--- 十一哥--- 十一人食一分煙--- 千里送鵝毛---輕 小和尚念經--- 小和尚見老和尚--- 山谷裡喊話--- 水滴穿石--- 外母見女婿--- 外甥打燈籠--- ]土地公放屁--- 阿蘭嫁阿瑞 --- 阿蘭賣豬- 阿崩養狗- 阿崩叫狗-- 阿崩吹笛-- -阿聾燒炮-- 阿聾送殯-- 阿崩(當刀)羊---都阿茂整餅--- 阿駝入棺材--- 阿駝行路--- 阿超著褲--- 番鬼佬睇榜--- 番鬼佬月餅--- 東莞臘腸--- 東莞佬賣席--- 身抱警(鏡)屁--- 秀才手巾--- 瓦封領-- 臘豬頭皮--- 石罅米---被 肥婆踮塔--- 單眼仔睇老婆--- 喃嘸佬見鬼-- 廟祝養狗-- 放路溪錢--- 棺材老鼠--- 瓷器棺材--- 鹽倉土地---- 打爛沙盤--- 山頂蘿白-- 青磚沙梨--- 天頂風--- 第一津---) 鹹蛋煲粥--- 寡無婆死仔-- 牛嚼牡丹--- 牛頭馬面傾偈-- 牛郎約織女--- 牛皮燈籠 --- ( (當刀) 豬凳--- 冇鼻佬戴眼鏡--- 冇柄士巴拿--- 冇掩雞籠--- 冇頭烏蠅--- 冇柄尿壺--- 冇尾燒豬--- 冇節竹筒-- 冇尾飛陀--- 賣魚佬沖涼--- 貓哭老鼠--- 塞翁失馬---
老公撥扇--- 老婆擔遮--) 老鼠尾生瘡--- 老和尚看嫁粧--- 老和尚坐花轎-- 老和尚唸佛--- 老虎頭上叮蝨[也母]--- 老虎戴念珠--- 老鼠過街-- 老虎追得貓上樹--- 老鼠拉龜-- 老鼠跌落天秤--- 老王賣瓜--- 老番瓜--- 老糊塗--- 壽星公吊頸--- 裸女賽跑--- 食豬紅痾黑屎--- 石地堂鐵掃把--- 雞食放光蟲--- 盲公食湯丸--- 水浸眼眉--- 水浸馬騮--- 水殼仔--- 水浸缸瓦舖--- 水中撈月--- 水瓜打狗--- 肉包子打狗--- 陸雲亭睇相--- 非州和尚--- 墨斗線--- 琵琶跌落海--- 燒豬肉--- 滾水淥豬腸--- 番薯跌入灶--- 風吹桄楖樹-- 盲佬貼符--- 京炭打鑼--- 摩囉差拜神---- 十三點--- 人之患--- X光照人--- 日本陀錶--- 日本郵船--- 新澤西--- 痾尿推牆--- 烏蠅摟馬尾--- 成吉思汗打仔--- 大花面抹眼淚-- 大水沖走龍王廟--- 大姑娘坐花轎 --- 大花筒--- 大蛇痾尿--- 大碌藕抬色--- 大肚婆痾屁--- 大喊十賣筲箕--- 田雞過河--- 田雞東--- 生蟲拐杖--- 禾草穿針--- 北京鴨--- 打齋鶴--- 高佬蓋短被--- 剝褲痾屁-- 九江佬數魚花--- 死人燈籠--- 死牛龜--- 死鴨--- 死乞兒張大嘴--- 朱義盛--- 市橋臘燭--- 沙灣燈籠--- 彎八--- 豬八戒照鏡--- 孔夫子搬屋--) 神仙痾屁--- 細佬哥剃頭--- 白糖炒苦瓜--- 白蟻蛀觀音(泥菩薩過河)-- 白鱔上沙灘--- 白撞雨--- 王婆玉婆--- 王小二過年--- 王醫生醫眼--- 籮底橙--- 籮面蛋--- 光棍佬教仔--- 姜太公釣魚--- 韓信點兵--- 閻羅王開攤--- 閻羅王做戲--- 黃蕭養燈籠--- 黃皮樹了哥--- 出爐鐵--- 出山草紙--- 懶婆娘的纏腳帶--- 外江佬舞死馬騮---- 周瑜打黃蓋--- 床下破柴--- 床下踢鍵--- 狗上瓦坑--- 泮塘仔睇更--- 蛋家佬斬槳 ---上 蛋家佬買鞋--- 蛋家佬打仔--- 蛋家雞見水--- 半夜出太陽--- 半天掛口袋---] 半夜食黃瓜--- 船頭尺--- 茅根竹--- 塘底特--- 電燈膽-- 交通燈--- 單料銅煲--- 旛杆燈籠--- 剃刀門楣-- ---) 鞋筒沙--- 年晚煎堆--- 年三十晚謝灶--- 西施出天花--- 神前橘--- 慢爪螃蟹--- 直昇機--- 抬棺材甩褲--- 沙頭角村長--- 石灰籮--- 石九公--- 生白果--- 師姑齋菜--- 師姑尿--- 缸瓦船打老虎--- 禾叉跌落井 --- 鯇魚尾--- 竹織鴨--- 狗咬呂洞賓--- 盲貓捉老鼠--- 火燒旗杆--- 火燒屋樑---] 火燒燈芯---] 火麒麟---] 火燒豬頭---- 火燒棺材---] 早晨放屁--- 丈八金剛--- 冰封三尺--- 飛髮仔學師--- 天堂一壺尿--- 天亮公雞叫---] 天上星星-- 木筲箕--- 木蝨捐入花生殼---] 木匠擔枷--- 太監騎馬--- 太監下巴--- 太公分豬肉--- 五行缺水--- 六點踏正--- 瓦簷石獅--- 公雞戴帽--- 孔明借箭-- 切菜刀剃頭--- 心肝五臟打交--- 泥水佬開門--- 忽必烈--- 趙康 --- 蠶兒作繭--- 鐵樹開花--- 鐵公雞--- 鐵沙梨--- 黐身膏藥 --- 蘇州屎--- 霸王請客--- 灶君上天--- 灶君老爺---

