 Re: 溫溫貼圖 ( No.1430 ) |
日期：2011/04/01 14:13
留言者：溫溫-回覆
網頁：http://onlyone.erufa.com/
 |
話咗係蕃薯咯.對住舊蕃薯點(鎖你)唶 
哎呀..而家啲人仲話(有咁耐風流有咁耐折隋)添噃.香港人啲努力好似係白費咗咁囉!  冇公理呀.. 
采佢都傻,正肓無,唏!  |
|
| Re: 溫溫貼圖 ( No.1431 ) |
日期：2011/04/04 11:39
留言者：溫溫-打小人
網頁：http://onlyone.erufa.com/
|
打小人係香港同廣東珠江三角洲嘅拜神儀祀,哩種儀祀,話說覺得是非多咗走去打下小人就會順順景景無風無浪咁話.鵝脛橋就係一處出名打小人名勝喇.第一次到此一遊,好奇怪以為哩啲係老一輩人嘅事唶啊..原來尼嘅都係年輕人多,仲有遊客噃.哎呀..當日仲食咗個最貴下午茶餐呀,真係打得小喇.唔睇清楚價錢,又朦茶茶亂咁點!哩啲唔係孤寒,係覺得冇價值囉!
|
|
| Re: 溫溫貼圖 ( No.1432 ) |
日期：2011/04/05 11:05
留言者：溫溫-三差食店
網頁：http://onlyone.erufa.com/
|
某日經過銅鑼灣謝菲道,”八方x集”名字有氣勢,係一間台灣食店.再睇真啲如真係八方湧尼客人都幾頭痛架.銅鑼灣租貴,地方尺金寸土,所以間食店好似豆腐潤咁細,不過見佢地啲食品價錢又幾吸引,一於入去一試啦.你咪話呀.行入時真係要側側身架.當時仲遇著個唔讓路黑面侍應,惟有企埋一邊囉.香港食肆店舖啲好多時就係有啲情形喇.哩啲影真要再培訓啦.做生意見到客人當然係讓客人先行架啦.咪洗指意幾大同你鬥快搶先過,哩啲咩嘢服務態度呀,唔怪之得入到去坐底撘枱嘅兩個”美笑女”黑哂面咁,初時見佢個操”煲冬瓜”心想:哩啲又係邦襯小小扮哂嘢嘅(救世主)啦!唔好八掛叫嘢食先.”唔該”..可能太細聲咗啲..”唔該”..可能太忙聽唔到..等下見到人至叫啦,一見個侍應對住佢 ..”唔該….”佢望一吓我,仲好似係我得罪佢咁嘅款,望吓我采我都傻!喂唔係呀,算啦算啦出尼行成日都遇到架喇嬲得咁多咩.跟住叫咗套餐價錢真係好底.水準?唔好有要求囉..今次哩間食店服務差之外還不只此呀,此一差啦二差全用紙餐具,環保?慳啲啦!哎呀,唔通真係為咗你一棵樹,唔見咗佢自己嘅森林咩!三差就係地方清潔差! 哩啲咁嘅情形在經濟好時就係咁架喇.記得經濟底迷時候,所有服務行業服務態度都一流.咁至得,大家都唔想見到經濟底迷啦,大吉利是咩!!!
|
|
| Re: 溫溫貼圖 ( No.1433 ) |
日期：2011/04/05 16:43
留言者：五月雪
 |
温温:
唔知你是先生或小姐,所以只稱呼你做温温.
好想請教你,點樣才可以像你一樣將拍到的事件擺上這裏,用甚麼拍?
之後又怎樣?請一一告之好嗎?
五月雪  |
|
| Re: 溫溫貼圖 ( No.1434 ) |
日期：2011/04/05 21:24
留言者：溫溫-回覆
網頁：http://onlyone.erufa.com/
|
五月雪,男女都好啦,溫溫咪得囉,我都係學習階段豈敢言教!這裡電腦高手眾多.你可以在立網電腦疑難互助區找到答案呢.我可話你知係用相機拍囉   |
|
| Re: 溫溫貼圖 ( No.1435 ) |
日期：2011/04/06 09:05
留言者：溫溫-又三年
網頁：http://onlyone.erufa.com/
|
澳門瓦舍曲藝會展演"百年堂會"
當年我們漢風同學一起去澳門奉老師場,又接近三年了.自老師染恙後,看時有點兒傷感!祈求老師早日痊癒!再顯當日雄風!.
