 Re: 詩詞歌賦聯謎區 ( No.2254 ) |
日期：2009/01/13 02:20
留言者：Hawaiian
 |
豆兄:
駙馬要多謝你先啱!你估做駙馬好過癮呀?一啲自由都冇,否則唔使要醉打金枝啦.你睇下,要借酒來壯膽先得.真窩囊!如今激死咗公主,回復自由身,過癮咯!唔做駙馬做賭王,那些影后名媛等住做五六七八房,重威過阿乜哥!哈哈哈………
阿朱姐:
可唔可以將”愉”改作”娛”呀?
 |
|
| Re: 詩詞歌賦聯謎區 ( No.2255 ) |
日期：2009/01/13 11:12
留言者：四姑娘
 |
左種松﹐右種梅﹐中總種足。
男呈龍，女呈鳳，龍鳳呈祥。
|
|
| Re: 詩詞歌賦聯謎區 ( No.2256 ) |
日期：2009/01/13 12:50
留言者：Hawaiian
 |
純屬搞搞震
左種松 右種梅 中總種竹
朝炒金 夕炒股 抽籌炒樓
|
|
| Re: 詩詞歌賦聯謎區 ( No.2257 ) |
日期：2009/01/13 19:29
留言者：Margaret KWAN
電郵：margaret0206@yahoo.com
網頁：http://hk.myblog.yahoo.com/margaret0206
 |
嘩! 你哋好勁呀! 想當年我哋成班哇鬼被人搞到無曬符, 皆因以為左中右是方向, 松竹梅是歲寒三友, 中總種竹是平上去入, 下聯也一定要包含這些元素, 所以事隔多年, 仍然無人搞得掂, 如果唔使理呢D元素, 咁就好玩了。.............「左種松 右種梅 中總種竹, 天為父 地為母 兄弟手足」.......哎吔! 自己都覺得好「夾硬」
Hawaiian:
咁係唔係我又衰咗, 被人超級無敵大整蠱, 牛精福星跟本無同靚蝦王比賽過呀? 唉!!!! 以後真係要多D跟你學吓嘢.............朝炒金 夕炒股 中午炒樓咯! 嘻! 人哋話我唱得最好嘅一首歌, 就係打金枝, 夠曬刁蠻任性, 因為做翻自己喎。
阿豆, 阿朱, 四姑娘:
好嘢! 佩服! 佩服!
|
|
| Re: 詩詞歌賦聯謎區 ( No.2258 ) |
日期：2009/01/15 11:49
留言者：Hawaiian
|
瑪嘉烈:
你跟任何人學嘢都得,絕對不能話跟Hawaiian.因為冇嘢值得你學,除非你想學牛精粗魯啦.你都係唱下刁蠻公主好啲,[題外話,你知唔知以前的楠道係今日邊條路?]唔通你想唱牛皋扯旨?Hawaiian是1哥,請注意是1,光棍一條,只能溫飽,那有多餘銀兩去炒金炒樓?這些事連夢中都未曾有過.廿多年前,有老友在股票得心應手.憐憫Hawaiian,佢話預你少少啦.省吃儉用一段日子,搭了上去,點知係肇慶荷包------陀衰人.一搭即跌,而屢試不爽.老友話不如你暫停一下先.Hawaiian心中唔忿氣,學足賣油郎要見花魁女一樣,一日儲三分,十日儲三錢,儲足一年咁耐,儲夠買一手的子彈,實行親自上陣.十四個幾買入,一買就應聲而跌,江河日下跌到二元七,死揸了四年多,毫無起色,心灰意冷放了算啦.點知不到半年,如火箭上升到四十幾,重生埋仔添,問你服未?從此絕蹟了十幾廿年.期中老友出資用Hawaiian名買入,因佢想隻股跌,結果萬試萬靈,重勁過鄭少秋!嗱,你係唔係想拋空匯豐呀?打本Hawaiian幫你買,包短期內你收到效益.
嗱!”透露”些少馬事你知啦,靚蝦王正式係在2003/2/22最後在馬場亮相,同馬迷告別.之前有一大段日子冇出賽,現在仍在屯門騎術學校,你得閒去探下佢啦.牛精福星係2002年份馬,第一次在港出賽日期係2003/1/19,張飛又點可以大戰金兀朮呢?除非佢改咗姓岳啦.