修正或封鎖

Page: [1] [2] [3] [4] [5] [6] [7] [8] < 回上一頁

Re: 歇後語 ( No.19 )
日期：2007/08/15 14:17
留言者：ybysp


老公銀包 -- ???
豉油辣椒醬 -- ???
投石落屎坑 -- ???

修正或刪除

Re: 歇後語 ( No.20 )
日期：2007/08/15 14:27
留言者：阿豆

阿朱姐,您好,
哈哈!無問題啦,好提意!
一時阿豆作笨人,一時阿炳可"炳"人.
隨時化身捉弄人...................好玩!!

阿豆勢利世界仔, 攀龍附鳳拉關係.
阿立阿朱串阿豆, 朝魚晚肉靠擦鞋.
大良阿斗稱兄弟, 英國憨豆亦睇齊.
風花雪月無閉翳. 榮華富貴追我嚟.
(表情23) (表情23) (表情23) (表情24) (表情24) (表情24) (表情35)

修正或刪除

Re: 歇後語 ( No.21 )
日期：2007/08/15 14:39
留言者：hawaiian

阿叔叔台
hawaiian係同你講下笑0者!如果叫你阿叔,反覺得自己年輕左添.你就保留[阿叔]做猜謎的招牌吧,人人一見[阿叔]知道猜謎高手來了,hawaiian唔反對你多用一爿招牌,同一資本賣化裝品用貴妃,賣茶葉用陸羽,開健身院用大隻廣,人家一望便知,係冇?
你的獎品已送出.
還有一樣,hawaiian係用左二三個鐘打好答案,但係搞來搞去都冇法放上去,唔通批貨夾有毒品?奇怪得很!另外的一放就上,你見啦,有兩條係hawaiian連續登上的,冇計啦,唯有麻煩下你,hawaiian己將答案全部寄晒畀你,幫幫手放上去吧.
hawaiian生成辛苦命,坐了兩個星期,學李逵話齋幾乎悶出個乜來,都係出去捱騾仔開心的.
(大笑) (大笑) (大笑) (大笑)

修正或刪除

Re: 歇後語 ( No.22 )
日期：2007/08/15 15:11
留言者：香蕉駙馬

hawaiian,

你要寄比靚靚老細代貼至得架! 有駙馬，冇花假! (大笑)

修正或刪除

Re: 歇後語 ( No.23 )
日期：2007/08/15 16:29
留言者：阿豆

閣下未經授權 ! .......?????

