 Re: 撐起雨傘 ( No.148 ) |
日期：2014/10/28 23:07
留言者：云
 |
(轉自臉書)
TVB 【2014-10-26 講清講楚 沈旭暉】
https://www.youtube.com/watch?v=3qZwPP_vWbk&feature=youtu.be
水滴石穿，移風易俗。 |
|
| Re: 撐起雨傘 ( No.149 ) |
日期：2014/10/29 00:24
留言者：云
|
| Re: 撐起雨傘 ( No.150 ) |
日期：2014/10/29 02:58
留言者：老三
 |
人蠢无药医…… |
|
| Re: 撐起雨傘 ( No.151 ) |
日期：2014/10/29 06:36
留言者：傻丫头
 |
人蠢更系无药医喇，如果你发明呢的药、你重掂过马云啦！知无！  |
|
| Re: 撐起雨傘 ( No.152 ) |
日期：2014/10/29 10:26
留言者：unclechin個老師
 |
戴耀廷：曾經崩潰自閉
【蘋果訊】去年1月拋出「佔領中環」公民抗命概念的和平佔中發起人戴耀廷，見證着佔中由構思到落實。回顧這一個月，戴耀廷形容自己每日都有如坐過山車，起跌不定，情緒一度衝進黑暗角落。擅於寫文、思考的戴耀廷透露，在佔領期間一度疑似患上自閉症，思緒紊亂，不想見人，也不願談話。
戴耀廷以「起起伏伏」形容自己當下的心情。運動每一次碰到黑暗與絕望，不遠處卻遇見光明與感動，情緒波動避免不了：「成個過程，好似過山車，每一日都係過緊一種今日唔知聽日事嘅感覺，同我與過去咁多年生活好不同，尤其我呢啲離地中產」。
9.28下午，警方封鎖由海富中心通往政府總部的天橋，意圖孤立佔領人士，大批市民按捺不住，衝出馬路，人海崩堤，戴耀廷與另一位佔中發起人陳健民走到干諾道中、夏愨道，望着那個「走嚟幫拖」的人海，戴耀廷目瞪口呆：「嗰刻令我記得《聖經》記載啲人出紅海嗰一下，過往冇人會殺出馬路，但係嗰下有少少出紅海嘅感覺，冇諗過咁多人。」
撤退與否由佔領者決定
那晚人太多，警方無法清場，戴耀廷與數以千計的市民仰望夜空，睡在金鐘，天色一亮，他與陳日君樞機走到席地而睡的市民跟前，戴耀廷崩潰至由陳日君摟抱着：「嗰一幕唔係傷心……我行過望到市民、學生，佢哋好堅毅地守咗一晚，每一個人都好美麗。」令他感動的還有很多藝術創作、市民甘願在街頭露宿的畫面：「希望再有一個更感動嘅位，就係好多人會一齊去自首。」
10月初，政府擱置與學生對話，戴的情緒直插谷底：「對話終止咗嗰時，我自閉咗幾日，我匿埋自己喺個camp入面，唔想出嚟，諗唔通，嗰時我個人有少少自閉，嗰幾日唔想見人，唔想傾偈，坐喺度又想寫嘢又寫唔出，有少少腦閉塞。」可幸是戴耀廷在訪問中仍懂說笑，本要以柺杖輔助而行的他，更可應攝影師要求坐在地上，多得治療師親自來到金鐘替他療傷。
戴耀廷承認，過去一個月，佔中與學聯、學民在佔領運動上有齟齬，但這屬正常不過。他一邊會欣賞學生肯聽意見，也不時着自己想法不要太守舊：「一個20幾歲同50幾嘅人，想法一樣先會奇怪。」他指，政府、中央內部同樣有爭拗，但他相信，政府不會血腥清場，因為屆時要收拾的爛攤子，較以低度武力清場更大。
