Re: 童年回憶錄 ( No.11 ) |
日期:2006/01/23 00:48 留言者:v仔
|
嘩, 恨史人喇! 我都未試過坐黃包車. 乜你細個咁嘆記o架! 我細個要捱o架!
我細個屋企好窮, 我地課餘要做手工業, 每次出糧, 媽都會俾幾毫子作慰勞. 有一次打大風落大雨, 媽話停工一日. 我地幾姐弟妹夾左幾毫子偷出去買野食, 要抵食夾大件..終於買左一大袋青bb o既酸芒果返尼. 真係酸到盲佬都識開眼果隻, 但係果時冇幾何有零食食, 所以幾姐弟妹都單左眼單右眼咁食得津津有味. e家講起..幾姐弟妹都笑到肚孿, 因為d青芒果酸到都唔係人食o既!
偶然一次我地會豪d, 夜媽媽會叫細佬落街買撈麫唔要餸, 之後就要多d豉油, 再落多d辣椒醬, 落到成碟橙紅色, 然後返屋企幾姐弟妹逐條麫慢慢品嚐, 食到眼水鼻水汗水都有, 大家以鬥食得辣為樂. 十幾年後, 細佬大左 由外國返去重訪故居, 遇到個麫檔老板, 佢仲記得我細佬以前次次都撈o左佢半樽辣醬, 蝕大本又忍痛唔出聲, 因為佢覺得我細佬肥仔嘜, 好Q喎. |
|
Re: 童年回憶錄 ( No.12 ) |
日期:2006/01/23 00:22 留言者:raymond
|
唔係嚇你, 我細個果陣有工人用添噃.
又記得細個果陣時, 麗的呼聲每晚 11 點就播 夜半奇談, 又驚但又要聽, 咪張被冚過頭聽囉. 又記得每日中午的廣播劇, 鄧寄塵一人分演多個角色, 認真生鬼. 另外又有 胡章釗講武俠小說, 鍾偉明 講 西遊記, 方榮 唔記得講乜故仔, 劉就, 何臣 一唱一和的南音, 許明明 主持的流行曲節目, 一口流利國語的 莊元庸 女仕主持的節目, 確令人回味無窮.
|
|
Re: 童年回憶錄 ( No.13 ) |
日期:2006/01/23 00:40 留言者:V仔
|
嘩...你發達啦!! 唔怪之E家都係咁官仔..... 脾氣啦. |
|
Re: 童年回憶錄 ( No.14 ) |
日期:2006/01/23 03:09 留言者:小珍子
|
我都有聽麗的呼聲, 月租五元,因為已比租, 所以大人們會用到盡,
從來不關機, 我都是比夜半奇談嚇大架.
蚊少, 是半夜11 時ろ○ 分 開始架!!! |
|
Re: 童年回憶錄 ( No.15 ) |
日期:2006/01/26 12:26 留言者:思菩
網頁:http://www.perreng.com
|
租地主﹕我住那區是現在的城市大學﹐不過可能我記錯名﹗那時覺得冇大厦住是好面懵﹐住大厦的人就覺得我地好幸福﹔真諷刺﹗
就是住在鐵路一邊﹐所以從不數有幾多 car 車的﹐見怪不怪吧﹗那時天天要行路返/放學﹐是要穿過條火車"鬼" (死 JOE 唔淮笑﹗) 最慘是行行下有火車過﹐要站埋一邊﹐背對火車﹐最憎是裝豬的火車﹐留下的臭味好勁﹗有次﹐我爸爸返工﹐過鐵路時見對一對情侶手拖手﹐一人行一條"鬼"。有火車來﹐他們照行﹐火車 honk 他們﹐他們就是冇反應﹐我老爹死命大聲叫他們﹐他們亦冇反應。唔駛講你地都知結果是什麼啦﹗大人說他們聽不到是因被找替身喎﹗Sorry 如果嚇親膽少的安答﹗