記得當年沈秉和先生主辦這個盛會非常成功,各唱曲藝術名家盡展渾身解數,將唱功發揮得淋漓盡致,演繹極為精彩!只可惜當日天不造美,兩天滂沱大雨不斷,正是"貴人出門招風雨"亦為好事呢.(一笑)這種天氣之下亦不減各知音捧場雅興非常難能可貴啊.兩晚座無虛席反應熱烈!有幸能參與這個演出盛會,盡看前輩們精湛的演繹,否則的話真是一個損失呢!另因"澳門瓦舍曲藝會展演"會場內不許攝影,祇能在會場之外影了些"盧九花園"園林景色以及只有數張演出照片和一些慶功宴上歡樂情景,希望能同大家一起分享.另因我的攝影技術以及攝影器材不濟,加上雨天,天色陰暗關係,雨稍停即匆匆拍了數張所以照片效果未如理想.希望各位見諒包涵!
盧廉若公園（古稱娛園；又稱盧家花園或盧九花園；簡稱盧園）（葡文:Jardim Lou Lim Iok ），是位於澳門的頗具苏州狮子林風格的園林，花園的歷史價值已為澳門政府所評定。是港澳地區唯一具有蘇州園林風韻的名園。此園曾被稱為是澳門三大名園之一；1992年，更被評為澳門八景之一 |
|
| Re: 溫溫貼圖 ( No.1436 ) |
日期：2011/04/07 12:39
留言者：溫溫 - 字
網頁：http://onlyone.erufa.com/
|
有咗"行人專區"推廣咗唔經意又十年喇.,運輸處為咗改善改善行人可以有一個安全遊覽旅遊區哩個計劃推廣到,港'九'新區,話時話有咗行人專區,又真係幾好嘅,香港地啲店舖前行人路又窄,人又多,遇到啲真係好"遊客"嘅行人,唔洗急慢慢行,而你又趕時間最緊要快,心急啲就會"標"出馬路,真係試過攪出人命啦!所以哩個都係一個"德政",值得支持推廣架.今次行旺角專區,影咗啲街頭賣藝,當然哩處專區無人不識無人未去過.不過係想借題發揮發吓"嗡風"唶.我嘅嗡風可以不理,不過以下哩個四川青年,他的背後故事,當然在我心中有"睇法".人人有背後故事,尤其一個殘障的人,在內地他們的故事多不勝數.哩個時候就係只抱一信念,邦得就邦啦,唔好有咁多"心魔"啦.反正都係幾十蚊唶.,大家不妨欣賞吓哩個四川殘障青年如何在好似一啲困難都冇下寫字情形,看後大家就可能會理解到這位青年的背後辛酸了!動機如何如何不要計較喇.點都好啦,幸福不是必然嘅,此刻活在幸福的能不感恩嗎!?
|
|
| Re: 溫溫貼圖 ( No.1437 ) |
日期：2011/04/08 11:57
留言者：溫溫 - 歌
網頁：http://onlyone.erufa.com/
|
今次講嘅係一位上了年紀嘅女士唱歌,相信到過專區或者係網上都睇過哩一位街頭賣歌人.她唱得幾有水準架,聲線好靚添噃,當時在拍攝時,心裡邊對佢嘅背景非常好奇,有好多嘢想訪問吓佢,但又覺得太冒昧,相信佢都唔會講比我知啦,不過再去一定會訪問佢,以前係唔係歌星呢.在佢身邊仲兩位人士,一個看來廿多歲青年,在旁冇意識舞手弄腳,玩些小把戲.咁年輕唔去搵份正職?又或者鍾意自由自在不成,另一個仲攪笑,一個中年大男人揸住兩把扉生生硬硬咁伴舞,真有啲慘不忍睹!是否真係生活迫人,還是自得奇樂呢. 哎呀,有太..太多問號喇.???
|
|
| Re: 溫溫貼圖 ( No.1438 ) |
日期：2011/04/09 14:28
留言者：溫溫 - 雜耍
網頁：http://onlyone.erufa.com/
|
在行人專區各色各樣嘅表演,講真個句啦.唔係咁精彩,不過都比遊人一個非常好嘅娛樂..講開又講喇.哩啲表演,唔係小人之心,我自己真係有啲睇法架.點解咁講呢,如果係搵錢嘅,睇嘅多冇人會比錢,咁為乜呢,唔通又係自娛,又或者係發揮”至高無上”嘅表演慾?(哎唷,包括筆者在內,嘻嘻!) 唏,講來講去仲未入題,係喇.關鍵就係哩到囉.在旁觀察所感到就係……講啦….哎呀唔知講唔講得呢?!?!係啲鋪頭墨許佢地係門口做”秀”囉..點解我咁捻呢,有原因架..因為可以招徠人群聚集,好過賣廣告囉.相信都有收益掛?點解我會咁捻呢,就係親眼見到另一班賣唱被警察警告,所以有此睇法囉.