如駙馬所言.....真的無法貼上....? (沉思) (表情25)

hawaiian叔叔,啲答案好似唔多齊噃...? (表情30)

修正或刪除

Re: 歇後語 ( No.24 )
日期：2007/08/15 15:59
留言者：hawaiian

阿叔:
你收到未?如收到又放到上的話,請轉被靚靚老世放吧!呢瓣野hawaiian舉手投降.
快0的改番叫阿叔啦!你睇你的英文名阿扁,阿扁,人家以為你係陳水扁添,咁0既衰名都好用0既?
(表情41) (表情41)

修正或刪除

Re: 歇後語 ( No.25 )
日期：2007/08/15 17:40
留言者：阿豆

hawaiian叔叔,收到但係真係放唔到上去噃....
轉頭試吓貓俾靚靚老細睇吓點.哈哈!
啲答案好似唔多齊噃...? 係咁多啦...?
........................................................
講到呆個名....呆又覺得"阿豆"加"阿炳".又幾有個性喎...貪佢夠極端.
至於英文喎...通常佢識呆,呆唔識佢,唔係人家給呆送大禮,呆都好少用,
話之佢似陳水扁還是俾人炳到扁...一於收埋ahbean,就用"阿豆"來與各位相見,
哈哈,時運高,睇唔到,若有機見到嗰個"阿扁",呆同您一齊把佢罵到扁.
(表情24) (表情24) (表情30)

hawaiian叔叔,已經貓了俾靚靚老細了. (表情7) (表情35)

修正或刪除

Re: 歇後語 ( No.26 )
日期：2007/08/15 18:04
留言者：字花

其實呆琴晚都砌左好耐D答案… (表情36)

最後…冇通行証唔俾入境… (表情41)

.........................................................................

阿叔個名好親切…好有集體回憶 feel 呀，唔好改名喇… (表情41)

修正或刪除

Re: 歇後語 ( No.27 )
日期：2007/08/15 19:41
留言者：阿豆

ybysp,您好,

"老公銀包" ......就諗起江老總那句名言"膚淺".（夫錢）您.......唔係話呆呀嗎? 哈哈!無所謂啦.

"豉油辣椒醬".....你想點就點 (就晒您啦)

"投石落屎坑",,,,,,,,,,,,,,,,,,,,,,激起公憤（恭糞）

差啲唔記得多謝 hawaiian叔叔添.謝謝! 謝謝! (微笑) (表情33) (表情35)


Vincent,您好,
您嗰三題,呆真係唔識.....
果欄大秤...................
大鄉里入賭場...........
bb 仔學游水..............
有冇提示......?
(表情25) (表情7) (表情35)

修正或刪除

Re: 歇後語 ( No.28 )
日期：2007/08/15 19:56
留言者：字花

果欄大秤..................兩頭勾
大鄉里入賭場...........不知莊閒
bb 仔學游水.............兜住

修正或刪除

Re: 歇後語 ( No.30 )
日期：2007/08/15 20:54
留言者：hawaiin

好啦!開就開估啦!因為今日醫生話hawaiian冇乜事,隨時可以上陣.過兩日就要捱騾仔喇,冇咁多時間玩,咁就做埋的手尾先走啦.呢0的係hawaiian幾十年聽埋聽埋,唔係自巳作出來的,相信還有好多,一下記唔起,他日想起再擰上來啦.
杉木靈牌-------唔做得主
新馬仔[沙三少情挑銀姐]裡面有句---佢係杉木靈牌,使乜驚0者






