以曲會友- 喜歡藝術的人 日期：2010/08/20 21:33 留言者：pinpin 電郵：cantonese_opera_adcoa@yahoo.com.au 網頁：http://aco.win-louis.com/ 以曲會友 今日報導: 喜歡藝術的人。 (9) 業餘影相发燒友: 来自前苏联史太林的家鄉 – Georgia 的Elle pinpin偕外子喜歡不時登门造訪，以曲會友。 承蒙各方曲社友好錯愛，熱情接待，令我们不但在曲藝上獲益良多、眼界大开，更有賓至如歸的感覺。同道之情令pinpin和外子不禁欣喜若狂。pinpin相信其他綱友可能有興趣分享我们相聚唱曲的歡乐時刻 (happy moments)，也經各参與盛會的曲友首肯，現特分日將我們見面時的照片、唱曲公开。希望大家歡喜。 (1) 回国篇 - 2005: 今年初，有幸回国拜会一众在立兄綱上認识的曲友。 (2) 终南篇 - 2006 (Trip to Down South of Australia): 家住澳洲的極北(Top End)，子女不在左右。八月音樂會后，思念兒女。於是偕外子駕車数千公里穿卅過省南下省親去也! 也順便探望曲友。實人生一乐事也。 (3) 北迥小歸 - 2006: 外子話闷，机票又減价。不如趁還有假期返港、穗並專程到西貢一行，拜訪众曲友。 (4) 麻pin同外子攪的2007 ハ月音樂會 -" 嶺南文化北地開"。 (5) 加拿大温哥华的曲友 - 2007/8 紀行 (6) 星架坡的曲友- 2008 紀行 (7) 香姐攪的”澳纽CO大賽2008” (8) 麻pin同外子攪的"嶺南文化北地開2008"

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37]

