 Re: 大相 ( No.12 ) |
日期：2009/02/20 14:53
留言者：JOEJOE
 |
去邊like耍呀?"
嚴格講，應該係 Nai (泥 - 陰平) 耍(陽平)  "斬(陽平)頭(偷)鬼(陽平)"
深夜的粵語殘片，鄧碧雲間有以石歧話的對白，說得挺正宗。聽說她外公是中山人，所以說起來比模仿順德話還要好。
一哥："俄 doo 係石 key 恩，俄住兮 Narm Moon。" 你話呃唔呃到人呢？  |
|
| Re: 大相 ( No.13 ) |
日期：2009/02/20 17:58
留言者：Hawaiian
 |
莫Sir.
尊翁可能年紀大了少少到港,所以改不到鄉音.本人十六歲到港,在港生活了十多年.雖然講話時每個字都係廣州音,[其實中山人學廣州話並不難]鄉音甩得八九,但始終都有口音.後到了此地,中山人多,自然講起中山話.每次回港與友相聚,他們都話乜你啲鄉音越來越重?有一客是第四代了,頭一次就話:你唔好同我講番話,我中意你講唐話.最初佢講的每一個字都是唐話,但不成意思,要在腦中重組先明.
多年來佢唐話好大進步,可憐我的番話……..嗱!下面𥚕句說話你明唔明?可能引起你懷舊.
乖啲唔好扣,越扣越歐留,行去nu邊坐低.
--------------------------------------------------------------------------------------------------------------
大大:
何止呃到人,簡直可亂真!突然想起一件事,那年董驃爆了幾句中山話,腔圓字正,令人摸不㥸頭腦,佢係何處人,眾人皆知.這個謎到佢過身時先恍然大悟,佢的四太楊女士聞說是中山人,哦!唔通…………….哈哈哈!!!
又:此地老一輩及二三四代,都係話自己係香山人,好少話中山.最初隨一長者搭巴士,佢持月票,對我話:”放個錢八銀入去.”滿手碎銀同紙幣,都唔知邊個係?
 |
|
| Re: 大相 ( No.14 ) |
日期：2009/02/21 01:28
留言者：mok
 |
一哥, 我阿爸好少講自己0野, 應該二十歲度已去廣州, 49年0黎香港時未夠三張. 我連阿爺見到未見過, 幾時過身都唔知, 我都係前日上網chao料先知佢1933年係加拿大, 後來好似係南美(秘魯)住過, 也有"個濟" 下一代係一哥nu邊(夏威夷), 我伯爺主要都係講廣府話, 之不過帶中山口音. 你個句真係考起, 係咪話唔好喊呀?  |
|
| Re: 大相 ( No.15 ) |
日期：2009/02/21 06:22
留言者：Hawaiian
|
莫Sir.:
你咁稱呼Hawaiian,真令在下有點折福.這個是緣起於JoeJoe大大,佢成日話自已爛賭,[此點至今還是將信將疑]係爛賭二.在下年長於他,故佢稱在下做一哥,並非有任何能奈.無論如何點都係一句,冇乜所謂啦.正如一個花名叫”傻佬”的人,人人都叫佢”傻佬”,佢亦不以為忤,反覺得係熟落親切添.
其實大家講吓呢啲嘢咪重好,何必張弩拔劍?呢句說話你估啱,以前的老婦人湊小孩多數會咁講,變成廣府話:乖啲唔好喊[哭],越喊越醜樣,行去𥚕邊坐低.”扣”同”歐留”係個音,正字就唔知係點.現時中山新一代重會唔會將哭講成扣呢?就唔知咯.這幾次回去,感覺語言有好大變化,加了不少外來語.不過在此間還保留好多舊口語,自己雖是中山人,初來到時都聽到一頭霧水,如
“你採香港有冇拉過車呀?”拉車?第一自己唔係馬,二未曾在尖沙咀碼頭搵過食,原來係揸車,把drive講作拉.
一婦人由店內行出來,其丈夫問:”佢有冇𤨓你呀?””有呀,好少啫.”兩人照行,千祈咪諗錯隔離,係將charge講作𤨓.
你得閒被條鋼線我啦-------你得閒打電話我啦
佢割吼紙------佢離咗婚
啱啱寫吼紙-------剛剛結咗婚
nu邊好多綠衣------𥚕邊好多警察
個賊仔被巡捕作到------個賊仔被警察捉到
諸如此類,呢個正宗中山人也要個腦即時翻譯先掂.
|
|
| Re: 大相 ( No.16 ) |
日期：2009/02/22 10:27
留言者：楓林月
|
Hawaiian 兄:
我是過冒充石岐仔的第三代馬交飯, 很多在我記憶中的鄉下話可很都是隔代回憶(從來就沒聽過父親及叔父們用家鄉話)!
