美食天地 - 食譜回應/求食譜區

美食天地 - 食譜回應/求食譜區

日期：2010/12/27 22:04
留言者：食家

這處是用來作回應阿立曲友美食天地 - 食譜區﹐請不要在此留下食譜。

(表情37)

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] < 回上一頁

Re: 阿立曲友美食天地 - 食譜回應區 ( No.61 )
日期：2006/01/14 02:04
留言者：思菩
網頁：http://www.perreng.com

唔好怨天囉﹐誰叫你有櫈坐時又唔去坐﹐人家唔要你喇﹐你就恨有張櫈坐。曾幾何時﹐我地位 JoeJoe 未做下罔人/Ex-Chairman 前﹐在呢處某一花園是位大紅人﹐是我們的永遠好朋友JOEJOE 來架﹗點知﹐都唔知發生了什麼事﹐他做了秋後扇﹐去騷人人家都不理他﹐唯有冇癮的絕蹟"中原"啦﹗喇﹐Ex-Chairman 呀﹐我最怕見人喊o架﹐你未呀﹗ (表情29) (表情28)

昨晚蒸粉絲蛋﹐應將個蝶放入蒸蘢後才加水的﹐我就... 放入去時很多水走了﹐我想有些蛋都走了﹐但那時水及蛋未混合的。我又再加水﹐蒸完後變了又蛋又水﹐都算成功的﹐因為成到蒸蛋的都好滑下。不過﹐唔記得問你們點樣去調味才有味道呀﹗ (表情24)

Re: 阿立曲友美食天地 - 食譜回應區 ( No.62 )
日期：2006/01/14 02:41
留言者：Ex-chairman

人蒸蛋，你蒸蛋。出動到蒸籠咁大陣仗，仲水還水，蛋還蛋。倒瀉籮蟹咁，真係服左你囉!

調味下哇? 好簡單遮.....企狗肝漿二錢，象拔八爪魚骨末一錢，蝙蝠頭烤乾研粉三錢，以蠍子酒半茶匙調和，淋上蛋面趁熱享用。 (表情23)

Re: 阿立曲友美食天地 - 食譜回應區 ( No.63 )
日期：2006/01/14 07:53
留言者：qq

恩薇,

夏威夷果仁咖啡蛋糕, 嘩！材料好吸引。 (好!)
夏威夷果仁咖啡蒸蛋糕, 不用焗嗎？
1/2 杯自發粉, 英文是？？ (沉思)

好多謝hawaiian, 兒歌给炒粉絲的意見。 (表情14)
好多謝Ex-櫈長, 介绍韓國粉絲。
你說: 韓國粉絲話唔埋係學我地中國既 "粉條"。咁！即是甚麽物料呢？
中國龍口粉絲, 是用綠豆製成, 綠豆對健康很好呀！http://www.hyfsdb.com/showprd.asp?id=4

恩薇, 呆還想知道, 螞蟻上樹全程的做法架, 你做完白老鼠, 話呆聽呀！... (表情16) (表情14)

Re: 阿立曲友美食天地 - 食譜回應區 ( No.64 )
日期：2006/01/14 07:21
留言者：恩薇

qq,

自發粉 = self-rising flour

(表情34)

Re: 阿立曲友美食天地 - 食譜回應區 ( No.65 )
日期：2006/01/14 13:33
留言者：Ex-chairman

***QQ問：你說: 韓國粉絲話唔埋係學我地中國既 "粉條"。咁！即是甚麽物料呢？***

粉條通常分為土豆粉和地瓜粉2種，現在市面上大多是地瓜粉。 (土豆 = 薯仔，地瓜 = 番薯)

熏過硫磺的粉條白一些，沒熏過的粉條顏色暗淡。非法作坊製作粉條的方式無非是：摻明礬、加色素、熏硫磺。其實，我國早已明令禁止在食品加工中使用硫磺等工業用的化學品，因為它不僅對人的上呼吸道具有很強的刺激作用，硫磺裏含有的鉛、砷等重金屬，也會對人的肝臟、腎臟造成嚴重破壞。因此，買粉條，不要挑純白色的。

Re: 阿立曲友美食天地 - 食譜回應區 ( No.66 )
日期：2006/01/14 14:34
留言者：金吉

想請教各位,
用煤氣爐煮煲仔飯，有甚麼竅門？
田雞煲仔飯點整？約二人份量． (表情11)

Re: 阿立曲友美食天地 - 食譜回應區 ( No.67 )
日期：2006/01/14 15:42
留言者：茶煲

煮湯圓用豆將底真係夠哂有創意, 又好味, 又健康, 多謝安哥仔. (好!) Ex-Chairman 呀, 呆好鍾意個茶煲, 仲係 my favorite color 添, 正呀 (大笑) 你呢個 "過氣主席", 而家係 "權威煮食". 食譜都圚文並茂, 精彩絕侖. (拍掌) 呆曾被化學粉絲困擾, 聽你講解後, 可買得放心了. 你真係好鬼叻呀, 封你做偶像.

