Re: 真的談天說地 ( No.4 ) |
日期:2012/06/08 22:21 留言者:蕃薯
|
Re: 真的談天說地 ( No.5 ) |
日期:2012/06/09 00:20 留言者:SAN
|
可惜以前一塊吹水的安答見少了 |
|
Re: 真的談天說地 ( No.6 ) |
日期:2012/06/09 00:23 留言者:糖 煮
電郵:ceipui@gmail.com
網頁:http://ceipui.perreng.com/
|
I know... |
|
Re: 真的談天說地 ( No.7 ) |
日期:2012/06/09 09:30 留言者:Hawaiian
|
照例講句,開張宏發,客似雲來. 不過話晒都係阿立兄的地方,一定要守規矩.難得佢任你點旺場,都唔會收管理費maintenance和percentage.(一笑). 其實開得聲懷舊的”小妹妹們”(仿簡而清口吻)和兄弟,應該有咁上下的經歷啦.唔通係:為老不尊,重做老千,教壞兒孫咩. 講起老千,想起麻雀學校(唔係叫麻雀館)牆上寫住好多規矩,其中一條係:”專打老正(或係老一)”,記唔清了,意思唔係注碼打幾大,係發覺出千,立打不饒. “正”是指老千的”正將”,專在賭術上出千.老千分上下各八將,上八將是:”正,提,反,X,風,火,謠,X.”Hawaiian唔認老都唔得,有兩個唔記得了,望補充.天仙局屬下八將,”正將”排在首位. 以前有本雜誌周刊叫”新知”,有個金名公專講老千知識,一切名詞如:大爺,來手,貼手,十口…..等等,各種出千手法,應有盡有.是Hawaiian必追的欄目.”新知”又期期爆料,香港毒品四大家族,”跛豪”是其一,當時佢在行內叱吒風雲,還未被拉,另一家的後人今日被朝廷封了官,真係XXXX金腰帶.又爆警界貪污內幕,如警長點解伏屍在水塘……十分精采.所爆料的後來證實是真的,香港現在還有冇咁雜誌呢? 講到麻雀學校,不能不提”雞記”,兩個仔係騎師,”大雞”係林國樑,”細雞”係林國強.雞系人馬曾叱吒風雲馬圈一時.老雞記有一絕技,用兩把生果刀夾住一個梨,往上一拋,雙刀飛快上下翻轉,把個梨批好.佢曾在麗的映聲(黑白有線時代)表演過.
|
|
Re: 真的談天說地 ( No.8 ) |
日期:2012/06/09 10:31 留言者:kc
|
千門有八將,係八種角色扮演,分工合作成為老千社團成員。 千門八將,角色分為「正、提、反、脫、風、火、除、謠」。意思包括: 正將:老千行動主角,比如小白臉用技術出面行騙、出古惑、假感情。口才、攻心術咁。 提將:騙局集團入面嘅軍師。策劃佈局,安排架生,佈下「天仙局」 反將:埋身做傍友,針對目標愛好引佢入局。用女用賭投某所好,又用間諜、留意正將周圍人。 脫將:協助自己友脫身。事成人間蒸發,失敗就散水。 風將:專做收風,睇水,即係「天文台」。 火將:出手打人。當老千失敗,又談判講唔通,就負責打人。 除將:談判。有事就負責講數,或者扮和事老。 謠將:做謠生事。造謠千人。 請繼續! |
|
Re: 真的談天說地 ( No.9 ) |
日期:2012/06/10 08:50 留言者:四姑娘
|
我都時不時答下口,好奇怪竟然有個自命電網奇才人話我好答口,非親非善 |
|
Re: 真的談天說地 ( No.10 ) |
日期:2012/06/10 11:52 留言者:Hawaiian
|