戴相信佔領運動不會無了期，而由佔中變成雨傘運動，佔中角色減弱中，如今運動變成由學生帶動、市民自發的一場民主運動，但他希望能共同進退。如何撤、何時撤。戴稱已不再是學聯、學民以及佔中三子的決定，還要視乎民間團體、泛民政黨以及佔領市民的意向。
|
|
| Re: 撐起雨傘 ( No.153 ) |
日期：2014/10/29 11:43
留言者：raymond
|
倒不如組織一群愛國人仕出來, 以其人之道, 同樣地用瞓街方式來反佔中, 待他們一嘗餐風露宿的滋味, 睇吓有無人睬你?  |
|
| Re: 撐起雨傘 ( No.154 ) |
日期：2014/10/29 13:33
留言者：老三
|
’爱国人仕反佔中’，即是佔中人仕不爱国？非也……。 |
|
| Re: 撐起雨傘 ( No.155 ) |
日期：2014/10/29 13:54
留言者：peter
|
| Re: 撐起雨傘 ( No.156 ) |
日期：2014/10/29 14:58
留言者：unclechin個老師
|
作者: 朱米高
傳媒人，基督徒，曼聯迷，識少少音樂
作者按：討論由最基本開始，。以下是我在facebook發表的意見的整合。
我聽過的謬論大全（合訂本）
1）「你們爭取民主是好。但可否不要用這些自私的方法？」
那些「不自私」的方法，人家已用了三十年，你真的不知道？過去三十年你是否住在香港？
如果你覺得民主是好東西，為何過去三十年不見你出聲？
如果你根本不覺得民主是東西，為何你要扮苦口婆心教人家做事？
2）「無論如何，是示威者阻街在先。」
如果你也懂得什麼叫做「在先」的話，為何只由學生佔領開始計起？為何不由政改開始計起？為何又不由2010年的政改開始計起？不由基本法起草開始計起？不由聯合聲明開始計起？
明顯地，你眼中的所謂「在先」，是由直接影響閣下那一刻開始計算。
3）「爭什麼民主自由？」
首先，你能表達你以上的意見，不是因為科技，是因為有自由；而只有制度可以保障我們的自由，所以要爭取民主政制。如果你想體會民主自由並非必然的事實，很簡單，試試copy我這段留言上微博，記得註明「佔領中環」支持者意見。
4）「我簽了保普選反佔中的簽名，因為我討厭暴力。」
你簽了什麼與我無干。不過既然你這樣討厭佔中，又害怕暴力，你有沒有到旺角看看？十月一日，我在現場看見有大學講師教書，有家長跟小朋友玩art jam，與之後幾天黑社會和暴民橫行相比，你認為，哪一天比較適合帶小朋友走一轉？
而絕望真相是：有份擺攤位叫你簽名的人，是包括那幾天打人非禮的那些「愛字頭」；而跟你一起簽名的，有梁振英。
5）「你們佔領的被襲擊後質問警方為何沒有執法，但你們自己又違法，怎說得通？」
「佔中」不是純粹的阻路開題，否則由食環暑發出告票已解決。「佔中」是政治問題，政治問題就要用政治途徑解決，例如政府可透過各種方法達到示威者的訴求，使出討價還價的技巧，但無可能一步不讓。況且佔領人士如果被合理手法清場是不會有這麼大的反彈的。
至於非禮、打爆人的頭，還有瘋狂的粗口指罵其實是刑事罪，難道他們夠膽說自己是透過非禮以達到政治目的？以法達義跟以暴力恐嚇是完係兩碼子的事。
6）「佔中背後有黎智英和美國佬攪事。」
嚴格來說，這不算謬論，是陰謀論。.