牛精佬過牛年 牛聲牛氣發牛脾氣 |
|
| Re: 詩詞歌賦聯謎區 ( No.2259 ) |
日期：2009/01/15 18:01
留言者：Margaret KWAN
電郵：margaret0206@yahoo.com
網頁：http://hk.myblog.yahoo.com/margaret0206
 |
好相信Hawaiian除了牛精粗魯外, 還有很多值得學習之處, 否則各位網友怎會異口同聲說Hawaiian見多識廣, 學富才高。以前的楠道係今日邊條路? 真係唔知; 牛皋扯旨? 係乜嘢嚟「架」? 點解肇慶荷包會陀衰人? 請恕Margaret低B白痴, 好似櫻桃小丸子咁, 問題天天都多。更多謝你"透露”了些少馬事我知, 在有時間的話, 一定會去屯門騎術學校, 探下靚蝦王, 希望佢唔會撻我落地。
講到當黑指數, 怕者我同你都不相伯仲, 事關由細到大, 抽獎從未中過, 但每當要抽生死籌, 縱然祇得十分一機會, 都中硬死籌。 所以絕不會投機, 朝炒金 夕炒股 中午炒樓.....講下笑啫! 我炒菜會炒黃,炒蛋會炒燶, 炒乜都死「架」。
「牛精佬過牛年 牛聲牛氣發牛脾氣。」各位網友, 大家齊齊度惦佢咯。 |
|
| Re: 詩詞歌賦聯謎區 ( No.2260 ) |
日期：2009/01/16 18:57
留言者：文武SO
|
牛精佬過牛年 牛聲牛氣發牛脾氣
馬評人論馬經 馬鼻馬毛輸馬汗毛
|
|
| Re: 詩詞歌賦聯謎區 ( No.2261 ) |
日期：2009/01/19 07:00
留言者：Hawaiian
|
瑪嘉烈:
近日比較清閒,點解呢?金融海嘯啦,唐人挨年近晚,西人剛過完節兩袋空空,又要年結交稅,故此手上工作不多,有時間同你吹下水.如你覺得言詞無味,當睇唔見算了.
Hawaiian勝在面皮夠厚,呢點你想學都得,又喜歡講嘢,所以常在立網噏三噏四,語無倫次.幸得立兄有容乃大,才有機會同你吹下水.
否則各位網友怎會異口同聲說Hawaiian見多識廣, 學富才高
呢句話應點解?
第一,唔知你有冇來過夏威夷?夏威夷群島全是海厎火山突上海面的一截,所以地質較硬,你叫Hawaiian如何打洞?龍生龍,鳳生鳳,耗子生來好打洞.今年雖係鼠年,但Hawaiian不屬鼠屬豬呀.!萬一打成洞,但下面係火山溶岩,鑽入去會變成燒豬,講此話的人可能覬覦Hawaiian的五十吋肥肚腩,想食燒腩,真係居心叵測.
第二,Hawaiian係花甲老翁,鄉下佬一個,多見森林少見人群,前者肯定見得多.識嘛?騎騎!!!....呢啲嘢唔好公開啩?唔三唔四唔等使啲嘢就多,上得枱一隻手的手指都用唔晒.Hawaiian朝思暮想都係想學人富貴發達,可惜有心無力,一郁就死直.才與財都肯定冇,只有”一捧除”,每晚收工回家,老妻必大叫快啲去沖涼先,成”捧除”
咁解釋你滿意嗎?
楠道---係今日邊條路?哈哈…你今年肯定年還未過三十咯,很年輕.否則唔會唔知,你又知唔知英國皇室有一成員與你同名?三十幾年前因佢訪港,就將楠道改了名.你試下想想,睇下想唔想到?
牛𦤎扯旨----係一首粵曲,四十幾年前由白燕仔關楚梅灌過唱片,白燕仔大喉是一絕,得閒搵來聽下,唔錯㗎!
肇慶荷包----陀衰人,係一句歇後語.大凡歇後語必有出處,有的是以訛傳訛,有的是積非成是.此句是何出處?真考起Hawaiian,推想係後面陀衰人三個字,可能係變了音,又可能係影射,又可能根本係另一意思借來用.總之係句貶詞,人話:你真係肇慶荷包時,就係鬧緊你.還有,當人問你個肇慶嘢呢?表示問你荷包在何處?千祈咪誤會係裹蒸糭呀.
暫時吹到呢度,否則要人出聲話:過主啦,阻住地球轉.咁就冇癮啦,做人要識DO好啲.
|
|
| Re: 詩詞歌賦聯謎區 ( No.2262 ) |
日期：2009/01/16 13:49
留言者：阿豆
 |
Hawaiian叔叔講嘢好精彩,點會有人出聲喊倒彩.