歇後語
一三五七九 ---冇雙[傷] 一腳踏死麒麟---不知貴賤 一塊石頭拋上天---總有落腳之處 二叔公割禾---望下厥 二叔公插田---等秧(央) 二叔婆抌心口---心中有數 二叔婆人失雞---響二叔公度 二叔婆養豬---夠晒好心機 二打六---唔夠斤兩 二仔底---死跟 二四六八單---冇得變 三水佬睇走馬燈---陸續有來(驚) 三水佬食面---擔梯上樓先 三水佬羅了哥---五隻 三夾板上雕花---刻薄 三武鵝五---只有人打佢 冇佢打人 四兩棉花---冇得彈 四兩棉花---沒法彈[談] 四大金剛抬轎---大材小用 四方木---踢一踢郁一郁 四方鑊蓋---冇個(口岩 ) 八仙過海---各顯神通 八月十五月光---光明正大 八十歲番頭嫁---搵路行 十張牛皮蒙個鼓---好大面子 十匹布做一床被---好大面子 十八羅漢打劫---都係呢幾個人 十月芥菜---起心 十八個錢兩面分---九文九文[久聞久聞] 十五個錢分兩份---七又唔係八又唔係 十一哥---土人 十一人食一分煙---冇厘癮 千里送鵝毛---物輕情意重 小和尚念經---有口無心 小和尚見老和尚---假正經 山谷裡喊話---一呼百應 水滴穿石---非一日之功 外母見女婿---口水滴滴涕 外甥打燈籠---照舅[舊]土地公放屁---神氣 阿蘭嫁阿瑞 ---大家累鬥累 阿蘭賣豬---一千唔賣賣八百 阿崩養狗---轉性 阿崩叫狗---越叫越走 阿崩吹笛---徙氣 -阿聾燒炮---散晒 阿聾送殯---唔聽你支死人笛 阿崩(當刀)羊---咩都冇得咩 阿茂整餅---冇個樣整個樣 阿駝入棺材---死都唔掂 阿駝行路---中中地 阿超著褲---局住 番鬼佬睇榜---倒數第一 番鬼佬月餅---悶極 東莞臘腸---短夾大碌 東莞佬賣席---係生抑或係死咖 身抱警(鏡)屁---陰聲細氣 秀才手巾---包輸 瓦封領---包頂頸 臘豬頭皮---包撐 石罅米---生定被雞啄 肥婆踮塔---Top Top磡 單眼仔睇老婆---一眼見晒 喃嘸佬見鬼---冇晒符 喃嘸佬見鬼---掉晒鈴鈴 廟祝養狗---吠(費) 神 放路溪錢---引死人 棺材老鼠---專食死人 瓷器棺材---死人汁都唔漏出 鹽倉土地----鹹夾濕 打爛沙盤---璺[問]到篤 山頂蘿白---寒夾削 青磚沙梨---點咬都唔入 天頂風---冇影 第一津---冇甫(譜) 鹹蛋煲粥---心都實埋 寡無婆死仔---冇得望 牛嚼牡丹---唔知花定草 牛頭馬面傾偈---鬼聲鬼氣 牛郎約織女---後會有期 牛皮燈籠 ---點極都唔明 ( (當刀) 豬凳---一擒上去就冇命 冇鼻佬戴眼鏡---你緊佢唔緊 冇柄士巴拿---得把口 冇掩雞籠---自出自入 冇頭烏蠅---亂撞 冇柄尿壺---唯有渣住用 冇尾燒豬---唔慌好事 冇節竹筒---穿晒底 冇尾飛陀---見首唔見尾 賣魚佬沖涼---冇晒腥(聲 ) 氣 貓哭老鼠---假慈悲 塞翁失馬---焉知非福
老公撥扇---妻(凄) 涼 老婆擔遮---陰公(功) 老鼠尾生瘡---大極有限 老和尚看嫁粧---下世再講 老和尚坐花轎---今生休想 老和尚唸佛---慣經 老虎頭上叮蝨[也母]--- 自尋死路 老虎戴念珠---假慈善 老鼠過街---人人喊打 老虎追得貓上樹---好彩留返一手 老鼠拉龜---無從入手 老鼠跌落天秤---自己秤[稱]自己 老王賣瓜---自賣自誇 老番瓜---滿肚核 老糊塗---大便不通 壽星公吊頸---嫌命長 裸女賽跑---一波未平一波又起 食豬紅痾黑屎---當堂見功 石地堂鐵掃把---硬鬥硬 雞食放光蟲---心知肚明 盲公食湯丸---心中有數 水浸眼眉---唔知死 水浸馬騮---眼擘擘 水殼仔---唔浮得幾日 水浸缸瓦舖---盤滿砵滿 水中撈月---一場空 水瓜打狗---唔見一截 肉包子打狗---有去冇回 陸雲亭睇相---唔衰搵來衰 非州和尚---乞人憎 墨斗線---專彈 琵琶跌落海---冇得彈 燒豬肉---免炒(吵) 滾水淥豬腸---兩頭縮 番薯跌入灶---該煨 風吹桄楖樹---連呢條心都郁埋 盲佬貼符---倒貼 京炭打鑼---烏鏘鏘 摩囉差拜神----望天 