 Re: 邏輯智力遊戲區 ( No.970 ) |
日期：2007/08/24 00:02
留言者：字花
 |
哈哈…  …當然  …《風》…泥過…泥過
謎面是：
六斤不足、八斤有餘
【打字一】
冇花冇假冇呃秤……
到崖要 Zzzzzzzzzzzzzz 啦…  |
|
| Re: 邏輯智力遊戲區 ( No.971 ) |
日期：2007/08/24 00:22
留言者：Vincent
 |
點指兵兵, 點著誰人做大兵。  |
|
| Re: 邏輯智力遊戲區 ( No.972 ) |
日期：2007/08/24 05:34
留言者：san
 |
各位安答:
其實我心中自小就一直有個疑問?
字花是甚么東東?看粵語長片有題過買字花,馬標.
我想馬標等如現在的挍珠搏彩,全靠幸運.
但字花應該難度很高,和文學修為很高才估到!完全和運氣無關架,既然係有識之仕,又點會去賭錢.
是否從以前的猜燈迷演變出來呢?小時候好疑惑現在都一樣.
所以鍾入黎挍挍陣,冇幫襯.....但都係吾明遊戲規則!! 
有時答案是拆字形式,但有時又暗示意景.... 
可否為我詳細講解一下 
不聰明的女人  |
|
| Re: 邏輯智力遊戲區 ( No.973 ) |
日期：2007/08/24 07:34
留言者：莎莉
 |
多謝夏威夷叔叔提示, 
點指兵兵, 點著誰人做大兵,
點指賊賊, 點著誰人做大賊,
不是賊, 是 兵 
花 G, 早晨呀! 
San, 不聰明的女人, 大多被解作幸福的女人.
不明不緊要, 難得糊塗, 開心最緊要
|
|
| Re: 邏輯智力遊戲區 ( No.974 ) |
日期：2007/08/24 08:31
留言者：Vincent
 |
莎莉,
你係咪講緊我? 吓? 我幾時變咗夏叔叔, 我係Vincent 哥哥呀! 夏叔叔好似近排都冇入嚟這裏啊!  |
|
| Re: 邏輯智力遊戲區 ( No.975 ) |
日期：2007/08/24 08:51
留言者：莎莉
 |
多謝夏威夷叔叔提示,
特此更正,多謝vincent哥哥提示, 
玩到老眼昏花....看完夏威夷叔叔大作, 寫錯了, 對不起!   
|
|
| Re: 邏輯智力遊戲區 ( No.976 ) |
日期：2007/08/24 10:02
留言者：字花
|
Vincent 哥哥 快而準…  ……沙梨…
San：
字花在香港五、六十年代很流行，黃飛鴻影片都有出現過。字花來身是一種賭博遊戲，「不同地方，有不同開字花方式」，香港是用36個古人名，先由莊家將答案放在沙煲內，吊到高處，然後由莊家「俗稱字花廠」提供一些似是而非提示，吸引下注興趣。
好多草根階層、婦孺等會圍埋一堆，你一言我一語，爭說昨晚發過什麼、什麼夢、什麼報過夢等，猜測下注在那位古人身上，不亦樂乎，是當時社會一大特色。開字花時，莊家會當眾打爛沙煲，跌出答案，一賠三十。
1975年，香港政府為了打擊非法字花活動，便批准馬會定期開辦六合彩，收益又可作慈善用途，何謂一舉二得呢！
這裡的字花檔，每位安答都可以出題，可以答題。答案嘛……靠撞都好好玩呀，六合彩都是靠撞之馬…… …謎題是任何形式都有，看出謎者提供的線索去估，可以是字、物件、人物、成語、方言等，見招拆招可也… 
....................................................................