|
|
| Re: 溫溫貼圖 ( No.1439 ) |
日期：2011/04/10 10:25
留言者：溫溫 - 似水流年
網頁：http://onlyone.erufa.com/
|
一首”似水流年”令人百感交集!令人想起懷念的梅艷芳了!急於回家歸途上匆匆走過一個在街頭彈著”結他”賣藝人, 雖然彈得不大流暢,但聽來指法有力,這刻又挑起我的好奇心了,回家暫緩,回頭看看,見一個似是昔日在流行曲界的所謂”打band”的玩流行音樂的”band仔”模樣打扮,看他抱著結他搖擺彈著音樂,在遠處拿著相機一路走近攝錄,看見地上有一舊報紙,細看下果然是昔日曾有過他自己的”一剎那的光輝”又想起因這一句說話而令他自己萬劫不復的蔡楓華,”每天掙扎人海裡面”這句歌詞正好是他的寫照啊,能不令人唏噓呢!雖然看著這位落拓賣藝人有點傷感,而我深信他曾經擁有, 總比什麼也沒有過幸福呢, 正是”有花堪折直需折,莫待無花空折枝”.現在擁有的就要盡情享受人生吧!.
|
|
| Re: 溫溫貼圖 ( No.1440 ) |
日期：2011/04/12 11:18
留言者：溫溫 - 異鄉人
網頁：http://onlyone.erufa.com/
|
一個街頭賣藝異鄉人,看來他應該是南美洲人,吹著用蘆葦製成的排笛,一支較長的笛子,他的手拿這兩種樂器外,另還拿著一抽不知名的樂器,這可能是他們南美國家的民族樂器吧.當他搖動發出的音效好特別.好有動感節奏,好喜愛這種音樂,不過聽起來有一種天滄滄意茫茫感覺,令人迷醉,亦會令人傷感呢!這就看個人心情感受了.
當時攝錄時還未有什麼感覺,回來整理影片時,再看細聽下,悲天憫人的(婦人之仁的心)又來了,看著這個異鄉人心裡有點傷感,如果不是為生活,他會老遠跑來這裡嗎?
天下“遊子”有多類呢,戰亂下四散於天涯海角多的是,為生活遠走他鄉尋尋覓覓不計其數,當然有例外的,為數不小生活無憂”錢唔係最重要,最緊要係活得開心”(又一句廢話),而到處遊歷的(優皮一族),孤身客外異鄉,為了生活而(賤)賣藝術的相信無人會樂意的,那個不希望成為超級巨星呢,現實歸現實,現實生活就是這樣磨人的了.
要求底的我,錢對我來說可以應付簡單生活就成了,人的精神和身體健康才最重要呢.錢多帶不走,一句”人在天堂,錢在銀行”又什麼意思呢?
|
|
| Re: 溫溫貼圖 ( No.1441 ) |
日期：2011/04/14 09:42
留言者：溫溫 - 蓮花座
網頁：http://onlyone.erufa.com/
|
| Re: 溫溫貼圖 ( No.1442 ) |
日期：2011/04/16 18:21
留言者：溫溫 - 尋
網頁：http://onlyone.erufa.com/
|
“根”中國社會傳統思想,正所謂”落葉歸根”其實”根”不是中國人專利,有人類社會根的概念也是一樣的,就是兇猛野生動物也不例外.途經尖沙咀近柏麗大道,兩旁榕樹林蔭, 盆根交錯地差不多將天空也遮掩著.景致美麗,老套說一句”十年樹木,百年樹人”人事千變萬化當中, 最可貴的是,其中更有一所歷史由久建於1904年有百多年歷史’聖安德烈堂”,在一個頻繁轉變中的香港能得以保傳,實在難能可貴啊,也因此這個古老建築物也同時帶給老香港一些寶貴的集體回憶呢,在香港50年代經濟蕭條的環境下,稍有經濟環境或某些因素而遷移海外的中國華人,應該對這裡的舊物點滴還會相當懷念吧!不過如果是尋”根”的話,這裡祇有的榕樹根可尋了.