鬼故我也記得是 11pm 喎﹗我有聽"秋燈夜雨"﹐也有"夜半奇談"﹐但不是從麗的台聽的﹐是否後來賣了比 public 台呢﹖不過只是暑假才有得聽﹗以前那間屋是兩層的﹐聽人講話大力行樓梯﹐發出大聲會嚇走 D 鬼﹐我們就死命咁採﹗又有個鬼故話吸血鬼喜歡由腳趾吸血﹐嚇到我就一定要蓋被才睡得入﹐熱天都要蓋﹐真的冇陰公﹗到而家都一定要蓋被才睡到的。有次睇完"大白鯊"﹐因是夏天﹐所以張被不能全身蓋﹐睡著了又扎醒﹐感覺就好像是條鯊魚剛剛咬了我下半身﹔那晚睡得好差﹐好驚﹗
記不記得"鼠蹤隊"呀﹖還有一個不記得中文譯名﹐英文是 Night Stalker﹐呢﹐講那個八掛記者成日去查訪怪事呢﹖
蚊少﹐除了鬼故外﹐你講的節目我一個也不記得有聽過﹔你一定大我好多囉﹗ |
|
Re: 童年回憶錄 ( No.16 ) |
日期:2006/01/26 06:20 留言者:V仔
|
我細個屋企好窮, 爸爸行船甚少响屋企. 屋企七細一大, 每次食飯都唔夠餸o既, 咁o米餐餐七姐弟妹都金睛火眼咁望實d餸, d家姐實唔夠三個細佬搶餸食o架..佢地手快口又快!
有一次食飯 到尾聲, 個二細佬見唔夠餸又要添飯, 佢唔理咁多..好快將僅餘碟餸扒左八成落自己隻碗先去添飯; 個三細佬唔夠佢手快, 見仲有d餸同汁 就成碗飯倒落隻碟度 咧齒奸笑; 點知個大細佬仲奸, 見爭佢地唔贏, 說時遲 那時快...一啖口水吐左落三細佬碟飯度, 哈哈大笑; 除了三細佬, 一家人都給逗笑了, 終於碟飯就梗係歸大細佬所有啦, 係咪好有智慧呢 ! |
|
Re: 童年回憶錄 ( No.17 ) |
日期:2006/02/26 19:55 留言者:Sunny Lau
電郵:sunnylau288@netvigator.com
|
Re: 童年回憶錄 ( No.18 ) |
日期:2006/01/23 16:20 留言者:hawaiian
|
每人都有自己的童年生活,我當然有,但不想回首.我出生於廣東一農村,家庭成份是黑五類.一件小事足反映我的童年生活,十三歲那年不准升學, 其實我讀書成績不錯,次次名列前茅,參加勞動.冬天一日早上,很冷,下毛毛雨.大夥躲在一間叫大隊部的小屋等開工,用一座真空管的收音機偷聽綠村電台,大隊長開門叫我出去,話我冇權聽,隨手把門關上.我在熬骨的風雨中蹲了個多鐘,等他們享受完出來才一齊開工.相信與我一樣童年生活的看官不少,只是不開聲而己. 順便請教:”白雲蒼狗”點解 ?”男人老狗”又點解,是否粗口?
|
|
Re: 童年回憶錄 ( No.19 ) |
日期:2006/01/23 17:38 留言者:小珍子
|
小時候, 只有大時大節才有雞食, 上有一大哥, 下有五弟妹, 雞肶一定是給最細的
兩個弟妹食的, 我做大家姐, 知道愛錫弟妹, 從來都不去爭, 所以只有食"鞋拾拾"
的雞胸肉, 大約十年前, 那時最細的七妹都已二十多歲了, 她足足吃了二十多年
雞肶, 有一次, 家人團敘, 一起吃飯, (當時我不在, 因已出國,) 吃剩很多雞胸肉,
二十多歲大的七妹說" 可惜大家姐不在, 不然, 她有大把她最喜愛的雞胸肉吃了!!!