但我留意到石岐話有很多接近塞音/爆破音的陽平字(例如頭、岐), 和隔隣順德話的柔軟滑膩竟然南轅北轍, 很奇怪的現象.
我不知道石岐話將哭讀作"扣", 有可能是受了閩南語系的隆都話所影响. |
|
| Re: 大相 ( No.17 ) |
日期：2009/02/23 04:05
留言者：Hawaiian
|
隔隣順德話的柔軟滑膩竟然南轅北轍, 很奇怪的現象.
冇錯!都有話順德人嗌交如傾偈,xx人傾偈如嗌交.xx係廣東某地區,不便點明,否則會被人丙,但唔係中山.
|
|
| Re: 大相 ( No.18 ) |
日期：2009/02/23 05:04
留言者：楓林月
|
廣府人的粗話很可能獨步中華, 我們不單只粗字多, 而旦使用方式多變, 鏗鏘有力. 可以把這些字當名詞、动詞、形容詞、副詞、感嘆詞來交替使用, 同一句粗話既可以罵; 又可以贊; 更可以是親切的問候, 可以是命令; 又可以是請求; 亦可以是詢問, 我接觸過的方言都沒有如此多彩多姿. 澳洲人可說是英語系統裡的粗話冠軍, 但比起廣府人仍是小巫見大巫耳! 無論量和質都差一大截. 前天在多倫多一個圖書館踫巧坐在一帮少年學生旁邊, 聽口音似乎大半是香港人, 也可能混了幾個廣州人, 粗話發揮得淋漓盡致, 在他們交談中大概佔全部用字30%以上, 嘆為觀止. 可惜不宜錄載上立網, 未能揚我省威! |
|
| Re: 大相 ( No.19 ) |
日期：2009/02/23 16:51
留言者：Hawaiian
|
楓兄是斯文人,當然對呢類嘢少見少聽少接触啦.死鬼黃霑有一網頁,專講各國各種語言的粗口,由佢現身說法,佢都承認廣府話的粗口,詞類之多,變化靈活,真出神入化,是各種語言之冠.據佢講,好多語言的粗口是很單調的.而網上有一”廣州話粗口研究”,裏面更洋洋大觀,應有盡有,令人嘆為觀止. |
|
| Re: 大相 ( No.20 ) |
日期：2009/02/24 09:42
留言者：楓林月
 |
謝謝介紹"廣州話粗口研究網", 很精彩! 但仍有補充餘地.
我也不是甚麼斯文人, 只是因地制宜而矣. 從前在香港大球塲看到令人頓足的失誤時, 數萬人齊吼一聲"D"字的痛快現在言來尚莞爾. 重慶人在足球塲喊"雄起"已令全國的道學先生皺眉頭; 上海人的"冊"更是"母兮兮"的摩擦塞舌音, 罵了人家也不一定聽得到, 其他官話省分的粗話也大多像含着核挑漱口, 閩南話的"幹"還算有点兒勁, 但仍是翳喉, 那比得上我們粗話的清脆有力; 擲地有聲! 再說下去便愈來愈興奮離譜, 怕寫的也便越多越髒, 趁斯文還未完全掃地前收斂一下才好.
 |
|
| Re: 大相 ( No.21 ) |
日期：2009/02/24 12:06
留言者：老三
|
約十年前，老三有要事在湛江住一小段日子處理事項，所往的酒店對面有間發廊，洗、吹頭之餘免費按摩肩、頭半小時，才共收費廿皮人仔，老三隔日就去幫襯，與一群洗頭、按摩的妹妹仔都熟落左，她們一再異口同聲說老三講說話非常好聽，老三很奇怪，老三講野只是普普通通的，怎會變成"非常好聽"？追問考究下來，原來這群全都廿歲不足的姑娘仔，都是來自距離湛江廿餘公里的同一鄉村，自小所到最遠之地便是湛江了，她們自小講說話的習慣，就幾達"聲嘶力竭"的程度，一開聲就十足象我們的"艾交"的樣子，兼"粗口"連株炮發是正常得很的交談現象，故她們的發廊老板是嚴禁她們與"生客"交談的，怕她們嚇走晒d客人...............。 |
|
| Re: 大相 ( No.22 ) |
日期：2009/02/24 11:53
留言者：mok
|
閩南話我不懂，但常有機會聽，其國罵第一個字是S音，與Twins 其中一位成員的暱稱同，但不知原字。
小弟初出茅蘆時，聽過前輩教過一句歇後語，上句是「阿昆買水」*，下句是國罵之一，之後未再聽人說過，恐已失傳。
* 按：阿昆新婚，妻歿。
|
|
| Re: 大相 ( No.23 ) |
日期：2009/02/24 14:31
留言者：Hawaiian
 |
莫Sir.
