Re: 童年回憶錄 ( No.44 ) |
日期:2006/01/29 12:41 留言者:soso
|
大佬你好呀.我都祝你波运享通.财源广进.
哈哈.呢匹马当然系超班啦..................... |
|
Re: 童年回憶錄 ( No.45 ) |
日期:2006/02/26 19:51 留言者:Sunnylau
電郵:sunnylau288@netvigator.com
|
Re: 童年回憶錄 ( No.46 ) |
日期:2006/01/30 12:40 留言者:兒歌
|
小時侯,我係一个問題街童,住在筲箕灣魚市場附近啲石屋。記得在6、7歲時,新年穿上新褸仔,有一男孩向我擲炮仗,再三警告無效,結果新褸仔被燒穿咗个窿。當時怒從心上起,順手抄起一根柴,進打至他家中,當他見到母親即向我露出得意神色,有大人撐腰嘛!當我一捧仆穿佢个頭時,全場震驚,跟住我同佢亞媽講,我件衫穿咗个窿,而家佢个頭穿番个窿,算扯平!跟住揚長而去!後果係佢哋去揾我亞婆要脅陪湯藥費,獅子開大口,我亞婆驚到唔知点算;不過,俾我趕返屋企,就嚇到走都走唔切叻!梗係,成條村都知,惹惱了我就會麻煩不斷,因我那時是村童嘅首領呢!哈,長大唔做壞人都令好多人跌眼鏡o架! |
|
Re: 童年回憶錄 ( No.47 ) |
日期:2006/01/30 14:51 留言者:煲茶
|
兒歌, 好嘢! 我小時侯也是打遍"馬交"無敵手, 強權暴力打橫行呀. 持住家有幾個哥哥和叔叔撑腰, 幾歲大己是個小茶煲. 濠江小霸王. (不過長大後就好乖, 亞媽話嘅) |
|
Re: 童年回憶錄 ( No.48 ) |
日期:2006/01/30 21:47 留言者:兒歌
|
茶煲 睇嚟我哋應該唱番支"小霸王夜宴"嚟論吓劍嘞!哈哈!我兒時係大茶煲,讀嘅係頗有知名度嘅天主教小學,啲老師要食咗頭痛丸先至嚟上我嘅課。罰抄什么規則,一两百次,一个小息就可交貨,哈,竟然又有幾十人幫我抄喎!現在我嘅職業係輔導"特殊兒童"及協助其家長,成績很好呢!上天係唔係巧安排呢? |
|
Re: 童年回憶錄 ( No.49 ) |
日期:2006/01/31 09:46 留言者:茶煲
|
兒歌, 你個童年往事, 今昔對比, 似乎放在"恩雨之聲" 既綱站啱D. 真開心又揾到"茶煲族人" , 我們是浪子回頭噃, 金不換也. "回望這一生, 歷遍幾多責備和恨怨, 無懼世間萬重浪, 獨怕此生陷網中...." |
|
Re: 童年回憶錄 ( No.50 ) |
日期:2006/01/31 13:32 留言者:兒歌
|
茶煲 "問題兒童"大部份係由啲家庭製造出來嘅。小孩子常被父母"亂棍打死猪八戒"(Sunny兄名句),就會變身成"反叛小魔怪"!金不換?哈!原來咁清高o架?!セ得嗰两錢咁多金咋,咁梗係唔換啦!哈哈! |
|
Re: 童年回憶錄 ( No.51 ) |
日期:2006/02/01 10:22 留言者:茶煲
|
兒歌呀, 呆地係"金枝玉葉"囉. . 呆既茶煲問題唔係打出來, 係"竉"出來架, 真慚愧 . 家裹還算是詩禮之家, 書香世代. 家教很嚴. 但幾代旺丁, 好不容易來個小公主, 而且是早產兒, 費了不少工夫才養下來的, 所以"縱"到無法無天囉. 十歲後搬去香港, 並無變飛女, 廾歲來花旗, 又無變嬉皮士, 可算家山有福咯. 呆好羡慕你的エ作, "幼唔幼以及人之幼" 好有義意. 向你敬禮 獻花
|
|
Re: 童年回憶錄 ( No.53 ) |
日期:2006/02/01 13:15 留言者:兒歌
電郵: sandra888@optushome.com.au
|
茶煲 真愧不敢當,我當玩遊戲咋!今日終於完全收服咗个寵壞嘅四歲小霸王(佢唔係打人就自殘),好開心!巳經跟咗佢20幾个星期(每星期4小時)叻!呢份工最好玩嘅就係同佢哋斗智斗力,成功就好似贏咗咁囉!哈!仲个个唔同,好刺激o架! |
|
Re: 童年回憶錄 ( No.54 ) |
日期:2006/02/01 16:03 留言者:茶煲
|
嘩, 兒歌, 咁咪好有挑戰性, 又好有成就感呢, 做福人群呀. 對住呢D小茶煲, 真是又愛又恨吧. 我朋友小兒子也有這問題, 兩三歲開始, 逢人便 "Meet" 不論男女老幼, 失驚無神俾佢 meet 一吓, 成個跳起. 教咗好耐佢至知道握手更受歡迎. 而家有八九歲了, 做了不少輔導, 巳漸穩定正常. 有賴你們這些有愛心的專業人材啊. 致敬. |
|
Re: 童年回憶錄 ( No.55 ) |
日期:2006/02/26 19:47 留言者:Sunny Lau
電郵:sunnylau288@netvigator.com
|
Re: 童年回憶錄 ( No.57 ) |
日期:2006/02/21 01:34 留言者:soso
|
咁靚的一個話題幾乎掉到去榜尾.浪費D挂. 人哋話老人喜歡講舊時,小弟我現在是中年.都幾鍾意講下舊時.因為舊陣時太多窮風流.餓快活的日子了,太多搞笑嘢了.上次講到小弟生長在西關角.同齡同輩的百厭仔成群結隊.每當下午不用返學時就三五成群,只穿一條短褲赤裸上身便步行去白鵝潭游泳.曬到個人黑默默.個身滑潺潺.好似生青苔咁.白鵝潭有座綠瓦亭.我們就爬上去亭頂跳水.現在想起來也一身冷汗.在珠江游泳屬違法的.有次遊到江中,剛好港務局的船來捉人.個個雞飛狗走.我哥被捉了上船帶了去二沙島罰鋤草.到晚上才放回家..... 改革開放剛開始.其中有個街坊當上了海員.帶回一部錄音機.第一次聽到鄧麗君的歌聲.....又知道香港興起了跳"迪士高".不久便學人扭到周身鬱.跳到隨地滾.經常相約鬥舞.當年小弟都算是舞場高手.什麽油脂舞,劈瀝舞等.都跳得幾勁.記得有次在清平路的一座大樓天台上,可能相約人太多.影響太壞.跳跳下被警察上來踢PP至停.全部不准動.十個一隊下樓帶回公安局.哈哈...後來才知道足足有百幾人....... |
|
Re: 童年回憶錄 ( No.58 ) |
日期:2006/02/26 19:48 留言者:Sunny Lau
電郵:sunnylau@netvigator.com
|
Re: 童年回憶錄 ( No.60 ) |
日期:2006/02/26 19:49 留言者:Sunny Laul
電郵:sunnylau288@netvigator.com
|
Re: 童年回憶錄 ( No.61 ) |
日期:2006/02/22 13:52 留言者:小珍子
|
|