Re: 阿立曲友美食天地 - 食譜回應區 ( No.68 )
日期：2006/01/14 16:30
留言者：q頭

Ex-chairman,

韓國粉條通常用土豆粉和地瓜粉. (土豆 = 薯仔，地瓜 = 番薯)
似乎两樣都好高殿粉質喎。我另可選用, 绿豆做的龍口粉絲。 (表情33)

台灣的牛肉湯细粉，但沒有轉國那種粉絲粗。
外貌和口感, 都很似龍口粉絲。請問是用那種呢？ (歡笑)

Re: 阿立曲友美食天地 - 食譜回應區 ( No.69 )
日期：2006/01/14 17:38
留言者：恩薇

茶煲既偶像也是我的偶像, 我吾敢買粉絲好耐啦, 因為害怕鉛、砷等成份過高,不過現在識買了,放心D囉. Ex-Chairman, 好極了,
(表情34) QQ, 呆今日煮粉絲,無問題. (好!) (好!)
No: 63,yes, 係蒸蛋糕. (表情35)

Re: 阿立曲友美食天地 - 食譜回應區 ( No.70 )
日期：2006/01/15 20:28
留言者：Ex-chairman

QQ: 台灣本土以牛肉麵為正統，早期的西門町小檔，風味絕佳。而今到處都是牛肉麵大王了。
至於牛肉湯粉，本土並不流行，反而在台灣以外地方『變了種』，用河粉、廣東米粉、桂林米粉、甚至粉絲都有。
如果你喜歡吃麵條，不妨參考《台北牛肉麵節》所介紹的【牛肉麵 DIY】

金吉：香港人十九都住多層大廈，擁有大陽台的並不多。所以用炭爐燒煲仔飯不大適宜。其實用液化氣反而更易控制爐火，減少鍋巴(飯焦)。
煲仔飯一定要用瓦煲，食店用鋼煲是為了減低損耗。不管什麼配料，都必須先行調味醃好(臘味除外)。你想用田雞，就以豉油、薑、酒、豆粉、麻油、糖來對付。我個人喜歡田雞連皮；但必須注意去除內臟後再徹底檢視，因為田雞往往有肉眼看得見的寄生蟲。田雞易熟，起飯眼後放入配料，極慢火燒五分鐘，收火後再焗五分鐘即可。其他配菜如北菰荵段等看個人喜愛。 (我自己的"招積"煲法：飯收水後把煲翻轉，直接燒煲蓋八分鐘，再翻回原來狀態，放入配料收火焗十多分鐘。)

Re: 阿立曲友美食天地 - 食譜回應區 ( No.71 )
日期：2006/01/15 00:22
留言者：發達　

JOEJOE,

我净係食过用粘米粉整的萝蔔糕，未食过用糯米粉造的呀！ (表情31)

Re: 阿立曲友美食天地 - 食譜回應區 ( No.72 )
日期：2006/01/15 00:48
留言者：Ex-chairman

呵呵..... 多謝發達指正。(幸好早說明是抄回來的東西，未親手做過。但未細加校對，也是我的疏忽。) (表情11)

如果真的用糯米，黏黏的，變成廣東中山的特有點心 ---- 白田。 (用蕉葉裹起來，又變成 "葉仔")..... 哈哈......

發達，近來少見你談論曲藝啊! (表情33)

Re: 阿立曲友美食天地 - 食譜回應區 ( No.73 )
日期：2006/01/15 00:57
留言者：V仔

Ex-Chairman,

睇完兩篇幅, 好驚呀, 因為我個寶貝都係同我一樣呀!
係時候要減少d應酬, 同埋唔好咁饒咀至得. (表情25)

Re: 阿立曲友美食天地 - 食譜回應區 ( No.74 )
日期：2006/01/15 01:34
留言者：租小小

V仔：
呆日日食唔加糖o既麥片做早餐，一星期兩餐水煮番薯連皮吃當午餐，
晚餐只吃水煮青菜不吃紅肉，衣家都keep 得幾fit，水平線以下矛難o架！你參考o下，加油啦！ (表情35)

Re: 阿立曲友美食天地 - 食譜回應區 ( No.75 )
日期：2006/01/15 01:52
留言者：V仔

租少少,
咁食法...真係冇晒人生樂趣呀! (大喊)
美食當前...會流口水o架, 又唔食得! 諗吓...以後仲有排捱, 真係難過! (憂愁)

Page: [1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] < 回上一頁

- 阿立粵曲天地 -

聲明

阿立粵曲天地(以下稱本網)所有留言區是以即時上載留言的方式運作，本網對所有留言的真實性、完整性及立場，不負任何法律責任。而一切留言之言論只代表留言者個人意見，並非本網之立場，讀者不應信賴內容，並應自行判斷內容之真實性，讀者若因信賴留言而招致任何損失，本網概不負責。由於所有留言區受到「即時上載留言」運作方式所規限，故不能完全監察所有留言，若讀者發現有留言出現問題或涉及任何侵權行為，請聯絡本網。本網有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，亦不可上載任何侵權文章，照片，曲詞，錄音及影片，敬請自律。