正所謂十個先生九本經,各有各說法.就算同一個師父教出來,也因不同的領悟而分出不同流派.記憶所及,金名公所講的千門上八將係咁樣: 分成八將,係八個種類,唔係角色的稱呼. 正將-----專在賭術出千. 提將----專起尾注. 反將-----是扮豬食老虎,千上千. 脫將----是金蟬退殼. 風將---是興風作浪以假換真. 火將---是靠放火騙保險. 謠將----是造謠. 除將----唔記得係邊瓣??? 角色的名稱只記得幾個,被騙的人叫”大爺”,引大爺入局的叫”來手”,入局後圍住大爺的叫”貼手”,扮風流寡婦或古井的叫”十口”,分兩種,陪大爺上床的叫”濕身十口”,就係記得咁多,希望能補充. 多年來都希望能見到金名公所寫的(大約有幾年,每星期一篇)有輯成書出版,可惜冇. |
|
Re: 真的談天說地 ( No.11 ) |
日期:2012/06/10 12:44 留言者:Kc
|
以前老千,有規有矩! 原來被千有人事可講數,回番幾成!唔會趕盡殺絕!亦算盜亦有道! 近事如雷曼回水八九成,居然有人要連息收埋至合理!真係歎為觀止! |
|
Re: 真的談天說地 ( No.12 ) |
日期:2012/06/10 21:38 留言者:秋田
|
黃SIR開版我一定開架艇仔嚟撐 |
|
Re: 真的談天說地 ( No.13 ) |
日期:2012/06/10 23:37 留言者:Kc
|
有秋田姐撐!一定不愁寂寞啦! 呢度人氣咁旺,大把人同kc吹水啦! |
|
Re: 真的談天說地 ( No.14 ) |
日期:2012/06/11 13:55 留言者:麥友成
|
5一定吹水既......吹風、吹牛......吹乜都得格! |
|
Re: 真的談天說地 ( No.15 ) |
日期:2012/06/12 01:36 留言者:四姑娘
|
Re: 真的談天說地 ( No.16 ) |
日期:2012/06/15 00:49 留言者:Kc
|
Re: 真的談天說地 ( No.17 ) |
日期:2012/06/12 12:02 留言者:Hawaiian
|
在網上看到一張李旺陽上吊的側面相片,只見他靠近窗邊,頸上綁住一條白布,眼望窗外.他後倚着一個悲傷痛哭的女人,可能是他的妹妹.Hawaiian不想評論這件事,相信各人心中己有答案. 由吊頸這件事,勾起一些往事.少年時候是見過兩個人上吊死的,兩個都是比自己高兩三級的小學同學,鄉下學生年齡是參差不齊的,同斑最大一個可能比最小一個大五六年.兩個不是同時自殺,相隔有一段時間,死時都是在十八九歲.男的因為令稍略為智障的姑姐懷孕而上吊.女的因為家庭成份是黑五類,本來和一個青梅竹馬的男仔定了婚,後男方為加入青年團而悔婚,女的羞憤而死.兩人的死相都是一樣的,雙手下垂,瞪開眼,口張開吐出舌頭,瀨出一褲屎尿.據長輩解釋,當死者投環,雙腳把下墊物踢開懸空,兩隻手低過肩膊時就死實了.其時張口抖氣,舌頭就被繩索勒了出來.到氣絕身亡時,全身神經鬆晒,屎尿就流出來. 有一傳說,當人遇到意外,遇溺,從高處墜下或其他…..命懸一線時,最親的人最好不要相見,否則凶多吉少.是耶?非耶?Hawaiian不知,只是聽說.不過有一事說來也奇怪: 少時在鄉下上學,學校不遠是一間間用禾稈草搭成的民居.一日正在上課,外邊突然大叫救火,全校的人馬上拿水桶,盆….可以盛水的都出動了.由於是杯水車薪,只有眼睜睜看着兩三間禾稈屋燒為灰燼.人們發現在廚房位置有一小童坐在地上,己被燒成焦炭,面目難認.正當議論紛紛,在猜測是否該童玩火而產生火災時,一個女人從工作處趕回來,呼天搶地大呼男童名字.這時原先毫無動靜的男童屍,突然由頭部流出鮮血,淌了一大片,人們說認到親人了.
|
|
Re: 真的談天說地 ( No.18 ) |
日期:2012/06/12 20:00 留言者:wan
網頁:http://wan1003wan@yahoo.com.hk
|
|