當時狀況是, 她當場比我母親
現時狀況是, 每次回港食飯, 七妹一定夾雞肶比我食的. |
|
Re: 童年回憶錄 ( No.20 ) |
日期:2006/01/23 20:28 留言者:小租子
|
Hi Hawaiian:
「白雲蒼狗」及「滄海桑田」都有變化無常的意思,「白雲蒼狗」專用於人事變化上;「滄海桑田」多用於景物變化上。成語典故 – 唐•杜甫【可嘆】詩:「天上浮雲如白衣,斯須改變如蒼狗。」
「男人老狗」不是粗口,是粵語詞彙,是用於稱謂大男人的較為市井的一種說法。
|
|
Re: 童年回憶錄 ( No.22 ) |
日期:2006/01/23 19:57 留言者:raymond
|
回顧 50 - 80 年代的聲色犬馬
50 年代中至 60 年代初,中環有兩所頗負盛名的夜總會。 夏蕙夜總會 - 位於皇后戲院地庫, 記憶中,當年駐唱的歌星有 鳴茜 以及 Fabulous Echos 等。 另一間則位於娛樂戲院地庫的 金寶夜總會, D'Topnotes 樂隊似曾於該處駐唱了好一段日子。
以前的酒家是沒有女侍應的, 只有一些較有規模的酒家,才有之所謂的女招待, 如六國,金城 以及銀龍等。 粵劇界中有一名旦,當年也曾於 金城 服務過。
60 年代中至 70 年代初,湧現了不少的 Discoteque,即現在的 Disco。 較出名的計有 Scene,Fire Cracker,Night Bird 以及 Pleasure 等, 由已故名歌星 羅文 所組成的 Roman & The Four Steps 也曾於 Night Bird 駐唱過。
70 年代的中式夜總會真是便宜之極, 10 元消費,仲有嘢飲。 彌敦酒店的 夏瑶 夜總會, 又有一些二線歌星唱歌,又有舞跳。
沙田酒店的夜總會, 又係歌星唱歌,又有舞跳, 抵玩之極。
個人很嚮往 六 七十年代的景物及生活節奏, 但八十年代後期的一切生活模式,均起了劇變。 如今祇剩得中上環一帶, 才可勉強尋回一些昔日景物的影子!
有一問題考考大家。 在中環芸芸店舖之中,歷程最久的是那一家 ?( 除了銀行之外 ) |
|
Re: 童年回憶錄 ( No.23 ) |
日期:2006/01/23 20:04 留言者:raymond
|
糖煮
有咁鬼後生,梗係未聽過啦! 嘩!果個時候住得 九龍塘嘅, 唔係嘢少噃!都咪話唔巴閉。
|
|
Re: 童年回憶錄 ( No.24 ) |
日期:2006/01/23 20:25 留言者:五個仙
|
中環芸芸店舖之中,歷程最久的是那一家 ?...........會唔會係蓮香同陸羽呀? |
|
Re: 童年回憶錄 ( No.25 ) |
日期:2006/01/23 20:51 留言者:小珍子
|
蚊少,
七你在5○年代, 己經識得 "花天酒地 " 架啦, 數吓手指你現時極有可能是一個
花甲老翁 |
|
Re: 童年回憶錄 ( No.27 ) |
日期:2006/01/23 21:55 留言者:思菩
網頁:http://www.perreng.com
|
蚊少你唔好絞錯呀﹐我是住在九龍塘鐵路對面那個區﹐都連區名都冇的﹐你話巴幣得去邊﹖你咪笑翻我轉頭﹐唉﹐後生兩字冇我份呀﹗
Hawaiin﹕講得對﹐很多曲友一定與你的遭遇相同﹗我媽媽本來也出身於一戶有錢人家﹐可惜... 幸好那時她才是讀小學﹐所以沒有人對她作什麼﹐但她的上一代就受苦得很了﹗ |
|
|