Vincent哥哥：你都出下謎題等我地玩下喇……
沙梨……… …未飲咖啡牙…
阿豆哥……有條題未解決呀……
|
|
| Re: 邏輯智力遊戲區 ( No.977 ) |
日期：2007/08/24 10:25
留言者：hawaiian
 |
莎莉姐姐:咁稱呼好似叫老了,不合!姐姐仔又好似難聽一0的,姐仔,姐仔,冇人想做.小妹妹? 人家以為係簡老八翻生.不如Hi,Shirly!你可能搞錯了,hawaiian不敢邀功,冇提示過什麼,係Vincent兄提呀,hawaiian係花崗岩頭腦,唔識猜謎0架,咁啦,被兩個出來大家猜下,係聽返來的, [板起面孔] 猜三國演義一人物, [落花撲面] 猜紅樓夢一人物.
啊!可能係你想hawaiian講下字花吧?因為字花係牽涉到賭錢,自自然然就會諗起糟糟大大口中的爛賭一喇,好啦,好啦!咁就將自已所知講出來聽下啦,如有錯漏請識者補充下,諗落就算有人識都唔會出來補充0既,即係話自已重爛賭過阿一?
字花以前城鄉都有,師爺一早把一字藏在瓦罐內,將罐吊在門前當眼處,等人下注,字以[天地玄黃,宇宙洪荒….等]大家熟悉的字.等到下午特定時辰,燒串炮仗,當眾打爛瓦罐,開出該字.買中有彩派.余生也晚,未曾見過此情況,都係聽人所講..
hawaiian六十年代到香港時,字花大行其道,不過參予的人全係草根階層,家庭婦女,阿婆阿麻之類,甚少見其他人.用三十六個號碼代替三十六個古人,而每個號碼又包涵人體各部位,又包涵有各種動物,每個號碼又有替身,替身又分正替,暗替.如12替身係4暗替係7, 五花八門,頭都暈埋.每日開三廠[三期],分下午一點,下午六點,晚上十一點.分香港廠,九龍廠,九龍又好似再分?所以開出來的一定要對番地區.每次開一個分數,如3/25,買中分子叫中花,一賠三十一,已殺了五瓣.買中成個分數叫中膽,一賠一百五十.下注的人看每日的報紙[當時大大話話有十幾廿張小報]登出的漫畫,這些漫畫是十分無厘頭,好似鬼畫符,就是靠這些漫畫去猜度.受注的是三教九流人物,在樓梯底,街角,街市等擺張檯仔或個爛木箱開檔,結果開出來,隨便用張紙寫個號碼貼出來,或用粉筆寫在牆上.這些人叫[舟廷]仔,到檔口收集注碼的人,人人叫佢做師爺,其實唔係.好多女人見到佢就追住問:師爺,畀個口電啦!口電=貼士,那人隨便講一句話或一句粗口,女人都如獲至寶去參詳買下一廠.字花為害甚大,因為最低投注係一毫子,幾多女人輸晒成個月家用而去做唔想做0的0野,搞出家庭慘變.所以香港政府禁不來之餘推出了六合彩,自從六合彩出現之後,字花就滅了.hawaiian覺得香港政府最大德政就係呢樣.hawaiian有冇買過字花?當然有,唔係點講得出?不過當時扮高級,著重賭狗馬,一個月都會買一兩次,心血來潮時買五元十元一個字,多數人買十個八個字每字一毫子,而且大多數中,搞到有[舟廷] 仔唔肯受,以為係廠家來煲佢,現在一切都俱往矣.
字花:
香港當年開字花唔係打沙煲,係用電話通知[舟廷]仔,邊一瓣少人買就開邊瓣,你估咁公正?有時開出的結果同被出來的花題九唔搭八,不過有得抗議咩?多數人怪自已蠢,唔識穿鑿附會去參詳罷了.
|
|
| Re: 邏輯智力遊戲區 ( No.978 ) |
日期：2007/08/24 11:07
留言者：莎莉
|
hawaiian... 冇所謂, 稱呼而已. 字花我只是在電影中看過是怎樣,... 
板起面孔....猜三國演義一人物, 靠估 張非
花 G, 呆不是未飲咖啡…捱未zzzzzzzz就真. |
|
| Re: 邏輯智力遊戲區 ( No.979 ) |
日期：2007/08/24 12:28
留言者：san
|
落花撲面...儱人 |
|
| Re: 邏輯智力遊戲區 ( No.980 ) |
日期：2007/08/24 12:32
留言者：hawaiian
|
張飛,唔係張非.但係錯.