< 回上一頁

Re: 以曲會友- 香姐攪的”澳纽CO大賽2008” ( No.455 ) 日期：2008/06/17 14:57 留言者：pinpin 香姐的嘉賓 – 黄德正老師 香姐的嘉賓 – 新劍郎先生 香姐攪的”澳纽CO大賽2008” 請了幾位香港CO名人做评判兼表演嘉賓。pinpin和外子一向都很欣賞新劍郎先生的唱功。認为佢係香港現今老倌第一人。今次再加欣賞其舞臺功架、真是大开眼界。不過pinpin和外子認为新劍郎先生時裝樣比臺上扮相更靚。可惜。 久聞黄德正老師大名。pinpin和外子習曲才9年。光碟巳經替代錄音帶。黄德正老師大行其道的cassette 教CO帶說来慚愧，竟然是从來沒有聽過。今次是第一次聽黄德正老師現場演譯。可能係舟居勞累再加時差。黄德正老師也不滿自已的演出。 真是謙謙君子。 PS 立村的美人、美男熱烈討論緊的”夢断香銷四十年”的作者陳冠卿先生是黄德正老師的師傅呢！ 下期: pinpin同外子攪的"嶺南文化北地开2008" Re: 以曲會友- 嶺南文化北地開2008 ( No.456 ) 日期：2008/05/16 01:00 留言者：pinpin 两麻互助 "上大頭” 自尋樂趣: 麻pin同外子攪的"嶺南文化北地開2008" 小城居住的唐人，大多数都喜歡去賭場 "娛樂"。 麻pin同外子唔賭錢、也不喜歡聞二手煙。唯有呼朋引類，同幾位志同道合的CO同志一於 help yourself 咁自尋樂趣。每年都努力攪一个以我们廣東文化为主的音樂會。 一攪居然攪左七年！苦樂参半。 有乜苦呢? 冇CO師傅指導就係第一苦啦。上个月到雪梨参賽認識了很多CO同道。佢地登台大多数係請当地的化妝師傅化妝的。每次要封礼是300澳元。 小城冇CO師傅，有師傅又冇咁多閒錢。麻pin等人唯有赤膊上阵。面皮厚厚咁自己揣摩、粉墨登場啦。 自尋樂趣: “影楼” ( No.457 ) 日期：2008/05/17 01:25 留言者：pinpin 上了”大頭”的秦家嫂嫂-麻pin 自尋樂趣: 麻pin同外子攪的"嶺南文化北地開2008" 大埠攪CO嘅show, 要乜師傅都有。小城呢eye唯有執生啦。 好似做宣傳海報都係麻pin乱打乱撞咁用电腦做出泥。“影楼”呢? 好彩外子工作的地方有一間两百座位的劇院可供利用。每次的造形相都係响劇院的舞台攪掂。背境就用黑同红布，由麻Anne縫制而成。麻pin外子就負責影啦。 自尋樂趣: CO化装 ( No.458 ) 日期：2008/05/23 09:22 留言者：自尋樂趣: CO化装 上了CO装的麻pin麻anne 自尋樂趣: CO化装 冇人才、又冇餞財。唯有自力更生啦(self reliance)。2005年从網上見到廣卅有民辦的CO学校可以提供斬件式的个人課程。於是報左名， 帶埋外子去臨老吹D打。 上左幾个鐘的CO化装課。係咁就开始左做大戲的玩意了。 CO化装易學難精。 好睇个人天份的。 eye, 麻pin生來笨手笨脚。 画極个装都係差好多。 有時拿住張CO化装相比D前輩睇下，eye，D前輩真係hum住个咀笑架。 不過算啦， hehe，年年有得玩又有人捧場。 咁都算不枉此生啦！ Re: 以曲會友- 嶺南文化北地開2008 ( No.459 ) 日期：2008/05/26 21:29 留言者：Cat 電郵：cat.lo.a@gmail.com Pinpin 姐你好！ 好久不見了，我剛去看〔粵曲壁報板〕見到你張海報，海報好靚呀！ 真係好玩啦，你地真係萬能真係叻！ 什麼都自己做． 祝你們演出成功呀！ 我７月份也有節目演出，現在正忙著呢！　 Re: 以曲會友- 嶺南文化北地開2008 ( No.460 ) 日期：2008/05/28 21:35 留言者：pinpin 阿Cat: 好時光過得真快。上次响省城同唱同飲同食齐影相一整天。轉眼就差不多五个月。幾時又再一聚呢? "你地真係萬能真係叻！" 讚到呆暈佗佗。 BTW 多謝讚美。所謂馬史落地行。假若妳好似呆咁留落小城， 以妳的才、財、貌，相信妳一定比呆重多攪作呀！ 呆也預祝妳呀、朱珠呀七月演出成功。 記住猫D演出嘅相呀歌呀、最好寄埋只DVD (eye 好似好貪心公咁) 慰籍下呆同呆个外子D思乡之情啦，好嘛? Re: 以曲會友- 嶺南文化北地開2008 ( No.461 ) 日期：2008/05/30 23:30 留言者：CO化装: “生”的煩惱 上了装的麻pin外子 CO化装: “生”的煩惱 (1) “荣辱自負！”係外子經常引用的名句。所以佢化到点大花面、大细眼、高低眉等等。