十三點---亂敲鐘 人之患---好為人師 X光照人---睇穿晒你 日本陀錶---大聲夾冇準 日本郵船---遲早完 新澤西---食水深 痾尿推牆---流野 烏蠅摟馬尾---一拍兩散 成吉思汗打仔---大汗搭細汗 大花面抹眼淚---離行離列 大水沖走龍王廟---一家人不識一家人 大姑娘坐花轎 ---頭一次 大花筒---亂散 大蛇痾尿---少見 大碌藕抬色---亂咁Fing 大肚婆痾屁---有點兒氣[嬉] 大喊十賣筲箕---好慘 田雞過河---各有各撐 田雞東---各顧各 生蟲拐杖---靠唔住 禾草穿針---難過眼 北京鴨---全靠填 打齋鶴---度人升仙 高佬蓋短被---兩頭都唔到 剝褲痾屁---多餘 痾尿遞草紙---多餘 九江佬數魚花---報大數 死人燈籠---報大數 死牛龜---一邊頸 死鴨---嘴硬 死乞兒張大嘴---窮話沒完 朱義盛---假野 市橋臘燭---假細心 沙灣燈籠---何府(苦) 彎八---油紅都唔似人 豬八戒照鏡---裡外都唔係人 孔夫子搬屋--全係書(輸) 神仙痾屁---不同凡響 細佬哥剃頭---快喇快喇 白糖炒苦瓜---同甘共苦 白蟻蛀觀音(泥菩薩過河)--- 自身難保 白鱔上沙灘---唔死甩身潺 白撞雨---灒[讚]壞 王婆玉婆---只差一點 王小二過年---一年不如一年 王醫生醫眼---實有突 籮底橙---揀剩尾 籮面蛋---包打 光棍佬教仔---便宜莫貪 姜太公釣魚---願者上釣 韓信點兵---多多益善 閻羅王開攤---搵鬼買 閻羅王做戲---鬼睇 黃蕭養燈籠---終須有日 黃皮樹了哥---唔熟唔食 出爐鐵---等打 出山草紙---墊(賤 ) 骨頭 懶婆娘的纏腳帶---又長又臭 外江佬舞死馬騮----返唔到鄉下 周瑜打黃蓋---一個願打一個願捱 床下破柴---撞板 床下踢鍵---下下咁高 狗上瓦坑---有條路 泮塘仔睇更--- 越睇越嬲 蛋家佬斬槳 ---越斬越上 蛋家佬買鞋---大又咁多細又咁多 蛋家佬打仔---怕你飛上坦 蛋家雞見水---有得睇冇得飲 半夜出太陽---早得很 半天掛口袋---裝風[瘋] 半夜食黃瓜---唔知頭共尾 船頭尺---專度水 茅根竹---借水 塘底特---冇水就見佢 電燈膽--唔通氣 交通燈---點紅點綠 單料銅煲---一麶就熟 旛杆燈籠---照遠不照近 剃刀門楣---出又刮入又刮 ) 鞋筒沙---頓清先舒服 年晚煎堆---人有我有 年三十晚謝灶---好做唔做 西施出天花---美中不足 神前橘---陰陰乾 慢爪螃蟹---未死先臭 直昇機---車天車地 抬棺材甩褲---失禮死人 沙頭角村長---李(你 ) 愛 石灰籮---去到邊白到邊 石九公---充斑 生白果---腥夾悶 師姑齋菜---冇厘油水 師姑尿---淡而無味 缸 瓦船打老虎---盡地一煲 禾叉跌落井 ---一叉(差)叉到底 鯇魚尾---實搭嘴 竹織鴨---冇心肝 狗咬呂洞賓---不識好人心 盲貓捉老鼠---僥倖撞正 火燒旗杆---長炭[嘆 ] 火燒屋樑---大炭[嘆 ] 火燒燈芯---冇炭[嘆] 火麒麟---周身引[癮] 火燒豬頭----面熟 火燒棺材---著晒人樹[事 ] 早晨放屁---朝氣勃勃 丈八金剛---摸不著頭腦 冰封三尺---非一日之寒 飛 仔學師---從頭學起 天堂一壺尿---全神貫注 天亮公雞叫---白啼[提] 天上星星---數不清 木筲箕---滴水不漏 木蝨捐入花生殼---硬充好仁[人] 木匠擔枷---自作自受 太監騎馬---冇得頂 太監下巴---毛都冇條 太公分豬肉---一人一份 五行缺水---冇錢 六點踏正----指天篤地 瓦簷石獅---叻到璺 公雞戴帽---冠上加冠 [ 官上加官] 孔明借箭---滿載而歸 切菜刀剃頭---牙煙 心肝五臟打交---內鬨 泥水佬開門---過得自己先過人 忽必烈---吞金滅宋 [食送 ] 趙康 ---大宋[食送]王 蠶兒作繭---自縛 鐵樹開花---難得 鐵公雞---一毛不拔 鐵沙梨---咬唔入 黐身膏藥 --- 唔甩 蘇州屎---難執拾 霸王請客---不懷好意 灶君上天---有句講句 灶君老爺---黑口黑面