再來打一字,
上一彎,下一彎
子路問曾顏,
顏子曰:是也!
曾子曰:非也!
三人問孔子,
子曰:直在其中,是也!直非其中,非也!
|
|
| Re: 邏輯智力遊戲區 ( No.981 ) |
日期：2007/08/24 13:20
留言者：阿豆
 |
嘩!一轉眼......回來(昨天)已是另一片景象,好熱鬧呀!
好多謝san姐姐嘅提問,同埋字花姐姐講解啲"字花"係點...
亦好多謝hawaiian叔叔嘅大作,帶呆地返去想當年,
腦海浮現電視劇集有關嘅畫面.呆都認細...哈哈!
Vincent哥哥,莎莉姐姐,您地好犀利,亦好鬼快,真是...
莫嫌小兵地位低, 過河兵仔當車駛.
橫衝直撞憑傲氣. 衝霄壯志闖重圍(兵臨城下解疑謎)....兩位,好嘢!!
"阿豆哥……有條題未解決呀…… "
哈哈! 所以小弟唔叫阿叔,皆因"未解決"與那位"巴士阿叔"有啲關係....
真的,呆心中尚有一條題.....未解決呀
【一轉眼芳草無情色凋零】.......
這個【謎面】【謎底】....呆以前亦曾見過,但係就唔識【解謎】.
可否賜教解釋一吓,開解呆心中嘅疑為.....謝謝!
hawaiian叔叔嘅【謎】...呆也撞吓....
[板起面孔] 猜三國演義一人物.......【魯肅/張角】
[落花撲面] 猜紅樓夢一人物......【襲人，原名花蕊珠。】
【上一彎,下一彎,子路問曾顏,顏子曰:是也!曾子曰:非也!三人問孔子,子曰:直在其中,是也!直非其中,非也!】打一字..........【乜】
  |
|
| Re: 邏輯智力遊戲區 ( No.982 ) |
日期：2007/08/24 13:40
留言者：字花
|
hawaiian 叔叔：
字花我真的從未買過，所知者亦是從長輩及粵語懷舊電影得來，我記得吾家奶奶常提嘴邊的古人何仙姑是4號，替身是什麼已記不到了。今次拋磚引玉，得蒙叔叔現身細說當年，獲益良多，順手袋埋落袋… …多謝hawaiian 叔叔… 
叔叔出的謎題，代字花試試作答…
[板起面孔] 猜三國演義一人物, ……謎底是…【嚴顏】
[落花撲面] 猜紅樓夢一人物.……謎底是…【花襲人】
上一彎,下一彎
子路問曾顏,
顏子曰:是也!
曾子曰:非也!
三人問孔子,
子曰:直在其中,是也!直非其中,非也!……謎底是…【乜】
|
|
| Re: 邏輯智力遊戲區 ( No.983 ) |
日期：2007/08/24 13:58
留言者：開估喇！
|
阿豆…掛你掛到連蚊帳勾都用埋喇……
要解決…就……開估喇！
謎面是：一轉眼芳草無情色凋零
【一轉眼】..........目字一轉變成..........罒
【芳草無】..........芳字無草變成............方
【情色凋零】.......情字「色」指「青」凋零，剩「忄」
謎底是【愣】
|
|
| Re: 邏輯智力遊戲區 ( No.984 ) |
日期：2007/08/24 14:21
留言者：hawaiian
|
好0野! 好0野!後生可畏! 剛出街打個轉回來就被估中晒,尤其是嚴顏,當年hawaiian估左二三日,自問都睇過三國演義幾次都估唔到.因嚴顏出場不多,屬冷門人物.
本來都聽過同猜過好多謎語,一下子想唔起.因為hawaiian就要上任去做官,做香港第一屆特首,睇下想唔想得起啦.
|
|
|
邏輯智力遊戲區