雅集所有的花旦都不敢教訓佢。 重要响台上对住佢塊七彩画皮，同佢照劇情大演悲歡离合。真是忍悛不禁、哭笑不得。如是者众多姐妹“嘆”咗幾年。pinpin唯有煩D旧年係網上抄左丁凡D靚生相，放大左佢放係外子“装台”前，加埋麻pin的 “鹅” 工，希望有D潛移默化功効啦。上个星期彩排，奇績出現。外子居然肯“青啋”了丁凡。化咗个幾有効果的裝呢。众多姐妹連忙係后台捉住佢映左張相。唔係一陣佢又可能抹花呢！ eye, 男人、特別係好似外子咁嘅大男人，要佢領情呢真係要发揮我地女人D耐性同愛心呢！ Re: 以曲會友- 嶺南文化北地開2008 ( No.462 ) 日期：2008/05/31 00:04 留言者：老三 坐姿都咁有型，成個大老倌無異！ Re: 以曲會友- 嶺南文化北地開2008 ( No.463 ) 日期：2008/06/01 21:58 留言者：雅集會員上街募捐 三少呀: 多謝捧場！ 外子知道三少咁Bo 獎佢。 佢个 ego 重加发大到頭都裝唔落罗！ 雅集會員上街募捐 今朝雅集會員連同小城的華人跟红十字會上街募捐。替四川的災民盡点棉力。壁報係雅集台柱之一呀Kat連夜攪的(图一坐着的美人是也)。 麻pin今次至明白乜嘢叫 "人情”呢。好感动呀！ 聽日又到雅城(Adelaide)的曲友義唱喇。我地雅集仝人遥祝你地成功。努力呀！ Re: 以曲會友- 嶺南文化北地開2008 ( No.464 ) 日期：2008/06/01 20:57 留言者：HAHA 電郵：hymkasumi@yahool.com.au PinPin: 你好，你们为四川灾民尽心尽力，可敬可敬 Re: 以曲會友- 嶺南文化北地開2008 ( No.465 ) 日期：2008/06/01 21:49 留言者：雅城曲友義唱 HAHA: 今日你地雅城D曲友都辛苦哂喇！ 幾時得閒放D義唱相上泥比立村D美人、美男睇下啦！ Re: 以曲會友- 嶺南文化北地開2008 ( No.466 ) 日期：2008/06/05 20:14 留言者：義唱募捐 雅城(Adelaide)上台義唱募捐 小師妹和Tina 雅城的曲友在桂蓮、世伯等領導下上台義唱募捐。替四川的災民盡点力。 可讚可敬。(PS相片提供: 小師妹) PS (1) 雪梨香姐的中西会係唐人街攪左两日義唱。替四川的災民募捐左十六萬澳纸(约人民帑一百零五萬) (資料提供:谭太) (2) 昆士兰李鉄軍老師、Diana的昆士兰粵咁協会在庆祝母親節演唱會上募捐左七千多澳纸(约人民帑四萬六千) (資料提供: 李鉄軍老師) Re: 以曲會友- 嶺南文化北地開2008 ( No.467 ) 日期：2008/06/05 22:04 留言者：HAHA 電郵：hymkasumi@yahool.com.au PinPin 姐姐， 今在世伯家操曲时，看了你们的海报，非常靓，并祝你们演出成功！！！ HAHA Re: 以曲會友- 嶺南文化北地開2008 ( No.468 ) 日期：2008/07/30 16:00 留言者：“生”的煩惱 (2): 功架 網頁：http://adcoa.spymac.com 堂主: 多謝抽空替呆登出雅集募捐的相 HaHa: 多謝捧場。有冇林个上泥達爾文齐齐玩呀?! 雅集5月彩排: 呀Kat和外子(1) 呀Kat和外子(2) “生”的煩惱 (2): 功架 肯唱CO的美男已經唔多。重要肯上台做大戲嘅就更加難求。所以外子肯陪雅集一众花旦上台齐齐顛，呆D旦唔啺哂佢点得呢? Eye D美男多人啺就三分顏色上大紅。 一众花旦日夜苦練DVD抄番泥D功架台步。外子呢就懶洋洋。麻pin黑白天鵝功出齐都無用。因为外子話, “鬼叫妳地D旦話我肯企出泥台口就得架喇！”eye 呆同D旦唯有望天打卦，上台執生啦。 Re: 以曲會友- 嶺南文化北地開2008 ( No.469 ) 日期：2008/06/12 20:08 留言者：“生”的煩惱(3): 反串 雅集5月彩排: 反串的麻anne和麻pin “生”的煩惱(3): 反串 女人半边天。其實响大多數的CO groups泥講，应該係大半边天。 pinpin响過去幾年間在各處拜訪過的曲社，唱口们都是群雌粥粥。 在僧多粥少的情况下，具有子母喉的美人想唔唱平喉、唔反串都唔得。唔係就冇得玩也。pinpin都唔明白D美男何以咁怕醜者?

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31] [32] [33] [34] [35] [36] [37]

< 回上一頁

- 阿立粵曲天地 -

聲明