地球圓圓氹氹轉,往年事件今天說來又是一番趣味.
呆跟您補充一點點....
何 文 田 楠 道......大 哥 今 日 想 當 年(網上找來的)
所 謂 楠 道 ， 就 係 喺 1966 年 改 稱 為 公 主 道 ， 而 楠 呢 個 字 ， 係 木 字 邊 加 一 個 東 南 嘅 南 。 而 喺 1949 年 嘅 時 候 ， 呢 條 楠 道 係 好 短 ， 只 係 喺 何 文 田 山 下 ， 由 巴 富 街 起 至 到 窩 打 老 道 為 止 ， 全 長 唔 及 而 家 公 主 道 嘅 十 分 之 一 。 直 到 五 十 年 代 後 期 ， 政 府 將 楠 道 向 何 文 田 山 上 面 伸 延 。 1966 年 ， 英 國 瑪 嘉 烈 公 主 訪 港 ， 當 時 嘅 楠 道 正 好 計 劃 要 加 長 同 擴 濶 ， 政 府 於 是 將 楠 道 改 名 做 公 主 道 。
.......................................................................................
歇後語(網上找來的)
一個是「肇慶荷包」，另一個就是「市橋蠟燭」，兩者都是黑心貨也﹗
「肇慶荷包」歇後語
據說昔日肇慶生產的荷包，偷工減料，易爛易穿，連累用者跌錢漏財，因而有「陀衰人」之說。
「市橋蠟燭」歇後語
市橋，也是地方名，位於番禺，該處出產的蠟燭，專用掩眼法騙人，以謀暴利。蠟燭的燭芯，以幼細為佳，皆因粗芯者，會令蠟燭加速燒盡。市橋的蠟燭，將燭頭外露部分的芯，製得極幼，令顧客誤以為是上等貨色，但隱藏於下面的，卻是粗芯。蠟燭燒得快，顧客不知不覺間就用多了蠟燭，店家藉此就「貨如輪轉」。於是「市橋蠟燭」一詞，便引伸成譏人「假細心」之歇後語。
............................................................................................................
Hawaiian叔叔講開...屬鼠屬豬.
嗰句....就試試用鼠用豬"夾硬亂來"....
牛精佬過牛年 牛聲牛氣發牛脾氣。
鼠老哥咬鼠尾 鼠膽鼠目喻鼠短目。
豬義勝裝豬身 豬咀豬面假豬門面。
|
|
| Re: 詩詞歌賦聯謎區 ( No.2263 ) |
日期：2009/01/16 16:57
留言者：Hawaiian
|
| Re: 詩詞歌賦聯謎區 ( No.2264 ) |
日期：2009/01/17 21:16
留言者：Margaret KWAN
電郵：margaret0206@yahoo.com
網頁：http://hk.myblog.yahoo.com/margaret0206
 |
Hawaiian哥哥:
我不可以學一眾網友弟弟妹妹, 稱呼你做叔叔, 原來你我同屬一個生肖, 要是在古時, 下個月我都可以做大壽了, 因為到時Margaret已是半百老婦; 祇是半世紀以來, 都唔多帶腦出街, 凡事十下十下, 得過且過, 大顛大癈, 斷估無辛苦, 每日在office「魂夢繞山河」; 個腦了歌詞外, 就乜都唔記, 故此絕不借錢給人, 皆因衰硬。成日俾Dfriend話生理年齡同心理年齡成反比, 也好, 起碼同班廿來歲嘅小朋友, 玩得埋堆, 同班三十來歲嘅年輕人, 無乜代溝; 所以個「猫」樣仲見得下人, 唔信嘅入我個網址度睇下; 以後我們這對豬兄豬妹keep contact吧!請代向嫂嫂問好。
牛精佬過牛年 牛聲牛氣發牛脾氣
麥當奴買麥包 麥太麥兜要麥樂鷄
阿豆弟弟:
多謝你嘅資料, 你唔會年齡歧視, 嫌我老, 唔睬我嘅呵! |
|
| Re: 詩詞歌賦聯謎區 ( No.2265 ) |
日期：2009/01/19 00:17
留言者：Margaret KWAN
電郵：margaret0206@yahoo.com
網頁：http://hk.myblog.yahoo.com/margaret0206
 |
市橋臘燭出屎橋
揚州炒飯辭揚州
各位網友弟弟妹妹:
請教各位, 上面趣緻可愛的表情圖案, 如何加入內文? 文字大小及顏色, 如何調較? 謝謝! |
|
| Re: 詩詞歌賦聯謎區 ( No.2266 ) |
日期：2009/01/19 08:38
留言者：Hawaiian
|
瑪嘉烈
你咁稱呼,Hawaiian當堂輕左幾磅,也後生咗幾年從來冇靚女咁稱呼Hawaiian,佢地眼尾都描下,有之係眼掘掘,自問唔係生成一付鹹濕相,個樣牛精啲啫,咁都有罪?真係唔明啲女人心理,又怕見男人用的鹹濕眼光,鹹濕的微笑,又私下埋怨:個衰鬼睇都唔睇下我呀!有時聽見真想問:阿姐呀,你到厎想點呀?