難以一口咬定這些假設的真偽。但假如肥佬黎和美國佬有其政治目的，我們每一位公民同樣可以有！我們的訴求很清楚，就是爭取一個民主的制度，公平的社會。難道肥佬黎吃飯，而我為了跟他劃清界線我便要吃屎嗎？
作出勸告的人雖然用口良苦，不過請你到佔領現場觀察，香港年青人真是「質變」 （不同變質），也許他們這些年被各論政網台網頁洗禮，人人有完整的政治論述，假如黃之鋒是當中outstanding的一個，你要明白，其實整體年青人的standard已提高很多，並非單靠想像就能知道的。
所以，如果你覺得他們是一群一聽見民主口號就行屍走肉地走出來響應的小朋友，未免太睇低他們。
做人第一件事是做自己認為對嘅事，而並非做一件無機會被人利用的事，後者已非人性本意。看到有人受傷就要衝過去拯救，而並非先站著猜想那是否電視台偷拍節目。
再重申，論到陰謀論，如果肥佬黎跟美國佬有可能攪事，那麼提出這種勸告的亦可能是五毛，這樣說會否公平一些？ |
|
| Re: 撐起雨傘 ( No.157 ) |
日期：2014/10/30 10:03
留言者：unclechin個老師
|
作者 : 彩熊
不想做灰熊，只好做彩熊。
我有一個思想比較保皇既朋友，近年間任何社會問題、衝突，由國民教育、碼頭工運、香港電視、東北發展，到政改咨詢，佢都係全撐政府，認為政府想點，市民都唔應該嘈。好理所當然，近日既佔領行動，佢都係徹底反對，認為示威者太激進，影響香港運作。本質上我唔會話佔領對香港完全冇影響，盲目到覺得個個都支持佔領，不過既然唔佔都佔左，示威者唔肯走、政府又唔考慮其他普選方案，除非六四重演，否則呢場佔領都只會就咁擺住起度，直至大家冇癮散水完場。朋友埋怨佔領者令社會撕烈得好嚴重，我不能認同，因為示威者企硬既同時，政府都冇打算比大家有彎轉，而且社會撕裂，都唔係一朝一夕既事。每次同佢討論政事，都要鼓起好多勇氣兼準備無限EQ，因為佢既理據永遠都係咁令人驚訝，原來呢個香港真係會有人咁諗野
國民教育
甲：「都唔明學民思潮班人反咩國教，日反夜反，搞到家嘈屋閉！」
我：「佢地反既野，咪係Facebook、傳單度講哂囉。」
甲：「唔滿意就反，咁我有野唔滿意係咪又可以出黎反？」
我：「理論上係可以既，實際上當然都可以。」
甲：「咁咪唔岩囉，政府推得一項政策，自然有佢既原因，班學生點解唔為政府著想下？」
我：「因為班學生見到個政策有問題囉。」
甲：「未推，又點知有問題？就算有，都可以推左再慢慢改架嘛。你地成日話國教洗腦，如果真係咁易洗腦，又唔見我讀左咁多年書會變天才？不過算啦，我個仔都讀完書，開唔開呢科，洗唔洗腦都唔關我事。」
碼頭工運
甲：「啲工人不嬲都係人工低、福利差架啦，比咁多人工佢地，個老細仲邊有錢賺？點解班工人唔為老細著想下？」
我：「不嬲係咁，唔代表啲野係岩既。」
甲：「做個碼頭工人想有幾高人工？高到可以買樓去旅行歎世界？咪玩啦！仲有呀，番工係用黎比佢地去厠所架咩？洗唔洗一日番十二個鐘，比佢地去八個鐘厠所呀？」
我：「佢地只係爭取多少少人工同埋休息時間，絕對唔係你所講，爭取人工高到可以買樓，日日番工等放工，唔通你認為佢地依家既待遇好好？」
甲：「香港地不嬲就係要壓榨工人先至有今日既繁榮，佢地依家要求高薪厚待，係咪想破壞香港繁榮先？我係老細既話，就索性炒哂佢地，請大陸人，至少佢地聽教聽話，人工又低！」
香港電視
甲：「政府咪話左囉，王維基個台唔符合資格，咪唔發牌囉，咁都要鬧！」
我：「咁你覺得獲發牌果兩個又好有資格？」