呢啲粗口歇後語冇失傳,你對住的係斯文人,唔會講,可能知道都唔會講.但你到草根層走走,就知道依然存在.我的兒女雖係土生土長,但唐話都幾流利,尤其是小兒,好多人以為佢係新移民.自小就教識他們兩個中文字,乜字唔識都得,但這兩字一定要識,就係”危險”兩個字,如果有機會到中國,明明寫住呢兩個字重行埋去,後果可大可小.其次就係教識他們聽粗口,老妻話冇嘢好教,教埋啲衰嘢.本人的歪理是:好嘢慢慢會學到,明刀明槍鬧你的粗口當然會知,但轉個彎媽你時,你重笑口噬噬?白粉係衰嘢,教你認識白粉唔等於叫你去食.這些東西表面係冇乜嘢,但後面就藏住一句粗口,好多人人云亦云,講咗粗口都唔知.尤其是女性.現在把記憶所及的寫出來,希望不知者留意.當然唔會寫後面句粗口啦.
阿昆買水 法國大餐 法國皇帝 摩囉差痾尿 風吹皇帝褲襠 澳門老友 荷蘭銀行支票 荷蘭灣 老舉過年 老舉做禡 歪咀尿壺 彭祖尿壺 老竇生沙淋 孔子尿片 士啤胎爆埋 斗零打個震
阿昆,窮人一個,傾家蕩產先娶得老婆,三日其妻死去,阿昆一路買水一路咁話,xx佢少xx佢少,所以有人話”阿昆買水”就係媽緊你.
如網主版主覺得不妥,請即時刪去.
|
|
| Re: 大相 ( No.24 ) |
日期：2009/02/24 15:28
留言者：mok
|
一哥, 我最怕人話我斯文, 因為驚住後面加多兩個字.
阿昆買水, 我唔想講後面個句, 都被你講埋, 呢度多斯文人, 我覺得比人想像吓好D, 講得太白會令人難為情. 
家陣國內唔多用 "危險" 警告, 而鍾意用 "溫韾提示", 即係話溫韾中暗藏殺機. |
|
| Re: 大相 ( No.25 ) |
日期：2009/02/24 21:55
留言者：楓林月
|
Mok 兄:
"其國罵第一個字是S音" - 相信你記得的是泉州粗口"塞林磨(要用普通話來唸. 不能寫出原字, 怕會被掃地出門!)", 和厦門話的"幹林涼(如前述)"同義. 重慶人把三字經擴展成五字經"我席泥馬耶(如前述)"罵人, 有綿韌之勁, 他們說這壯語的頻率和用法和廣府人的五字真言基本相同, 十多年前在北京外經貿一個正式會議中一位廠長級的重慶高幹(碩士級的專家)不滿某一條款, 衝口而出咕嘟了一句, 外經貿的北京籍科長聽不懂, 用英文問是甚麼意思, 在塲的老美及丹麥同事也向我投以詢問的目光, 我和四川來的两位女翻譯一下子面面相覷, 她們既不敢亂譯又都難以直言, 最後只好由我打圓場把它譯為:"Holly macaroni (難以置信的感嘆俗語)"給混過去, 晚餐時把真相告訴也經常是滿口粗話的丹麥團長, 大家笑到馬仰人翻, 之後, 他和那位重慶老鄉交手時竟特別親切.
老三兄:
我不知道廣州現在市道如何? 但三十年前的廣州姑娘魚蝦蟹炒上一鑊, 絕不比你的湛江美媚遜色. |
|
| Re: 大相 ( No.26 ) |
日期：2009/02/25 07:04
留言者：Hawaiian
|
哈哈!!!這就是男人的德性咯!Hawaiian的工作每次都會遇上陌生的工作夥伴,大家三唔識七.但無論種族是中西黑白黃,只要講些有味笑話,大家好快就熟絡,一齊合作.當年老毛話:階級鬥爭一抓就靈.其實有味笑話一講就靈係真.
十多年前回港工作,有時會去國內,在茶樓酒家間中見到衣㥸入時的年青少女,一開口就海鮮成籮,Hawaiian加餸都用唔晒,真甘拜下風. |
|
|
大相