你係一個誠實勇敢的女性!肯把自已的年紀公開透露出來,這份勇氣真不少!眾所周知,年齡係女人的秘密,提都不准提,問更不准問.呢種情況見得多,有的女人要她暴露年齡,比另一種暴露----剝光豬還要她的命.人的年紀是隨歲月而增長,但也有的年紀越來越細,講個例子你知:
當年Hawaiian由大陸來到香港,雖是鄉下仔一個,勝在後生,倒也俊俏.入了一間工廠做過雜工月餘,結識了一斑在工廠工作的朋友.以後經常一起去玩,當時有一少女工廠妹,[後來成了老友的妻子,是嫂夫人]還未名草[談不上係花,佢根本與個靚字無緣]有主,一次對Hawaiian話:最衰我大你三年啦………Hawaiian屬豬佢屬猴,千祈唔好呀!否則隻馬騮精”恰”死個豬八戒!後來佢婚後一次聚會,佢笑Hawaiian:還未請飲呀?你同我同年喎,快三十喇!這是第一次逼近.數年前返港共飯,談及退休,佢話:你咁快想退休咯,夠年齡未?係噃!你大我兩年喎…..
Hawaiian賭了大半生馬,那匹馬的後勁如何勵害就知,但估不到自己的年齡一樣後勁凌勵,可以過人頭,哈哈哈……….
所以勇敢的女人,Hawaiian向你致敬!
 |
|
| Re: 詩詞歌賦聯謎區 ( No.2267 ) |
日期：2009/01/20 00:23
留言者：阿豆
|
閣下的留言未能登出，原因可能與誤認廣告連結有關，請刪除連結再試，如再不成央A本網會代為登出；但板主仍保留最後的決定權，不便之處，敬請原諒。
 |
|
| Re: 詩詞歌賦聯謎區 ( No.2268 ) |
日期：2009/01/20 04:02
留言者：阿豆
 |
貓骨姐姐,您好,
見您上文,又喜又驚,
喜則..........您與 Hawaiian叔叔稱兄道妹,
又叫呆做弟弟,呆頓然有感輩份突然高起來,
有如郭靖遇上老頑童周伯通,拜過把子稱兄弟.
腦海浮現著他日華山之巔....哈! 哈! 哈! 哈哈哈哈哈!
其實呆最喜歡人家叫呆"阿豆"什麼兄前弟後,姊左妹右.
這表示大家都唔熟,說話也小心翼翼,未能暢所欲言.
驚則..........乜您咁睇人嘅?
几老爺曾說過從他人留文,"看出其思維方式".
從他人所寫的可看出其個人性格,呆相信無七成都會有六分.
乜您歧視呆有歧視您啲乜嘢而至到唔睬您咩?
從那些跡象使您有此感覺呢吓?
網上交流言笑,閒談吹水,有人回應,無論係附和又或是笑駡您,
都會覺得開心的.總好過全無回應咁無引.
當然可能係您講啲嘢唔啱聽,又或是人家唔"黎騎"您,咁就無計.
鬼叫您功力唔夠,寫啲嘢無料到咩.呆所講的"您"是呆自己,請莫誤會呀.
貓骨姐姐一出文就知您寫慣文章,重有個"扑"添,
唔似呆要諗過度過,慢慢堆砌地續個續個字打出來咁"良丙".
網上交談,對方雌雄莫辨,年齡就更加難言了.
同後生靚女"嗲"上兩句,固然是賞心樂事.但最緊要都係要啱"嗲"得架.
"樣仲見得下人"...想貓骨姐姐當然係靚女一名,
卻唔見您有講過同啲"唔咪幾見得下人"而過了半百的可以有偈傾噃?
您會唔會唔睬我?................呵!
以上所言半帶認真半帶講笑,若有唔啱聽,就當時運高睇唔到,請諒!
 |
|
|
詩詞歌賦聯謎區