甲：「我唔知，但政府話王維基個台唔符合資格，我信！依家呢個年代根本已經冇人睇電視啦，都唔明大家點解要為一個電視台日嘈夜嘈！唔睇TVB既劇，咪睇韓劇囉，點解一定要咁狹窄，將啲目光放係香港呢？點解大家唔諗下香港開多左個台，會令TVB少左人睇，少左廣告收入？如果我係TVB老細，就一定唔會比王維基開台。仲有王維基擺明同梁振英打對台，比王維基開到台，梁振英仲有訂企？」
我：「又黎呢句，咁你係咪TVB老細或者梁振英先？」
甲：「我覺得作為市民，係應該要順從政府既意思，唔好下下都反。一味嘈嘈嘈唔會解決到問題既，政府亦唔會因為咁而改變。」
東北發展
甲：「你地啲香港人真係好煩，政府唔起樓，你地鬧，搵地起樓，你地又鬧！」
我：「發展咁大塊地起得果少少樓，其他地用黎做咩？比劏房波cap水？」
甲：「你地淨係想有樓咋嘛，做咩事要燒埋去劏房波果達？我真係好唔中意依家啲後生仔，一出黎就話要買樓，但又唔努力做野，然後走去排公屋，浪費公共資源，仲要賴個政府唔好！我地果一代，咩都係辛辛苦苦捱番黎，人地陳茂波做官既，之前果幾十年都好努力上位，咁辛苦先捱到今日既成就，你地今日就鬧佢劏房波，你地有冇理過佢感受？」
我：「收得呢份人工，唔搞好土地政策，反而走去囤地，玩利益輸送，比人鬧好正常。其實東北發展，你都係受害人之一，點解你可以完全置身事外？」
甲：「幾廿年之後，我都唔係度啦，香港變成點都唔關我事，點解要理？」
佔領中環
甲：「果個戴耀庭，搞咩佔中丫，淨係識得搞亂香港！」
我：「咁人地都係去坐下姐，咪由得佢坐囉，坐完就走，可以有幾亂？」
甲：「總之坐係度要脅大陸就唔岩啦，大陸嬲起上黎，停哂自由行、唔黎香港投資，香港死得！大家永遠都淨係識得諗自己，唔諗下阿爺既點諗。如果我係阿爺，見到香港人咁唔聽話，一定會好失望！」
我：「老老實實，我地就住咁多議題討論過，有邊一次你有當過自己係市民？你為咩每次都要用一個唔屬於自己既身份去思考？」
甲：「我地做市民既，可以做得啲咩去影響政策？阿爺想就就點架啦，你地咁想改變現狀，依家就應該努力讀書，考入政府，努力爬上去改變政府，而唔係有書唔讀，走出黎反政府！」
我：「想改變現狀，唔係依家做野，反而係入政府慢慢爬上去？我真係唔能夠認同。」
佔領旺角
我：「你點睇藍絲帶打示威者事件？」
甲：「黃絲帶阻住條路，得罪人被人打，天經地義！」
我：「但藍絲帶支持警察喎，你認為冇問題？仲有喎，有人影到藍絲帶非禮女仔，警察放人，你點睇？」
甲：「我一早已經唔支持市民上街架啦，佢女仔人家係都要冒呢個險走去旺角，某程度上唔抵幫架喎。同埋，警察搞唔掂班黃絲帶，藍絲帶出手幫佢地，我覺得冇問題。其實點解你地班示威者成日要針對住班警察？人地都係打份工姐，上頭要佢點，佢就要點架啦，警察有開工冇收工已經好慘，你地仲要上網鬧佢地！係咪要香港冇哂警察你地至安心？」
我：「我份人不嬲都對事唔對人既，我只係想了解件事，唔係專登搵警察黎鬧。」
甲：「總之犯法霸住條路就唔岩！比人打係應該！你地班學生冇交過稅就冇資格話政府做得唔好！」
果次之後，我已經再冇EQ同佢討論政事。佢將自己既老態當作成社會常態，唔求進步之餘，仲想拖慢社會既進程，要成個社會同佢一齊封建。佢作為市民，唔用市民既角度去睇野，反而當左自己係政府權貴，更加係我R爆頭都諗唔明既問題。我相信呢類人周街都係，你同身邊都至少有幾個，對住佢地，你只能夠由得佢繼續放棄自己，唔好妄想佢有覺悟既一日，因為就算出面世界變成點，佢都唔會覺得關自己事。佢地成日覺得社會撕裂，其實只不過係佢地將自己由進步社會中撕走，冇得怪人。
|
|
| Re: 撐起雨傘 ( No.158 ) |
日期：2014/10/30 12:34
留言者：真话
 |
反佔中粵曲-俾條路嚟行吓好喎!
