Re: 心窩內的漣漪 ( No.27 ) |
日期:2012/05/30 14:40 留言者:raymond
|
仲有 東樂, 麗聲, 新華, 麗斯, 百老滙, 百樂門 及 域多利 戲院 |
|
Re: 心窩內的漣漪 ( No.28 ) |
日期:2012/05/30 16:15 留言者:Hawaiian
|
對面起了”凱聲”,拆了”東樂”,變了”大大”,”大大”執了現在係乜呢?對面荔枝道是”大世界”,”好世界”在塘尾道,”新世界”在青山道.”英京”在大角咀的必發道與洋松街,附近有間”金冠”,”麗華”在晏架街.必發道又係另一處食街,一毫子一碗柴魚花生粥. “吉祥”門口每日早上有很多臨工待聘,大多數係道友,不過鑿石屎一流.再轉上上海街有間好舊的”龍珠酒家”,弼街這間係”永康”. |
|
Re: 心窩內的漣漪 ( No.29 ) |
日期:2012/05/30 21:52 留言者:raymond
|
夏兄, 新世界應在上環電車路噃!
尖沙咀龍子行, 佐敦平價市場, 旺角大人, 人人, 美美百貨 .......... 由北角數到石塘咀的戲院計有皇都, 百樂, XX(維園對面), 樂聲, 紐約, 利舞台, 國泰, 東方, 東城, 麗都, 娯樂, 皇后, 新世界, 中央, 高陞, 太平 及 金陵 等...... |
|
Re: 心窩內的漣漪 ( No.30 ) |
日期:2012/05/31 03:01 留言者:Hawaiian
|
蚊少: 係記錯咗.青山道的是”新舞台”,旺角漏咗”荷李活”,“南華”,灣仔有間”南洋”,土瓜灣有”華樂”,”珠江”,”金門”,”麗宮”在新浦崗,觀塘有冇戲院已不記得,係唔係銀宮?(或在荃灣).最難忘的是經常幫襯的”單眼佬凉茶”,竟是在旺角亞皆老街與奶路臣街之間的彌敦道賣凉茶,今日來講真是天方夜譚. 因為是居住在九龍,港島不太熟,係有工開先過去.中環”第一樓”過海就一定到,是用嗌數式的.石塘咀那間”多男”亦是,有次叫碟牛腩飯,伙記對廚房大叫”牛腩飯八碟!””喂,大佬,係一碟呀!””得喇,得喇”.結果真係來一碟,自己坐在八號枱. 那時講去旅行大多數到新娘潭,銀礦灣….等地,過澳門係好大陣仗了.與今日最近都係星馬泰啦,去歐美日如搭船過海咁平常,真不可同日而語,時代不同了. “老大講舊時,後生講xx(粗口,意思係認叻).” 千里馬兄,唔好意思,佔了你的檔口喧賓奪主 |
|
Re: 心窩內的漣漪 ( No.31 ) |
日期:2012/05/31 00:15 留言者:old cake
|
XX(維園對面)=新都, 樂聲斜對面=豪華 |
|
Re: 心窩內的漣漪 ( No.32 ) |
日期:2012/05/31 10:52 留言者:kc
|
講到太平, 金陵, 小弟都有發言權! 小弟住晉成街, 今已不存矣! 懷舊預埋我了 |
|
Re: 心窩內的漣漪 ( No.33 ) |
日期:2012/05/31 12:55 留言者:Hawaiian
|
觀塘那間是”銀都”,還有一間”寶星”,”銀都”和”南華”,”南洋”,”珠江”,”普慶”是左派院線,”普慶”不遠是”大華”,只有三行前座冇中座,其餘是後座.”快樂”在佐敦道,”倫敦”在柯士甸道,”樂宮”金馬倫道彌敦道,”新聲”在河內道,”海運”在廣東道,俱往矣!這些戲院還幾多間尚存呢? |
|
Re: 心窩內的漣漪 ( No.34 ) |
日期:2012/05/31 16:26 留言者:Kc
|
而家興迷你戲院!你講果d都冇矣!懷舊去油麻地戲院睇粵劇啦! |
|
Re: 心窩內的漣漪 ( No.35 ) |
日期:2012/05/31 16:55 留言者:竺竺
|
小妹唔知算唔算old cake, 係都唔會認,
不過青山道 "新舞台" 都留低唔少足跡, 仲有北河街 "北河戲院". |
|
Re: 心窩內的漣漪 ( No.36 ) |
日期:2012/05/31 19:43 留言者:龍
|
九龍城還有一間龍城, 國際.
