 Re: 答手機兄 ( No.22 ) |
日期：2014/10/09 17:27
留言者：Hawaiian
 |
六七年港共暴動被平息後,曾參與或同情該暴動的均被人冠上”左仔”之名.一旦被標簽後,就被普羅大眾用特殊眼光看待.有一行家因此入過赤柱,出來後覺得自己好似被孤立,因而轉了行.
今次運動平息後,有冇人會被標簽為”佔中份子”呢?
學聯岑姓頭人昨日在記招上,三番四次話代表全香港人.連陳日均都唔承認.此子有條件食政治飯,大凡搞政治的人,都是睜大眼講大話而面不改容.
|
|
| Re: 答手機兄 ( No.23 ) |
日期：2014/10/10 14:14
留言者：Eric
 |
Hawaiian 兄, 就算朝庭沒有管治經驗, 但港人呢? 現在是港人的政府, 為何仍是管唔掂? 莫非這方面中國人真唔係鬼佬嗰皮?  |
|
| Re: 答手機兄 ( No.24 ) |
日期：2014/10/10 18:36
留言者：Hawaiian
|
Eric兄:
莫非這方面中國人真唔係鬼佬嗰皮?
非也!中國人能管治香港比鬼佬更出色的一定有,只是此人現在還未出現,或者上唔到位.
當年回歸,表面上係把彭定康換上董建華,換了個頭.以下全部冇變.但彭定康走時,佢成個智囊團是否跟住走呢?還是留下?即使留下,又是否盡心盡力輔助老董呢?老董根本唔係一個政治人才,只是一個商家佬.要搞乜港物港,重搞出個八萬五大頭佛.
唔係話香港的公務員係世上一流的隊伍咩?係!的确係一流.是一流執行政策的隊伍.管治是需要一個(群)領導者和設計策劃者,上頭係盲頭烏蠅,下面無所適從.冇了個畫則設計師,斑地盤佬點勤力都起唔到一間屋.
朝廷無此管治經驗,以為搞掂斑公務員,要他們盡心盡力就得. 結果選煲呔做阿頭,此人真正係典型香港醒目仔, 但才幹比老董更低.只識走精邊,同時貪小便宜.以為傍住斑紳商巨賈就掂,政策側向富人一邊,造成地產佬坐大.七年來佢有何政績?就是制造了大量劏房.
梁振英一上台就係弱勢,全無斑底拉雜成軍,醜聞百出.
歸根結底,百多年來英國根本冇培養訓練過華人做領導和設計者,只養了一群服從者.
假以時日,一定有個杰出的中國人領導香港的.
以下純屬個人的揣測:
佔中己十三日了,我覺得好奇怪.除了人民日報發表文章外,其他全不見動靜,真係靜得出奇!朝廷竟無一個有份量的人講幾句說話,你以為朝廷相信梁振英會搞得掂嗎?
估計唔係,因為斑學生用文未必聽你支笛,用武又怕損在國際形象.只有找出事件的根源---美國佬.美國佬在世界上有好多野要靠中國幫手,權衡利益之下,幫手收拾殘局啦.
陳日均係邊個代言人?路人皆知.早期佢還大力支持佔中,兩日前突然轉軑,叫學生撤離,你話點解咯?政治就係咁污糟辣撻,只講利益,信用值幾多錢一斤呀?
如果下星期人群漸漸退散,證明中美交易成功.
|
|
| Re: 答手機兄 ( No.25 ) |
日期：2014/10/12 21:20
留言者：路過
|
如果D人在2009年聽煲呔講，在通街四千元一尺的時候買左樓，咁現在生活都比較安定了。 
覺得清場是有可能的，但會由食環署執行，用洗街掃街方式，好似趕走露宿者一樣。
警察只在外圍戒備。
這可能是較和平的解決辦法。
 |
|
| Re: 答手機兄 ( No.26 ) |
日期：2014/10/13 13:31
留言者：Eric
|
Hawaiian 兄,  
但學生未必會聽美國, 唔係佢話徹就徹 |
|
| Re: 答手機兄 ( No.27 ) |
日期：2014/10/13 17:12
留言者：Hawaiian
 |
Eric兄:
當然唔係每個學生都聽美國佬的話,可能大部學生都唔知後台是誰.以一腔熱血去爭取民主,這個動機出發點是十分正确!但往往是被人利用而不知.
看看這兩日的發展便會露端倪,如果出現斷水斷糧,人群就會散去.每日咁大筆開支,係邊個出錢?如果有人話係熱心人仕捐獻的話,應去測驗下智商.你估呢筆錢唔係少野?
那幾個頭目,昨日我在另欄提過:佔中三子，黄之鋒，周永康，岑敖暉等人的前途係點?大概己知一二.無論今次的佔中事件如何收場.上述諸人均會離開香港.如他們留下,港府會將他們定罪入獄.他們會流放到美國,際遇和以前搞民運的人差不多,生活應不成問題.從此歸於沉寂,或從事學術,或從事商業,或者有人會寫回憶錄.回憶錄中會爆出不為人知的秘密交易.