為乜我無錢無飯開(改自:帝女花)
白: 好心啦, 唔該俾條路嚟行啦! 你哋有人養唔駛揾食, 我要揾食養屋企人架!
唉為乜我冇錢冇飯開 佔中令我受殘害 一家生計已陷劫災
鋪頭收當要Cum 蓋
哎呀認真惡 我點敢出外 將街霸住似悍賊重覺應該
太瘋狂 任意施行 重將警方執法當垃圾 喝盡倒釆
嘆惜法治已無存無再咯 唉真心痛 這一代
緣何會犯法咁痴呆 不知已遭洗腦被用作棋子遺害
問究竟如何解釋愛架 又話佔中係和平及愛多美麗
今已可睇見 多爭鬥 多虛偽 影響各業靜似鬼
有損 悲香港已頓成劣勢 誠內傷 今番今番的確弊
嘆未知 何來善策 唉何來妙法 可講服佔中呢班塞心肺
確實惡抵 亂語非為 囂張得戚不說道理 求佢無謂
發起動亂祥和無復繼 全城密罩滿陰霾 實怕佔中最終使香港歸西
絕對攪鬼 已明內裡有陰謀 恨那親美分子經收錢施巧計
銳意攪鬼 妒大陸太鋒芒 須知儲心蓄意藉港 去搗亂法規
唉為乜我冇錢冇飯開 佔中累我受殘害 香港經濟會墮血海
勁過沙士要Cum 蓋
哎呀真心痛 這一代 慘遭利用揮偽旗來遺害
太淒涼 佢哋誤了將來 黑手癲覆香港受創 我 沉痛無奈
分享: 看到太多受害人的申訴, 太多佔中人的胡作非為, 甚至連高院禁制令都當冇到,
實在教人心寒和齒冷, 無奈只能藉著歌曲宣洩。 |
|
| Re: 撐起雨傘 ( No.159 ) |
日期：2014/10/30 16:29
留言者：unclechin個老師
|
田氏風波－－撤職以外的中國式政治
程思傳
生活，就是每日努力的寫字。經營網誌《偽文誌》
份屬建制的田北俊早前批評香港已臨達無法管治的局面，而著特首梁振英考慮向中央請辭，因而與政協常委的立場不一，觸動了全國政協常委會的神經，要求為其委員位置表決。結果，一如所料，田北俊終在267票贊成、2票反對和3票下，被撤去全國政協委員的職務。
田大少一句敢言，導致被撤政協委員的資格，意外換來不少支持泛民的市民同情：有人著他繼續良心發言，有人為他正面抽擊梁振英而拍掌，也有人期望他放下公務後，能夠做回一個有血有肉有想法的人。頓時之間，像是與他站在同一陣線。
縱然今次田北俊變成犧牲品，但他的建制不是一日煉成，因著他一次敢言被清算一事而對他釋出過份的善意是不智的，尤是看回最近有關他的新聞，他一直走在建制的路線上──否決泛民提議調查梁振英收取澳洲上市公司五千萬一事，也曾以私人名義捐款三十萬支持警方工作。
不過，這事的焦點不應全然投放於田北俊身上。這不是單單針對他，相反，他只是一個象徵，違反規則，以致被人秋後算帳，這一次是田北俊，下一次也能換上其他人。這時候，倒是應該後退一步，不只留意畫中的主角，而是觀看整幅圖畫，細味其他細節。
在田北俊的政協委員資格未被除去以先，他的自由黨黨友，以至弟弟田北辰都分別就事件發表意見。早就明白何謂政場無真心，大難臨頭各自飛，今日卻是親眼得見──自由黨榮譽主席劉健儀指，田北俊的有關言論只是其個人意見，不代表自由黨的立場。即或田北俊身為自由黨主席，一遇中央不滿，她也立刻割蓆，親弟田北辰也是毫不客氣指摘哥哥不認真走建制派這條路。為了保護自家位置，即使關係如何密切，也不得不立刻劃清界線，以表忠心，免受牽連。他們內鬨，娛樂味甚濃，花生友拍爛手掌，然而一想背後牽涉的千絲萬縷，卻教人心寒。