茘園側還有一間百麗殿??????????
啟德遊樂場旁有二間, 不過己忘了是??? 好像是亞洲及國寶
觀塘那間好像叫銀都
旺角還有一間文華戲院
荃灣有一間大光明
慈雲山有間萬年 |
|
Re: 心窩內的漣漪 ( No.37 ) |
日期:2012/06/01 00:24 留言者:raymond
|
夏兄, 請恕小弟又來更正. 樂宮-彌敦道 金巴利道交界. 新聲-北京道 漢ロ道交界.
見講得咁高興, 就講吓d舊史比大家來集體回憶一下. 細佬於五十年代初是居住於中環威靈頓街鏞記過兩間鋪. 當年的鏞記祇有一間小小的鋪位, 右邊是賣雲呑麵的張錦記, 左邊則是上海館三六九飯店. 經常見到于素秋, 任燕 及 鄔麗珠 等人前往光顧. 至於現今的潮人地蘭桂坊, 以前是小販之地, 打正對面的榮華里則是大排檔之地. 對落的士丹利街, 有一洋服店名張活海, 是已故影星張國榮父親的店, 專做高檔生意, 著名影星加利格蘭也曽光顧 ....... 待續 |
|
Re: 心窩內的漣漪 ( No.38 ) |
日期:2012/06/01 13:41 留言者:Hawaiian
|
在上世紀六七十年代,香港報業十分蓬勃.以下是Hawaiian看過的報紙,有幾份是長期必看的,其他的時間長短不一,最短是看幾日.時間太耐,會有遺漏. 華僑日報,華僑晚報,工商日報,工商晚報,星島日報,星島晚報,大公報,文匯報,新晚報,香港商報,晶報,正午報,新午報,中午報,平安夜報,黎明日報,香港時報,明報,明報晚報,華人夜報,今夜報,星夜報,新聞夜報,真報,天天日報,南華晚報,新報,成報,今報,好報,早報,紅綠日報,華聲報,天下日報,先生日報,真欄日報,香港夜報,快報,明燈,銀燈,田豐日報,星報中文版. 東方日報,信報,經濟日報.是七十年代先有.蘋果日報.太陽報這兩份年紀最輕. 加上各種馬經狗經等,令人目不暇給.
|
|
Re: 心窩內的漣漪 ( No.39 ) |
日期:2012/06/01 13:07 留言者:raymond
|
仲有份 大中報,大衆報 同埋 超然報 呢! 仲好似有份 真夜報 添噃! |
|
Re: 心窩內的漣漪 ( No.40 ) |
日期:2012/06/01 14:26 留言者:Hawaiian
|
蚊少: 謝謝更正,日子太久,難免有錯.
冇錯.係有份”真夜報”,聽說當時”華人夜報”係金庸老婆搞的,唔係好掂,洒鹽花都唔得.後分出”真夜報”,”今夜報”,”星夜報”三份鹹到出汁的小報,不過都唔係幾長命. “大中報”開始是以狗經為主,馬經為副的,唔算係報紙.猜想可能老板係逸園賽狗公司,因為每晚賽狗開始,必由綠邨電台講狗佬麥氏兄弟----麥明,麥滿吹捧該報一番.不久綠邨電台自己出一份風格同大中一樣的狗經----“綠邨狗經”,馬經宣稱重有董驃的老竇朱伯坐鎮.後來東方請了麥氏兄弟,又出現另一番局面,”有東方,冇窮人.”係那時叫起的.
|
|
Re: 心窩內的漣漪 ( No.41 ) |
日期:2012/06/01 16:17 留言者:Kc
|
有份電視日報,小弟有個專欄,叫做滾熱辣電視評論,筆名黃希,寫咗兩年,張報紙都執埋! 而家冇呢類報紙咯! |
|
|