修正或刪除

Re: 歇後語 ( No.31 )
日期：2007/08/15 21:12
留言者：哈哈

(歡笑) (表情30) (大笑) (表情34) (表情23) (表情23)
有冇聽過
濕手摸麵粉.....

修正或刪除

Re: 歇後語 ( No.32 )
日期：2007/08/15 21:22
留言者：ybysp

阿叔,

(好!) (表情30) (表情30) (好!) (好!) (表情30) (表情30)

修正或刪除

Re: 歇後語 ( No.33 )
日期：2007/08/15 22:18
留言者：Vincent

字花,

個三題都唔啱, 要唔要開估?

修正或刪除

Re: 歇後語 ( No.34 )
日期：2007/08/15 22:38
留言者：字花

哈哈… (表情30)…有呀…
濕水摸麵粉…越摸越黐身… (表情23) (表情23) (表情23)
濕手拿芝麻…冇水就頭痕… (表情23) (表情23) (表情23)

呆仲記得一句，刻薄鬧人既說話…

新出荷蘭豆… (表情36)…

.........................................................................

Vincent

好呀 (表情30) 開喇… (表情30)

修正或刪除

Page: [1] [2] [3] [4] [5] [6] [7] [8] < 回上一頁

主題 排列前端
姓名
你的電郵地址
現在心情 *心情圖片預覽表
留言密碼 (刪除或修改留言使用)
內容 (歡笑) (微笑) (大哭) (表情4) (大笑) (表情6) (表情7) (好!) (拍掌) (沉思) (表情11) (表情12) (表情13) (表情14) (表情15) (表情16) (表情17) (表情18) (表情19) (表情20) (表情21) (表情22) (表情23) (表情24) (表情25) (表情26) (表情27) (表情28) (表情29) (表情30) (表情31) (表情32) (表情33) (表情34) (表情35) (表情36) (表情37) (表情38) (表情39) (表情40) (表情41) (表情42) (喜悅) (滿意) (忍笑) (狂笑) (冷酷) (淺笑) (迷茫) (憂愁) (自傲) (驚訝) (大喊) (哭泣) (憤怒) (困惑) (蠱惑) (閉嘴)

   Cookie 保存


- 阿立粵曲天地 -

聲明
阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。 由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。