又，自由黨副主席方剛認為田北俊說錯話，希望中央能對田北俊「從輕發落」，而全國政協常委陳永棋則說政協可批評港府或特首，但必須支持政府和行政長官施政，要求特首下台便不是支持他。這兩個人沒有明明的劃清界線，反而從他們的言論，可呈現政協與委員會的關係。依《中國人民政治協商會議章程》第一章工作守則第二條，「中國人民政治協商會議全國委員會和地方委員會的主要職能是政治協商、民主監督、參政議政。」然而，落在這兩個建制派人士之口，政協委員的工作不盡如此，一個否認政協委員有監督建議的權力，反而要求上面「從輕發落」，就如一個犯了案準備判監的人；一個則說明政協委員不能不支持行政長官，即或不滿也要支持。在他們口中，政協委員有如一堆木偶，只需定時開會，傳達某些信息，不得不支持政府和行政長官施政，若有意見也要硬食，要不就如田北俊般，被人踢走，黯然離開。
以上等人當然可怕，有的割蓆絕交，有的劃清界線，有的落井下石，反正一沉百踩是常識，連投票的結果也是如此誠實，幾乎全部票數都支持撤去他的職務。然而，田北俊被人因言入罪，最終只是表明中國無法大方地對待不同的意見，即或這意見來自已經來自一個建制派，被認可的愛國愛港的人士，而針對的對象只是一個紀錄花得驚人的梁振英，結果也是一樣。
習近平去年曾說「對中國共產黨而言，要容得下尖銳批評，做到有則改之、無則加勉；對黨外人士而言，要敢於講真話，敢於講逆耳之言，真實反映群眾心聲，做到知無不言、言無不盡。」這一次田北俊事件，正如呂秉權所言，是「摑了習近平一巴，令習近平猶如變了毛澤東，重演引蛇出洞的陽謀。」無論如何，這一次的撤職，都是證明中國現在仍未能接受相左的意見，即使提出的人是自家建制人士。
田北俊被撤，本來只是建制內部事宜，對市民影響不大。然而，被撤的理由，卻是對香港人，以至言論自由的一個警號。而，那一場官方式的表決，結果不大重要，重要的卻是牛鬼蛇神，個個現身，讓人完全體解何謂（中國式）政治。讀過這一單新聞，終於明白從前張曉明對泛民所說的金句：「你們能活著，顯示國家的文明和包容。」原來，這句話從來不是恐嚇。 |
|
| Re: 撐起雨傘 ( No.160 ) |
日期：2014/10/31 03:47
留言者：真话
|
”呢兩個食招（security）搞我地啲人喎！依家條氣頂住頂住，快啲吹雞做嘢，搵齊人去掃佢個場！大明（擺明）係爛仔所為 吹咩！”
"搞我地啲人喎！搵齊人去掃佢個場！......"究竟現在誰更似「黑社會」？
又一城保安員只是盡責維持私人商場秩序安全，除了被佔中份子侵犯私隱將其樣貌資料公開外，現在佔中者又在網上瘋傳號召激進份子明晚七點半一齊去又一城“開遮”搞事。
佔中蛻變成路霸之後，已無視一切法庭禁令和法律，現在連私人商場也不放過，再下去，全香港豈不都變成“順佔中者昌，逆佔中者亡”？
明晚，九龍塘又一城，密切留意，「民主暴政」很可能又移師室內上演！
|
|
| Re: 撐起雨傘 ( No.161 ) |
日期：2014/10/31 09:34
留言者：unclechin個老師
|
係囉, 咁黑社會口吻, 一啲都文明, 爛仔所為.............
拉哂呢啲害群之馬去坐監啦....................  |
|
| Re: 撐起雨傘 ( No.162 ) |
日期：2014/10/31 10:04
留言者：raymond
 |
所謂的真話,每天鋪天蓋地不停地講假話, 呢排都索唔少啦? 唔怪得呢排本港 D 就業率高咗咁多啦! |
|
撐起雨傘