“夢”童年夢境最是甜美,回憶童年事雖是在香港經濟蕭條中長大,但回憶想起來還是,快樂的”年幼不識愁知味,苦是親人一身乘”.依唏記得年幼住的舊唐樓一屋九伙,跟婆婆,舅舅,小姨姐,一家四口住在一個不百尺房間.正所謂現在都市人說的”窩居”了,因為房間貼近廚房,又因家裡是最小,所以我睡在床最埋的一邊.在冬天時候係最好的天然暖氣啦,在夏天你想想是什麼處境?不過童年在我腦中還是快樂的多.還記得屋後長巷,這巷子不是依唏啊.真正是瀝瀝在目如昨日,記得中秋節時舅舅帶著同屋所有小孩挽著各式各樣燈籠,去到黑嗎嗎長巷遊街,這個”可惡”的舅舅總喜歡行走最黑之處出奇不意大叫一聲”有鬼呀”嚇得大家依嘩大叫摸黑亂跳四散,一扑一LOOK最倫盡嗰個永遠都我哩個肥嘟嘟大番薯跑得最尾啦,!當時怕人情景,所以話呢,這個”童年陰影”會令人多難忘呀.不過這個”童年陰影”亦是我人生快樂美好之源呢,每當想起還童年的”夢”還是最美的!.
|
|
| Re: 溫溫貼圖 ( No.1443 ) |
日期：2011/04/17 18:19
留言者：溫溫 - 梅花葬二喬
網頁：http://onlyone.erufa.com/
|
資深前輩唱家盧筱萍女士
一位資深前輩唱家,曾經是歌壇非常受歡迎歌星,盧筱萍女士,接近八十高齡的”萍姐”為人和藹可親,現對唱曲熱忱不減,亦是爐峰會長的萍姐.每星期在(爐峰)也會一展歌喉給後輩一個很好的示範學習機會,以下一曲”梅花葬二喬”珍藏版本,是萍姐親自交給我是萍姐親自交給我,望能將此曲傳遞各位知音.
每位資深唱家或大佬倌每次唱腔都會有所改動,豈像我們這些”牛奶咀”唱曲,如能能依譜唱已經是很好,有些還可能係(亂咁唱)還說什麼自由腔!
萍姐給我不是現外面流傳的版本,這首曲有些唱序上有些出入,因此在製作過程中不知聽多少回了,.不是誇張在聽過程中,!萍姐歌聲婉轉行腔細膩動聽,果真是百聽不厭!好曲能傳誦下去不讓失傳,得萍姐授權將曲傳誦, 希望盡我所能製作這首歌曲給愛好粵曲的朋友,一起欣賞這位資深前輩唱功,就算不是子喉朋友,這首曲這位前輩都是我們學習的典範啊!.
|
|
| Re: 溫溫貼圖 ( No.1444 ) |
日期：2011/04/21 18:25
留言者：溫溫 - 要廢囉
網頁：http://onlyone.erufa.com/
|
以前叫"沙田中央公園"現在已經改為"沙田公園",唔知點解要改.總之就係改咗啦.咪囉唆啦!
嗰日同朋友係公園附近嘆完下午茶,見有啲時間咪走入去遊吓囉,邊行邊影,影影吓,突然發覺掛咗個救生圈,惟有將鏡頭就一就啦.當時心想梗啲人留底咗架啦..好心人將救生圈掛好.等失物人返尼搵到啦..繼續一路行一路影..吓 ! 又見到一個泡,心想乜哩到有個泳池咩? 唔好理咁多喇.再影多一陣先.哎呀..沿途一路都掛住啲”水泡”,有冇攪錯呀..鏡頭就無可就. 什麼中國庭園 瀑布 蓮塘 涼亭 好似 “些分易哩焚”(便利店) 咁(梗有一間係你佐緊) 真係大殺風景! 冇收呀!!!足足行咗大半個公園成兩個鐘,又比我發覺一樣嘢..就係冇個保安人員在公園巡邏..
哦….即時如夢初理醒喇! 唔怪之得咁多”水泡”啦.. 原因公園多水池,如果邊個唔好彩跌咗落水池嘅,好彩有人在場嘅,咪掟個”水泡”比你囉,唔洗咁快見海龍王囉.如果真係咁唔好彩嘅,就自己捻吓計仔(曾龍王未改變主意前)點樣自救扒番上岸囉…
哩個政府係唔係為咗慳市民荷包啲錢呀?保安都冇個,還是係好心為市民健康著想,學吓游泳,強吓身健吓體呢? 又或者教吓市民對抗經濟唔好嘅時候, 點樣係逆景中自救? 你梗會問係唔係咁多陰謀論呀.咁你就當我”發嗡風”啦!冇事發生過囉….囉….囉…
(新人類 潮爆基本語法”囉”) 哩條要廢囉…..
最後講句公道話啦,公園又真係好靚囉! 噢....人都癲!!!
|
|
|
溫溫貼圖