可憐的是斑學生,對成世人的影響很大,加上陪葬的各行各業,真欲哭無淚. |
|
| Re: 答手機兄 ( No.28 ) |
日期：2014/10/13 22:22
留言者：尊前客
 |
(網主按：留言已被刪除，本網嚴禁粗口，請諒.) |
|
| Re: 答手機兄 ( No.29 ) |
日期：2014/10/14 01:54
留言者：路過
 |
有熱心人捐助是真的。
小弟無乜錢，對政治並不熱心參予，在佔領初期都捐了些微物資。 
如要再幫手，自當有錢出錢，無錢出力。 |
|
| Re: 答手機兄 ( No.30 ) |
日期：2014/10/14 05:26
留言者：Hawaiian
|
本人唔想拗頸,大凡政治與宗教的爭拗是永遠冇結果.就算對方唔出聲,並不是代表服了你,可能唔想無了無賴咁拗下去.講到講粗口,資深的網友都知道,本人從不掩飾自己是個老粗.如果鬥呢瓣,相信未必會處下風,或者對方根本唔係呢一皮.然則點解唔講呢?因為自己起碼懂得尊重下別人!就算出盡所有(黃霑曾研究過,廣府粗口是世上最多姿多彩,可稱世界冠軍),只有搞到烏煙瘴氣而於事無補.
自己對今次香港的事件,只是一個旁觀者.曾經講過係似一個寫馬佬咁樣分析一場賽事,講出自己的看法.當然有人中意聽,有人覺梗耳.不過你有你觀點,我有我睇法.
不否認有自願人仕捐贈.但能捐到多少?即使有商戶參與,對於每日消耗不少的物資是否杯水車薪呢?如無一個龐大的財資金來源,又點可頂到咁多日呢? 個人只是靠常識去推測.
要求和爭取民主,是天公地道的事,用乜手段呢?是值得商榷的.冇乜理由把犧牲別人的利益當作籌碼,為實現自己的理想.不知能否調得返轉頭呢?不如你犧牲你的利益來成全我.做一件明知不可為的事,而要大家一齊付出代價,就是不審時度勢枉作損失.這是指泛民陣營而言,下次選舉席位堪虞.
九十後的世侄問:如此是否擁共,贊成獨裁?非也!!我只受過共產黨的害處,並未受過其好處,點解要擁護佢?少年受其統治和教育,頂唔順偷渡到香港.打從六十年代起,就不斷留意關注大陸,當時明報有個丁望,是比較客觀分析報告.得閒來我家看看書架的資料.正因如此,對大陸政權有所認識,加上形勢比人強,用如此手段去抗爭,是否誤判還是身不由己呢?
下月奧巴馬去北京,佢有求於習近平的事多的是.所以不斷製造良好的氣氛,還要安排一個類似去年莊園會的形式會談.香港對於佢來講是小事一樁.有人否認今次美國有插手,人家個什麼民間基金都默認啦.忽然奇想,香港警方武力清場發生流血,你估奧巴馬會點呢?
|
|
| Re: 答手機兄 ( No.31 ) |
日期：2014/10/14 06:53
留言者：Tina
 |
Hawaiian先生：分析得好嘢 唔係擦鞋，我真是好中意看你的分析，非常中肯！！！ |
|
| Re: 答手機兄 ( No.32 ) |
日期：2014/10/14 17:58
留言者：尊前客
|
「一方面指控美國亡我之心不死，一方面把子孫送到美國定居」
有趣有趣~~
支持這個說法的，夠鐘食藥啦喂！
|
|
| Re: 答手機兄 ( No.33 ) |
日期：2014/10/15 11:30
留言者：Hawaiian
|
這是我前兩日答香港老友的電郵:
你傳來中國和香港高官的家屬子女歸化外國的名單,我早已看過.而且名單比你的多啦.這就是愛國愛港啦.如果你抽稱佢,佢又有另一番解釋.官字兩個口.不過我覺得今次泛民好失策,偷雞唔到蝕把米.不過係咁嘅嘞,香港邊有正式搞政治人材呀.
你睇下我估得啱唔啱呀.
今次搞咁多嘢,斑友仔一啲嘢都得唔到,反而輸得好慘.原因係唔識評估形勢同對手囉.
梁振英係杉木靈牌,邊冇力推翻人大決定,你打死佢都冇用,換一個上來可能重衰.
泛民下次選舉會輸得好慘,好多人落敗.其中以李卓人和梁家傑會輸.往日長毛,癲狗,大舊不時在立法會表演激烈的動作.十幾日了,你有冇見佢地出來表演下?佢地都知道稍有差池下次席位可能不保,任何政客都係利字當頭.精人出口,笨人出手,蠢人出頭.
立法會政改會通過,有泛民轉軑.以湯家華成數最高.
今次事件促成立廿三條的機會好大,估計事件平息之後就會提出.以前五十萬人上街反對,今次可能有大多數人贊成.尤其是受到損失的人.佔中三子，黄之鋒，周永康，岑敖暉等人的前途係點?大概己知一二.無論今次的佔中事件如何收場.上述諸人均會離開香港.如他 們留下,港府會將他們定罪入獄.他們會流放到美國,際遇和以前搞民運的人差不多,生活應不成問題.從此歸於沉寂,或從事學術,或從事商業,或者有人會寫回 憶錄.回憶錄中會爆出不為人知的秘密交易.在外日子久了,想回香港看看,但在機場被擋不得入境,原機遣回.
唔知這個預測中唔中呢?
睇過網上不少文章,正反都有.覺得好多人好自私,果啲都係有名望有銜頭的人,話支持佔中,叫受影響的人忍耐下犧牲少少.斑粉腸只係得把口,總唔見佢話捐份人工,或用份身家彌補嗰啲商戶嘅損失.如果係咁我會為佢鼓掌,否則真係阿坤買水-----乜得佢少.
|
|
| Re: 答手機兄 ( No.34 ) |
日期：2014/10/15 14:23
留言者：raymond
|
| Re: 答手機兄 ( No.35 ) |
日期：2014/10/15 15:25
留言者：老三
|
| Re: 答手機兄 ( No.36 ) |
日期：2014/10/15 17:19
留言者：raymond
|
|
答手機兄
